മാനവ​ച​രി​ത്ര​ത്തി​ലെ ഏററവും സുപ്ര​ധാന സംഭവം

¹ തന്റെ പിതാ​വി​ന്റെ നിർദേ​ശ​പ്ര​കാ​രം, നമ്മെ നിത്യ​ജീ​വ​നി​ലേക്കു നയിക്കുന്ന സത്യത്തി​നു സാക്ഷ്യം വഹിക്കാൻ യേശു ഭൂമി​യി​ലേക്കു വന്നു. (യോഹ. 18:37) മരണ​ത്തോ​ള​മു​ളള അവന്റെ വിശ്വ​സ്‌തത യഹോ​വക്കു ബഹുമതി കരേറ​റു​ക​യും ദൈവ​നാ​മത്തെ വിശു​ദ്ധീ​ക​രി​ക്കു​ക​യും ഒരു മറുവില പ്രദാനം ചെയ്യു​ക​യും ചെയ്‌തു. (യോഹ. 17:4, 6) അതാണ്‌ യേശു​വി​ന്റെ മരണത്തെ മുഴു മാനവ​ച​രി​ത്ര​ത്തി​ലേ​ക്കും​വച്ച്‌ ഏററവും സുപ്ര​ധാന സംഭവ​മാ​ക്കി​ത്തീർത്തത്‌.

² ആദാമി​ന്റെ സൃഷ്ടി​മു​തൽ രണ്ടു പൂർണ മനുഷ്യ​രേ ഈ ഭൂമി​യിൽ ജീവി​ച്ചി​രു​ന്നി​ട്ടു​ളളൂ. തന്റെ അജാത സന്തതി​കൾക്ക്‌ മഹനീ​യാ​നു​ഗ്ര​ഹങ്ങൾ കൈവ​രു​ത്താ​വുന്ന ഒരു സ്ഥാനത്താ​യി​രു​ന്നു ആദാം. മറിച്ച്‌, മരണത്തിൽ കലാശി​ക്കുന്ന പരിതാ​പ​ക​ര​മായ അസ്‌തി​ത്വ​ത്തി​ലേക്ക്‌ അവരെ തളളി​യി​ട്ടു​കൊണ്ട്‌ അവൻ സ്വാർഥ​പൂർവം മത്സരിച്ചു. യേശു വന്നപ്പോൾ പരിപൂർണ വിശ്വ​സ്‌ത​ത​യും അനുസ​ര​ണ​വും കാണി​ച്ചു​കൊണ്ട്‌ വിശ്വാ​സം പ്രകട​മാ​ക്കുന്ന സകലർക്കും നിത്യ​ജീ​വന്‌ അവസരം തുറന്നു​കൊ​ടു​ത്തു.—യോഹ. 3:16; റോമ. 5:12.

³ വേറൊ​രു സംഭവ​ത്തെ​യും യേശു​വി​ന്റെ ബലിമ​ര​ണ​ത്തോ​ടു തുലനം ചെയ്യാ​നാ​വില്ല. അത്‌ മാനവ​ച​രി​ത്ര​ത്തി​ന്റെ ഗതി​യെ​ത്തന്നെ മാററി​മ​റി​ച്ചു. അത്‌ ശതകോ​ടി​ക്ക​ണ​ക്കിന്‌ ആളുകളെ മരിച്ച​വ​രിൽനിന്ന്‌ ഉയിർപ്പി​ക്കു​ന്ന​തി​നു​ളള അടിസ്ഥാ​നം പ്രദാ​നം​ചെ​യ്‌തു. അത്‌ ദുഷ്ടത​യ്‌ക്ക്‌ അന്ത്യം വരുത്തു​ക​യും ഭൂമിയെ ഒരു പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ക​യും ചെയ്യുന്ന ഒരു നിത്യ രാജ്യ​ത്തിന്‌ അടിസ്ഥാ​ന​മി​ട്ടു. അത്‌ ഒടുവിൽ സകലമ​നു​ഷ്യ​വർഗ​ത്തെ​യും സകലവി​ധ​ത്തി​ലു​മു​ളള മർദന​ങ്ങ​ളിൽനി​ന്നും അടിമ​ത്ത​ത്തിൽനി​ന്നും മോചി​പ്പി​ക്കും.—സങ്കീ. 37:11; പ്രവൃ. 24:15; റോമ. 8:21, 22.

⁴ വർഷം​തോ​റും തന്റെ മരണത്തി​ന്റെ സ്‌മാ​രകം ആഘോ​ഷി​ക്കു​ന്ന​തി​നു യേശു ശിഷ്യൻമാ​രോട്‌ നിർദേ​ശി​ച്ച​തെ​ന്തു​കൊ​ണ്ടെന്നു വിലമ​തി​ക്കാൻ ഇതെല്ലാം നമ്മെ സഹായി​ക്കു​ന്നു. (ലൂക്കൊ. 22:19) അതിന്റെ പ്രാധാ​ന്യം വിലമ​തി​ച്ചു​കൊണ്ട്‌, ഏപ്രിൽ 14-ാം തീയതി വെളളി​യാഴ്‌ച സൂര്യാ​സ്‌ത​മ​യ​ത്തി​നു​ശേഷം യഹോ​വ​യു​ടെ സാക്ഷി​ക​ളു​ടെ സഭക​ളോ​ടൊ​പ്പം സമ്മേളി​ക്കു​ന്ന​തി​നു നാം നോക്കി​പ്പാർത്തി​രി​ക്കു​ന്നു. അതിനു​മുമ്പ്‌ യേശു​വി​ന്റെ ഭൂമി​യി​ലെ അവസാ​ന​നാ​ളു​ക​ളെ​പ്പ​റ​റി​യും സത്യത്തി​നു​വേ​ണ്ടി​യു​ളള അവന്റെ ധൈര്യ​പൂർവ​ക​മായ നിലപാ​ടി​നെ​ക്കു​റി​ച്ചു​മു​ളള ബൈബിൾ വൃത്താ​ന്തങ്ങൾ ഒരു കുടും​ബ​മെന്ന നിലയിൽ ഒരുമി​ച്ചു വായി​ക്കു​ന്നതു നന്നായി​രി​ക്കും. (നിർദേ​ശി​ച്ചി​രി​ക്കുന്ന ഭാഗങ്ങൾ 1995-ലെ കലണ്ടറിൽ ഏപ്രിൽ 9-14 തീയതി​ക​ളിൽ സൂചി​പ്പി​ച്ചി​ട്ടുണ്ട്‌.) നമ്മുടെ സ്രഷ്ടാ​വി​നോ​ടു ഭക്തി കാട്ടു​ന്ന​തിൽ അവൻ നമുക്കു​വേണ്ടി മാതൃ​ക​വച്ചു. (1 പത്രൊ. 2:21) ഈ സുപ്ര​ധാന കൂടി​വ​ര​വി​നു നമ്മുടെ സുഹൃ​ത്തു​ക്ക​ളെ​യും കുടും​ബാം​ഗ​ങ്ങ​ളെ​യും ബൈബിൾ വിദ്യാർഥി​ക​ളെ​യും താത്‌പ​ര്യ​ക്കാ​രെ​യും ക്ഷണിക്കാൻ നമുക്കു നമ്മാലാ​വു​ന്നതു ചെയ്യാം. അവിടെ നടക്കാൻ പോകു​ന്ന​തി​നെ​പ്പ​റ​റി​യും ചിഹ്നങ്ങ​ളു​ടെ പ്രാധാ​ന്യ​ത്തെ​പ്പ​റ​റി​യും നേര​ത്തെ​തന്നെ വിശദീ​ക​രി​ക്കുക.—1 കൊരി. 11:23-26.

⁵ രാജ്യ​ഹാൾ വെടി​പ്പും വൃത്തി​യും ഉളളതാ​ണെന്ന്‌ ഉറപ്പു​വ​രു​ത്താൻ മൂപ്പൻമാർ മുൻകൂ​ട്ടി​ത്തന്നെ ആസൂ​ത്രണം ചെയ്യണം. ഒരുവൻ ചിഹ്നങ്ങൾ ലഭ്യമാ​കു​ന്ന​തി​നു​ളള ക്രമീ​ക​ര​ണങ്ങൾ നടത്തണം. ചിഹ്നങ്ങൾ വിതരണം ചെയ്യു​ന്നത്‌ സുസം​ഘ​ടി​ത​മായ വിധത്തി​ലാ​യി​രി​ക്കണം. കർത്താ​വി​ന്റെ സന്ധ്യാ​ഭ​ക്ഷ​ണ​ത്തോട്‌ എങ്ങനെ ആദരവു കാണി​ക്കാ​മെ​ന്നതു സംബന്ധി​ച്ചു​ളള സഹായ​ക​ര​മായ നിർദേ​ശങ്ങൾ 1985 ഫെബ്രു​വരി 15-ലെ വീക്ഷാ​ഗോ​പു​ര​ത്തി​ന്റെ (ഇംഗ്ലീഷ്‌) 19-ാം പേജിൽ നൽകി​യി​ട്ടുണ്ട്‌. ആഘോ​ഷ​ത്തി​നു പലദി​വസം മുമ്പും അതേത്തു​ടർന്ന്‌ ഏതാനും ദിവസ​ങ്ങ​ളി​ലും കൂടു​ത​ലായ വയൽസേ​വനം ക്രമീ​ക​രി​ക്കു​ന്നതു സഭയെ സംബന്ധി​ച്ചി​ട​ത്തോ​ളം തികച്ചും ഉചിത​മാ​യി​രി​ക്കും.

⁶ കഴിഞ്ഞ​വർഷം ഈ സുപ്ര​ധാന സംഭവ​ത്തി​ന്റെ ആഘോ​ഷ​ത്തിൽ ലോക​വ്യാ​പ​ക​മാ​യി മൊത്തം 1,22,88,917 പേർ ഹാജരാ​യി. അതു നമ്മുടെ കലണ്ടറി​ലെ ഏററവും സുപ്ര​ധാന ദിനമാ​യ​തു​കൊണ്ട്‌ നാം എല്ലാവ​രും സന്നിഹി​ത​രാ​യി​രി​ക്കണം.