നിത്യ​ജീ​വന്റെ പ്രത്യാശ നൽകുന്ന മരണം ആഘോ​ഷി​ക്കൽ

¹ ആയിര​ത്തി​ത്തൊ​ള​ളാ​യി​രത്തി തൊണ്ണൂ​റ​റി​മൂന്ന്‌ ഏപ്രിൽ 6-ന്‌ സൂര്യാ​സ്‌ത​മ​യ​ശേഷം ജീവന്റെ മുഖ്യ​കാ​ര്യ​സ്ഥന്റെ മരണം നാം ആഘോ​ഷി​ക്കും. (പ്രവൃ. 3:15) നിശ്ചയ​മാ​യും, യേശു​ക്രി​സ്‌തു​വി​ന്റെ ജീവി​ത​ത്തെ​യും മരണ​ത്തെ​യും അനുസ്‌മ​രി​ക്കു​ന്നത്‌ ഏററവും ഉചിത​മാണ്‌. എന്നേക്കും ജീവി​ക്കാ​നു​ളള നമ്മുടെ പ്രത്യാ​ശ​തന്നെ യേശു​വി​ന്റെ ചൊരി​യ​പ്പെട്ട രക്തത്തിൽ നില​കൊ​ള​ളു​ന്നു.

² യഹോ​വ​യു​ടെ ഉദ്ദേശ്യ​ത്തി​ന്റെ പൂർത്തീ​ക​ര​ണ​ത്തിൽ ക്രിസ്‌തു​വി​ന്റെ മരണത്തി​നു​ളള പ്രാധാ​ന്യ​ത്തി​നു സ്‌മാ​രകം അടിവ​ര​യി​ടു​ന്നു. ശതകോ​ടി​കൾ വിശ്വാ​സം പ്രകട​മാ​ക്കാ​നും ഒരു പറുദീ​സാ​ഭൂ​മി​യിൽ എന്നേക്കും ജീവി​ക്കാ​നും സാധ്യ​മാ​ക്കി​ത്തീർത്തു​കൊണ്ട്‌, ആദാമി​ന്റെ സന്തതി​കളെ വീണ്ടെ​ടു​ക്കു​ന്ന​തി​നാ​വ​ശ്യ​മായ പൂർണ്ണ​ത​യു​ളള മാനു​ഷ​ജീ​വൻ നൽകു​ന്നത്‌ ആ ഉദ്ദേശ്യ​ത്തിൽപ്പെ​ടു​ന്നു.—യോഹ. 3:16.

³ സത്യ​ത്തെ​യും ജീവ​നെ​യും സ്‌നേ​ഹി​ക്കുന്ന എല്ലാവ​രും യേശു​വി​ന്റെ കല്‌പ​ന​യോ​ടു​ളള അനുസ​ര​ണ​ത്തിൽ കർത്താ​വി​ന്റെ സന്ധ്യാ​ഭ​ക്ഷണം ആഘോ​ഷി​ക്കാ​നാ​യി നോക്കി​പ്പാർത്തി​രി​ക്കു​ന്നു. (ലൂക്കൊ. 22:19) ക്രിസ്‌തു​വി​ന്റെ മറുവി​ല​യാ​ഗ​മെന്ന കരുത​ലി​നോ​ടു​ളള നമ്മുടെ വിലമ​തി​പ്പു പ്രകട​മാ​ക്കാൻ വ്യക്തി​പ​ര​മാ​യി നമുക്ക്‌ എന്തു​ചെ​യ്യാൻ കഴിയും? ഈ ആഘോ​ഷ​ത്തി​ന്റെ പ്രാധാ​ന്യം തിരി​ച്ച​റി​യു​ന്ന​തിൽ നല്ല സംഘാ​ടനം വളരെ പ്രധാ​ന​മാണ്‌. ഈ പ്രത്യേക സംഭവ​ത്തി​നു​വേണ്ടി നിങ്ങൾ എന്ത്‌ ഒരുക്ക​ങ്ങ​ളാ​ണു ചെയ്യു​ന്നത്‌?

⁴ മുൻകൂ​ട്ടി​യു​ളള ഒരുക്കം ആവശ്യ​മാണ്‌: തീർച്ച​യാ​യും, കുടും​ബ​ത്തി​ലെ ഓരോ അംഗവും ഹാജരാ​യി​രി​ക്കു​ന്നു​വെന്നു നാം ഉറപ്പു​വ​രു​ത്തും. 1993 കലണ്ടറിൽ ഏപ്രിൽ 1-6വരെ കൊടു​ത്തി​രി​ക്കുന്ന ബൈബിൾ ഭാഗങ്ങൾ വായി​ച്ചു​കൊ​ണ്ടും ധ്യാനി​ച്ചു​കൊ​ണ്ടും നാം മാനസ്സി​ക​മാ​യും ഒരുങ്ങണം. ഏപ്രിൽ 6-നു തൊട്ടു​മുമ്പ്‌ നമ്മുടെ വ്യക്തി​പ​ര​വും കുടും​ബ​പ​ര​വു​മായ പഠനത്തിൽ സ്‌മാ​ര​ക​ത്തി​ന്റെ പ്രാധാ​ന്യ​ത്തെ​ക്കു​റി​ച്ചു​ളള വിവരങ്ങൾ ഉൾപ്പെ​ടു​ത്തു​ന്നത്‌ ഉചിത​മാ​യി​രി​ക്കും. ഒരുപക്ഷേ ആദ്യമാ​യി ഹാജരാ​കു​ന്ന​വരെ സ്വാഗതം ചെയ്യാൻ നിങ്ങൾ ഉണ്ടായി​രി​ക്ക​ത്ത​ക്ക​വണ്ണം നേരത്തെ എത്തുന്ന​തി​നും സ്‌മാ​ര​കാ​ഘോ​ഷം കഴിഞ്ഞ്‌ അല്‌പ​സ​മയം തങ്ങുന്ന​തി​നും ആസൂ​ത്രണം ചെയ്യുക.

⁵ നിങ്ങൾക്ക്‌ അറിയാ​വുന്ന താത്‌പ​ര്യ​ക്കാ​രെ​യെ​ല്ലാം സ്‌മാ​ര​ക​ത്തി​നു​മു​മ്പു​ളള ആഴ്‌ച​ക​ളിൽ ഈ ആഘോ​ഷ​ത്തി​നു ക്ഷണിക്കുക. വാർഷി​ക​മാ​യി സഭയി​ലേക്കു ഫാറങ്ങൾ അയയ്‌ക്കുന്ന കൂട്ടത്തിൽ അച്ചടിച്ച ക്ഷണക്കത്തു​ക​ളും ഉൾപ്പെ​ടു​ത്തി​യി​രി​ക്കു​ന്നു. ഇവ ഉപയോ​ഗി​ക്കു​മ്പോൾ, ആഘോഷം നടക്കുന്ന സ്ഥലത്തെ സമയവും വിലാ​സ​വും താത്‌പ​ര്യ​ക്കാ​രായ വ്യക്തി​കളെ അറിയി​ക്കാൻ ഓർമ്മി​ക്കുക. ക്ഷണിക്കാൻ നിങ്ങൾ ആഗ്രഹി​ക്കു​ന്ന​വ​രു​ടെ ഒരു ലിസ്‌ററ്‌ ഉണ്ടാക്കുക. ഹാജരാ​കാൻ ആഗ്രഹി​ക്കുന്ന എല്ലാവർക്കും യാത്രാ​സൗ​ക​ര്യ​മു​ണ്ടോ? ഇല്ലെങ്കിൽ അവരെ സഹായി​ക്കു​ന്ന​തി​നു നിങ്ങൾക്കെന്തു ചെയ്യാൻ കഴിയും? ഉദാഹ​ര​ണ​ത്തിന്‌, നിങ്ങളു​ടെ കാറിൽ കൂടുതൽ സ്ഥലം ഉണ്ടെങ്കിൽ ആർക്കെ​ങ്കി​ലും യാത്രാ​സൗ​ക​ര്യം ആവശ്യ​മാ​ണോ​യെന്നു മൂപ്പൻമാ​രോട്‌ എന്തു​കൊ​ണ്ടു ചോദി​ച്ചു​കൂ​ടാ?

⁶ വർഷത്തി​ലെ അതി​പ്ര​ധാന ആഘോഷം ഇതായി​രി​ക്കു​ന്ന​തു​കൊണ്ട്‌ ഒരു വലിയ ഹാജർ പ്രതീ​ക്ഷി​ക്കു​ന്നു. മൂപ്പൻമാർ മുൻകൂ​ട്ടി​യു​ളള പ്രത്യേക ഒരുക്കങ്ങൾ ചെയ്യേ​ണ്ട​യാ​വ​ശ്യ​മുണ്ട്‌. (1 കൊരി. 14:40) ഏപ്രിൽ 6-ന്‌ ഒരാഴ്‌ച​യോ മറേറാ മുമ്പ്‌, ഈ ആഘോ​ഷ​ത്തിൽ സഹായി​ക്കുന്ന സഹോ​ദ​രൻമാ​രു​മൊ​ത്തു മൂപ്പൻമാർ ഒരു പ്രത്യേക യോഗ​ത്തി​നു ക്രമീ​ക​രണം ചെയ്യും. ഇരിപ്പി​ട​ക്ര​മീ​ക​ര​ണ​ങ്ങ​ളും ചിഹ്നങ്ങൾ എങ്ങനെ കൈമാ​റ​ണ​മെ​ന്ന​തും അവർ മനസ്സി​ലാ​ക്കു​ന്നു​വെന്ന്‌ ഉറപ്പു​വ​രു​ത്തി​ക്കൊ​ണ്ടു​തന്നെ. ഒരു സേവക​നോ വിതര​ണ​ക്കാ​ര​നോ ആയി നിങ്ങളെ ഈ ആഘോ​ഷ​ത്തിൽ നിയമി​ച്ചി​രി​ക്കു​ന്നു​വെ​ങ്കിൽ ഈ കാര്യങ്ങൾ സംബന്ധി​ച്ചു മൂപ്പൻമാ​രു​ടെ നിർദ്ദേ​ശങ്ങൾ അടുത്തു പിൻപ​റ​റാൻ ഉറപ്പു​ള​ള​വ​നാ​യി​രി​ക്കുക. ഏഴാം പേജിലെ ഓർമ്മി​പ്പി​ക്ക​ലു​കൾ പരി​ശോ​ധി​ച്ചു​കൊ​ണ്ടു സേവകർക്കും വിതര​ണ​ക്കാർക്കും ചിഹ്നങ്ങൾക്കും പ്രസം​ഗ​ക​നും വേണ്ടി​യു​ളള എല്ലാ ക്രമീ​ക​ര​ണ​ങ്ങ​ളും മുന്നമേ ഏർപ്പെ​ടു​ത്തി​യി​ട്ടു​ണ്ടെന്നു മൂപ്പൻമാർക്ക്‌ ഉറപ്പു വരുത്താൻ കഴിയും.

⁷ ക്രിസ്‌തു​വി​ന്റെ സഹോ​ദ​രൻമാ​രിൽ ചുരു​ക്കം​പേർ മാത്രമേ ഇന്നു ഭൂമി​യിൽ ശേഷി​ച്ചി​ട്ടു​ളളു. അനതി​വി​ദൂര ഭാവി​യിൽ കർത്താ​വി​ന്റെ സന്ധ്യാ​ഭ​ക്ഷണം അതിന്റെ പൂർത്തീ​ക​ര​ണ​ത്തി​ലേക്കു വന്നിരി​ക്കും. (1 കൊരി. 11:25, 26) അങ്ങനെ ചെയ്യു​ന്നതു നമ്മുടെ പദവി​യാ​യി​രി​ക്കു​ന്നി​ട​ത്തോ​ളം കാലം നിത്യ​ജീ​വന്റെ പ്രത്യാശ നൽകുന്ന മരണം നമുക്ക്‌ ഉചിത​മാ​യി ആഘോ​ഷി​ക്കു​ന്ന​തിൽ തുടരാം.