ദൈവം നൽകുന്ന വർധന​വിൽ സന്തോ​ഷി​ക്കൽ

¹ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ തീക്ഷ്‌ണ​ത​യുള്ള രാജ്യ​പ്ര​സം​ഗ​ക​രാ​യി​രു​ന്നു. ‘സഭകൾ എണ്ണത്തിൽ ദിവസേന പെരുകി’യപ്പോൾ അവർ സന്തോ​ഷി​ച്ചു. (പ്രവൃ. 16:5) വിശ്വാ​സി​ക​ളു​ടെ വലി​യൊ​രു കൊയ്‌ത്തി​നി​ട​യാ​ക്കി​ക്കൊണ്ട്‌, അവരുടെ ധീരമായ പ്രസംഗം ഏഷ്യ, യൂറോപ്പ്‌, ആഫ്രിക്ക എന്നിവി​ട​ങ്ങ​ളി​ലേക്കു വ്യാപി​ച്ചു.

² അന്ത്യനാ​ളു​ക​ളിൽ പ്രസംഗ വേല ‘ഭൂലോ​ക​ത്തിൽ ഒക്കെയും’ എത്തി​ച്ചേ​രു​മെന്ന്‌ യേശു മുൻകൂ​ട്ടി​പ്പ​റഞ്ഞു. (മത്താ. 24:14) 1996 സേവന വർഷത്തിൽ, ഗോള​വ്യാ​പ​ക​മാ​യുള്ള രാജ്യ​ങ്ങ​ളിൽനിന്ന്‌, വിസ്‌മ​യാ​വ​ഹ​മായ വർധന​വി​ന്റെ​യും പുതിയ പ്രസാധക അത്യു​ച്ച​ങ്ങ​ളു​ടെ​യും റിപ്പോർട്ടു​കൾ ഞങ്ങൾക്കു തുടർച്ച​യാ​യി ലഭിച്ചു​കൊ​ണ്ടി​രു​ന്നു. ദ്രുത​ഗ​തി​യി​ലുള്ള ഈ വളർച്ച, നൂറു​ക​ണ​ക്കി​നു പുതിയ രാജ്യ​ഹാ​ളു​ക​ളും സമ്മേള​ന​ഹാ​ളു​ക​ളും നിർമി​ക്കു​ക​യും പല ബ്രാഞ്ച്‌ സൗകര്യ​ങ്ങ​ളും വികസി​പ്പി​ക്കു​ക​യും ചെയ്യേ​ണ്ടത്‌ ആവശ്യ​മാ​ക്കി​ത്തീർത്തു.

³ ആഫ്രി​ക്ക​യിൽ നടക്കുന്ന നിർമാണ പ്രവർത്ത​നങ്ങൾ 1996 ആഗസ്റ്റിലെ നമ്മുടെ രാജ്യ ശുശ്രൂഷ റിപ്പോർട്ടു ചെയ്‌തി​രു​ന്നു. ലാറ്റിൻ അമേരി​ക്ക​യിൽ ഉടനീളം സമാന​മായ പ്രവർത്തനം പുരോ​ഗ​തി​യി​ലാണ്‌. 1996 സേവന വർഷത്തിൽ, മെക്‌സി​ക്കോ 4,70,098 എന്ന ഒരു അതിശ​യ​ക​ര​മായ പ്രസാധക അത്യു​ച്ച​വും ശരാശരി 6,00,751 ബൈബി​ള​ധ്യ​യ​ന​വും റിപ്പോർട്ടു ചെയ്‌തു, ഇതാകട്ടെ 466 പുതിയ സഭകളു​ടെ രൂപീ​ക​രണം ആവശ്യ​മാ​ക്കു​ക​യും ചെയ്‌തു!

⁴ കഴിഞ്ഞ വർഷം ഇന്ത്യയിൽ 25 സഭകൾകൂ​ടി രൂപീ​കൃ​ത​മാ​യി. അങ്ങനെ, സഭകളു​ടെ​യും ഒറ്റപ്പെട്ട ഗ്രൂപ്പു​ക​ളു​ടെ​യും മൊത്തം എണ്ണം 531 ആയി. 16,615 ആളുകൾ തങ്ങളുടെ പ്രവർത്തനം റിപ്പോർട്ടു ചെയ്‌തു​കൊണ്ട്‌, ആഗസ്റ്റിൽ തുടർച്ച​യായ 24-ാമത്തെ അത്യു​ച്ച​ത്തിൽ എത്തി​ച്ചേർന്ന​തിൽ നാം സന്തോ​ഷി​ച്ചു. ഇത്‌ കഴിഞ്ഞ വർഷത്തെ ഏഴു ശതമാനം വർധന​വിൽ കലാശി​ച്ചു. ഇന്ത്യയിൽ സാക്ഷി​കൾക്കു സ്വന്തമാ​യി 170 രാജ്യ​ഹാ​ളു​കൾ ഉണ്ടെങ്കി​ലും, ഈ ദ്രുത​ഗ​തി​യി​ലുള്ള വർധനവു പുതിയ രാജ്യ​ഹാ​ളു​കൾ നിർമി​ക്കേ​ണ്ട​തും—21 നിർമാണ പദ്ധതികൾ ഇപ്പോൾ പുരോ​ഗ​മ​ന​ത്തി​ലാണ്‌—അതു​പോ​ലെ​തന്നെ നമ്മുടെ ബ്രാഞ്ച്‌ നിർമാണ പദ്ധതിയെ ലക്ഷ്യമാ​ക്കി മുന്നോ​ട്ടു പോ​കേ​ണ്ട​തും ആവശ്യ​മാ​ക്കി​ത്തീർക്കു​ന്നു.

⁵ നിർമാണ ചെലവു​കൾ ഉയർന്ന​താ​ണെ​ങ്കി​ലും ഒട്ടേറെ രാജ്യ​ഹാ​ളു​കൾകൂ​ടി നിർമി​ക്കേണ്ട ആവശ്യ​മുണ്ട്‌. നിങ്ങളു​ടെ യോഗ​സ്ഥ​ല​ത്തുള്ള, ‘നിർമാണ നിധി’ എന്ന്‌ അടയാ​ള​പ്പെ​ടു​ത്തി​യി​രി​ക്കുന്ന പെട്ടി​യിൽ നിങ്ങൾ നിക്ഷേ​പി​ക്കുന്ന സംഭാ​വ​ന​ക​ളാൽ പ്രദാനം ചെയ്യ​പ്പെ​ടുന്ന ദേശീയ രാജ്യ​ഹാൾ നിധി​യാണ്‌ മിക്ക​പ്പോ​ഴും അത്തരം പദ്ധതി​കൾക്കുള്ള സഹായം നൽകു​ന്നത്‌. ഈ നിർമാണ ചെലവു​കൾക്കു സംഭാവന ചെയ്യാ​നുള്ള നമ്മുടെ മനസ്സൊ​രു​ക്കം, നൽകു​ന്ന​തിൽനി​ന്നു ലഭിക്കുന്ന സന്തുഷ്ടി​യും യഹോവ നൽകുന്ന വർധനവു കാണു​ന്ന​തിൽനി​ന്നു ലഭിക്കുന്ന സന്തോ​ഷ​വും അനുഭ​വി​ക്കു​ന്ന​തിൽ കലാശി​ക്കു​ന്നു!—പ്രവൃ. 20:35.

പരഗ്വെ ബ്രാഞ്ച്‌

ഇക്വഡോർ ബ്രാഞ്ച്‌

മെക്‌സിക്കോയിൽ നിർമാ​ണ​ത്തി​ലി​രി​ക്കുന്ന കൂടു​ത​ലായ ബ്രാഞ്ച്‌ സൗകര്യ​ങ്ങൾ

ഡൊമിനിക്കൻ റിപ്പബ്ലിക്ക്‌ ബ്രാഞ്ച്‌

ബ്രസീൽ ബ്രാഞ്ചും അതിന്റെ കൂടു​ത​ലായ സൗകര്യ​ങ്ങ​ളും

നിർമാണത്തിലിരിക്കുന്ന ഉറുഗ്വെ ബ്രാഞ്ച്‌

1

2

3

4

5

6

7

8

9

ലാറ്റിൻ അമേരി​ക്ക​യി​ലുള്ള ചെലവു​കു​റഞ്ഞ സാധാരണ രാജ്യ​ഹാ​ളു​കൾ

1. ബ്രസീൽ

2. നിക്കരാ​ഗ്വ

3. ചിലി

4. കൊളം​ബി​യ

5. മെക്‌സി​ക്കോ

6. ബ്രസീൽ

7. പെറു

8. വെനെ​സ്വേ​ല

9. മെക്‌സി​ക്കോ