സ്‌മാ​രകം—ഒരു സുപ്ര​ധാന സംഭവം!

¹ മാർച്ച്‌ 23 ഞായറാഴ്‌ച സൂര്യാ​സ്‌തമയ ശേഷം നാം യേശു​വി​ന്റെ മരണത്തി​ന്റെ സ്‌മാ​രകം ആഘോ​ഷി​ക്കും. (ലൂക്കൊ. 22:19) തീർച്ച​യാ​യും ഇത്‌ ഒരു സുപ്ര​ധാന സംഭവ​മാണ്‌! കഠിന​മായ സമ്മർദ​ത്തിൻ കീഴി​ലും പൂർണ​മായ ദൈവിക ഭക്തി നിലനിർത്തു​ന്നത്‌ ഒരു മനുഷ്യ​നെ സംബന്ധി​ച്ചി​ട​ത്തോ​ളം സാധ്യ​മാ​ണെന്ന്‌, യഹോ​വ​യോ​ടുള്ള തന്റെ നിർമലത മരണം​വരെ കാത്തു​സൂ​ക്ഷി​ച്ചു​കൊണ്ട്‌ യേശു തെളി​യി​ച്ചു. അങ്ങനെ അവൻ യഹോ​വ​യു​ടെ പരമാ​ധി​കാ​ര​ത്തി​ന്റെ ഔചി​ത്യ​ത്തെ ഉയർത്തി​പ്പി​ടി​ച്ചു. (എബ്രാ. 5:8) അതിനു​പു​റമേ, വിശ്വാ​സ​മർപ്പി​ക്കു​ന്ന​വർക്കു നിത്യ​മായ ജീവിതം സാധ്യ​മാ​ക്കി​ക്കൊണ്ട്‌, ക്രിസ്‌തു​വി​ന്റെ മരണം മനുഷ്യ​വർഗ​ത്തി​നു മറുവി​ല​യാ​യി ഉതകു​മാ​യി​രുന്ന പൂർണ മാനുഷ ബലി പ്രദാനം ചെയ്‌തു. (യോഹ. 3:16) സ്‌മാ​ര​ക​ത്തി​നു സന്നിഹി​ത​രാ​യി​രി​ക്കു​ന്ന​തി​നാൽ, നമ്മോ​ടുള്ള യഹോ​വ​യു​ടെ സ്‌നേ​ഹ​ത്തോ​ടും യേശു​വി​ന്റെ യാഗ​ത്തോ​ടു​മുള്ള ഹൃദയം​ഗ​മ​മായ വിലമ​തി​പ്പു നമുക്കു പ്രകടി​പ്പി​ക്കാൻ കഴിയും.

² യഹോ​വ​യു​ടെ സാക്ഷി​ക​ളു​ടെ കലണ്ടർ—1997-ൽ കൊടു​ത്തി​രി​ക്കുന്ന പ്രകാരം, മാർച്ച്‌ 18-23 പട്ടിക​പ്പെ​ടു​ത്തി​യി​രി​ക്കുന്ന ബൈബിൾ വായനാ പരിപാ​ടി പിൻപ​റ്റാൻ എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു. കൂടാതെ, ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യൻ പുസ്‌ത​ക​ത്തി​ന്റെ 112-16 അധ്യാ​യ​ങ്ങ​ളു​ടെ ഒരു കുടുംബ ചർച്ച, മനുഷ്യ​വർഗ​ത്തി​ന്റെ ചരി​ത്ര​ത്തി​ലെ ഏറ്റവും പ്രധാ​ന​പ്പെട്ട ആഴ്‌ച​യിൽ നമ്മുടെ ശ്രദ്ധ​കേ​ന്ദ്രീ​ക​രി​ക്കാൻ സഹായി​ക്കും.

³ വയൽശു​ശ്രൂ​ഷ​യിൽ നിങ്ങൾ ചെലവ​ഴി​ക്കുന്ന സമയം സ്‌മാരക കാലത്തു നിങ്ങൾക്കു വർധി​പ്പി​ക്കാ​നാ​കു​മോ? സഹായ പയനി​യർമാ​രാ​യി സേവി​ച്ചു​കൊണ്ട്‌ അനേകം പ്രസാ​ധകർ മാർച്ചി​ലെ അഞ്ചു വാരാ​ന്ത്യ​ങ്ങളെ പൂർണ​മാ​യി പ്രയോ​ജ​ന​പ്പെ​ടു​ത്തും. നിങ്ങൾക്കും അവരി​ലൊ​രാ​ളാ​യി​രു​ന്നു​കൂ​ടേ? സ്‌മാ​ര​ക​ത്തി​നു ഹാജരാ​കു​ന്ന​തി​ന്റെ പ്രാധാ​ന്യ​ത്തിന്‌ ഊന്നൽ നൽകു​ന്ന​തിൽ നമു​ക്കെ​ല്ലാ​വർക്കും പൂർണ​മായ പങ്കുണ്ടാ​യി​രി​ക്കാൻ കഴിയും. അതു ഞായറാ​ഴ്‌ച​യാ​യ​തി​നാൽ ഹാജരാ​കു​ന്നത്‌ അനേകർക്കും എളുപ്പ​മാ​യി​രി​ക്കും. നമ്മോ​ടൊ​പ്പം ചേരാൻ എല്ലാ ബൈബിൾ വിദ്യാർഥി​ക​ളെ​യും മറ്റു താത്‌പ​ര്യ​ക്കാ​രെ​യും ക്ഷണിക്കാൻ ഉറപ്പു​ള്ള​വ​രാ​യി​രി​ക്കുക. വിശേ​ഷാൽ ആചരി​ക്കേണ്ട, വർഷത്തി​ലെ ഏക ദിന​ത്തെ​ക്കു​റി​ച്ചു പരിജ്ഞാ​നം പുസ്‌ത​ക​ത്തി​ന്റെ 127-ാം പേജിലെ 18-ാം ഖണ്ഡിക​യിൽ പ്രസ്‌താ​വി​ച്ചി​രി​ക്കുന്ന വിവരം അവരോ​ടൊ​പ്പം പങ്കു​വെ​ക്കുക.

⁴ യേശു​വി​ന്റെ മരണം നമുക്കു​വേണ്ടി അർഥമാ​ക്കുന്ന എല്ലാറ്റി​നോ​ടു​മുള്ള ആഴമായ വിലമ​തി​പ്പോ​ടെ 1997-ലെ ഈ ഏറ്റവും വലിയ സംഭവത്തെ സമീപി​ക്കുക. മാർച്ച്‌ 23 വൈകു​ന്നേരം എല്ലായി​ട​ത്തു​മുള്ള സത്യ​ക്രി​സ്‌ത്യാ​നി​കൾ വിശ്വ​സ്‌ത​ത​യോ​ടെ സ്‌മാ​രകം ആചരി​ക്കു​മ്പോൾ അവിടെ ഹാജരാ​യി​രി​ക്കുക.