ലളിത​മായ അവതരണം ഫലപ്രദം

¹ രാജ്യസന്ദേശം പങ്കു​വെ​ക്കു​മ്പോൾ യുവ​പ്ര​സാ​ധ​കർക്ക്‌ മിക്ക​പ്പോ​ഴും ആളുക​ളു​ടെ ശ്രദ്ധ പിടി​ച്ചു​നി​റു​ത്താൻ കഴിയു​ന്നത്‌ എന്തു​കൊ​ണ്ടാണ്‌? അവരുടെ അവതരണം ലളിത​മാണ്‌ എന്നതാണ്‌ ഒരു കാരണം. ചില പ്രസാ​ധകർ വിചാ​രി​ക്കു​ന്നത്‌ ഫലപ്ര​ദ​മാ​യി സാക്ഷീ​ക​രി​ക്ക​ണ​മെ​ങ്കിൽ വാചാ​ല​ത​യോ​ടെ വിവരങ്ങൾ അവതരി​പ്പി​ക്ക​ണ​മെ​ന്നാണ്‌. എന്നിരു​ന്നാ​ലും, ലളിത​വും വ്യക്തവു​മായ അവതരണം ഏറ്റവും ഫലം ചെയ്യു​ന്നു​വെന്ന്‌ അനുഭ​വങ്ങൾ കാണി​ക്കു​ന്നു.

² യേശു ദൈവ​രാ​ജ്യം പ്രസം​ഗി​ച്ചത്‌ ലളിത​വും വളച്ചു​കെ​ട്ടി​ല്ലാ​ത്ത​തു​മായ രീതി​യി​ലാണ്‌. അപ്രകാ​രം ചെയ്യാൻ അവൻ ശിഷ്യ​ന്മാ​രെ പരിശീ​ലി​പ്പി​ക്കു​ക​യും ചെയ്‌തു. (മത്താ. 4:17; 10:5-7; ലൂക്കൊ. 10:1, 9) ശ്രോ​താ​ക്ക​ളു​ടെ ശ്രദ്ധ പിടി​ച്ചു​പ​റ്റാ​നും അവരുടെ ഹൃദയ​ങ്ങ​ളി​ലേക്ക്‌ ഇറങ്ങി​ച്ചെ​ല്ലാ​നും അവൻ ലളിത​മായ മുഖവു​രകൾ, ചോദ്യ​ങ്ങൾ, ഉപമകൾ എന്നിവ​യൊ​ക്കെ ഉപയോ​ഗി​ച്ചു. (യോഹ. 4:7-14) യേശു​വി​ന്റെ മാതൃക അനുക​രി​ച്ചു​കൊണ്ട്‌ എളുപ്പ​ത്തിൽ മനസ്സി​ലാ​ക്കാൻ കഴിയുന്ന അവതര​ണങ്ങൾ നമുക്കും ഉപയോ​ഗി​ക്കാ​വു​ന്ന​താണ്‌.

³ നമുക്കു പ്രസം​ഗി​ക്കാ​നു​ള്ളത്‌ ‘രാജ്യ​ത്തി​ന്റെ സുവാർത്ത’ ആണ്‌. (മത്താ. 24:14) ദൈവ​രാ​ജ്യ​ത്തെ അടിസ്ഥാന വിഷയ​മാ​യി ഉപയോ​ഗി​ക്കു​ന്നത്‌ നിങ്ങളു​ടെ അവതരണം ലളിത​മാ​ക്കാൻ സഹായി​ക്കും. ശ്രോ​താ​ക്കളെ ബാധി​ക്കുന്ന കാര്യ​ങ്ങ​ളെ​ക്കു​റി​ച്ചു സംസാ​രി​ക്കുക. സ്‌ത്രീ​കളെ സംബന്ധി​ച്ചി​ട​ത്തോ​ളം രാഷ്‌ട്രീയ വിഷയ​ങ്ങ​ളെ​ക്കാൾ താത്‌പ​ര്യം കുടുംബ കാര്യ​ങ്ങ​ളിൽ ആയിരി​ക്കും. ഒരു പിതാ​വി​നാ​ണെ​ങ്കിൽ തന്റെ തൊഴി​ലി​നോ​ടും കുടുംബ സുരക്ഷി​ത​ത്വ​ത്തോ​ടും ബന്ധപ്പെട്ട കാര്യ​ങ്ങ​ളി​ലാ​യി​രി​ക്കും താത്‌പ​ര്യം. യുവജ​നങ്ങൾ ഭാവി​യെ​ക്കു​റി​ച്ചും പ്രായം ചെന്നവർ മെച്ചപ്പെട്ട ആരോ​ഗ്യ​ത്തെ​യും സുരക്ഷി​ത​ത്വ​ത്തെ​യും കുറി​ച്ചും ആയിരി​ക്കും ഏറെ താത്‌പ​ര്യം കാട്ടുക. വിദൂ​ര​ദേ​ശ​ങ്ങ​ളി​ലെ സംഭവ​ങ്ങ​ളെ​ക്കാൾ പ്രാ​ദേ​ശിക സംഭവ​ങ്ങ​ളി​ലാണ്‌ ആളുകൾക്കു കൂടുതൽ താത്‌പ​ര്യം. പൊതു താത്‌പ​ര്യ​മുള്ള കാര്യ​ങ്ങ​ളെ​ക്കു​റിച്ച്‌ സംസാ​രി​ച്ച​ശേഷം, അനുസ​ര​ണ​മുള്ള മനുഷ്യ​വർഗം ദൈവ​രാ​ജ്യ​ഭ​ര​ണ​ത്തിൻ കീഴിൽ ആസ്വദി​ക്കാ​നി​രി​ക്കുന്ന അനു​ഗ്ര​ഹ​ങ്ങ​ളി​ലേക്ക്‌ അവരുടെ ശ്രദ്ധ തിരി​ക്കുക. ശ്രദ്ധാ​പൂർവം തിര​ഞ്ഞെ​ടുത്ത ലളിത​മായ ഏതാനും വാക്കുകൾ ഉപയോ​ഗിച്ച്‌ ഒരു തിരു​വെ​ഴുത്ത്‌ അവതരി​പ്പി​ക്കുക എന്നതാണ്‌ ശ്രോ​താ​വി​ന്റെ താത്‌പ​ര്യം ഉണർത്താ​നുള്ള ഏറ്റവും ഫലപ്ര​ദ​മായ മാർഗം.

⁴ ഇങ്ങനെ പറഞ്ഞു​കൊണ്ട്‌ നിങ്ങൾക്കു സംഭാ​ഷണം ആരംഭി​ക്കാ​വു​ന്ന​താണ്‌:

▪ “സുഖ​പ്പെ​ടു​ത്താ​നാ​വാത്ത അനേകം രോഗങ്ങൾ മനുഷ്യ​രെ ബാധി​ച്ചി​രി​ക്കു​ന്നു എന്നതി​നോട്‌ നിങ്ങൾ യോജി​ക്കും എന്നതിനു സംശയ​മില്ല. എന്നാൽ, പെട്ടെ​ന്നു​തന്നെ സകലതരം രോഗ​ങ്ങ​ളെ​യും, മരണ​ത്തെ​പ്പോ​ലും തുടച്ചു​നീ​ക്കു​മെന്ന്‌ ദൈവം വാഗ്‌ദാ​നം ചെയ്‌തി​രി​ക്കു​ന്ന​താ​യി നിങ്ങൾക്ക്‌ അറിയാ​മാ​യി​രു​ന്നോ?” മറുപടി പറയാൻ അനുവ​ദി​ച്ച​ശേഷം വെളി​പ്പാ​ടു 21:3-5എ വായി​ക്കുക.

⁵ വ്യക്തവും ലളിത​വു​മായ അവതര​ണ​ങ്ങ​ളി​ലൂ​ടെ യഹോ​വ​യെ​യും നിത്യ​ജീ​വന്റെ പ്രത്യാ​ശ​യെ​യും കുറിച്ച്‌ പഠിക്കാൻ ആളുകളെ സഹായി​ച്ചു​കൊണ്ട്‌ നിങ്ങളു​ടെ പ്രദേ​ശ​ത്തുള്ള കൂടുതൽ ആളുക​ളു​ടെ മനസ്സി​ലേ​ക്കും ഹൃദയ​ത്തി​ലേ​ക്കും ഇറങ്ങി​ച്ചെ​ല്ലാൻ നിങ്ങൾക്കു കഴിയും.—യോഹ. 17:3.