ചോദ്യ​പ്പെ​ട്ടി

◼ സഭാനി​യ​മ​നങ്ങൾ നാം എങ്ങനെ നിർവ​ഹി​ക്കണം?

യഹോ​വ​യു​ടെ ജനത്തിന്റെ ഒരു സഭയിൽ കാര്യങ്ങൾ ഉചിത​വും ക്രമവു​മാ​യി നടക്കു​ന്നത്‌ കൂട്ടായ ശ്രമത്തി​ന്റെ ഫലമാ​യാണ്‌. (1 കൊരി. 14:33, 40) ഒരു സഭാ​യോ​ഗ​ത്തോട്‌ അനുബ​ന്ധി​ച്ചു​തന്നെ എന്തെല്ലാം കാര്യങ്ങൾ ഉൾപ്പെ​ട്ടി​ട്ടു​ണ്ടെന്നു ചിന്തി​ച്ചു​നോ​ക്കുക. യോഗ​പ​രി​പാ​ടി​കൾക്കു പുറമേ, യോഗ​ത്തി​നു മുമ്പും പിമ്പും വ്യത്യസ്‌ത നിയമ​ന​ങ്ങ​ളോ​ടു ബന്ധപ്പെട്ട്‌ സഹോ​ദ​രങ്ങൾ നിരവധി കാര്യങ്ങൾ ചെയ്യുന്നു. മറ്റുള്ള​വ​രു​ടെ ശ്രദ്ധയിൽപ്പെ​ടാത്ത മറ്റ്‌ ഉത്തരവാ​ദി​ത്വ​ങ്ങ​ളു​മുണ്ട്‌, അവയും പ്രധാ​ന​പ്പെ​ട്ട​വ​യാണ്‌. ഈ ക്രമീ​ക​ര​ണത്തെ നമു​ക്കോ​രോ​രു​ത്തർക്കും എങ്ങനെ പിന്തു​ണ​യ്‌ക്കാം?

നിങ്ങ​ളെ​ത്ത​ന്നെ ലഭ്യമാ​ക്കുക. മനസ്സൊ​രു​ക്ക​മു​ള്ളവർ ധാരാളം കാര്യങ്ങൾ ചെയ്യാ​നു​ണ്ടെന്നു കണ്ടെത്തും. (സങ്കീ. 110:3) രോഗി​ക​ളി​ലും പ്രായം​ചെ​ന്ന​വ​രി​ലും താത്‌പ​ര്യ​മെ​ടു​ക്കുക. രാജ്യ​ഹാൾ ശുചീ​ക​ര​ണ​ത്തിൽ സഹായി​ക്കുക. ആരും പറയാ​തെ​തന്നെ പ്രയോ​ജ​ന​ക​ര​മായ പല കാര്യ​ങ്ങ​ളും നമുക്കു ചെയ്യാൻ കഴിയും. സഹായി​ക്കാ​നുള്ള ആഗ്രഹം ഉണ്ടായി​രി​ക്ക​ണ​മെന്നു മാത്രം.

വിനയ​ത്തോ​ടെ സേവി​ക്കുക. വിനയ​മു​ള്ളവർ മറ്റുള്ള​വരെ സേവി​ക്കു​ന്ന​തിൽ സന്തോ​ഷി​ക്കു​ന്നു. (ലൂക്കൊ. 9:48) ചെയ്യാ​വു​ന്ന​തി​ല​ധി​കം കാര്യങ്ങൾ ഏറ്റെടു​ക്കാ​തി​രി​ക്കാൻ വിനയം നമ്മെ സഹായി​ക്കു​ന്നു. കൂടാതെ, നമ്മുടെ അധികാര പരിധി​ക്ക​പ്പു​റം പോകു​ന്ന​തിൽനി​ന്നും അതു നമ്മെ തടയും.—സദൃ. 11:2, NW.

ആശ്രയ​യോ​ഗ്യ​നാ​യി​രി​ക്കുക. പുരാതന ഇസ്രാ​യേ​ലിൽ, ഉത്തരവാ​ദി​ത്വ സ്ഥാനങ്ങ​ളേൽക്കാൻ ‘സത്യവാ​ന്മാ​രായ’ അഥവാ ആശ്രയ​യോ​ഗ്യ​രായ “പുരു​ഷ​ന്മാ​രെ” തിര​ഞ്ഞെ​ടു​ക്കാൻ മോ​ശെ​യ്‌ക്ക്‌ പ്രോ​ത്സാ​ഹനം ലഭിച്ചു. (പുറ. 18:21) അതേ ഗുണം ഇക്കാല​ത്തും ആവശ്യ​മാണ്‌. ലഭിക്കുന്ന ഏതു നിയമ​ന​വും മനസ്സാ​ക്ഷി​പൂർവം നിറ​വേ​റ്റുക. (ലൂക്കൊ. 16:10) ഒരു നിയമനം നിറ​വേ​റ്റാൻ നിങ്ങൾക്കു സാധി​ക്കു​ന്നി​ല്ലെ​ങ്കിൽ, നിങ്ങളു​ടെ അഭാവ​ത്തിൽ വേറൊ​രാൾ അതു കൈകാ​ര്യം ചെയ്യു​ന്ന​തി​നുള്ള ഉചിത​മായ ക്രമീ​ക​ര​ണങ്ങൾ ചെയ്യ​പ്പെ​ടു​ന്നു​വെന്ന്‌ ഉറപ്പു​വ​രു​ത്തുക.

നിങ്ങളു​ടെ ഏറ്റവും നല്ലതു നൽകുക. ലൗകിക കാര്യ​ങ്ങ​ളിൽപ്പോ​ലും മുഴു മനസ്സോ​ടെ ജോലി ചെയ്യാൻ ക്രിസ്‌ത്യാ​നി​കൾ ഉദ്‌ബോ​ധി​പ്പി​ക്ക​പ്പെ​ട്ടി​രി​ക്കു​ന്നു. (കൊലൊ. 3:22-24) സത്യാ​രാ​ധ​ന​യു​ടെ ഉന്നമനാർഥം വേല ചെയ്യു​മ്പോൾ അപ്രകാ​രം ചെയ്യാൻ കൂടു​ത​ലായ കാരണ​മുണ്ട്‌. ഒരു ജോലി തരംതാ​ഴ്‌ന്ന​തോ അപ്രധാ​ന​മോ ആണെന്നു തോന്നി​യാൽപ്പോ​ലും, നല്ല രീതി​യിൽ ചെയ്‌തു​ക​ഴി​യു​മ്പോൾ അതു സഭയ്‌ക്ക്‌ ഒരു അനു​ഗ്ര​ഹ​മാ​യി​ത്തീ​രു​ന്നു.

ഓരോ നിയമ​ന​വും യഹോ​വ​യോ​ടും നമ്മുടെ സഹോ​ദ​ര​ങ്ങ​ളോ​ടും സ്‌നേഹം പ്രകടി​പ്പി​ക്കാ​നുള്ള അവസരം നമുക്കു പ്രദാനം ചെയ്യുന്നു. (മത്താ. 22:37-39) നമ്മെ ഭരമേൽപ്പി​ച്ചി​രി​ക്കുന്ന ഉത്തരവാ​ദി​ത്വം എന്തായി​രു​ന്നാ​ലും അതു നമുക്കു വിശ്വ​സ്‌ത​ത​യോ​ടെ നിറ​വേ​റ്റാം.