ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

© 2025 Watch Tower Bible and Tract Society of Pennsylvania

സെപ്‌റ്റം​ബർ 1-7

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 29

തിരു​വെ​ഴു​ത്തു​വി​രു​ദ്ധ​മായ വിശ്വാ​സ​ങ്ങ​ളും ആചാര​ങ്ങ​ളും തള്ളിക്ക​ള​യു​ക

w18.02 30 ¶1

സന്തോഷം—ദൈവ​ത്തിൽനി​ന്നുള്ള ഒരു ഗുണം

യഹോ​വയെ സന്തോ​ഷി​പ്പി​ക്കുന്ന പ്രവർത്ത​ന​ങ്ങ​ളിൽ ഊർജ​സ്വ​ല​മാ​യി ഏർപ്പെ​ട്ടു​കൊ​ണ്ടും നിങ്ങളു​ടെ സന്തോഷം ജ്വലി​പ്പി​ക്കാം. (സങ്കീ. 35:27; 112:1) എന്തു​കൊ​ണ്ടാണ്‌ അങ്ങനെ പറയു​ന്നത്‌? കാരണം “മനുഷ്യ​ന്റെ കർത്തവ്യം” “സത്യ​ദൈ​വത്തെ ഭയപ്പെട്ട്‌ ദൈവ​ക​ല്‌പ​നകൾ അനുസ​രി​ക്കുക” എന്നാ​ണെന്നു ബൈബിൾ പറയുന്നു. (സഭാ. 12:13) മറ്റു വാക്കു​ക​ളിൽ പറഞ്ഞാൽ നമ്മളെ രൂപകൽപ്പന ചെയ്‌തി​രി​ക്കു​ന്നതു ദൈവ​ത്തി​ന്റെ ഇഷ്ടം ചെയ്യാ​നാണ്‌. അതു​കൊണ്ട്‌ യഹോ​വയെ സേവി​ക്കു​മ്പോ​ഴാ​ണു നമ്മൾ ജീവിതം ഏറ്റവും നന്നായി ആസ്വദി​ക്കു​ന്നത്‌.

w19.04 17 ¶13

മരണ​ത്തെ​ക്കു​റി​ച്ചുള്ള സത്യം അറിഞ്ഞ നമ്മൾ എന്തു ചെയ്യണം?

¹³ ഒരു ആചാര​ത്തെ​യോ സമ്പ്രദാ​യ​ത്തെ​യോ കുറിച്ച്‌ സംശയ​മു​ണ്ടെ​ങ്കിൽ ദൈവി​ക​ജ്ഞാ​നം തരാനാ​യി യഹോ​വ​യോ​ടു പ്രാർഥി​ക്കുക. (യാക്കോബ്‌ 1:5 വായി​ക്കുക.) അതിനു ശേഷം, നമ്മുടെ പ്രസി​ദ്ധീ​ക​ര​ണങ്ങൾ ഉപയോ​ഗിച്ച്‌ ഗവേഷണം ചെയ്യുക. ആവശ്യ​മെ​ങ്കിൽ സഭയിലെ മൂപ്പന്മാ​രു​മാ​യി സംസാ​രി​ക്കുക. നിങ്ങൾ എന്തു ചെയ്യണ​മെന്ന്‌ അവർ പറഞ്ഞു​ത​രില്ല. എന്നാൽ നിങ്ങളു​ടെ സാഹച​ര്യ​വു​മാ​യി ബന്ധപ്പെട്ട ബൈബിൾത​ത്ത്വ​ങ്ങൾ അവർ ചൂണ്ടി​ക്കാ​ണി​ക്കും. ഇങ്ങനെ​യെ​ല്ലാം ചെയ്യു​മ്പോൾ നിങ്ങൾ ‘വിവേ​ച​നാ​പ്രാ​പ്‌തി​യെ’ പരിശീ​ലി​പ്പി​ക്കു​ക​യാണ്‌. ‘ശരിയും തെറ്റും വേർതി​രി​ച്ച​റി​യാൻ’ ഈ പ്രാപ്‌തി നിങ്ങളെ സഹായി​ക്കും.—എബ്രാ. 5:14.

w18.11 11 ¶12

“ഞാൻ അങ്ങയുടെ സത്യത്തിൽ നടക്കും”

¹² തിരു​വെ​ഴു​ത്തു​വി​രു​ദ്ധ​മായ ആചാര​ങ്ങ​ളും രീതി​ക​ളും. വിശ്വാ​സ​ത്തി​ലി​ല്ലാത്ത കുടും​ബാം​ഗ​ങ്ങ​ളും സഹജോ​ലി​ക്കാ​രും സഹപാ​ഠി​ക​ളും ഒക്കെ അവരുടെ ആഘോ​ഷ​ങ്ങ​ളിൽ പങ്കെടു​ക്കാൻ നമ്മളെ ക്ഷണിക്കാ​റുണ്ട്‌. യഹോ​വ​യ്‌ക്കു മഹത്ത്വം കൊടു​ക്കാത്ത ആചാര​ങ്ങ​ളി​ലും വിശേ​ഷ​ദി​വ​സ​ങ്ങ​ളി​ലും പങ്കെടു​ക്കാ​നുള്ള സമ്മർദം എങ്ങനെ ചെറു​ത്തു​നിൽക്കാം? വിശേ​ഷ​ദി​വ​സ​ങ്ങ​ളെ​പ്പ​റ്റി​യുള്ള യഹോ​വ​യു​ടെ കാഴ്‌ച​പ്പാട്‌ എപ്പോ​ഴും നമ്മുടെ മനസ്സി​ലു​ണ്ടാ​യി​രി​ക്കണം. അത്തരം ആഘോ​ഷ​ങ്ങ​ളു​ടെ ഉത്ഭവ​ത്തെ​പ്പറ്റി നമ്മുടെ പ്രസി​ദ്ധീ​ക​ര​ണ​ങ്ങ​ളിൽ വന്ന വിവരങ്ങൾ വായി​ക്കുക. ഇതു​പോ​ലുള്ള ആഘോ​ഷ​ങ്ങ​ളിൽ പങ്കെടു​ക്ക​രു​താ​ത്തത്‌ എന്തു​കൊ​ണ്ടാണ്‌ എന്നതിന്റെ തിരു​വെ​ഴു​ത്തു​കാ​ര​ണങ്ങൾ ഓർമി​ക്കു​ന്നെ​ങ്കിൽ “കർത്താ​വി​നു സ്വീകാ​ര്യ​മായ” വിധത്തി​ലാ​ണു നടക്കു​ന്ന​തെന്നു നമുക്ക്‌ ഉറപ്പു വരുത്താ​നാ​കും. (എഫെ. 5:10) യഹോ​വ​യി​ലും യഹോ​വ​യു​ടെ വചനത്തി​ലും വിശ്വ​സി​ക്കു​ന്നെ​ങ്കിൽ നമ്മൾ ഒരിക്ക​ലും ‘മനുഷ്യ​രെ പേടി​ക്കില്ല.’ —സുഭാ. 29:25.

ആത്മീയരത്നങ്ങൾ

it “മുഖസ്‌തുതി” ¶1

മുഖസ്‌തു​തി

ഒരാൾ മറ്റൊ​രാ​ളെ അമിത​മാ​യോ ആത്മാർഥ​ത​യി​ല്ലാ​തെ​യോ പുകഴ്‌ത്തി​പ്പ​റ​യു​ന്ന​താ​ണു മുഖസ്‌തു​തി. ആരെക്കു​റി​ച്ചാ​ണോ മുഖസ്‌തു​തി പറയു​ന്നത്‌ അവർ, തങ്ങൾ യഥാർഥ​ത്തിൽ ഉള്ളതി​നെ​ക്കാൾ പ്രധാ​ന​പ്പെ​ട്ട​വ​രാ​ണെന്നു ചിന്തി​ക്കാൻ ഇടയാ​കും. ഇത്‌ മോശം തീരു​മാ​ന​ങ്ങ​ളെ​ടു​ക്കു​ന്ന​തി​ലേക്ക്‌ അവരെ നയി​ച്ചേ​ക്കാം. അങ്ങനെ അവർ അഹങ്കാ​രി​ക​ളോ സ്വന്തം കാര്യം​മാ​ത്രം നോക്കു​ന്ന​വ​രോ ആയിത്തീർന്നേ​ക്കാം. അത്‌ പിന്നീട്‌ അവർക്കു​തന്നെ ദോഷം ചെയ്യും. മറ്റേ വ്യക്തി​യിൽനിന്ന്‌ പ്രീതി നേടാ​നോ അല്ലെങ്കിൽ എന്തെങ്കി​ലും ഭൗതി​ക​നേ​ട്ട​ങ്ങൾക്കു​വേ​ണ്ടി​യോ ആയിരി​ക്കാം ഒരാൾ മുഖസ്‌തു​തി പറയു​ന്നത്‌. അല്ലെങ്കിൽ മറ്റേ വ്യക്തിക്കു തങ്ങളോട്‌ ഒരു കടപ്പാട്‌ തോന്നാ​നാ​യി​രി​ക്കാം. ഇനി മറ്റ കെണി​യിൽ വീഴി​ക്കാ​നാ​യി​രി​ക്കാം ചിലർ മുഖസ്‌തു​തി പറയു​ന്നത്‌. (സുഭാ 29:5) എന്നാൽ ഓർക്കുക, മുഖസ്‌തു​തി പറയു​ന്നത്‌ ഉയരത്തിൽനി​ന്നുള്ള ജ്ഞാനമല്ല. പകരം അത്‌, സ്വാർഥ​ത​യും പക്ഷപാ​ത​വും കാപട്യ​വും നിറഞ്ഞ ഈ ലോക​ത്തിൽനി​ന്നാണ്‌ വരുന്നത്‌. (യാക്ക 3:17) ആത്മാർഥ​ത​യി​ല്ലായ്‌മ, നുണ പറയു​ന്നത്‌, ആളുകളെ അമിത​മാ​യി പുകഴ്‌ത്തു​ന്നത്‌, മറ്റുള്ള​വ​രിൽ ദുരഭി​മാ​ന​മു​ണ്ടാ​ക്കു​ന്നത്‌ ഇതെല്ലാം ദൈവത്തെ അപ്രീ​തി​പ്പെ​ടു​ത്തു​ന്നു.—2കൊ 1:12; ഗല 1:10; എഫ 4:25; കൊലോ 3:9; വെളി 21:8.

സെപ്‌റ്റം​ബർ 8-14

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 30

‘ദാരി​ദ്ര്യ​മോ സമ്പത്തോ തരരുതേ’

w18.01 24-25 ¶10-12

യഥാർഥ​സ​ന്തോ​ഷം കൈവ​രു​ത്തുന്ന സ്‌നേഹം

¹⁰ പണം ആവശ്യ​മി​ല്ലാ​ത്ത​താ​യി ആരാണു​ള്ളത്‌? പണം ഒരളവു​വരെ സംരക്ഷണം തരുന്നുണ്ട്‌. (സഭാ. 7:12) പക്ഷേ, അടിസ്ഥാ​നാ​വ​ശ്യ​ങ്ങൾക്കു​വേണ്ട പണം മാത്ര​മാ​ണു​ള്ള​തെ​ങ്കിൽ ഒരാൾക്കു ശരിക്കും സന്തുഷ്ട​നാ​യി​രി​ക്കാൻ കഴിയു​മോ? തീർച്ച​യാ​യും കഴിയും! (സഭാ​പ്ര​സം​ഗകൻ 5:12 വായി​ക്കുക.) യാക്കെ​യു​ടെ മകനായ ആഗൂർ ഇങ്ങനെ പ്രാർഥി​ച്ചു: “ദാരി​ദ്ര്യ​മോ സമ്പത്തോ തരാതെ എനിക്കു വേണ്ട ആഹാരം മാത്രം തരേണമേ.” അങ്ങേയറ്റം ദാരി​ദ്ര്യം അനുഭ​വി​ക്കാൻ അദ്ദേഹം ആഗ്രഹി​ക്കാ​ത്ത​തി​ന്റെ കാരണം നമു​ക്കെ​ല്ലാം പെട്ടെന്നു മനസ്സി​ലാ​കും. അദ്ദേഹം​തന്നെ പറയു​ന്ന​തു​പോ​ലെ, മോഷ്ടി​ക്കാ​നുള്ള പ്രലോ​ഭനം തോന്നാൻ അദ്ദേഹം ആഗ്രഹി​ച്ചില്ല. കാരണം അതു ദൈവ​ത്തിന്‌ അപമാനം വരുത്തു​മാ​യി​രു​ന്നു. എന്നാൽ സമ്പത്തു തരരുതേ എന്നു പ്രാർഥി​ച്ചത്‌ എന്തു​കൊ​ണ്ടാണ്‌? അദ്ദേഹം എഴുതി: ‘ഞാൻ തൃപ്‌ത​നാ​യിട്ട്‌, “ആരാണ്‌ യഹോവ” എന്നു ചോദിച്ച്‌ അങ്ങയെ തള്ളിപ്പ​റ​യാൻ ഇടവരു​മ​ല്ലോ.’ (സുഭാ. 30:8, 9) ദൈവ​ത്തിൽ ആശ്രയി​ക്കു​ന്ന​തി​നു പകരം സമ്പത്തിൽ ആശ്രയി​ക്കുന്ന പലരെ​യും നിങ്ങൾക്ക്‌ അറിയാ​മാ​യി​രി​ക്കും.

¹¹ പണസ്‌നേ​ഹി​കൾക്കു ദൈവത്തെ പ്രസാ​ദി​പ്പി​ക്കാൻ കഴിയില്ല. യേശു ഇങ്ങനെ പറഞ്ഞു: “രണ്ട്‌ യജമാ​ന​ന്മാ​രെ സേവി​ക്കാൻ ആർക്കും കഴിയില്ല. ഒന്നുകിൽ അയാൾ ഒന്നാമനെ വെറുത്ത്‌ മറ്റേ യജമാ​നനെ സ്‌നേ​ഹി​ക്കും. അല്ലെങ്കിൽ ഒന്നാമ​നോ​ടു പറ്റിനിന്ന്‌ മറ്റേ യജമാ​നനെ നിന്ദി​ക്കും. നിങ്ങൾക്ക്‌ ഒരേ സമയം ദൈവ​ത്തെ​യും ധനത്തെ​യും സേവി​ക്കാൻ കഴിയില്ല.” തൊട്ടു മുമ്പ്‌ യേശു ഇങ്ങനെ പറഞ്ഞി​രു​ന്നു: “കീടങ്ങ​ളും തുരു​മ്പും നശിപ്പി​ക്കു​ക​യും കള്ളൻ കയറി മോഷ്ടി​ക്കു​ക​യും ചെയ്യുന്ന ഈ ഭൂമി​യിൽ നിക്ഷേ​പങ്ങൾ സ്വരൂ​പി​ക്കു​ന്നതു മതിയാ​ക്കൂ. പകരം, കീടങ്ങ​ളും തുരു​മ്പും നശിപ്പി​ക്കു​ക​യോ കള്ളൻ കയറി മോഷ്ടി​ക്കു​ക​യോ ചെയ്യാത്ത സ്വർഗ​ത്തിൽ നിക്ഷേ​പങ്ങൾ സ്വരൂ​പി​ക്കൂ.”—മത്താ. 6:19, 20, 24.

¹² ലളിത​മാ​യി ജീവി​ക്കു​ന്നതു പലരെ​യും കൂടുതൽ സന്തുഷ്ട​രാ​ക്കു​ന്നെന്നു മാത്രമല്ല യഹോ​വയെ സേവി​ക്കാൻ അവർക്കു കൂടുതൽ സമയം കിട്ടു​ക​യും ചെയ്യുന്നു. ഐക്യ​നാ​ടു​ക​ളി​ലുള്ള ജാക്ക്‌ സഹോ​ദരൻ തനിക്കു​ണ്ടാ​യി​രുന്ന വലിയ വീടും ബിസി​നെ​സ്സും വിറ്റു. ഭാര്യ​യോ​ടൊ​പ്പം മുൻനി​ര​സേ​വനം ചെയ്യാ​നാണ്‌ അദ്ദേഹം അങ്ങനെ ചെയ്‌തത്‌. അദ്ദേഹം ഓർക്കു​ന്നു: “ഞങ്ങൾക്കു​ണ്ടാ​യി​രുന്ന മനോ​ഹ​ര​മായ വീടും സ്ഥലവും ഒക്കെ ഉപേക്ഷി​ക്കു​ന്നത്‌ അൽപ്പം ബുദ്ധി​മു​ട്ടാ​യി​രു​ന്നു. പക്ഷേ, വർഷങ്ങ​ളാ​യി മിക്കവാ​റും എല്ലാ ദിവസ​വും ജോലി​സ്ഥ​ലത്തെ പ്രശ്‌നങ്ങൾ കാരണം മനസ്സു മടുത്താ​ണു ഞാൻ വീട്ടി​ലെ​ത്തി​യി​രു​ന്നത്‌. മുൻനി​ര​സേ​വി​ക​യായ എന്റെ ഭാര്യ​യാ​കട്ടെ, എപ്പോ​ഴും അങ്ങേയറ്റം സന്തോ​ഷ​വ​തി​യും! അവൾ ഇങ്ങനെ പറയു​മാ​യി​രു​ന്നു, ‘എന്റെ ബോസാണ്‌ ഏറ്റവും നല്ല ബോസ്‌.’ ഞാനും ഇപ്പോൾ മുൻനി​ര​സേ​വനം ചെയ്യു​ക​യാണ്‌. ഞങ്ങൾ രണ്ടു പേരും യഹോ​വ​യ്‌ക്കു​വേണ്ടി പ്രവർത്തി​ക്കു​ന്നു.”

w87 10/1 29 ¶5

യഹോ​വയെ ഭയപ്പെ​ടുക എന്നാൽ നീ സന്തുഷ്ട​നാ​യി​രി​ക്കും

◆ 30:15, 16—ഈ ഉദാഹ​ര​ണ​ങ്ങ​ളു​ടെ കേന്ദ്രാ​ശയം എന്താണ്‌?

അത്യാ​ഗ്ര​ഹ​ത്തി​ന്റെ തൃപ്‌തി​പ്പെ​ടു​ത്താൻ സാദ്ധ്യ​ത​യി​ല്ലാ​യ്‌മയെ ദൃഷ്ടാ​ന്തീ​ക​രി​ക്കു​ന്നു. അട്ടകൾ മതിവ​രാ​തെ രക്തം കുടി​ക്കു​ന്ന​തു​പോ​ലെ അത്യാ​ഗ്ര​ഹി​കൾ എപ്പോ​ഴും കൂടുതൽ പണത്തി​നും അധികാ​ര​ത്തി​നും​വേണ്ടി ആവശ്യ​പ്പെ​ടു​ന്നു. അതു​പോ​ലെ ഷീയോ​ളി​നു ഒരിക്ക​ലും തൃപ്‌തി വരുന്നില്ല. എന്നാൽ മരണത്തി​ന്റെ കൂടുതൽ ഇരകളെ സ്വീക​രി​ക്കാൻ തുറന്നു​കി​ട​ക്കു​ന്നു. ഒരു വന്ധ്യയു​ടെ ഗർഭപാ​ത്രം കുട്ടി​കൾക്കു​വേണ്ടി ‘നിലവി​ളി​ക്കു​ന്നു.’ (ഉല്‌പത്തി 30:1) വരൾച്ച ബാധിച്ച ഭൂമി മഴവെള്ളം കുടി​ക്കു​ക​യും വീണ്ടും വേഗം ഉണങ്ങി​യ​താ​യി പ്രത്യ​ക്ഷ​പ്പെ​ടു​ക​യും ചെയ്യുന്നു. ഒരു അഗ്നിയി​ലേക്കു ഇടുന്ന വസ്‌തു​ക്കൾ ദഹിപ്പി​ക്കു​ക​യും ജ്വാലകൾ നീട്ടി എത്തു​പെ​ടാ​വുന്ന ദഹന വസ്‌തു​ക്കൾ നക്കി​യെ​ടു​ക്കു​ക​യും ചെയ്യുന്നു. അത്യാ​ഗ്ര​ഹി​കളേ സംബന്ധി​ച്ചും അപ്രകാ​രം തന്നെയാണ്‌. എന്നാൽ ദൈവീ​ക​ജ്ഞാ​ന​ത്താൽ വഴിന​ട​ത്ത​പ്പെ​ടു​ന്നവർ അത്തരം സ്വാർത്ഥ​ത​യാൽ അനന്തമാ​യി പ്രേരി​ത​രാ​ക്ക​പ്പെ​ടു​ക​യില്ല.

w12 1/1 10 ¶3

ഉള്ളതു​കൊണ്ട്‌ ജീവി​ക്കാൻ. . .

വാങ്ങു​ന്ന​തി​നു​മുമ്പ്‌ പണം സ്വരു​ക്കൂ​ട്ടുക. പണം സ്വരു​ക്കൂ​ട്ടി സാധനങ്ങൾ വാങ്ങു​ന്നത്‌ ഒരു പഴഞ്ചൻ രീതി​യാ​യി തോന്നി​യേ​ക്കാ​മെ​ങ്കി​ലും അങ്ങനെ ചെയ്യു​ന്ന​താ​യി​രി​ക്കും ജ്ഞാനം. കടങ്ങളും അതി​നോട്‌ അനുബ​ന്ധി​ച്ചുള്ള മറ്റു പ്രശ്‌ന​ങ്ങ​ളും, ഉദാഹ​ര​ണ​ത്തിന്‌ വാങ്ങുന്ന തുകയു​ടെ​മേൽ ചുമത്തുന്ന ഉയർന്ന പലിശ​യും മറ്റും ഒഴിവാ​ക്കാൻ അത്‌ പലരെ​യും സഹായി​ക്കു​ന്നു. ബൈബിൾ ഉറുമ്പി​നെ “ജ്ഞാനമു​ള്ളവ” എന്നാണ്‌ വിളി​ക്കു​ന്നത്‌. കാരണം, അവ “കൊയ്‌ത്തു​കാ​ലത്തു തന്റെ തീൻ” സ്വരു​ക്കൂ​ട്ടി നാളേ​ക്കാ​യി കരുതു​ന്നു.—സദൃശ​വാ​ക്യ​ങ്ങൾ 6:6-8; 30:24, 25.

w24.06 12 ¶18

എന്നും യഹോ​വ​യു​ടെ അതിഥി​യാ​യി​രി​ക്കുക!

¹⁸ നമ്മൾ പണത്തെ സ്‌നേ​ഹി​ക്കു​ന്നു​ണ്ടോ എന്നു സ്വയം വിലയി​രു​ത്തേ​ണ്ടതു പ്രധാ​ന​മാണ്‌. അതിനു നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഞാൻ എപ്പോ​ഴും പണത്തെ​ക്കു​റി​ച്ചും അതു​വെച്ച്‌ എന്തു വാങ്ങി​ക്കാം എന്നതി​നെ​ക്കു​റി​ച്ചും ആണോ ചിന്തി​ക്കു​ന്നത്‌? പണം കടം മേടി​ച്ചിട്ട്‌ അതു തന്നയാൾക്കു വലിയ അത്യാ​വ​ശ്യ​മൊ​ന്നും കാണില്ല എന്നു ചിന്തിച്ച്‌ അതു തിരി​ച്ചു​കൊ​ടു​ക്കാൻ വൈകാ​റു​ണ്ടോ? പണമു​ള്ള​തു​കൊണ്ട്‌ ഞാൻ മറ്റുള്ള​വ​രെ​ക്കാൾ വലിയ ആളാ​ണെന്ന്‌ എനിക്കു തോന്നു​ന്നു​ണ്ടോ? അതേസ​മയം മറ്റുള്ള​വരെ സഹായി​ക്കു​ന്ന​തിൽ പിശു​ക്കു​കാ​ണി​ക്കു​ക​യും ചെയ്യു​ന്നു​ണ്ടോ? ഒരു സഹോ​ദ​രനു പണമു​ണ്ടെന്നു കരുതി അദ്ദേഹ​ത്തിന്‌ യഹോ​വ​യോട്‌ ഉള്ളതി​നെ​ക്കാൾ സ്‌നേഹം പണത്തോ​ടാണ്‌ എന്നു ഞാൻ ചിന്തി​ക്കാ​റു​ണ്ടോ? പാവ​പ്പെ​ട്ട​വ​രെ​ക്കാൾ പണക്കാ​രോ​ടു കൂട്ടു​കൂ​ടാ​നാ​ണോ എനിക്കു കൂടുതൽ ഇഷ്ടം?’ ഈ ചോദ്യ​ങ്ങ​ളെ​ക്കു​റിച്ച്‌ ചിന്തി​ക്കേ​ണ്ടതു പ്രധാ​ന​മാണ്‌. കാരണം, യഹോ​വ​യു​ടെ അതിഥി​യാ​യി​രി​ക്കാ​നുള്ള ക്ഷണം അത്രയ്‌ക്കു വലുതാണ്‌! നമ്മുടെ ജീവിതം പണസ്‌നേ​ഹ​മി​ല്ലാ​ത്ത​താ​യി സൂക്ഷി​ച്ചു​കൊണ്ട്‌ ആ അവസരം നഷ്ടപ്പെ​ടു​ത്തി​ക്ക​ള​യാ​തി​രി​ക്കാൻ നമുക്കു ശ്രമി​ക്കാം. അങ്ങനെ ചെയ്യു​ന്നെ​ങ്കിൽ യഹോവ നമ്മളെ ഒരിക്ക​ലും ഉപേക്ഷി​ക്കില്ല.—എബ്രായർ 13:5 വായി​ക്കുക.

ആത്മീയരത്നങ്ങൾ

w09 4/15 17 ¶11-13

സൃഷ്ടികൾ യഹോ​വ​യു​ടെ ജ്ഞാനം വിളി​ച്ചോ​തു​ന്നു

¹¹ കുഴി​മു​യ​ലിൽനി​ന്നും നമുക്ക്‌ സുപ്ര​ധാ​ന​മായ ചിലതു പഠിക്കാ​നുണ്ട്‌. (സദൃശ​വാ​ക്യ​ങ്ങൾ 30:26 വായി​ക്കുക.) കാഴ്‌ച​യ്‌ക്ക്‌ വലി​യൊ​രു മുയലി​നെ​പ്പോ​ലി​രി​ക്കുന്ന ഇവയ്‌ക്ക്‌ കുറിയ കാലു​ക​ളും വട്ടത്തി​ലുള്ള ചെറിയ ചെവി​ക​ളു​മാ​ണു​ള്ളത്‌. ഇതിന്റെ അപാര​മായ കാഴ്‌ച​ശക്തി ഒരു സംരക്ഷ​ണ​മാ​യി ഉതകുന്നു. പാറ​ക്കെ​ട്ടു​കൾക്കി​ട​യി​ലെ പോതു​ക​ളി​ലും വിള്ളലു​ക​ളി​ലു​മുള്ള ഇവയുടെ വാസം ഇരപി​ടി​യ​ന്മാ​രിൽനിന്ന്‌ രക്ഷപ്പെ​ടാൻ ഇവയെ സഹായി​ക്കു​ന്നു. കൂട്ടമാ​യി ജീവി​ക്കാൻ രൂപകൽപ്പന ചെയ്യ​പ്പെ​ട്ടി​രി​ക്കു​ന്ന​വ​യാണ്‌ ഈ ജീവികൾ. അതും ഇവയ്‌ക്ക്‌ സംരക്ഷണം പ്രദാനം ചെയ്യുന്നു; കൂടാതെ, ശൈത്യ​കാ​ലത്ത്‌ ചൂടും.

¹² കുഴി​മു​യ​ലിൽനിന്ന്‌ നാം എന്തു പഠിക്കു​ന്നു? ഇത്‌ അപകട​ത്തെ​ക്കു​റിച്ച്‌ സദാ ജാഗ്ര​ത​പു​ലർത്തു​ന്നു എന്നതു ശ്രദ്ധേ​യ​മാണ്‌. പ്രാണ​ര​ക്ഷാർഥം പെട്ടെന്ന്‌ ഓടി​യൊ​ളി​ക്കാൻ പറ്റുന്ന​വി​ധ​ത്തിൽ പോതു​ക​ളു​ടെ​യും വിള്ളലു​ക​ളു​ടെ​യും അടുത്തു​തന്നെ കഴിയുന്ന അവ, സൂക്ഷ്‌മ​മായ കാഴ്‌ച​ശക്തി പ്രയോ​ജ​ന​പ്പെ​ടു​ത്തി​ക്കൊണ്ട്‌ ദൂരെ​നി​ന്നു​തന്നെ ഇരപി​ടി​യ​ന്മാ​രു​ടെ സാന്നി​ധ്യം മനസ്സി​ലാ​ക്കു​ന്നു. സമാന​മാ​യി, സാത്താന്റെ ലോക​ത്തിൽ പതിയി​രി​ക്കുന്ന അപകടങ്ങൾ കാണാ​നാ​കും​വി​ധം ആത്മീയ​മാ​യി നാം സദാ ജാഗ്ര​ത​യു​ള്ള​വ​രാ​യി​രി​ക്കണം. അപ്പൊ​സ്‌ത​ല​നായ പത്രൊസ്‌ ക്രിസ്‌ത്യാ​നി​കളെ ഇങ്ങനെ ഉദ്‌ബോ​ധി​പ്പി​ച്ചു: “നിർമ്മ​ദ​രാ​യി​രി​പ്പിൻ; ഉണർന്നി​രി​പ്പിൻ; നിങ്ങളു​ടെ പ്രതി​യോ​ഗി​യായ പിശാചു അലറുന്ന സിംഹം എന്നപോ​ലെ ആരെ വിഴു​ങ്ങേണ്ടു എന്നു തിരഞ്ഞു ചുറ്റി​ന​ട​ക്കു​ന്നു.” (1 പത്രൊ. 5:8) ഭൂമി​യി​ലാ​യി​രു​ന്ന​പ്പോൾ തന്റെ നിർമലത തകർക്കാ​നുള്ള സാത്താന്റെ എല്ലാ തന്ത്രങ്ങൾക്കും എതിരെ യേശു നിതാന്ത ജാഗ്ര​ത​പു​ലർത്തി. (മത്താ. 4:1-11) തന്റെ അനുഗാ​മി​കൾക്കാ​യി എത്ര നല്ല മാതൃ​ക​യാണ്‌ യേശു വെച്ചത്‌!

¹³ ആത്മീയ സംരക്ഷ​ണ​ത്തി​നാ​യി യഹോവ ലഭ്യമാ​ക്കി​യി​രി​ക്കുന്ന കരുത​ലു​കൾ പരമാ​വധി പ്രയോ​ജ​ന​പ്പെ​ടു​ത്തു​ന്നത്‌ ജാഗ്ര​ത​പു​ലർത്താൻ നമ്മെയും സഹായി​ക്കും. ദൈവ​വ​ചനം പഠിക്കു​ന്ന​തി​ലും ക്രിസ്‌തീയ യോഗ​ങ്ങൾക്കു ഹാജരാ​കു​ന്ന​തി​ലും നാം ഒട്ടും അമാന്തം കാണി​ക്ക​രുത്‌. (ലൂക്കൊ. 4:4; എബ്രാ. 10:24, 25) കുഴി​മു​യൽ കൂട്ടമാ​യി വസിക്കു​ന്നത്‌ അവയ്‌ക്ക്‌ ഗുണക​ര​മാ​യി​രി​ക്കു​ന്ന​തു​പോ​ലെ സഹക്രി​സ്‌ത്യാ​നി​ക​ളു​മാ​യുള്ള അടുത്ത സഹവാസം നമുക്കും പ്രയോ​ജനം ചെയ്യും—അത്‌ ‘പരസ്‌പരം പ്രോ​ത്സാ​ഹനം ലഭിക്കാ​നി​ട​യാ​ക്കും.’ (റോമ. 1:12, ന്യൂ ഇൻഡ്യ ബൈബിൾ ഭാഷാ​ന്തരം) യഹോവ നൽകുന്ന സംരക്ഷണം പ്രയോ​ജ​ന​പ്പെ​ടു​ത്തു​ന്നെ​ങ്കിൽ സങ്കീർത്ത​ന​ക്കാ​ര​നായ ദാവീ​ദി​ന്റെ വാക്കു​ക​ളോ​ടു നാമും യോജി​ക്കു​ക​യാ​യി​രി​ക്കും. അവൻ എഴുതി: “യഹോവ എന്റെ ശൈല​വും എന്റെ കോട്ട​യും എന്റെ രക്ഷകനും എന്റെ ദൈവ​വും ഞാൻ ശരണമാ​ക്കുന്ന എന്റെ പാറയും . . . ആകുന്നു.”—സങ്കീ. 18:2.

സെപ്‌റ്റം​ബർ 15-21

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 31

ഒരു അമ്മ സ്‌നേ​ഹ​ത്തോ​ടെ കൊടുത്ത ഉപദേ​ശ​ത്തിൽനി​ന്നുള്ള പാഠങ്ങൾ

w11 7/1 26 ¶7-8

മക്കൾക്ക്‌ സദാചാ​ര​മൂ​ല്യ​ങ്ങൾ പകർന്നു​കൊ​ടു​ക്കാം!

സെക്‌സി​നെ​ക്കു​റി​ച്ചുള്ള ഒരു യഥാർഥ ചിത്രം നൽകുക. ഉൾപ്പെ​ട്ടി​രി​ക്കുന്ന അപകട​ങ്ങ​ളെ​ക്കു​റിച്ച്‌ പറഞ്ഞു​കൊ​ടു​ക്കു​ക​തന്നെ വേണം. (1 കൊരി​ന്ത്യർ 6:18; യാക്കോബ്‌ 1:14, 15) എന്നാൽ, സാത്താൻ ഒരുക്കിയ ഒരു കെണി​യാ​യി​ട്ടല്ല, ദൈവ​ത്തിൽനി​ന്നുള്ള ഒരു ദാനമാ​യി​ട്ടാണ്‌ ബൈബിൾ ലൈം​ഗി​ക​തയെ ചിത്രീ​ക​രി​ക്കു​ന്ന​തെന്ന വസ്‌തുത മനസ്സിൽപ്പി​ടി​ക്കുക. (സദൃശ​വാ​ക്യ​ങ്ങൾ 5:18, 19; ഉത്തമഗീ​തം 1:2) ഈ വിഷയ​ത്തോ​ടു ബന്ധപ്പെട്ട അപകട​ങ്ങൾമാ​ത്രം ശ്രദ്ധയിൽപ്പെ​ടു​ത്തു​ന്നത്‌ കുട്ടി​യു​ടെ മനസ്സിൽ ലൈം​ഗി​കത സംബന്ധിച്ച വികല​മായ, തിരു​വെ​ഴു​ത്തു​പ​ര​മ​ല്ലാത്ത ഒരു വീക്ഷണം രൂപ​പ്പെ​ടാ​നേ ഇടയാക്കൂ. “ലൈം​ഗിക അധാർമി​ക​ത​യു​ടെ അപകട​ങ്ങ​ളെ​ക്കു​റിച്ച്‌ എന്റെ മാതാ​പി​താ​ക്കൾ വാതോ​രാ​തെ പറയു​മാ​യി​രു​ന്നു. അത്‌ ലൈം​ഗി​ക​ത​യെ​ക്കു​റിച്ച്‌ മോശ​മാ​യൊ​രു ചിത്രം എന്റെ മനസ്സിൽ കോറി​യി​ട്ടു,” ഫ്രാൻസിൽനി​ന്നുള്ള കരീന എന്ന യുവതി.

അതു​കൊണ്ട്‌, ലൈം​ഗി​ക​ത​യെ​ക്കു​റിച്ച്‌ ഒരു യഥാർഥ ചിത്രം കുട്ടിക്ക്‌ ലഭിക്കു​ന്നു​വെന്ന്‌ ഉറപ്പു​വ​രു​ത്തുക. മെക്‌സി​ക്കോ​യിൽനി​ന്നുള്ള നാദിയ എന്ന അമ്മ പറയു​ന്നത്‌ ശ്രദ്ധി​ക്കുക: “ലൈം​ഗി​കത സ്വാഭാ​വി​ക​മാണ്‌, യഹോ​വ​യിൽനി​ന്നുള്ള ഒരു ദാനമാണ്‌. എന്നാൽ ദാമ്പത്യ​ത്തി​നു​ള്ളിൽ മാത്രമേ അത്‌ അനുവ​ദി​ക്ക​പ്പെ​ട്ടി​ട്ടു​ള്ളൂ. ലൈം​ഗി​കത നമുക്ക്‌ സന്തോഷം പകരു​മോ ഇല്ലയോ എന്നത്‌ നാം അത്‌ എങ്ങനെ ഉപയോ​ഗി​ക്കു​ന്നു എന്നതിനെ ആശ്രയി​ച്ചി​രി​ക്കും. ഇതൊക്കെ കുട്ടി​കളെ പറഞ്ഞു മനസ്സി​ലാ​ക്കാൻ ഞാൻ എപ്പോ​ഴും ശ്രമി​ക്കാ​റുണ്ട്‌.”

ijwhf ലേഖനം 4 ¶11-13

മദ്യ​ത്തെ​ക്കു​റിച്ച്‌ മക്കളോ​ടു സംസാ​രി​ക്കു​ക

ഈ വിഷയം സംസാ​രി​ക്കാൻ മുൻ​കൈ​യെ​ടു​ക്കുക. ബ്രിട്ട​നി​ലെ മാർക്ക്‌ എന്ന ഒരു പിതാവ്‌ ഇങ്ങനെ പറയുന്നു: “കുട്ടി​കൾക്കു മദ്യ​ത്തെ​ക്കു​റിച്ച്‌ പല സംശയ​ങ്ങ​ളുണ്ട്‌. എട്ടു വയസ്സുള്ള എന്റെ മോ​നോ​ടു മദ്യം കുടി​ക്കു​ന്നതു ശരിയാ​ണോ അല്ലേ എന്നു ഞാൻ ചോദി​ച്ചു. ശാന്തമായ ഒരു ചുറ്റു​പാ​ടിൽ, സംസാ​രി​ക്കു​ന്ന​തി​നി​ടെ​യാണ്‌ ഞാൻ ചോദി​ച്ചത്‌. അങ്ങനെ ചോദി​ച്ച​പ്പോൾ അവന്റെ അഭി​പ്രാ​യം അവൻ തുറന്നു​പ​റഞ്ഞു.”

പല സന്ദർഭ​ങ്ങ​ളിൽ മദ്യ​ത്തെ​ക്കു​റിച്ച്‌ സംസാ​രി​ക്കു​മ്പോൾ കുട്ടിക്ക്‌ അതെക്കു​റിച്ച്‌ ഒരു ആകമാ​ന​ചി​ത്രം ലഭിക്കും. റോഡ്‌ സുരക്ഷ​യും ലൈം​ഗി​ക​ത​യും പോലെ കുട്ടികൾ ജീവി​ത​ത്തിൽ അറിഞ്ഞി​രി​ക്കേണ്ട കാര്യ​ങ്ങ​ളെ​പ്പറ്റി പഠിപ്പി​ക്കു​ന്ന​തി​ന്റെ കൂടെ അവരുടെ പ്രായ​ത്തി​ന​നു​സ​രിച്ച്‌ മദ്യ​ത്തെ​ക്കു​റി​ച്ചും സംസാ​രി​ക്കുക.

മാതൃക വെക്കുക. കുട്ടികൾ സ്‌പോ​ഞ്ചു​പോ​ലെ​യാണ്‌. ചുറ്റു​മു​ള്ള​തൊ​ക്കെ അവർ വലി​ച്ചെ​ടു​ക്കും. പഠനങ്ങൾ കാണി​ക്കു​ന്നത്‌, കുട്ടി​കളെ ഏറ്റവും കൂടുതൽ സ്വാധീ​നി​ക്കു​ന്നതു മാതാ​പി​താ​ക്ക​ളാ​ണെ​ന്നാണ്‌. നിങ്ങൾ ടെൻഷൻ കുറയ്‌ക്കാൻ ആദ്യവ​ഴി​യാ​യി കാണു​ന്നതു മദ്യപാ​ന​ത്തെ​യാ​ണെ​ങ്കിൽ നിങ്ങളു​ടെ കുട്ടിക്ക്‌ ഒരു സന്ദേശം കൊടു​ക്കു​ക​യാണ്‌: ജീവി​ത​ത്തിൽ ഉത്‌ക​ണ്‌ഠകൾ വരു​മ്പോൾ അതു കുറയ്‌ക്കാൻ മദ്യപി​ക്കാം. അതു​കൊണ്ട്‌ നല്ല മാതൃക വെക്കുക. മദ്യം ഉപയോ​ഗി​ക്കുന്ന കാര്യ​ത്തിൽ നിങ്ങൾ ശ്രദ്ധയു​ള്ള​വ​രാ​യി​രി​ക്കുക.

g17.6 9 ¶5

കുട്ടി​കളെ താഴ്‌മ പഠിപ്പി​ക്കാം

കൊടു​ക്കാൻ പഠിപ്പി​ക്കുക. “വാങ്ങു​ന്ന​തി​നെ​ക്കാൾ സന്തോഷം കൊടു​ക്കു​ന്ന​തി​ലാണ്‌” എന്ന സത്യം കുട്ടി​കളെ ബോധ്യ​പ്പെ​ടു​ത്തുക. (പ്രവൃ​ത്തി​കൾ 20:35) എങ്ങനെ? സാധനങ്ങൾ വാങ്ങി​ക്കാ​നോ എവി​ടെ​യെ​ങ്കി​ലും പോകാ​നോ എന്തെങ്കി​ലും അറ്റകു​റ്റ​പ്പ​ണി​കൾ തീർക്കാ​നോ ഒക്കെ സഹായം ആവശ്യ​മു​ള്ള​വ​രു​ടെ ലിസ്റ്റ്‌ കുട്ടി​യോ​ടൊ​പ്പം ഇരുന്നു​ണ്ടാ​ക്കുക. അവരിൽ ചിലരെ സഹായി​ക്കാൻ പോകു​മ്പോൾ കുട്ടി​യെ​യും കൂടെ കൊണ്ടു​പോ​കുക. മറ്റുള്ള​വ​രു​ടെ ആവശ്യങ്ങൾ മനസ്സി​ലാ​ക്കി അവരെ സഹായി​ച്ച​പ്പോൾ നിങ്ങൾക്കു ലഭിച്ച സന്തോ​ഷ​വും സംതൃ​പ്‌തി​യും കുട്ടി​യും കാണട്ടെ. ആ വിധത്തിൽ നിങ്ങൾ നിങ്ങളു​ടെ മാതൃ​ക​യി​ലൂ​ടെ കുട്ടിയെ താഴ്‌മ പഠിപ്പി​ക്കും. താഴ്‌മ പഠിപ്പി​ക്കാ​നുള്ള ഏറ്റവും നല്ല വഴിയും ഇതാണ്‌.—ബൈബിൾത​ത്ത്വം: ലൂക്കോസ്‌ 6:38.

ആത്മീയരത്നങ്ങൾ

w93 2/1 11 ¶7-8

ബൈബിൾകാ​ല​ങ്ങ​ളി​ലെ വിദ്യാ​ഭ്യാ​സം

⁷ ഇസ്ര​യേ​ലിൽ കുട്ടി​കളെ വളരെ ചെറു​പ്പം​മു​തൽതന്നെ പിതാ​വും മാതാ​വും പഠിപ്പി​ച്ചി​രു​ന്നു. (ആവർത്തനം 11:18, 19; സദൃശ​വാ​ക്യ​ങ്ങൾ 1:8; 31:26) ഫ്രഞ്ച്‌ ഡിക്‌ഷ​ണയർ ഡി ലാ ബിബി​ളിൽ ബൈബിൾ പണ്ഡിത​നായ ഈ. മൻഷനോ ഇപ്രകാ​രം എഴുതി: “കുട്ടിക്കു സംസാ​രി​ക്കാൻ കഴിഞ്ഞാ​ലു​ടൻ, അവൻ ന്യായ​പ്ര​മാ​ണ​ത്തിൽ നിന്നുള്ള ചില ഭാഗങ്ങൾ പഠിച്ചി​രു​ന്നു. അവന്റെ അമ്മ ഒരു വാക്യം ആവർത്തി​ക്കു​മാ​യി​രു​ന്നു; അവൻ അതു പഠിച്ചു​ക​ഴി​യു​മ്പോൾ അവൾ മറെറാ​ന്നു കൊടു​ക്കു​മാ​യി​രു​ന്നു. പിന്നീട്‌, കുട്ടി​കൾക്ക്‌ ഓർമ്മ​യിൽനിന്ന്‌ ഉരുവി​ടാൻ കഴിഞ്ഞ വാക്യ​ങ്ങ​ളു​ടെ ഒരു എഴുത​പ്പെട്ട രേഖ അവരുടെ കൈക​ളിൽ വച്ചു​കൊ​ടു​ത്തി​രു​ന്നു. ഇങ്ങനെ അവരെ വായന പരിച​യ​പ്പെ​ടു​ത്തി, അവർ വളർന്നു​ക​ഴി​യു​മ്പോൾ വായി​ക്കു​ന്ന​തി​നാ​ലും കർത്താ​വി​ന്റെ നിയമം ധ്യാനി​ക്കു​ന്ന​തി​നാ​ലും അവർക്കു തങ്ങളുടെ മതപ്ര​ബോ​ധനം തുടരാൻ കഴിയു​മാ​യി​രു​ന്നു.”

⁸ ഉപയോ​ഗി​ച്ചി​രുന്ന ഒരു അടിസ്ഥാന പഠിപ്പി​ക്കൽരീ​തി കാര്യ​ങ്ങ​ളു​ടെ ഹൃദി​സ്ഥ​മാ​ക്ക​ലാ​യി​രു​ന്നു​വെന്ന്‌ ഇതു സൂചി​പ്പി​ക്കു​ന്നു. യഹോ​വ​യു​ടെ നിയമ​ങ്ങ​ളും തന്റെ ജനത്തോ​ടുള്ള അവന്റെ ഇടപെ​ട​ലു​ക​ളും സംബന്ധി​ച്ചു പഠിച്ച കാര്യങ്ങൾ ഹൃദയ​ത്തി​ലേക്ക്‌ ആഴ്‌ന്നി​റ​ങ്ങേ​ണ്ടി​യി​രു​ന്നു. (ആവർത്തനം 6:6, 7) അവർ അവയെ​ക്കു​റി​ച്ചു ധ്യാനി​ക്കേ​ണ്ടി​യി​രു​ന്നു. (സങ്കീർത്തനം 77:11, 12) ഓർമ്മി​ക്കാൻ ചെറു​പ്പ​ക്കാ​രെ​യും പ്രായ​മു​ള്ള​വ​രെ​യും സഹായി​ക്കു​ന്ന​തി​നു വ്യത്യസ്‌ത ഓർമ്മി​ക്കൽ സഹായി​കൾ ഉപയോ​ഗി​ച്ചി​രു​ന്നു. ഇവയിൽ അക്ഷരമാ​ലാ​ക്ര​മ​ത്തിൽ (സദൃശ​വാ​ക്യ​ങ്ങൾ 31:10-31-ലേതു​പോ​ലെ) ഒരു വ്യത്യസ്‌ത അക്ഷരം​കൊ​ണ്ടു തുടങ്ങുന്ന ഒരു സങ്കീർത്ത​ന​ത്തി​ലെ തുടർച്ച​യായ വാക്യ​ങ്ങ​ളായ സൂത്രാ​ക്ഷ​രി​ശ്ലോ​കങ്ങൾ, അനു​പ്രാ​സം (ഒരേ അക്ഷരത്തി​ലോ ശബ്ദത്തി​ലോ ആരംഭി​ക്കുന്ന പദങ്ങൾ), സദൃശ​വാ​ക്യ​ങ്ങൾ 30-ാം അദ്ധ്യാ​യ​ത്തി​ന്റെ ഒടുവിൽ ഉപയോ​ഗി​ച്ചി​രി​ക്കു​ന്ന​തു​പോ​ലെ​യുള്ള സംഖ്യ​ക​ളു​ടെ ഉപയോ​ഗം എന്നിവ ഉൾപ്പെ​ട്ടി​രു​ന്നു. രസകര​മാ​യി, പുരാതന എബ്രായ എഴുത്തി​ന്റെ ഏററവും പഴയ മാതൃ​ക​ക​ളി​ലൊ​ന്നായ ഗെസർ കലണ്ടർ ഒരു സ്‌കൂൾകു​ട്ടി​യു​ടെ ഓർമ്മി​ക്കൽ അഭ്യാ​സ​മാ​ണെന്നു ചില പണ്ഡിതൻമാർ കരുതു​ന്നു.

സെപ്‌റ്റം​ബർ 22-28

ദൈവ​വ​ച​ന​ത്തി​ലെ നിധികൾ | സഭാ​പ്ര​സം​ഗകൻ 1–2

അടുത്ത തലമു​റയെ പരിശീ​ലി​പ്പി​ക്കുക

w17.01 27-28 ¶3-4

ഉത്തരവാ​ദി​ത്വ​ങ്ങൾ വിശ്വ​സ്‌ത​രായ പുരു​ഷ​ന്മാർക്കു കൈമാ​റു​ക

³ നമ്മളിൽ മിക്കവ​രും നമ്മുടെ ക്രിസ്‌തീ​യ​നി​യ​മ​നങ്ങൾ ഇഷ്ടപ്പെ​ടു​ന്നു, കഴിയു​ന്നി​ട​ത്തോ​ളം കാലം അതു ചെയ്യാ​നാ​ണു നമ്മുടെ ആഗ്രഹ​വും. സങ്കടക​ര​മെന്നു പറയട്ടെ, ആദാമി​ന്റെ കാലം​മു​തൽ ഓരോ തലമു​റ​യും വാർധ​ക്യം പ്രാപി​ക്കു​ക​യും ആ സ്ഥാനത്ത്‌ മറ്റൊരു തലമുറ വരുക​യും ചെയ്യുന്നു. (സഭാ. 1:4) ഇത്‌ ഇക്കാലത്തെ സത്യ​ക്രി​സ്‌ത്യാ​നി​ക​ളു​ടെ പ്രവർത്ത​ന​ത്തിന്‌ ഒരു വെല്ലു​വി​ളി സൃഷ്ടി​ക്കു​ന്നുണ്ട്‌. കാരണം, യഹോ​വ​യു​ടെ ജനത്തിന്റെ പ്രവർത്തനം വളരെ വേഗത്തിൽ വളർന്നു​കൊ​ണ്ടി​രി​ക്കു​ന്നു. അനുനി​മി​ഷം മാറി​വ​രുന്ന പുതു​പു​ത്തൻ സാങ്കേ​തി​ക​വി​ദ്യ​കൾ ഉപയോ​ഗി​ച്ചു​കൊണ്ട്‌ പുതിയ പ്രൊ​ജ​ക്‌ടു​കൾ നടപ്പാ​ക്കു​ന്നു. ആ സാങ്കേ​തി​ക​വി​ദ്യ​കൾ പുരോ​ഗ​മി​ക്കു​ന്ന​ത​നു​സ​രിച്ച്‌ അതി​നൊ​പ്പം നീങ്ങാൻ പ്രായ​മായ പലർക്കും വളരെ ബുദ്ധി​മു​ട്ടു​ള്ള​താ​യി കാണുന്നു. (ലൂക്കോ. 5:39) ഇനി അതല്ലെ​ങ്കി​ലും, പ്രായ​മേ​റി​യ​വ​രെ​ക്കാൾ ചെറു​പ്പ​ക്കാർക്കു ശക്തിയും ഊർജ​വും കൂടു​ത​ലു​ണ്ട​ല്ലോ? (സുഭാ. 20:29) അതു​കൊണ്ട്‌, ചെറു​പ്പ​ക്കാ​രെ കൂടുതൽ ഉത്തരവാ​ദി​ത്വ​ങ്ങൾ ഏറ്റെടു​ക്കാൻ പരിശീ​ലി​പ്പി​ക്കു​ന്നതു പ്രായ​മേ​റി​യ​വ​രു​ടെ ഭാഗത്തു​നി​ന്നുള്ള സ്‌നേ​ഹ​ത്തി​ന്റെ തെളി​വാണ്‌, അതല്ലേ അവർ ചെയ്യേ​ണ്ട​തും?—സങ്കീർത്തനം 71:18 വായി​ക്കുക.

⁴ കൈകാ​ര്യം ചെയ്‌തു​വ​രുന്ന ഉത്തരവാ​ദി​ത്വ​ങ്ങൾ ചെറു​പ്പ​ക്കാർക്കു കൈമാ​റി​ക്കൊ​ടു​ക്കു​ന്നത്‌ അധികാ​ര​മു​ള്ള​വർക്ക്‌ അത്ര എളുപ്പ​മാ​യി തോന്നു​ക​യില്ല. തങ്ങൾ പ്രിയ​പ്പെ​ട്ട​താ​യി കരുതുന്ന സ്ഥാനം നഷ്ടപ്പെ​ടു​മോ എന്നാണ്‌ അവർ ഭയക്കു​ന്നത്‌. മറ്റു ചിലരാ​കട്ടെ, അവരുടെ നിയ​ന്ത്ര​ണ​മി​ല്ലാ​താ​യാൽ കാര്യങ്ങൾ നന്നായി നടത്താൻ ചെറു​പ്പ​ക്കാർക്കു കഴിയി​ല്ലെന്നു കരുതു​ന്നു. മറ്റൊ​രാ​ളെ പരിശീ​ലി​പ്പി​ക്കാൻ സമയം കിട്ടാ​റി​ല്ലെ​ന്നാ​ണു വേറെ ചിലർ പറയു​ന്നത്‌. അതേസ​മയം കൂടുതൽ ഉത്തരവാ​ദി​ത്വ​ങ്ങൾ ലഭിക്കാ​ത്ത​തു​കൊണ്ട്‌ ചെറു​പ്പ​ക്കാർ അക്ഷമരാ​യി​ത്തീ​രു​ക​യും ചെയ്യരുത്‌.

ആത്മീയരത്നങ്ങൾ

it “സഭാപ്രസംഗകൻ” ¶1

സഭാ​പ്ര​സം​ഗ​കൻ

ഓഹെ​ലെത്ത്‌ എന്ന എബ്രാ​യ​പ​ദ​ത്തി​ന്റെ അർഥം, ‘സഭാസം​ഘാ​ടകൻ’ അഥവാ ‘വിളി​ച്ചു​കൂ​ട്ടു​ന്നവൻ’ എന്നാണ്‌. ‘സഭാസം​ഘാ​ടകൻ’ എന്ന നിലയിൽ ശലോ​മോന്‌, ദൈവത്തെ ആരാധി​ക്കാ​നാ​യി ഇസ്രാ​യേൽമ​ക്കളെ ഒരുമി​ച്ചു​കൂ​ട്ടാ​നുള്ള ഉത്തരവാ​ദി​ത്വ​മു​ണ്ടാ​യി​രു​ന്നു. (സഭ 1:1, 12) യഹോ​വ​യോ​ടു വിശ്വ​സ്‌ത​രാ​യി നിൽക്കാൻ ആളുകളെ സഹായി​ക്കാ​നും അവരെ സത്യാ​രാ​ധ​ന​യി​ലേക്കു നയിക്കാ​നും ഉള്ള ഉത്തരവാ​ദി​ത്വം രാജാ​വി​നാ​യി​രു​ന്നു. (1 രാജ 8:1-5, 41-43, 66) യഹോ​വയെ ആരാധി​ക്കാ​നാ​യി ജനത്തെ വഴിന​യി​ക്കു​ക​യാ​ണെ​ങ്കിൽ, അദ്ദേഹത്തെ ഒരു നല്ല രാജാ​വാ​യി കണക്കാ​ക്കു​മാ​യി​രു​ന്നു. (2 രാജ 16:1-4; 18:1-6) തങ്ങളുടെ ദൈവ​ത്തോട്‌ അടുക്കാൻ ശലോ​മോൻ ജനത്തെ ഒരുമി​ച്ചു​കൂ​ട്ടി​യി​രു​ന്നു. സഭാ​പ്ര​സം​ഗ​കന്റെ പുസ്‌ത​ക​ത്തിൽ, ലോക​ത്തി​ലെ ഉപയോ​ഗ​ശൂ​ന്യ​മായ കാര്യ​ങ്ങൾക്കു പകരം ദൈവത്തെ മഹത്ത്വ​പ്പെ​ടു​ത്തുന്ന കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ ശലോ​മോൻ ജനത്തെ പ്രോ​ത്സാ​ഹി​പ്പി​ച്ചു.

സെപ്‌റ്റം​ബർ 29–ഒക്ടോബർ 5

ദൈവ​വ​ച​ന​ത്തി​ലെ നിധികൾ | സഭാ​പ്ര​സം​ഗകൻ 3–4

മുപ്പി​രി​ച്ച​രട്‌ കൂടുതൽ ബലമു​ള്ള​താ​ക്കു​ക

ijwhf ലേഖനം 10 ¶2-8

മൊ​ബൈ​ലി​നെ​യും ടാബി​നെ​യും എങ്ങനെ ചൊൽപ്പ​ടി​യിൽ നിറു​ത്താം?

● സാങ്കേ​തി​ക​വി​ദ്യ ബുദ്ധി​പൂർവ്വം ഉപയോ​ഗി​ച്ചാൽ അത്‌ വിവാ​ഹ​ജീ​വി​ത​ത്തിന്‌ ഒരുപാട്‌ ഗുണം ചെയ്യും. ഉദാഹ​ര​ണ​ത്തിന്‌, ചില ഭാര്യാ​ഭർത്താ​ക്ക​ന്മാർക്ക്‌, ദിവസ​ത്തിൽ ഒരുമി​ച്ച​ല്ലാത്ത സമയത്ത്‌ പരസ്‌പരം ആശയവി​നി​മയം നടത്താൻ ഇതൊരു സഹായ​മാണ്‌.

“ഭാര്യ എനിക്ക്‌, ‘ഐ ലവ്‌ യൂ’ എന്നോ ‘മിസ്‌ യു ഡിയർ’ എന്നോ ഒക്കെയുള്ള മെസേജ്‌ അയയ്‌ക്കു​മ്പോൾ അവളോ​ടു എനിക്ക്‌ വല്ലാത്ത സ്‌നേഹം തോന്നും.”—ജോനാ​ഥാൻ.

● സാങ്കേ​തി​ക​വി​ദ്യ ബുദ്ധി​ശൂ​ന്യ​മാ​യി ഉപയോ​ഗി​ച്ചാൽ അത്‌ വിവാ​ഹ​ജീ​വി​ത​ത്തിന്‌ ഒരുപാട്‌ ദോഷം ചെയ്യും. ഉദാഹ​ര​ണ​ത്തിന്‌, ചിലർ എപ്പോൾ നോക്കി​യാ​ലും ഫോണോ ടാബോ നോക്കി​ക്കൊ​ണ്ടി​രി​ക്കും. ഇണയ്‌ക്കു കൊടു​ക്കേണ്ട സമയവും ശ്രദ്ധയും ഒക്കെയാണ്‌ അതു കവരു​ന്നത്‌.

“പലപ്പോ​ഴും ചേട്ടൻ എന്നോടു സംസാ​രി​ച്ചേനെ. പക്ഷേ അപ്പോ​ഴൊ​ക്കെ ഞാൻ ഫോൺ നോക്കി​ക്കൊ​ണ്ടി​രി​ക്കു​ക​യാ​യി​രു​ന്നു.”—ജുലിസ്സ.

● ഇണയോ​ടു നന്നായി സംസാ​രി​ക്കു​ന്ന​തി​നി​ട​യ്‌ക്കു​തന്നെ ഫോണോ ടാബോ ഉപയോ​ഗി​ക്കാൻ ഒരു ബുദ്ധി​മു​ട്ടും ഇല്ല എന്നാണു ചിലരു​ടെ അഭി​പ്രാ​യം. സാമൂ​ഹ്യ​ശാ​സ്‌ത്ര​ജ്ഞ​യായ ഷെറി ടെർക്കിൾ പറയു​ന്നത്‌: “ഒരേ സമയം പല കാര്യങ്ങൾ നന്നായി ചെയ്യാൻ പറ്റും എന്നു പറയു​ന്നത്‌ വെറു​തെ​യാണ്‌.” അങ്ങനെ പല കാര്യങ്ങൾ ഒരുമിച്ച്‌ ചെയ്യാൻ പറ്റുന്നതു നല്ലതല്ലേ എന്നാണു പലരും ചിന്തി​ക്കു​ന്നത്‌. പക്ഷേ അങ്ങനെയല്ല. ഷെറി പറയുന്നു: “ഒരേ സമയം നമ്മൾ പല കാര്യങ്ങൾ ചെയ്‌താൽ, ചെയ്യു​ന്ന​തൊ​ന്നും വൃത്തി​യാ​കില്ല.”

“ചേട്ട​നോ​ടു സംസാ​രി​ച്ചി​രി​ക്കാൻ എനിക്കു വലിയ ഇഷ്ടമാണ്‌. പക്ഷേ ആ സമയത്തു ചേട്ടൻ വേറെ​യൊ​ന്നും ചെയ്യാൻ പാടില്ല. അങ്ങനെ എന്തെങ്കി​ലും ചെയ്‌തു​കൊ​ണ്ടി​രു​ന്നാൽ എനിക്കു തോന്നു​ന്നത്‌ എന്നെ ഒട്ടും ശ്രദ്ധി​ക്കു​ന്നില്ല എന്നാണ്‌.”—സാറ.

ചുരു​ക്കി​പ്പ​റ​ഞ്ഞാൽ: സാങ്കേ​തി​ക​വി​ദ്യ എങ്ങനെ ഉപയോ​ഗി​ക്കു​ന്നു എന്നതു നിങ്ങളു​ടെ വിവാ​ഹ​ജീ​വി​തത്തെ നല്ല രീതി​യി​ലോ മോശം രീതി​യി​ലോ സ്വാധീ​നി​ച്ചേ​ക്കാം.

w23.05 23-24 ¶12-14

“യാഹിന്റെ ജ്വാല” അണയാതെ സൂക്ഷി​ക്കു​ക

¹² ഇണയ്‌ക്കും ചെയ്യാ​നുള്ള കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. അതൊക്കെ ഒറ്റയ്‌ക്കൊ​റ്റ​യ്‌ക്കു ചെയ്യു​ന്ന​തി​നു പകരം ഒരുമിച്ച്‌ ചെയ്യാ​നാ​കു​മോ? ഉദാഹ​ര​ണ​ത്തിന്‌, അക്വി​ല​യും പ്രിസ്‌കി​ല്ല​യും ഒരുമിച്ച്‌ പ്രസം​ഗ​പ്ര​വർത്തനം ചെയ്‌തു. പതിവാ​യി അങ്ങനെ ചെയ്യാൻ നിങ്ങളും ശ്രമി​ക്കാ​റു​ണ്ടോ? ഇനി, അവർ ഒരുമിച്ച്‌ ജോലി ചെയ്‌തു. നിങ്ങളു​ടെ കാര്യ​ത്തിൽ ഒരുപക്ഷേ ജോലി രണ്ടു സ്ഥലത്താ​യി​രി​ക്കാം. എന്നാൽ, വീട്ടിലെ പണികൾ ഒരുമിച്ച്‌ ചെയ്യാ​നാ​കു​മോ? (സഭാ. 4:9) ഒരു കാര്യം ഒരുമിച്ച്‌ ചെയ്യു​മ്പോൾ നിങ്ങൾ ഒറ്റക്കെ​ട്ടാ​ണെന്ന ഒരു തോന്ന​ലു​ണ്ടാ​കും. സംസാ​രി​ക്കാൻ ഒരുപാ​ടു സമയം കിട്ടു​ക​യും ചെയ്യും. റോബർട്ടി​ന്റെ​യും ലിൻഡ​യു​ടെ​യും വിവാഹം കഴിഞ്ഞിട്ട്‌ 50-ലധികം വർഷമാ​യി. അദ്ദേഹം പറയുന്നു: “സത്യം പറഞ്ഞാൽ, ഒരുമിച്ച്‌ വിനോ​ദ​ത്തി​ലേർപ്പെ​ടാ​നൊ​ന്നും ഞങ്ങൾക്ക്‌ അധികം സമയം കിട്ടാ​റില്ല. എന്നാൽ ഞാൻ പാത്രം കഴുകു​മ്പോൾ ഭാര്യ അതു തുടച്ചു​വെ​ക്കും. ഞാൻ മുറ്റത്ത്‌ പുല്ലു പറിക്കാൻ ഇറങ്ങു​മ്പോൾ അവളും ഒപ്പം കൂടും. അത്‌ എനിക്ക്‌ എത്ര സന്തോ​ഷ​മാ​ണെ​ന്നോ! ഇങ്ങനെ ഒരുമിച്ച്‌ കാര്യങ്ങൾ ചെയ്യു​ന്നതു ഞങ്ങൾ തമ്മിൽ കൂടുതൽ അടുക്കാൻ സഹായി​ക്കു​ന്നു. ഞങ്ങളുടെ സ്‌നേഹം കൂടുതൽ ശക്തമാ​കു​ക​യും ചെയ്യുന്നു.”

¹³ എന്നാൽ ഒന്ന്‌ ഓർക്കുക: ഭാര്യ​യും ഭർത്താ​വും ഒരുമി​ച്ചാ​യി​രി​ക്കു​ന്ന​തു​കൊണ്ട്‌ മാത്രം അവർക്കി​ട​യി​ലെ അടുപ്പം കൂടണ​മെ​ന്നില്ല. ബ്രസീ​ലിൽനി​ന്നുള്ള ഒരു ഭാര്യ പറയുന്നു: “ഒരേ വീട്ടിൽ താമസി​ക്കു​ന്ന​തു​കൊണ്ട്‌ ഒരുമിച്ച്‌ സമയം ചെലവ​ഴി​ക്കു​ന്നു​ണ്ട​ല്ലോ എന്നു ഭാര്യാ​ഭർത്താ​ക്ക​ന്മാർ ചില​പ്പോൾ ചിന്തി​ച്ചു​പോ​യേ​ക്കാം. ഇന്നത്തെ തിരക്കു​പി​ടിച്ച ജീവി​ത​ത്തിൽ അങ്ങനെ ചിന്തി​ക്കാൻ സാധ്യത കൂടു​ത​ലാണ്‌. എന്നാൽ ഒരുമിച്ച്‌ ഒരു സ്ഥലത്താ​യി​രി​ക്കു​ന്ന​തു​കൊണ്ട്‌ മാത്രം മതിയാ​കു​ന്നില്ല. ഭർത്താ​വി​നു വേണ്ട ശ്രദ്ധ കൊടു​ക്കേ​ണ്ട​തും പ്രധാ​ന​മാ​ണെന്നു ഞാൻ മനസ്സി​ലാ​ക്കി.” പരസ്‌പരം ശ്രദ്ധ നൽകു​ന്നു​ണ്ടെന്ന്‌ ഉറപ്പു​വ​രു​ത്താൻവേണ്ടി ബ്രൂ​ണോ​യും ഭാര്യ ടെയ്‌സും ചെയ്‌തത്‌ എന്താ​ണെന്നു നോക്കുക. അദ്ദേഹം പറയുന്നു: “ഞങ്ങൾ ഒരുമി​ച്ചാ​യി​രി​ക്കുന്ന സമയം നന്നായി ആസ്വദി​ക്കു​ന്ന​തി​നു​വേണ്ടി ഫോൺപോ​ലും മാറ്റി​വെ​ക്കും.”

¹⁴ എന്നാൽ നിങ്ങൾക്ക്‌ ഇണയോ​ടൊ​പ്പം സമയം ചെലവ​ഴി​ക്കാൻ അത്ര ഇഷ്ടമി​ല്ലെ​ങ്കി​ലോ? ഒരുപക്ഷേ നിങ്ങളു​ടെ താത്‌പ​ര്യ​ങ്ങൾ വ്യത്യ​സ്‌ത​മാ​യി​രി​ക്കാം. അല്ലെങ്കിൽ ഒരുമി​ച്ചാ​യി​രി​ക്കു​മ്പോൾ മറ്റേയാ​ളെ ദേഷ്യം​പി​ടി​പ്പി​ക്കുന്ന രീതി​യിൽ എന്തെങ്കി​ലും പറയു​ക​യോ പ്രവർത്തി​ക്കു​ക​യോ ഒക്കെ ചെയ്‌തേ​ക്കാം. അങ്ങനെ​യൊ​രു പ്രശ്‌ന​മു​ണ്ടെ​ങ്കിൽ നിങ്ങൾക്ക്‌ എന്തു ചെയ്യാം? പുറത്ത്‌ തീ കൂട്ടു​ന്ന​തി​നെ​ക്കു​റിച്ച്‌ നേരത്തേ പറഞ്ഞ ഉദാഹ​രണം നമുക്കു വീണ്ടും ചിന്തി​ക്കാം. ആദ്യം അത്ര വലിയ തീയൊ​ന്നും കാണില്ല. എന്നാൽ, പതി​യെ​പ്പ​തി​യെ വലിയ വിറകു​ക​ഷ​ണങ്ങൾ വെച്ചു​കൊ​ടു​ക്കു​മ്പോ​ഴാ​ണു തീ ആളിക്ക​ത്തു​ന്നത്‌. ഭാര്യാ​ഭർത്താ​ക്ക​ന്മാർക്കി​ട​യി​ലെ സ്‌നേഹം വളരാ​നും അതുതന്നെ ചെയ്യാം. ഓരോ ദിവസ​വും അൽപ്പസ​മയം ഒരുമിച്ച്‌ ചെലവ​ഴി​ച്ചു​കൊണ്ട്‌ ഒരു തുടക്ക​മി​ടാം. ആ സമയത്ത്‌ വഴക്കി​ലേക്കു നയി​ച്ചേ​ക്കാ​വുന്ന കാര്യ​ങ്ങ​ളൊ​ന്നും ചെയ്യാതെ രണ്ടു പേർക്കും ഇഷ്ടമുള്ള എന്തെങ്കി​ലും ചെയ്യാൻ ശ്രമി​ക്കാം. (യാക്കോ. 3:18) അങ്ങനെ പതി​യെ​പ്പ​തി​യെ നിങ്ങൾക്കി​ട​യി​ലുള്ള സ്‌നേഹം വീണ്ടും ആളിക്ക​ത്താൻ ഇടയാ​കും.

w23.05 20 ¶3

“യാഹിന്റെ ജ്വാല” അണയാതെ സൂക്ഷി​ക്കു​ക

³ “യാഹിന്റെ ജ്വാല” അണയാ​തി​രി​ക്കാൻ ഭാര്യ​യും ഭർത്താ​വും യഹോ​വ​യു​മാ​യുള്ള അവരുടെ ബന്ധം ശക്തമാക്കി നിറു​ത്തേ​ണ്ട​തുണ്ട്‌. ഇത്‌ എങ്ങനെ​യാണ്‌ അവരുടെ വിവാ​ഹ​ജീ​വി​തത്തെ സഹായി​ക്കു​ന്നത്‌? ദമ്പതികൾ സ്വർഗീ​യ​പി​താ​വു​മാ​യുള്ള സൗഹൃ​ദ​ത്തി​നു പ്രാധാ​ന്യം കൊടു​ക്കു​മ്പോൾ ദൈവം പറയുന്ന കാര്യങ്ങൾ മനസ്സോ​ടെ അനുസ​രി​ക്കാൻ അവർ തയ്യാറാ​കും. അങ്ങനെ ചെയ്യു​ന്നത്‌ അവർക്കി​ട​യി​ലെ സ്‌നേ​ഹ​ബന്ധം തണുത്തു​പോ​കാൻ ഇടയാ​ക്കി​യേ​ക്കാ​വുന്ന പ്രശ്‌നങ്ങൾ പരിഹ​രി​ക്കാ​നും ഒഴിവാ​ക്കാ​നും അവരെ സഹായി​ക്കും. (സഭാ​പ്ര​സം​ഗകൻ 4:12 വായി​ക്കുക.) ഇനി, ആത്മീയ​ചി​ന്ത​യുള്ള ആളുകൾ യഹോ​വയെ അനുക​രി​ക്കാ​നും യഹോ​വ​യു​ടെ ഗുണങ്ങൾ വളർത്തി​യെ​ടു​ക്കാ​നും ശ്രമി​ക്കും. ഉദാഹ​ര​ണ​ത്തിന്‌, തെറ്റുകൾ ക്ഷമിക്കാ​നും ദയ കാണി​ക്കാ​നും ക്ഷമയോ​ടെ ഇടപെ​ടാ​നും ഒക്കെ. (എഫെ. 4:32–5:1) ഇതു​പോ​ലുള്ള ഗുണങ്ങൾ ദമ്പതികൾ കാണി​ക്കു​മ്പോൾ അവർക്കി​ട​യി​ലെ സ്‌നേ​ഹ​ബന്ധം തഴച്ചു​വ​ള​രാ​നി​ട​യാ​കും. വിവാഹം കഴിഞ്ഞ്‌ 25-ലേറെ വർഷം പിന്നിട്ട ലെന സഹോ​ദരി പറയുന്നു: “ആത്മീയ​ത​യുള്ള ഒരാളെ സ്‌നേ​ഹി​ക്കാ​നും ബഹുമാ​നി​ക്കാ​നും എളുപ്പ​മാണ്‌.”

ആത്മീയരത്നങ്ങൾ

w19.07 11 ¶14

നിരോ​ധ​ന​ത്തിൻകീ​ഴി​ലും യഹോ​വയെ ആരാധി​ക്കു​ക

¹⁴ മറ്റുള്ള​വ​രോ​ടു ചില കാര്യങ്ങൾ പറയരു​തെന്ന കാര്യം ഓർത്തി​രി​ക്കുക. നിരോ​ധ​ന​ത്തിൻകീ​ഴിൽ, ‘മൗനമാ​യി​രി​ക്കാ​നുള്ള’ സമയം ഏതാ​ണെന്നു നമ്മൾ തിരി​ച്ച​റി​യണം. (സഭാ. 3:7) നമ്മുടെ സഹോ​ദ​ര​ങ്ങ​ളു​ടെ പേരുകൾ, നമ്മൾ കൂടി​വ​രുന്ന സ്ഥലങ്ങൾ, നമ്മൾ ശുശ്രൂഷ ചെയ്യുന്ന രീതി, എങ്ങനെ​യാ​ണു നമുക്ക്‌ ആത്മീയാ​ഹാ​രം ലഭിക്കു​ന്നത്‌ തുടങ്ങിയ രഹസ്യ​വി​വ​രങ്ങൾ പുറത്തു​പോ​കാ​തി​രി​ക്കാൻ നമ്മൾ ശ്രദ്ധി​ക്കണം. നമ്മൾ ഇത്തരം കാര്യങ്ങൾ അധികാ​രി​ക​ളോ​ടു പറയില്ല. അതു​പോ​ലെ, നമ്മുടെ രാജ്യ​ത്തെ​യോ മറ്റു രാജ്യ​ങ്ങ​ളി​ലെ​യോ സുഹൃ​ത്തു​ക്ക​ളോ​ടും ബന്ധുക്ക​ളോ​ടും നമ്മൾ ഇക്കാര്യ​ങ്ങൾ പറയില്ല, അവർ യഹോ​വയെ സേവി​ക്കു​ന്ന​വ​രാ​ണെ​ങ്കി​ലും അല്ലെങ്കി​ലും. അങ്ങനെ ചെയ്‌താൽ, സഹോ​ദ​ര​ങ്ങ​ളു​ടെ സുരക്ഷ​യാ​യി​രി​ക്കും നമ്മൾ അപകട​ത്തി​ലാ​ക്കു​ന്നത്‌.—സങ്കീർത്തനം 39:1 വായി​ക്കുക.

ഒക്ടോബർ 6-12

ദൈവ​വ​ച​ന​ത്തി​ലെ നിധികൾ | സഭാ​പ്ര​സം​ഗകൻ 5-6

നമുക്ക്‌ എങ്ങനെ മഹാ​ദൈ​വത്തെ ബഹുമാ​നി​ക്കാം?

w08 8/15 15-16 ¶17-18

ദൈവ​മ​ഹ​ത്ത്വ​ത്തി​നു ചേർച്ച​യിൽ ജീവി​ച്ചു​കൊണ്ട്‌ അവനെ ആദരി​ക്കു​ക

¹⁷ ആരാധ​ന​യ്‌ക്കാ​യി ദൈവ​മു​മ്പാ​കെ ചെല്ലു​മ്പോൾ മാന്യത പുലർത്തു​ന്ന​തിൽ പ്രത്യേ​കം ശ്രദ്ധി​ക്കേ​ണ്ട​തുണ്ട്‌. “ദൈവാ​ല​യ​ത്തി​ലേക്കു പോകു​മ്പോൾ കാൽ സൂക്ഷിക്ക” എന്ന്‌ സഭാ​പ്ര​സം​ഗി 5:1 പറയുന്നു. വിശു​ദ്ധ​ഭൂ​മി​യിൽവെച്ച്‌ കാലിലെ ചെരിപ്പ്‌ അഴിച്ചു​മാ​റ്റാൻ മോ​ശെ​ക്കും യോശു​വ​യ്‌ക്കും നിർദേശം ലഭിച്ചു. (പുറ. 3:5; യോശു. 5:15) ഭക്ത്യാ​ദ​ര​വി​ന്റെ ഒരു പ്രകട​ന​മെന്ന നിലയി​ലാ​യി​രു​ന്നു അവർ അതു ചെയ്യേ​ണ്ടി​യി​രു​ന്നത്‌. ഇസ്രാ​യേ​ലി​ലെ പുരോ​ഹി​ത​ന്മാർ “നഗ്നത മറെപ്പാൻ” ചണനൂൽകൊ​ണ്ടുള്ള കാൽച്ചട്ട ധരിക്ക​ണ​മാ​യി​രു​ന്നു. (പുറ. 28:42, 43) യാഗപീ​ഠ​ത്തി​ങ്കൽ സേവി​ക്കു​മ്പോൾ അവരുടെ നഗ്നത അനാവൃ​ത​മാ​കാ​തി​രി​ക്കാ​നാണ്‌ ഇങ്ങനെ​യൊ​രു വ്യവസ്ഥ വെച്ചി​രു​ന്നത്‌. പുരോ​ഹി​ത​ന്മാ​രു​ടെ കുടും​ബ​ത്തി​ലെ ഓരോ അംഗവും മാന്യത സംബന്ധിച്ച ദൈവി​ക​നി​ല​വാ​രം മുറു​കെ​പ്പി​ടി​ക്കേ​ണ്ടി​യി​രു​ന്നു.

¹⁸ ആരാധ​ന​യിൽ മാന്യത പുലർത്തു​ന്ന​തിൽ ആദരവും ബഹുമാ​ന​വും കാണി​ക്കു​ന്നത്‌ ഉൾപ്പെ​ട്ടി​രി​ക്കു​ന്നു. നാം ആദര​വോ​ടെ പെരു​മാ​റി​യാ​ലേ മറ്റുള്ളവർ നമ്മെയും ആദരി​ക്കു​ക​യും ബഹുമാ​നി​ക്കു​ക​യും ചെയ്യൂ. നാം കാണി​ക്കുന്ന മാന്യത വെറു​മൊ​രു നാട്യ​മാ​യി​രി​ക്ക​രുത്‌, അതു ഹൃദയ​ത്തിൽനി​ന്നു വരണം. അപ്പോഴേ അതു ദൈവ​ത്തി​നു സ്വീകാ​ര്യ​മാ​കൂ. (1 ശമൂ. 16:7; സദൃ. 21:2) അന്തസ്സും മാന്യ​ത​യും നമ്മുടെ ജീവി​ത​ത്തി​ന്റെ ഭാഗമാ​യി​രി​ക്കണം; നമ്മുടെ പെരു​മാ​റ്റം, മനോ​ഭാ​വം, മറ്റുള്ള​വ​രു​മാ​യുള്ള ഇടപെ​ട​ലു​കൾ, നാം നമ്മെത്തന്നെ എങ്ങനെ വീക്ഷി​ക്കു​ന്നു എന്നതി​നെ​യൊ​ക്കെ അത്‌ സ്വാധീ​നി​ക്കണം. നാം പറയുന്ന ഓരോ വാക്കും നമ്മുടെ ഓരോ ചെയ്‌തി​യും അന്തസ്സു പ്രതി​ഫ​ലി​പ്പി​ക്കു​ന്ന​താ​യി​രി​ക്കണം. നമ്മുടെ പെരു​മാ​റ്റം, മറ്റുള്ള​വ​രു​മാ​യുള്ള ഇടപെടൽ, വസ്‌ത്ര​ധാ​രണം, ചമയം എന്നീ കാര്യ​ങ്ങ​ളി​ലെ​ല്ലാം അപ്പൊ​സ്‌ത​ല​നായ പൗലൊ​സി​ന്റെ പിൻവ​രുന്ന വാക്കുകൾ നാം മനസ്സിൽപ്പി​ടി​ക്കണം: “ശുശ്രൂ​ഷെക്കു ആക്ഷേപം വരാതി​രി​ക്കേ​ണ്ട​തി​ന്നു ഞങ്ങൾ ഒന്നിലും ഇടർച്ചെക്കു ഹേതു കൊടു​ക്കാ​തെ സകലത്തി​ലും ഞങ്ങളെ​ത്തന്നേ ദൈവ​ത്തി​ന്റെ ശുശ്രൂ​ഷ​ക​ന്മാ​രാ​യി കാണി​ക്കു​ന്നു.” (2 കൊരി. 6:3, 4) നാം ‘നമ്മുടെ രക്ഷിതാ​വായ ദൈവ​ത്തി​ന്റെ ഉപദേ​ശത്തെ സകലത്തി​ലും അലങ്കരി​ക്കേ​ണ്ട​തുണ്ട്‌.’—തീത്തൊ. 2:9, 10.

w09 11/15 11 ¶21

പ്രാർഥ​നകൾ സമ്പുഷ്ട​മാ​ക്കാൻ ബൈബിൾ പഠിക്കുക

²¹ യേശു പൂർണ​വി​ശ്വാ​സ​ത്തോ​ടെ​യും ആദര​വോ​ടെ​യും പ്രാർഥി​ച്ചു. ഉദാഹ​ര​ണ​ത്തിന്‌, ലാസറി​നെ ഉയിർപ്പി​ക്കു​ന്ന​തി​നു​മുമ്പ്‌ യേശു കണ്ണുക​ളു​യർത്തി, “പിതാവേ, നീ എന്റെ അപേക്ഷ കേട്ടതി​നാൽ ഞാൻ നിനക്കു നന്ദി നൽകുന്നു. നീ എപ്പോ​ഴും എന്റെ അപേക്ഷ കേൾക്കു​ന്നു​വെന്ന്‌ എനിക്ക​റി​യാം” എന്നു പ്രാർഥി​ച്ചു. (യോഹ. 11:41, 42) ഇതു​പോ​ലെ ആദരവും പൂർണ​വി​ശ്വാ​സ​വും നിങ്ങളു​ടെ പ്രാർഥ​ന​ക​ളി​ലും ദൃശ്യ​മാ​ണോ? യേശു പഠിപ്പിച്ച മാതൃ​കാ​പ്രാർഥ​ന​യൊ​ന്നു നോക്കുക. ദൈവ​നാ​മ​ത്തി​ന്റെ വിശു​ദ്ധീ​ക​രണം, അവന്റെ രാജ്യ​ത്തി​ന്റെ ആഗമനം, അവന്റെ ഉദ്ദേശ്യ​ങ്ങ​ളു​ടെ സാക്ഷാ​ത്‌കാ​രം എന്നിവ ആ പ്രാർഥ​ന​യു​ടെ സവി​ശേ​ഷ​ത​ക​ളാ​ണെന്ന്‌ നിങ്ങൾ കണ്ടെത്തും. (മത്താ. 6:9, 10) ഇനി നിങ്ങളു​ടെ പ്രാർഥ​ന​ക​ളെ​ക്കു​റി​ച്ചൊ​ന്നു ചിന്തി​ക്കുക. ദൈവ​നാ​മ​ത്തി​ന്റെ വിശു​ദ്ധീ​ക​രണം, അവന്റെ രാജ്യ​ത്തി​ന്റെ ആഗമനം, അവന്റെ ഉദ്ദേശ്യ​ങ്ങ​ളു​ടെ സാക്ഷാ​ത്‌കാ​രം എന്നിവ​യ്‌ക്കാ​ണോ നിങ്ങളു​ടെ പ്രാർഥ​ന​യിൽ മുഖ്യ​സ്ഥാ​നം? അങ്ങനെ ആയിരി​ക്കണം.

w17.04 6 ¶12

“നേരു​ന്നതു നിറ​വേ​റ്റുക”

¹² എന്നാൽ സ്‌നാനം ഒരു തുടക്കം മാത്ര​മാണ്‌. പിന്നീ​ടുള്ള കാലം നമ്മൾ സമർപ്പ​ണ​ത്തി​നു ചേർച്ച​യിൽ ജീവി​ച്ചു​കൊണ്ട്‌ ദൈവത്തെ വിശ്വ​സ്‌ത​മാ​യി സേവി​ക്കണം. നമ്മളോ​ടു​തന്നെ ഈ ചോദ്യ​ങ്ങൾ ചോദി​ക്കുക: ‘സ്‌നാ​ന​ത്തി​നു ശേഷം എന്റെ ആത്മീയത വർധി​ച്ചി​ട്ടു​ണ്ടോ? യഹോ​വയെ ഞാൻ ഇപ്പോ​ഴും മുഴു​ഹൃ​ദ​യ​ത്തോ​ടെ സേവി​ക്കു​ന്നു​ണ്ടോ? (കൊലോ. 3:23) ഞാൻ പ്രാർഥി​ക്കു​ക​യും ദൈവ​വ​ചനം വായി​ക്കു​ക​യും സഭാ​യോ​ഗ​ങ്ങൾക്കു കൂടി​വ​രു​ക​യും കഴിവി​ന്റെ പരമാ​വധി ശുശ്രൂ​ഷ​യിൽ ഏർപ്പെ​ടു​ക​യും ചെയ്യു​ന്നു​ണ്ടോ? അതോ ഈ കാര്യ​ങ്ങ​ളൊ​ക്കെ കുറഞ്ഞു​കു​റഞ്ഞ്‌ വരുക​യാ​ണോ?’ നമ്മുടെ വിശ്വാ​സ​ത്തോ​ടു നമ്മൾ അറിവും സഹനശ​ക്തി​യും ദൈവ​ഭ​ക്തി​യും ചേർത്തു​കൊ​ണ്ടി​രി​ക്കു​ന്നെ​ങ്കിൽ സേവന​ത്തിൽ നിഷ്‌ക്രി​യ​രാ​യി​പ്പോ​കി​ല്ലെന്നു പത്രോസ്‌ അപ്പോ​സ്‌തലൻ പറഞ്ഞു.—2 പത്രോസ്‌ 1:5-8 വായി​ക്കുക.

ആത്മീയരത്നങ്ങൾ

w20.09 31 ¶3-5

വായന​ക്കാ​രിൽനി​ന്നുള്ള ചോദ്യ​ങ്ങൾ

ദരി​ദ്രരെ ദ്രോ​ഹി​ക്കു​ക​യും അവർക്കു നീതി നിഷേ​ധി​ക്കു​ക​യും ചെയ്യുന്ന ഒരു അധികാ​രി​യെ​ക്കു​റിച്ച്‌ സഭാ​പ്ര​സം​ഗകൻ 5:8 പറയുന്നു. എന്നാൽ തന്നെക്കാൾ ഉയർന്ന സ്ഥാനവും അധികാ​ര​വും ഉള്ള വേറെ ഒരു അധികാ​രി തന്നെ നിരീ​ക്ഷി​ക്കാൻ സാധ്യ​ത​യു​ണ്ടെന്ന്‌ അയാൾ ഓർക്കണം. ഒരുപക്ഷേ ആ അധികാ​രി​ക്കു മീതെ അധികാ​ര​മുള്ള മറ്റുള്ള​വ​രു​ണ്ടാ​യി​രി​ക്കും. സങ്കടക​ര​മെന്നു പറയട്ടെ, അധികാ​ര​ത്തി​ന്റെ എല്ലാ തലങ്ങളി​ലു​മു​ള്ളവർ അഴിമ​തി​ക്കാ​രാ​യി​രു​ന്നേ​ക്കാം. അതു കാരണം, സാധാ​ര​ണ​ക്കാ​രായ ജനങ്ങൾ ബുദ്ധി​മു​ട്ടു​ക​യാണ്‌.

ഇന്നത്തെ സാഹച​ര്യ​ങ്ങൾ എത്ര ആശയറ്റ​താ​ണെന്നു തോന്നി​യാ​ലും ഗവൺമെ​ന്റു​ക​ളി​ലുള്ള ഏതു മേലധി​കാ​രി​ക്കും മീതെ അധികാ​ര​മുള്ള യഹോവ അവരെ​യെ​ല്ലാം ‘നിരീ​ക്ഷി​ക്കു​ന്നുണ്ട്‌.’ ഇതു നമുക്ക്‌ ആശ്വാസം തരുന്നി​ല്ലേ? സഹായ​ത്തി​നാ​യി നമുക്ക്‌ എപ്പോ​ഴും ദൈവ​ത്തോ​ടു പ്രാർഥി​ക്കാം, നമ്മുടെ ഭാരങ്ങൾ ദൈവ​ത്തി​ന്റെ മേൽ ഇടാം. (സങ്കീ. 55:22; ഫിലി. 4:6, 7) ‘പൂർണ​ഹൃ​ദ​യ​ത്തോ​ടെ തന്നിൽ ആശ്രയി​ക്കു​ന്ന​വർക്കു​വേണ്ടി തന്റെ ശക്തി പ്രകടി​പ്പി​ക്കാൻ യഹോ​വ​യു​ടെ കണ്ണുകൾ ഭൂമി​യി​ലെ​ങ്ങും ചുറ്റി​സ​ഞ്ച​രി​ച്ചു​കൊ​ണ്ടി​രി​ക്കു​ക​യാണ്‌’ എന്നു നമുക്ക്‌ അറിയാം.—2 ദിന. 16:9.

അതു​കൊണ്ട്‌ സഭാ​പ്ര​സം​ഗകൻ 5:8 ഗവൺമെ​ന്റു​ക​ളിൽ അധികാ​ര​മുള്ള വ്യക്തി​ക​ളു​ടെ സാഹച​ര്യം കൃത്യ​മാ​യി വരച്ചു​കാ​ട്ടു​ന്നു. അതെ, ഏതൊരു അധികാ​രി​ക്കും മീതെ അയാ​ളെ​ക്കാൾ അധികാ​ര​മുള്ള മറ്റൊ​രാ​ളു​ണ്ടാ​യി​രി​ക്കും. ഏറ്റവും പ്രധാ​ന​മാ​യി, യഹോ​വ​യാണ്‌ എല്ലാവ​രെ​ക്കാ​ളും അധികാ​ര​മുള്ള, എല്ലാവ​രു​ടെ​യും പരമാ​ധി​കാ​രി എന്ന്‌ ഈ വാക്യം നമ്മളെ ഓർമി​പ്പി​ക്കു​ന്നു. ഇപ്പോൾ തന്റെ മകനി​ലൂ​ടെ, ദൈവ​രാ​ജ്യ​ത്തി​ന്റെ രാജാ​വായ യേശു​ക്രി​സ്‌തു​വി​ലൂ​ടെ, യഹോവ ഭരിക്കു​ന്നു. എല്ലാവ​രെ​യും നിരീ​ക്ഷി​ക്കുന്ന സർവശ​ക്ത​നായ ദൈവ​ത്തിൽ അനീതി​യു​ടെ ഒരു കണിക​പോ​ലു​മില്ല, ദൈവ​ത്തി​ന്റെ മകനും അതു​പോ​ലെ​ത​ന്നെ​യാണ്‌.

ഒക്ടോബർ 13-19

ദൈവ​വ​ച​ന​ത്തി​ലെ നിധികൾ | സഭാ​പ്ര​സം​ഗകൻ 7-8

‘വിലാ​പ​ഭ​വ​ന​ത്തിൽ പോകുക’

it “വിലാപം” ¶9

വിലാപം

വിലപി​ക്കാൻ ഒരു സമയം. സഭാ​പ്ര​സം​ഗകൻ 3:1, 4 ഇങ്ങനെ പറയുന്നു: “കരയാൻ ഒരു സമയം, ചിരി​ക്കാൻ ഒരു സമയം.വിലപി​ക്കാൻ ഒരു സമയം, തുള്ളി​ച്ചാ​ടാൻ ഒരു സമയം.” മനുഷ്യർ മരിക്കും എന്ന ചിന്ത ഉള്ളതു​കൊണ്ട്‌ ജ്ഞാനി​യായ ഒരു വ്യക്തി​യു​ടെ ഹൃദയം ആനന്ദഭ​വ​ന​ത്തിൽ ആയിരി​ക്കു​ന്ന​തി​നു പകരം ‘വിലാ​പ​ഭ​വ​ന​ത്തി​ലാ​യി​രി​ക്കും.’ (സഭ 7:2, 4; സുഭ 14:13 താരത​മ്യം ചെയ്യുക.) ജ്ഞാനി​യായ ഒരു വ്യക്തി ഈ അവസര​ത്തിൽ സന്തോ​ഷ​ങ്ങ​ളു​ടെ പുറകേ പോകാ​തെ, വിലപി​ക്കു​ന്ന​വരെ ആശ്വസി​പ്പി​ക്കാ​നും അവരോ​ടൊ​പ്പം സഹതപി​ക്കാ​നും സമയം കണ്ടെത്തും. മനുഷ്യർ മരണത്തി​ന്റെ പിടി​യി​ലാ​ണെന്ന്‌ ഓർക്കാ​നും ദൈവ​ത്തോട്‌ അടു​ക്കേ​ണ്ട​തു​ണ്ടെന്നു മനസ്സി​ലാ​ക്കാ​നും അതു സഹായി​ക്കും.

w19.06 23 ¶15

ദുരി​തങ്ങൾ നേരി​ടാൻ മറ്റുള്ള​വരെ സഹായി​ക്കു​ക

¹⁵ കുറച്ച്‌ വർഷങ്ങൾക്കു മുമ്പ്‌ ഭാര്യ മരിച്ചു​പോയ വില്ല്യം പറയുന്നു: “ഭാര്യ​യെ​ക്കു​റി​ച്ചുള്ള നല്ല ഓർമകൾ മറ്റുള്ളവർ പറഞ്ഞു​കേൾക്കു​ന്നത്‌ എനിക്ക്‌ ഇഷ്ടമാണ്‌. അങ്ങനെ ആളുകൾക്ക്‌ അവളോ​ടു സ്‌നേ​ഹ​വും ആദരവും ഉണ്ടായി​രു​ന്നെന്ന്‌ എനിക്ക്‌ ഉറപ്പു കിട്ടുന്നു. ഇത്‌ എനിക്ക്‌ വലിയ സഹായ​മാണ്‌. ഉള്ളിന്റെ ഉള്ളിൽ വലിയ ആശ്വാസം തോന്നു​ന്നു. കാരണം അവൾ എനിക്ക്‌ അത്ര പ്രിയ​പ്പെ​ട്ടവൾ ആയിരു​ന്നു; എന്റെ ജീവനാ​യി​രു​ന്നു.” ഭർത്താവ്‌ മരിച്ചു​പോയ ബിയാങ്ക പറയുന്നു: “മറ്റുള്ളവർ എന്റെകൂ​ടെ ഇരുന്ന്‌ പ്രാർഥി​ക്കു​ന്ന​തും ഒന്നോ രണ്ടോ തിരു​വെ​ഴു​ത്തു​കൾ വായി​ക്കു​ന്ന​തും എനിക്ക്‌ ആശ്വാ​സ​മാണ്‌. അവർ എന്റെ ഭർത്താ​വി​നെ​ക്കു​റിച്ച്‌ സംസാ​രി​ക്കു​ന്ന​തും ഞാൻ അദ്ദേഹ​ത്തെ​ക്കു​റിച്ച്‌ സംസാ​രി​ക്കു​മ്പോൾ അവർ കേൾക്കു​ന്ന​തും എനിക്ക്‌ വലിയ സഹായ​മാണ്‌.”

w17.07 15 ¶16

“കരയു​ന്ന​വ​രു​ടെ​കൂ​ടെ കരയുക”

¹⁶ വേർപാ​ടി​ന്റെ വേദന അനുഭ​വി​ച്ചു​ക​ഴി​യുന്ന ഒരു സഹക്രി​സ്‌ത്യാ​നി​ക്കു​വേണ്ടി പ്രാർഥി​ക്കു​ന്ന​തി​ന്റെ വില കുറച്ചു​കാ​ണ​രുത്‌. ചില​പ്പോൾ അദ്ദേഹ​ത്തോ​ടൊ​പ്പ​വും നമുക്കു പ്രാർഥി​ക്കാ​നാ​കും. ദുഃഖം നിറഞ്ഞ അത്തര​മൊ​രു സാഹച​ര്യ​ത്തിൽ ഉള്ളിലെ ചിന്തക​ളെ​ല്ലാം ദൈവ​മു​മ്പാ​കെ പകരാൻ നിങ്ങൾക്കു ബുദ്ധി​മു​ട്ടു തോന്നാം. പ്രാർഥ​ന​യ്‌ക്കി​ടെ നിങ്ങൾ കരഞ്ഞു​പോ​യേ​ക്കാം, നിങ്ങളു​ടെ വാക്കുകൾ മുറി​ഞ്ഞു​പോ​യേ​ക്കാം. എങ്കിലും അവർക്കു​വേ​ണ്ടി​യുള്ള നിങ്ങളു​ടെ ആത്മാർഥ​മായ പ്രാർഥ​നകൾ അവരുടെ ദുഃഖ​ത്തി​നുള്ള ശക്തമായ മറുമ​രു​ന്നാണ്‌. ഡാലിൻ ഓർക്കു​ന്നു: “ആശ്വസി​പ്പി​ക്കാൻ വന്ന സഹോ​ദ​രി​മാ​രോട്‌, എന്റെകൂ​ടെ ഇരുന്ന്‌ ഒന്നു പ്രാർഥി​ക്കാ​മോ എന്നു ഞാൻ ചോദി​ച്ചി​ട്ടുണ്ട്‌. പ്രാർഥി​ക്കാൻ തുടങ്ങു​മ്പോൾ പലപ്പോ​ഴും അവർക്കു വാക്കുകൾ കിട്ടാ​റില്ല. പക്ഷേ ഏതാനും ചില വാചകങ്ങൾ കഴിയു​മ്പോൾ അവർ സമനില വീണ്ടെ​ടുത്ത്‌ വളരെ ഹൃദയ​സ്‌പർശി​യായ പ്രാർഥന നടത്തും. അവരുടെ ശക്തമായ വിശ്വാ​സ​വും സ്‌നേ​ഹ​വും എന്നെക്കു​റി​ച്ചുള്ള ചിന്തയും എന്റെ വിശ്വാ​സത്തെ വളരെ​യ​ധി​കം ശക്തി​പ്പെ​ടു​ത്തി​യി​ട്ടുണ്ട്‌.”

w17.07 16 ¶17-19

“കരയു​ന്ന​വ​രു​ടെ​കൂ​ടെ കരയുക”

¹⁷ വേർപാ​ടി​ന്റെ ദുഃഖം തെല്ലൊ​ന്ന​ട​ങ്ങാൻ ഓരോ വ്യക്തി​ക്കും എത്ര​ത്തോ​ളം സമയം വേണ്ടി​വ​രു​മെന്നു പറയാ​നാ​കില്ല. ഒരാൾ മരിച്ചാൽ പ്രിയ​പ്പെ​ട്ട​വരെ ആശ്വസി​പ്പി​ക്കാൻ കുറച്ച്‌ ദിവസ​ത്തേക്കു സുഹൃ​ത്തു​ക്ക​ളും ബന്ധുക്ക​ളും ഒക്കെ ചുറ്റും കാണും. പക്ഷേ പതി​യെ​പ്പ​തി​യെ അവരെ​ല്ലാം തങ്ങളു​ടേ​തായ തിരക്കു​ക​ളി​ലേക്കു മടങ്ങി​യേ​ക്കാം. അപ്പോ​ഴും നിങ്ങൾ അവരെ സഹായി​ക്കാൻ തയ്യാറാ​യി​രി​ക്കണം. “യഥാർഥ​സ്‌നേ​ഹി​തൻ എല്ലാ കാലത്തും സ്‌നേ​ഹി​ക്കു​ന്നു; കഷ്ടതക​ളു​ടെ സമയത്ത്‌ അവൻ കൂടപ്പി​റ​പ്പാ​യി​ത്തീ​രു​ന്നു.” (സുഭാ. 17:17) ഒരാൾ വേർപാ​ടി​ന്റെ ദുഃഖ​വു​മാ​യി പൊരു​ത്ത​പ്പെ​ടാൻ എത്ര നാളെ​ടു​ത്താ​ലും ആ സമയമ​ത്ര​യും അവർക്കു വലി​യൊ​രു ആശ്വാ​സ​മാ​യി​രി​ക്കാൻ സഹക്രി​സ്‌ത്യാ​നി​കൾക്കാ​കും.—1 തെസ്സ​ലോ​നി​ക്യർ 3:7 വായി​ക്കുക.

¹⁸ വേർപാ​ടി​ന്റെ വേദന​യു​മാ​യി കഴിയു​ന്ന​വർക്കു പെട്ടെ​ന്നാ​യി​രി​ക്കും മനസ്സിൽ ദുഃഖ​ത്തി​ന്റെ വേലി​യേ​റ്റ​മു​ണ്ടാ​കു​ന്ന​തെ​ന്നും ഓർക്കുക. ചില​പ്പോൾ വിവാ​ഹ​വാർഷി​കം​പോ​ലുള്ള ചില പ്രത്യേ​ക​ദി​വ​സ​ങ്ങ​ളോ ഏതെങ്കി​ലും സംഗീ​ത​മോ ഫോ​ട്ടോ​ക​ളോ ഒരു പ്രത്യേ​ക​ഗ​ന്ധ​മോ ശബ്ദമോ ഋതുക്കളുടെ മാറ്റമോ ഒക്കെ ദുഃഖ​ത്തി​നു തിരി കൊളു​ത്തി​യേ​ക്കാം. ചില പ്രത്യേ​ക​കാ​ര്യ​ങ്ങൾ ചെയ്യു​മ്പോ​ഴും പ്രിയ​പ്പെ​ട്ട​വ​രു​ടെ ഓർമകൾ ഓടി​യെ​ത്തി​യേ​ക്കാം. ഒറ്റയ്‌ക്കാ​യ​തി​നു ശേഷം ആദ്യമാ​യി വരുന്ന സമ്മേള​ന​മോ സ്‌മാ​ര​ക​മോ പോലുള്ള ചില അവസര​ങ്ങ​ളും വേദന​യ്‌ക്കു കാരണ​മാ​കാം. ഒരു സഹോ​ദരൻ പറയുന്നു: “എന്റെ ഭാര്യയെ നഷ്ടപ്പെ​ട്ട​തി​നു ശേഷമുള്ള ആദ്യത്തെ വിവാ​ഹ​വാർഷി​കത്തെ എങ്ങനെ നേരി​ടു​മെന്ന്‌ എനിക്ക്‌ അറിയി​ല്ലാ​യി​രു​ന്നു. അതു വളരെ ബുദ്ധി​മു​ട്ടാ​യി​രു​ന്നു​താ​നും. പക്ഷേ എനിക്ക്‌ ഒറ്റപ്പെടൽ തോന്നാ​തി​രി​ക്കാൻ ചില സഹോ​ദ​രീ​സ​ഹോ​ദ​ര​ന്മാർ എന്റെ അടുത്ത സുഹൃ​ത്തു​ക്കളെ വിളിച്ച്‌ ഒരു കൂടി​വ​രവ്‌ ക്രമീ​ക​രി​ച്ചു.”

¹⁹ എന്നാൽ പ്രത്യേ​കം ചില അവസര​ങ്ങ​ളിൽ മാത്രമല്ല അവർക്ക്‌ ആശ്വാസം വേണ്ട​തെന്ന്‌ ഓർക്കുക. യൂനിയ പറയുന്നു: “വാർഷി​ക​ദി​ന​ങ്ങ​ള​ല്ലാത്ത മറ്റു ദിവസ​ങ്ങ​ളി​ലും ഒരാൾക്കു സഹായ​മേ​കാ​നും കൂട്ടാ​യി​രി​ക്കാ​നും സാധി​ക്കു​മെ​ങ്കിൽ അതു വളരെ നല്ലതാ​യി​രി​ക്കും. പ്രതീ​ക്ഷി​ക്കാ​തി​രി​ക്കു​മ്പോൾ വന്നു​ചേ​രുന്ന അത്തരം നിമി​ഷങ്ങൾ വളരെ വില​പ്പെ​ട്ട​താണ്‌, അതു വലിയ ആശ്വാസം തരും.” പ്രിയ​പ്പെട്ട ഒരാൾ മരിക്കു​മ്പോൾ ഒരു വ്യക്തിക്കു തോന്നുന്ന ദുഃഖം മുഴുവൻ ഇല്ലാതാ​ക്കാ​നോ ആ ശൂന്യത പൂർണ​മാ​യി നികത്താ​നോ നമുക്കു കഴിയി​ല്ലെ​ന്നതു സത്യമാണ്‌. പക്ഷേ ദുഃഖി​തരെ സഹായി​ക്കാൻ നമ്മൾ ചെയ്യുന്ന കാര്യങ്ങൾ അവർക്ക്‌ ഒരളവു​വരെ ആശ്വാ​സ​വും സാന്ത്വ​ന​വും കൊടു​ക്കു​മെന്ന്‌ ഓർക്കുക. (1 യോഹ. 3:18) ഗാബി പറയുന്നു: “ജീവി​ത​ത്തി​ലെ ബുദ്ധി​മു​ട്ടു പിടിച്ച ഓരോ സാഹച​ര്യ​ത്തി​ലും എനിക്കു കൈത്താ​ങ്ങേ​കാൻ മൂപ്പന്മാ​രു​ണ്ടാ​യി​രു​ന്നു. അതിന്‌ യഹോ​വ​യോ​ടു വളരെ നന്ദിയുണ്ട്‌. യഹോ​വ​യു​ടെ സ്‌നേ​ഹ​മുള്ള കരങ്ങൾ എന്നെ ചുറ്റി​പ്പി​ടി​ച്ചി​രി​ക്കു​ന്ന​തു​പോ​ലെ തോന്നി.”

ആത്മീയരത്നങ്ങൾ

w23.03 31 ¶18

‘എങ്കിൽ നിങ്ങൾ എന്റെ ശിഷ്യ​ന്മാ​രാ​ണെന്ന്‌ എല്ലാവ​രും അറിയും’

¹⁸ നമ്മളെ വിഷമി​പ്പിച്ച ഒരു സഹോ​ദ​ര​നോ​ടോ സഹോ​ദ​രി​യോ​ടോ നേരിട്ട്‌ കാര്യം സംസാ​രി​ക്ക​ണ​മെന്നു ചില​പ്പോൾ നമുക്കു തോന്നി​യേ​ക്കാം. എന്നാൽ അതു ചെയ്യു​ന്ന​തി​നു മുമ്പ്‌ ഇങ്ങനെ​യെ​ല്ലാം ചിന്തി​ക്കു​ന്നതു നന്നായി​രി​ക്കും: ‘കാര്യ​ത്തി​ന്റെ എല്ലാ വശങ്ങളും എനിക്ക്‌ അറിയാ​മോ?’ (സുഭാ. 18:13) ‘ഒരുപക്ഷേ ആ വ്യക്തി അത്‌ അറിയാ​തെ ചെയ്‌ത​താ​യി​രി​ക്കു​മോ?’ (സഭാ. 7:20) ‘എനിക്കും ഇതു​പോ​ലുള്ള തെറ്റുകൾ പറ്റാറി​ല്ലേ?’ (സഭാ. 7:21, 22) ‘ഇനി, ഈ പ്രശ്‌ന​ത്തെ​ക്കു​റിച്ച്‌ സംസാ​രി​ക്കാൻ ചെന്ന്‌ ഞാൻ കാര്യങ്ങൾ കൂടുതൽ വഷളാ​ക്കു​മോ?’ (സുഭാ​ഷി​തങ്ങൾ 26:20 വായി​ക്കുക.) ഇങ്ങനെ​യൊ​ക്കെ ചിന്തി​ക്കു​മ്പോൾ, ആ പ്രശ്‌നം വിട്ടു​ക​ള​യാൻ സ്‌നേഹം നമ്മളെ പ്രേരി​പ്പി​ച്ചേ​ക്കാം.

ഒക്ടോബർ 20-26

ദൈവ​വ​ച​ന​ത്തി​ലെ നിധികൾ | സഭാ​പ്ര​സം​ഗകൻ 9-10

പരി​ശോ​ധ​നകൾ ഉണ്ടാകു​മ്പോൾ ശരിയായ വീക്ഷണം നിലനി​റു​ത്തു​ക

w13 8/15 14 ¶20-21

ഒരിക്ക​ലും ‘യഹോ​വ​യോ​ടു മുഷി​ഞ്ഞു​പോ​ക​രുത്‌’

²⁰ യഥാർഥ​കാ​ര​ണത്തെ പഴിക്കുക. നാം അങ്ങനെ ചെയ്യേ​ണ്ടത്‌ എന്തു​കൊ​ണ്ടാണ്‌? ഒരുപക്ഷേ, നമ്മുടെ ചില പ്രശ്‌ന​ങ്ങൾക്ക്‌ നാംതന്നെ ആയിരി​ക്കാം ഉത്തരവാ​ദി. അങ്ങനെ​യാ​ണെന്നു കണ്ടാൽ ആ വസ്‌തുത നാം അംഗീ​ക​രി​ക്കണം. (ഗലാ. 6:7) അതല്ലാതെ യഹോ​വയെ കുറ്റ​പ്പെ​ടു​ത്തു​കയല്ല വേണ്ടത്‌. യഹോ​വയെ കുറ്റ​പ്പെ​ടു​ത്തു​ന്നത്‌ എന്തു​കൊ​ണ്ടാ​ണു ന്യായ​മ​ല്ലാ​ത്തത്‌? ഇങ്ങനെ​യൊ​ന്നു ചിന്തി​ക്കുക: ഒരു വാഹനം നല്ല വേഗത്തിൽ ഓടി​ക്കാൻ പറ്റു​മെ​ന്നി​രി​ക്കട്ടെ. ഒരു കൊടും​വ​ള​വി​ലെ​ത്തി​യ​പ്പോൾ ഡ്രൈവർ വാഹനം അമിത​വേ​ഗ​ത്തിൽ ഓടിച്ച്‌ അപകട​ത്തിൽപ്പെ​ടു​ന്നു. ആ അപകട​ത്തിന്‌ നിങ്ങൾ വാഹന​നിർമാ​താ​വി​നെ കുറ്റ​പ്പെ​ടു​ത്തു​മോ? ഒരിക്ക​ലു​മില്ല. സമാന​മാ​യി, യഹോവ നമ്മെ സ്വതന്ത്ര ഇച്ഛാശ​ക്തി​യു​ള്ള​വ​രാ​യി​ട്ടാണ്‌ സൃഷ്ടി​ച്ചി​രി​ക്കു​ന്നത്‌. എന്നാൽ അതോ​ടൊ​പ്പം ജ്ഞാനപൂർവ​മായ തീരു​മാ​നങ്ങൾ എടുക്കാ​നുള്ള മാർഗ​നിർദേ​ശ​ങ്ങ​ളും അവൻ നൽകി​യി​ട്ടുണ്ട്‌. ആ സ്ഥിതിക്ക്‌ സ്വന്തം പിഴവു​കൾക്ക്‌ നാം സ്രഷ്ടാ​വി​നെ കുറ്റ​പ്പെ​ടു​ത്തു​ന്നത്‌ എന്തിന്‌?

²¹ നമ്മുടെ എല്ലാ പ്രശ്‌ന​ങ്ങ​ളും നമ്മു​ടെ​തന്നെ പിഴവു​ക​ളോ തെറ്റായ നടപടി​ക​ളോ കൊണ്ട്‌ ഉണ്ടാകു​ന്നതല്ല എന്നതു ശരിയാണ്‌. ചില​തെ​ല്ലാം “യാദൃ​ച്‌ഛി​ക​മാ​യി സംഭവി​ക്കു​ന്ന​താണ്‌.” (സഭാ. 9:11, പി.ഒ.സി.) എന്നാൽ ആത്യന്തി​ക​മാ​യി, ദുഷ്ടത​യു​ടെ മുഖ്യ​കാ​ര​ണ​ക്കാ​രൻ പിശാ​ചായ സാത്താ​നാ​ണെന്ന വസ്‌തുത നാം ഒരിക്ക​ലും മറക്കരുത്‌. (1 യോഹ. 5:19; വെളി. 12:9) അതെ, അവനാണ്‌ ശത്രു, യഹോ​വയല്ല!—1 പത്രോ. 5:8.

w19.09 4 ¶10

യഹോവ താഴ്‌മ​യുള്ള ദാസന്മാ​രെ വിലമ​തി​ക്കു​ന്നു

¹⁰ താഴ്‌മ നമ്മുടെ ജീവിതം എളുപ്പ​മു​ള്ള​താ​ക്കും. എങ്ങനെ? ജീവി​ത​ത്തിൽ പലപ്പോ​ഴും നമുക്ക്‌ അനീതി​യെന്നു തോന്നുന്ന കാര്യങ്ങൾ കാണു​ക​യോ അനുഭ​വി​ക്കു​ക​യോ ചെയ്യേ​ണ്ടി​വ​രും. ജ്ഞാനി​യായ ശലോ​മോൻ രാജാവ്‌ ഇങ്ങനെ പറഞ്ഞു: “ദാസർ കുതി​ര​പ്പു​റത്ത്‌ സവാരി ചെയ്യു​ന്നതു ഞാൻ കണ്ടിട്ടുണ്ട്‌. അതേസ​മയം പ്രഭു​ക്ക​ന്മാർ ദാസ​രെ​പ്പോ​ലെ നടന്നു​പോ​കു​ന്ന​തും കണ്ടിട്ടുണ്ട്‌.” (സഭാ. 10:7) നല്ല കഴിവു​ള്ള​വർക്കു​പോ​ലും ബഹുമ​തി​യോ അംഗീ​കാ​ര​മോ കിട്ടി​യെ​ന്നു​വ​രില്ല. എന്നാൽ കഴിവ്‌ കുറഞ്ഞ​വർക്കു കൂടുതൽ ആദരവും ശ്രദ്ധയും ചില​പ്പോ​ഴൊ​ക്കെ കിട്ടാ​റു​മുണ്ട്‌. എങ്കിൽപ്പോ​ലും, മോശം സാഹച​ര്യ​ങ്ങ​ളെ​ക്കു​റിച്ച്‌ ഓർത്ത്‌ അസ്വസ്ഥ​രാ​കു​ന്ന​തി​നു പകരം ജീവി​ത​യാ​ഥാർഥ്യ​ങ്ങളെ അംഗീ​ക​രി​ക്കു​ന്ന​താ​ണു ബുദ്ധി​യെന്നു ശലോ​മോൻ മനസ്സി​ലാ​ക്കി. (സഭാ. 6:9) താഴ്‌മ​യു​ണ്ടെ​ങ്കിൽ, ഇഷ്ടമി​ല്ലാത്ത കാര്യങ്ങൾ ജീവി​ത​ത്തിൽ സംഭവി​ക്കു​മ്പോ​ഴും അവയോ​ടു പൊരു​ത്ത​പ്പെ​ടാൻ നമുക്ക്‌ എളുപ്പ​മാ​യി​രി​ക്കും.

w11 10/15 8 ¶1-2

നിങ്ങളു​ടെ വിനോ​ദം പ്രയോ​ജ​ന​പ്ര​ദ​മാ​ണോ?

നാം ജീവിതം ആസ്വദി​ക്കാൻ യഹോവ ആഗ്രഹി​ക്കു​ന്നു എന്ന്‌ കാണി​ക്കുന്ന പല തിരു​വെ​ഴു​ത്തു ഭാഗങ്ങ​ളും ബൈബി​ളിൽ കാണാ​നാ​കും. “ഭൂമി​യിൽനി​ന്നു ആഹാര​വും മനുഷ്യ​ന്റെ ഹൃദയത്തെ സന്തോ​ഷി​പ്പി​ക്കുന്ന വീഞ്ഞും അവന്റെ മുഖത്തെ മിനു​ക്കു​വാൻ എണ്ണയും മനുഷ്യ​ന്റെ ഹൃദയത്തെ ബലപ്പെ​ടു​ത്തുന്ന അപ്പവും (യഹോവ) ഉത്ഭവി​പ്പി​ക്കു​ന്നു” എന്ന്‌ സങ്കീർത്തനം 104:14, 15 പറയുന്നു. അതെ, നമുക്ക്‌ ആവശ്യ​മായ ധാന്യ​വും എണ്ണയും വീഞ്ഞും നൽകുന്ന സസ്യങ്ങളെ വളരു​മാ​റാ​ക്കു​ന്നത്‌ യഹോ​വ​യാണ്‌. എന്നാൽ നമ്മുടെ ഉപജീ​വ​ന​ത്തിന്‌ അവശ്യം വേണ്ട ഒന്നല്ല വീഞ്ഞ്‌. നമ്മുടെ ‘ഹൃദയത്തെ സന്തോ​ഷി​പ്പി​ക്കാൻ,’ ജീവി​തത്തെ കൂടുതൽ ആനന്ദഭ​രി​ത​മാ​ക്കാൻ, യഹോവ നൽകിയ ഒരു ദാനമാ​ണത്‌. (സഭാ. 9:7; 10:19) നാം ജീവി​ച്ചി​രി​ക്ക​ണ​മെന്നു മാത്രമല്ല ജീവിതം ആസ്വദി​ക്ക​ണ​മെ​ന്നും നമ്മുടെ ഹൃദയം ‘ആനന്ദം’കൊണ്ട്‌ നിറയ​ണ​മെ​ന്നും യഹോവ ആഗ്രഹി​ക്കു​ന്നു എന്നല്ലേ ഇതു കാണി​ക്കു​ന്നത്‌?—പ്രവൃ. 14:16, 17.

² അതു​കൊണ്ട്‌, “ആകാശ​ത്തി​ലെ പക്ഷികളെ”യും “വയലിലെ ലില്ലി​കളെ”യും നിരീ​ക്ഷി​ക്കാ​നോ ജീവി​തത്തെ ആനന്ദദാ​യ​ക​മാ​ക്കുന്ന രസകര​മായ മറ്റെ​ന്തെ​ങ്കി​ലും ചെയ്യാ​നോ ഇടയ്‌ക്കൊ​ക്കെ സമയം കണ്ടെത്തു​ന്ന​തിൽ തെറ്റൊ​ന്നു​മില്ല. (മത്താ. 6:26, 28; സങ്കീ. 8:3, 4) സന്തോഷം നിറഞ്ഞ ജീവിതം ‘ദൈവ​ത്തി​ന്റെ ദാനമാണ്‌.’ (സഭാ. 3:12, 13) വിനോ​ദ​ത്തി​നാ​യി ചെലവി​ടുന്ന സമയവും ആ ദാനത്തി​ന്റെ ഭാഗമാ​ണെന്ന കാര്യം മനസ്സിൽപ്പി​ടി​ക്കു​ന്നെ​ങ്കിൽ ദൈവ​ത്തി​നു പ്രസാ​ദ​ക​ര​മായ വിധത്തിൽ അത്‌ ഉപയോ​ഗി​ക്കാൻ നാം പ്രേരി​ത​രാ​യി​ത്തീ​രും.

ആത്മീയരത്നങ്ങൾ

it “പരകാര്യങ്ങൾ പറഞ്ഞു​ന​ട​ക്കു​ന്നത്‌, പരദൂ​ഷണം” ¶4, 8

പരകാ​ര്യ​ങ്ങൾ പറഞ്ഞു​ന​ട​ക്കു​ന്നത്‌, പരദൂ​ഷ​ണം

പരകാ​ര്യ​ങ്ങൾ പറഞ്ഞു​ന​ട​ക്കു​ന്നത്‌ ചില​പ്പോൾ പരദൂ​ഷ​ണ​ത്തി​ലേക്ക്‌ എത്തി​യേ​ക്കാം. പറഞ്ഞു​ന​ട​ക്കുന്ന വ്യക്തി​ക്കു​തന്നെ അതു ദോഷം ചെയ്യുന്നു. സഭാ​പ്ര​സം​ഗകൻ 10:12-14 വരെയുള്ള വാക്കുകൾ എത്ര സത്യമാണ്‌. അവിടെ ഇങ്ങനെ പറയുന്നു: “മണ്ടന്റെ ചുണ്ടു​ക​ളോ അവനു നാശം വരുത്തു​ന്നു. അവന്റെ വായിൽനിന്ന്‌ ആദ്യം വരുന്നതു വിഡ്ഢിത്തമാണ്‌. ഒടുവിൽ വരുന്ന​തോ വിനാ​ശ​ക​മായ ഭ്രാന്തും. എന്നിട്ടും വിഡ്ഢി സംസാരം നിറു​ത്തു​ന്നില്ല.”

പരകാ​ര്യ​ങ്ങൾ പറഞ്ഞു​ന​ട​ക്കു​ന്നത്‌ അത്ര ഉപദ്രവം ചെയ്യി​ല്ലെന്നു തോന്നി​യാ​ലും അത്‌ പെട്ടെന്നു പരദൂ​ഷ​ണ​മാ​യി മാറാൻ സാധ്യ​ത​യുണ്ട്‌. പരദൂ​ഷണം എപ്പോ​ഴും ആളുകൾക്ക്‌ ഉപദ്രവം ചെയ്യു​ക​യും അവരെ വേദനി​പ്പി​ക്കു​ക​യും പ്രശ്‌ന​ങ്ങ​ളു​ണ്ടാ​ക്കു​ക​യും ചെയ്യും. തെറ്റായ ഉദ്ദേശ്യ​ത്തോ​ടെ​യോ അല്ലാ​തെ​യോ ഒരാൾ പരദൂ​ഷണം പറഞ്ഞേ​ക്കാം. എന്തുത​ന്നെ​യാ​യാ​ലും ആ വ്യക്തിക്കു ദൈവ​ത്തി​ന്റെ അംഗീ​കാ​രം നഷ്ടമാ​യേ​ക്കാം. “സഹോ​ദ​ര​ന്മാർക്കി​ട​യിൽ കലഹം ഉണ്ടാക്കുന്ന മനുഷ്യ​നെ” ദൈവം വെറു​ക്കു​ന്നു. (സുഭ 6:16-19) “പരദൂ​ഷണം പറയു​ന്നവർ” അല്ലെങ്കിൽ “ആരോ​പകൻ” എന്നതി​നുള്ള ഗ്രീക്കു പദം ഡിയാ​ബൊ​ലൊസ്‌ ആണ്‌. ദൈവത്തെ ഏറ്റവും കൂടുതൽ ദുഷി​ച്ചു​പറഞ്ഞ സാത്താനെ കുറി​ക്കാ​നും ഈ പദം ഉപയോ​ഗി​ച്ചി​രി​ക്കു​ന്നു.—യോഹ 8:44; വെളി 12:9, 10; ഉൽ 3:2-5.

ഒക്ടോബർ 27–നവംബർ 2

ദൈവ​വ​ച​ന​ത്തി​ലെ നിധികൾ | സഭാ​പ്ര​സം​ഗകൻ 11-12

ആരോ​ഗ്യ​ത്തോ​ടി​രി​ക്കുക, ജീവിതം ആസ്വദി​ക്കു​ക

w23.03 25 ¶16

സൃഷ്ടി​കളെ ഉപയോ​ഗിച്ച്‌ യഹോ​വ​യെ​ക്കു​റിച്ച്‌ മക്കളെ പഠിപ്പി​ക്കു​ക

¹⁶ കുടും​ബ​ങ്ങൾക്കു സന്തോ​ഷി​ക്കാ​നും രസിക്കാ​നും ഉള്ള അവസര​വും യഹോ​വ​യു​ടെ സൃഷ്ടികൾ നൽകുന്നു. കുടും​ബം ഒരുമിച്ച്‌ അത്തരം കാര്യങ്ങൾ ചെയ്യു​മ്പോൾ അവർക്കി​ട​യി​ലെ സ്‌നേ​ഹ​ബന്ധം ശക്തമാ​കും. ബൈബിൾ പറയു​ന്നത്‌: ‘ചിരി​ക്കാൻ ഒരു സമയവും തുള്ളി​ച്ചാ​ടാൻ ഒരു സമയവും’ ഉണ്ടെന്നാണ്‌. (സഭാ. 3:1, 4) നമുക്കു ശരിക്കും സന്തോ​ഷം​ത​രുന്ന പല കാര്യ​ങ്ങ​ളും ചെയ്യാൻ പറ്റിയ ഇടങ്ങൾ യഹോവ ഭൂമി​യിൽ സൃഷ്ടി​ച്ചി​രി​ക്കു​ന്നു. പല കുടും​ബ​ങ്ങ​ളും, പ്രകൃ​തി​ര​മ​ണീ​യ​മായ സ്ഥലങ്ങൾ സന്ദർശി​ക്കു​ന്ന​തും മല കയറു​ന്ന​തും കടൽത്തീ​രത്ത്‌ പോകു​ന്ന​തും ഇഷ്ടപ്പെ​ടു​ന്നു. ചില കുട്ടി​കൾക്കു പാർക്കിൽ ഓടി​ക്ക​ളി​ക്കാ​നും മൃഗങ്ങളെ കാണാ​നും നദിയി​ലോ തടാക​ത്തി​ലോ കടലി​ലോ ഒക്കെ നീന്താ​നും വലിയ ഇഷ്ടമാണ്‌. യഹോ​വ​യു​ടെ സൃഷ്ടികൾ നിറഞ്ഞ സ്ഥലങ്ങൾ സന്ദർശി​ക്കു​മ്പോൾ വിനോ​ദ​ത്തി​നുള്ള എത്ര നല്ല അവസര​ങ്ങ​ളാ​ണു നമുക്കു​ള്ളത്‌!

w23.02 21 ¶6-7

ദൈവം തന്ന ജീവൻ എന്ന സമ്മാനത്തെ വില​യേ​റി​യ​താ​യി കാണുക

⁶ ആരോ​ഗ്യ​പ​രി​പാ​ല​ന​ത്തെ​ക്കു​റി​ച്ചോ ഭക്ഷണ​ക്ര​മ​ത്തെ​ക്കു​റി​ച്ചോ വിവരി​ക്കുന്ന ഒരു പുസ്‌ത​കമല്ല ബൈബിൾ. എന്നാൽ അക്കാര്യ​ങ്ങളെ യഹോവ എങ്ങനെ​യാ​ണു കാണു​ന്ന​തെന്നു മനസ്സി​ലാ​ക്കാൻ ബൈബിൾ സഹായി​ക്കു​ന്നുണ്ട്‌. ഉദാഹ​ര​ണ​ത്തിന്‌ അമിത​മായ തീറ്റി​യും കുടി​യും പോലെ ‘ശരീര​ത്തി​നു ഹാനി​ക​ര​മായ കാര്യങ്ങൾ ഒഴിവാ​ക്കാ​നുള്ള’ ഉപദേശം യഹോവ നമുക്കു തന്നിട്ടുണ്ട്‌. കാരണം, അവ നമ്മുടെ ആരോ​ഗ്യ​ത്തെ നശിപ്പി​ക്കു​ക​യോ ജീവൻ അപകട​ത്തി​ലാ​ക്കു​ക​യോ ചെയ്‌തേ​ക്കാം. (സഭാ. 11:10; സുഭാ. 23:20) അതു​കൊണ്ട്‌ എന്തു കഴിക്കണം, എത്ര​ത്തോ​ളം കഴിക്കണം എന്നീ കാര്യ​ങ്ങ​ളിൽ നമ്മൾ ആത്മനി​യ​ന്ത്രണം പാലി​ക്കാൻ യഹോവ പ്രതീ​ക്ഷി​ക്കു​ന്നുണ്ട്‌.—1 കൊരി. 6:12; 9:25.

⁷ ചിന്താ​ശേഷി ഉപയോ​ഗിച്ച്‌ നല്ല തീരു​മാ​ന​ങ്ങ​ളെ​ടു​ത്തു​കൊണ്ട്‌ ദൈവം തന്ന സമ്മാന​മായ ജീവനെ വില​പ്പെ​ട്ട​താ​യി കാണു​ന്നു​ണ്ടെന്നു തെളി​യി​ക്കാ​നാ​കും. (സങ്കീ. 119:99, 100; സുഭാ​ഷി​തങ്ങൾ 2:11 വായി​ക്കുക.) ഉദാഹ​ര​ണ​ത്തിന്‌ ഭക്ഷണത്തി​ന്റെ കാര്യ​ത്തിൽ. ചില ഭക്ഷണസാ​ധ​നങ്ങൾ നമുക്ക്‌ ഒരുപാട്‌ ഇഷ്ടമാ​യി​രി​ക്കാം. പക്ഷേ ആരോ​ഗ്യ​ത്തിന്‌ അത്ര നല്ലത​ല്ലെന്നു കണ്ടാൽ അവ ഒഴിവാ​ക്കാൻ നമ്മൾ പ്രത്യേ​കം ശ്രദ്ധി​ക്കും. കൂടാതെ, നന്നായി വിശ്ര​മി​ക്കാ​നും പതിവാ​യി വ്യായാ​മം ചെയ്യാ​നും ശുചി​ത്വ​ശീ​ലങ്ങൾ പാലി​ക്കാ​നും വീടും പരിസ​ര​വും വൃത്തി​യാ​ക്കി​യി​ടാ​നും ശ്രമി​ച്ചു​കൊണ്ട്‌ സുബോ​ധ​മു​ള്ള​വ​രാ​ണെ​ന്നും നമുക്കു തെളി​യി​ക്കാം.

w24.09 2 ¶2-3

‘വചനത്തി​നു ചേർച്ച​യിൽ പ്രവർത്തി​ക്കു​ന്ന​വ​രാ​കുക’

² യഹോ​വ​യു​ടെ ആരാധ​ക​രായ നമ്മളെ​ല്ലാം സന്തോ​ഷ​മു​ള്ള​വ​രാണ്‌. എന്തു​കൊണ്ട്‌? പല കാരണ​ങ്ങ​ളുണ്ട്‌. അതിൽ പ്രധാ​ന​പ്പെട്ട ഒന്ന്‌ നമ്മൾ ദിവസ​വും ബൈബിൾ വായി​ക്കു​ക​യും പഠിക്കുന്ന കാര്യ​ങ്ങൾക്കു ചേർച്ച​യിൽ ജീവി​ക്കാൻ പരമാ​വധി ശ്രമി​ക്കു​ക​യും ചെയ്യുന്നു എന്നതാണ്‌.—യാക്കോബ്‌ 1:22-25 വായി​ക്കുക.

³ ‘വചനത്തി​നു ചേർച്ച​യിൽ പ്രവർത്തി​ക്കു​മ്പോൾ’ നമുക്കു പല പ്രയോ​ജ​ന​ങ്ങ​ളുണ്ട്‌. ഉദാഹ​ര​ണ​ത്തിന്‌, നമ്മൾ ദൈവ​വ​ചനം അനുസ​രി​ക്കു​ന്നത്‌ യഹോ​വയെ സന്തോ​ഷി​പ്പി​ക്കും. ആ ബോധ്യം നമുക്കു സന്തോഷം തരും. (സഭാ. 12:13) ഇനി, ദൈവ​വ​ച​ന​ത്തിൽനിന്ന്‌ വായി​ച്ച​തി​നു ചേർച്ച​യിൽ ജീവി​ക്കു​മ്പോൾ നമ്മുടെ കുടും​ബ​ജീ​വി​തം മെച്ച​പ്പെ​ടും. അതു​പോ​ലെ സഹോ​ദ​ര​ങ്ങ​ളു​മാ​യുള്ള സൗഹൃ​ദ​വും ശക്തമാ​കും. അതു സത്യമാ​ണെന്നു സ്വന്തം ജീവി​ത​ത്തിൽനിന്ന്‌ നിങ്ങൾക്കു തോന്നു​ന്നി​ല്ലേ? മറ്റൊരു പ്രയോ​ജനം, യഹോ​വ​യു​ടെ വഴികൾ അനുസ​രി​ക്കാ​ത്ത​വർക്ക്‌ ഉണ്ടാകുന്ന പല പ്രശ്‌ന​ങ്ങ​ളും നമുക്ക്‌ ഒഴിവാ​ക്കാ​നാ​കും. ദാവീദ്‌ രാജാവ്‌ പറഞ്ഞതു​പോ​ലെ​യാ​യി​രി​ക്കും നമുക്കും തോന്നു​ന്നത്‌. 19-ാം സങ്കീർത്ത​ന​ത്തിൽ യഹോ​വ​യു​ടെ നിയമ​ത്തെ​യും ആജ്ഞക​ളെ​യും വിധി​ക​ളെ​യും കുറി​ച്ചൊ​ക്കെ പറഞ്ഞതി​നു ശേഷം ഒടുവിൽ ദാവീദ്‌ ഇങ്ങനെ എഴുതി: “അവ പാലി​ച്ചാൽ വലിയ പ്രതി​ഫ​ല​മുണ്ട്‌.”—സങ്കീ. 19:7-11.

ആത്മീയരത്നങ്ങൾ

g 11/07 11 ¶2-3

ആരാണു ബൈബി​ളി​ന്റെ ഗ്രന്ഥകർത്താവ്‌?

ദിവ്യ നിശ്വ​സ്‌തത എഴുത്തു​കാ​രന്റെ വ്യക്തിത്വ തനിമ​യ്‌ക്കു മാറ്റം​വ​രു​ത്തി​യില്ല. വാസ്‌ത​വ​ത്തിൽ, ദൈവിക സന്ദേശം രേഖ​പ്പെ​ടു​ത്താൻ വ്യക്തി​പ​ര​മായ ശ്രമം ആവശ്യ​മാ​യി​രു​ന്നു. ഉദാഹ​ര​ണ​ത്തിന്‌, ബൈബി​ളി​ലെ സഭാ​പ്ര​സം​ഗി എന്ന പുസ്‌ത​ക​ത്തി​ന്റെ എഴുത്തു​കാ​രൻ “ഇമ്പമാ​യുള്ള വാക്കു​ക​ളും നേരായി എഴുതി​യി​രി​ക്കു​ന്ന​വ​യും സത്യമാ​യുള്ള വചനങ്ങ​ളും കണ്ടെത്തു​വാൻ . . . ഉത്സാഹി​ച്ചു” എന്നു പറയു​ക​യു​ണ്ടാ​യി. (സഭാ​പ്ര​സം​ഗി 12:10) ‘ദാവീദ്‌ രാജാ​വി​ന്റെ വൃത്താ​ന്ത​പു​സ്‌തകം,’ ‘യെഹൂ​ദ​യി​ലെ​യും യിസ്രാ​യേ​ലി​ലെ​യും രാജാ​ക്ക​ന്മാ​രു​ടെ പുസ്‌തകം’ എന്നിവ​പോ​ലുള്ള 14 സ്രോ​ത​സ്സു​ക​ളെ​ങ്കി​ലും പരി​ശോ​ധി​ച്ചാണ്‌ എസ്രാ ചരി​ത്ര​രേഖ സമാഹ​രി​ച്ചത്‌. (1 ദിനവൃ​ത്താ​ന്തം 27:24; 2 ദിനവൃ​ത്താ​ന്തം 16:11) സുവി​ശേഷ എഴുത്തു​കാ​ര​നായ ലൂക്കൊസ്‌ ‘എല്ലാകാ​ര്യ​ങ്ങ​ളും പ്രാരം​ഭം മുതൽക്കേ സൂക്ഷ്‌മ​മാ​യി പരി​ശോ​ധി​ച്ച​തി​നു​ശേഷം എല്ലാം ക്രമമാ​യി എഴുതി.’—ലൂക്കൊസ്‌ 1:3, പി.ഒ.സി.

ചില ബൈബിൾ പുസ്‌ത​കങ്ങൾ എഴുത്തു​കാ​രന്റെ വ്യക്തി​ത്വ​സ​വി​ശേ​ഷ​തകൾ വെളി​ച്ച​ത്തു​കൊ​ണ്ടു​വ​രു​ന്നു. യേശു​വി​ന്റെ ശിഷ്യ​നാ​കു​ന്ന​തി​നു​മുമ്പ്‌ ഒരു നികുതി പിരി​വു​കാ​ര​നാ​യി​രുന്ന മത്തായി ലേവി, സംഖ്യ​കൾക്കു പ്രത്യേക ശ്രദ്ധ നൽകി. യേശു​വി​നെ ഒറ്റി​ക്കൊ​ടു​ത്ത​തി​ന്റെ പ്രതി​ഫലം “മുപ്പതു വെള്ളി​ക്കാശ്‌” ആണെന്നു പറയുന്ന ഏക സുവി​ശേ​ഷകൻ അദ്ദേഹ​മാണ്‌. (മത്തായി 27:3; മർക്കൊസ്‌ 2:14) വൈദ്യ​നാ​യി​രുന്ന ലൂക്കൊസ്‌, വൈദ്യ​സം​ബ​ന്ധ​മായ വിവരങ്ങൾ വളരെ കൃത്യ​ത​യോ​ടെ രേഖ​പ്പെ​ടു​ത്തി. യേശു സുഖ​പ്പെ​ടു​ത്തിയ ചിലരു​ടെ അവസ്ഥ വിവരി​ക്കവേ, “കഠിന​ജ്വ​രം,” ‘കുഷ്‌ഠം നിറഞ്ഞ’ എന്നിങ്ങ​നെ​യുള്ള പ്രയോ​ഗങ്ങൾ അദ്ദേഹം ഉപയോ​ഗി​ച്ചു. (ലൂക്കൊസ്‌ 4:38; 5:12; കൊ​ലൊ​സ്സ്യർ 4:14) സ്വന്തം വാക്കി​ലും ശൈലി​യി​ലും ആശയങ്ങൾ പ്രകടി​പ്പി​ക്കാൻ യഹോവ മിക്ക​പ്പോ​ഴും എഴുത്തു​കാ​രെ അനുവ​ദി​ച്ചു​വെ​ന്നും അതേസ​മയം തന്റെ ആശയങ്ങൾ കൃത്യ​ത​യോ​ടെ പകർത്ത​പ്പെ​ടു​ന്നു​വെന്ന്‌ ഉറപ്പു​വ​രു​ത്താ​നാ​യി ദൈവം അവരുടെ മനസ്സു​കളെ സ്വാധീ​നി​ച്ചു​വെ​ന്നു​മാണ്‌ ഇതു കാണി​ക്കു​ന്നത്‌.—സദൃശ​വാ​ക്യ​ങ്ങൾ 16:9.