രണ്ടാം വിവാ​ഹ​ത്തി​ലുള്ള കുടും​ബ​സ​മാ​ധാ​നം

● ‘റിപ്പോർട്ട​നു​സ​രിച്ച്‌ ചിറ്റപ്പൻ ക്ഷമയറ്റ്‌ ഭാര്യ​യു​ടെ പുത്രനെ അടിച്ചു​കൊ​ല്ലന്നു’

● ‘കുമാരി ചിറ്റ​പ്പനെ നിറ​യൊ​ഴി​ച്ചു​കൊ​ല്ലു​ന്ന​താ​യി’ പോലിസ്‌ റിപ്പോർട്ടു ചെയ്യുന്നു

● ‘റിപ്പോർട്ട​നു​സ​രിച്ച്‌, രണ്ടാനമ്മ പതിന്നാ​ലു വയസ്സു​കാ​രന്റെ പെരു​മാ​റ്റ​ത്തിൽ അരിശം പൂണ്ട്‌ അവനെ വെടി​വെച്ചു കൊന്നു.’

“രണ്ടാം വിവാ​ഹ​ത്തി​ലെ കുടും​ബങ്ങൾ അത്യന്തം സംഘർഷാ​ത്മക സ്ഥലങ്ങളാ​യി​രി​ക്കാൻ കഴിയും” എന്ന്‌ അമേരി​ക്ക​യി​ലെ സ്‌റ്റെപ്‌ ഫാമിലി അസോ​സി​യേഷൻ സഹസ്ഥാ​പ​ക​നായ ഡോ. ജോൺ വിഷർ വിശദീ​ക​രി​ക്കു​ന്നു: “ആളുകൾ അപ്രാ​യോ​ഗിക പ്രതീ​ക്ഷ​ക​ളു​മാ​യി ബന്ധത്തിൽ പ്രവേ​ശി​ക്കു​മ്പോൾ അവർ ഗണ്യമായ സമ്മർദ്ദ​ത്തിൻ കീഴി​ലാ​ണെന്ന്‌ അവർ പരാതി പറയാ​നി​ട​യുണ്ട്‌.” പെരു​കി​വ​രുന്ന വിവാ​ഹ​മോ​ചന നിരക്കു​കൾ നിമിത്തം രണ്ടാം വിവാഹ കുടും​ബങ്ങൾ നാടകീ​യ​മാ​യി വർദ്ധി​ച്ചി​രി​ക്കു​ന്നു. എന്നാൽ സങ്കടക​ര​മെന്നു പറയട്ടെ, അമേരി​ക്ക​യിൽ ഇവയിൽ 44 ശതമാനം ആദ്യത്തെ അഞ്ചു വർഷത്തി​നു​ള്ളിൽ പരാജ​യ​മ​ട​യു​ന്നു! എന്നിരു​ന്നാ​ലും, അനേകർ ഇരു കുടും​ബ​ങ്ങ​ളെ​യും ഒന്നാക്കി​ത്തീർക്കു​ന്ന​തി​ലെ അസാധാ​രണ പ്രശ്‌നങ്ങൾ തരണം ചെയ്‌തി​രി​ക്കു​ന്നു. ചുവടെ ചേർക്കുന്ന ബൈബിൾ തത്വങ്ങ​ളു​ടെ ബാധക​മാ​ക്കൽ മർമ്മ​പ്ര​ധാ​ന​മാ​യി​രു​ന്നു.

“ഒരു സംഗതി​യു​ടെ പിന്നീ​ടുള്ള അന്ത്യം അതിന്റെ ആരംഭ​ത്തേ​ക്കാൾ മെച്ചമാണ്‌. മനോ​ഭാ​വ​ത്തിൽ അഹങ്കാ​രി​യാ​യ​വ​നെ​ക്കാൾ ക്ഷമയു​ള്ളവൻ മെച്ചമാണ്‌. . . . നീരസ​പ്പെ​ടാൻ ധൃതി​കൂ​ട്ട​രുത്‌.” (സഭാ​പ്ര​സം​ഗി 7:8, 9) ക്ഷമ നിർണ്ണാ​യ​ക​മാണ്‌! സ്വാഭാ​വിക കുടും​ബ​ങ്ങ​ളിൽ സാധാ​ര​ണ​മെന്നു കാണ​പ്പെ​ടുന്ന ബന്ധങ്ങൾ ഇവിടെ സ്ഥാപി​ക്ക​പ്പെ​ടേ​ണ്ടി​യി​രി​ക്കു​ന്നു. നിങ്ങൾ ഒരു “തൽക്തണ​കു​ടും​ബ”മല്ല. ഒരു “നമ്മൾ” ബോധം വളർത്തി​യെ​ടു​ക്കു​ന്ന​തിന്‌ നാലു മുതൽ ഏഴുവരെ വർഷം വേണ്ടി​വ​രു​മെന്ന്‌ വിദഗ്‌ദ്ധൻമാർ പറയുന്നു. ആരംഭ​ഘ​ട്ട​ത്തിൽ രണ്ടാം മാതാ​പി​താ​ക്കൾ ഗൗരവം ഭാവി​ക്ക​രുത്‌. തങ്ങളു​ടേ​ത​ല്ലാത്ത മക്കളോട്‌ സൗഹൃദം സ്ഥാപി​ക്കാ​നുള്ള പ്രാരം​ഭ​ശ്ര​മങ്ങൾ നിരസി​ക്ക​പ്പെ​ട്ടാൽ പെട്ടെന്നു മുഷി​യാ​തി​രി​ക്കാൻ ശ്രമി​ക്കുക.

“ധിക്കാ​ര​ത്താൽ ഒരുവൻ ഒരു വഴക്കു​ണ്ടാ​ക്കുക മാത്രമേ ചെയ്യു​ന്നു​ള്ളു, എന്നാൽ കൂടി​യാ​ലോ​ചി​ക്കു​ന്ന​വ​രിൽ ജ്ഞാനമുണ്ട്‌.” (സദൃശ​വാ​ക്യ​ങ്ങൾ 13:10) മക്കളു​ടെ​യോ മാതാ​പി​താ​ക്ക​ളു​ടെ​യോ ഭാഗത്തെ ഉദ്ധതമായ, ധിക്കാ​ര​പൂർവ്വ​ക​മായ, മനോ​ഭാ​വം ശണ്‌ഠ​യി​ലേക്കു നയിക്കു​ന്നു. ഒരു കുടും​ബ​മെന്ന നിലയിൽ നിങ്ങൾക്കു കൂടി​യാ​ലോ​ചി​ക്കാൻ കഴിയു​മെ​ങ്കിൽ അതിന്‌ നിരന്തരം ക്രമീ​ക​രണം ചെയ്യു​ക​യും പ്രശ്‌നങ്ങൾ പറഞ്ഞു​തീർക്കു​ക​യും ചെയ്യുക. മറ്റു​ള്ള​വ​രോട്‌ സംവേ​ദനം പ്രകട​മാ​ക്കുന്ന വിധത്തിൽ നിങ്ങളു​ടെ വിചാ​രങ്ങൾ പ്രകടി​പ്പി​ക്കാൻ പഠിക്കുക. “പുതിയ” കുടും​ബാം​ഗ​ങ്ങളെ നിങ്ങൾ എത്രയ​ധി​കം അറിയു​ന്നു​വോ അത്രയ​ധി​ക​മാ​യി നിങ്ങൾ അടുക്കു​ന്ന​താ​യി​രി​ക്കും.

“ഒരു കാര്യ​ത്തിൽ ഉൾക്കാഴ്‌ച പ്രകട​മാ​ക്കു​ന്നവൻ നൻമ കണ്ടെത്തും, യഹോ​വ​യിൽ ആശ്രയി​ക്കു​ന്നവൻ സന്തുഷ്ട​നാ​കു​ന്നു.” (സദൃശ​വാ​ക്യ​ങ്ങൾ 16:20) ഉൾക്കാ​ഴ്‌ച​യിൽ പുറമേ കാണു​ന്ന​തി​ന​തീ​ത​മാ​യി നോക്കു​ന്ന​തും ചില മനോ​ഭാ​വ​ങ്ങ​ളു​ടെ​യും പെരു​മാ​റ്റ​ത്തി​ന്റെ​യും കാരണങ്ങൾ തിരി​ച്ച​റി​യു​ന്ന​തി​നുള്ള പ്രാപ്‌തി​യും ഉൾപ്പെ​ടു​ന്നു. (മറുവ​ശത്തെ അഭിമുഖ സംഭാ​ഷണം കാണുക.) ഈ ഗുണത്തിന്‌ മറ്റു​ള്ള​വ​രി​ലെ നൻമ കാണാൻ നിങ്ങളെ സഹായി​ക്കാൻ കഴിയും

ഉദാഹ​ര​ണ​ത്തിന്‌, ഒരു സ്‌ഫോ​ട​നാ​ത്മ​ക​മായ ചർച്ചയിൽ, ഒരു രണ്ടാനമ്മ ഇടയ്‌ക്കു കയറി ഇങ്ങനെ നിർദ്ദേ​ശി​ച്ചു: “നമു​ക്കെ​ല്ലാ​വർക്കും അങ്ങോ​ട്ടു​മി​ങ്ങോ​ട്ടും ഇഷ്ടമി​ല്ലാത്ത ഒരു കാര്യം പറയാം. പിന്നീട്‌ പെട്ടെ​ന്നു​തന്നെ നമുക്ക്‌ യഥാർത്ഥ​ത്തിൽ ഇഷ്ടമുള്ള എന്തെങ്കി​ലും പറയാം.” പിന്നീട്‌ അവർ എഴുതി: “ഞങ്ങൾ അന്യോ​ന്യം വിലമ​തിച്ച എല്ലാ നല്ല വശങ്ങളി​ലും ഞങ്ങൾ അത്ഭുത​പ്പെ​ട്ടു​പോ​യി.” കണ്ണുനീ​രും ആശ്ലേഷ​വും പിന്തു​ടർന്നു. മറ്റൊ​രു ഭവനത്തിൽ ഒരു കൗമാ​ര​പ്രാ​യ​ക്കാ​രൻ അവന്റെ അമ്മ പുനർവി​വാ​ഹം ചെയ്‌ത​പ്പോൾ മത്സരിച്ചു. എന്നാൽ ഉൾക്കാഴ്‌ച സമാധാ​നം കൈവ​രു​ത്തി. “ഏതാനും മാസങ്ങൾ കഴിഞ്ഞ​പ്പോൾ, എന്റെ അമ്മയെ സന്തോ​ഷി​പ്പി​ക്കുന്ന മനുഷ്യൻ ഇതാ​ണെന്ന്‌ ഞാൻ തിരി​ച്ച​റി​ഞ്ഞു” എന്ന്‌ ജേഫ്‌ പറയു​ക​യു​ണ്ടാ​യി. പ്രാധാ​ന്യ​മർഹി​ക്കു​ന്നത്‌ അതു മാത്ര​മാണ്‌.”

എന്നാൽ നിങ്ങൾ ഈ തത്വങ്ങൾ ബാധക​മാ​ക്കു​മോ​യെ​ന്നത്‌ നിങ്ങളു​ടെ ആത്മീയ​തയെ ആശ്രയി​ച്ചി​രി​ക്കു​ന്നു. യഹോ​വയെ പ്രസാ​ദി​പ്പി​ക്കാ​നാ​ഗ്ര​ഹി​ച്ചു​കൊണ്ട്‌ “യഹോ​വ​യിൽ ആശ്രയി​ക്കു”ന്നതാണ്‌ അത്തരം കുടും​ബ​ങ്ങ​ളി​ലെ സമാധാ​ന​ത്തി​ന്റെ താക്കോൽ. (g86 1/8)