വെള്ളം, വെള്ളം സർവ്വത്ര

പ്രഭാതം പൊട്ടി​വി​ട​രു​ന്നു. ആളുകൾ വിശ്ര​മ​ദാ​യ​ക​മായ ഒരു രാത്രി​ക്കു​ശേഷം വീടു​ക​ളിൽ പിട​ഞ്ഞെ​ഴു​ന്നേൽക്കു​ന്നു. അവരുടെ ശരീര​ങ്ങൾക്ക്‌ നവോ​ത്തേ​ജ​ന​മേ​കാൻ ജലധാ​രാ​സ്‌നാ​ന​വും റ്റബ്ബ്‌ വാട്ടറും വേണം. ഉറക്കം​തൂ​ങ്ങുന്ന കണ്ണുകൾ വെള്ളം തെറി​പ്പി​ക്കു​മ്പോൾ ഉണരുന്നു. മീശവ​ടി​ക്കേ​ണ്ട​വ​രുണ്ട്‌. ചിലർക്ക്‌ അത്യാ​വ​ശ്യ​വും അനിവാ​ര്യ​വു​മാ​യി ആദ്യം കിട്ടേണ്ട ചായക്ക്‌ അല്ലെങ്കിൽ കാപ്പിക്ക്‌ കുടം കണക്കിൽ വെള്ളം കോ​രേ​ണ്ട​തുണ്ട്‌. മലിന​മായ പാത്ര​ങ്ങ​ളും മുഷിഞ്ഞ വസ്‌ത്ര​ങ്ങ​ളും ശുദ്ധജ​ല​ത്തിൽ കഴുകണം.

പ്രഭാത സൂര്യൻ ആകാശ​ത്തിൽ ഉയർന്നു​പൊ​ങ്ങു​മ്പോൾ വ്യവസാ​യ​ത്തി​ന്റെ ചക്രങ്ങൾ തിരിഞ്ഞു തുടങ്ങു​ന്നു. താപന​ത്തി​നും ശീതീ​ക​ര​ണ​ത്തി​നും വൈദ്യു​തി​യു​ല്‌പാ​ദ​ന​ത്തി​നും രാസവ​സ്‌തു നിർമ്മാ​ണ​ത്തി​നും മറ്റനേകം കാര്യ​ങ്ങൾക്കും അത്യാ​വ​ശ്യ​മായ ആ ജീവര​ക്ത​ത്തിന്‌, അതെ വെള്ളത്തിന്‌, മൈൽക​ണ​ക്കി​നു ദൈർഘ്യ​മുള്ള കുഴലു​ക​ളി​ലൂ​ടെ ഒഴുകാൻ കഴി​യേ​ണ്ട​തിന്‌ വാൽവു​കൾ തുറക്ക​പ്പെ​ടു​ന്നു.

ഇലക്‌ട്രിക്ക്‌ പ്ലഗ്ഗ്‌ ഊരു​മ്പോ​ഴെ​ന്ന​പോ​ലെ, വെള്ളമി​ല്ലാ​ത്ത​പ്പോൾ തീർച്ച​യാ​യും വ്യവസാ​യ​ത്തി​ന്റെ ചക്രങ്ങൾ നിശ്ചല​മാ​കു​ന്നു. ദൃഷ്ടാ​ന്ത​മാ​യി നിങ്ങളു​ടെ കാറിലെ 2000 റാത്തൽ ഉരുക്കി​ന്റെ നിർമ്മാ​ണ​ത്തിന്‌ 60000 ഗ്യാലൻ വെള്ളം പുനഃ​പ​രി​വൃ​ത്തി​യി​ലൂ​ടെ ഉപയോ​ഗി​ക്കേ​ണ്ടി​വന്നു, അതിന്റെ റ്റാങ്കിലെ ഓരോ ഗ്യാലൻ ഇന്ധനത്തി​ന്റെ​യും പ്രോ​സ​സ്സിം​ഗിന്‌ 4 ഗ്യാലൻ വെള്ളം വേണ്ടി​വന്നു.a കഫേക​ളും റസ്‌റ്റോ​റ​ണ്ടു​ക​ളും തിരക്കു​പി​ടിച്ച മറ്റൊരു ദിവസ​ത്തി​നു​വേണ്ടി ഒരുങ്ങു​ന്നു, അന്നും അവരുടെ വാട്ടർമീ​റ്റർ സൂചികൾ സത്വരം കറങ്ങും. കൂടുതൽ വരണ്ട പ്രദേ​ശ​ങ്ങ​ളിൽ മൈൽക​ണ​ക്കി​നു പൈപ്പു​ക​ളും പതിനാ​യി​ര​ക്ക​ണ​ക്കിന്‌ തളിക്കൽ ഉപകര​ണ​ങ്ങ​ളും വില​യേ​റിയ ദശലക്ഷ​ക്ക​ണ​ക്കിന്‌ ഘനയടി വെള്ളം നിർഗ്ഗ​മി​പ്പിച്ച്‌ കൃഷി​യി​ട​ങ്ങ​ളിൽ ജലസേ​ചനം നടത്തുന്നു. അവിടെ നിന്നാണ്‌ വളരെ​യ​ധി​കം ഭക്ഷ്യവ​സ്‌തു​ക്കൾ നഗരങ്ങ​ളി​ലേക്കു വരുന്നത്‌.

വെള്ളം, വെള്ളം, സർവ്വത്ര. വറ്റാത്ത അളവിൽ അതു​ണ്ടെന്നു തോന്നു​ന്നു മിക്കവ​രു​ടെ​യും മനസ്സിൽ ഈ ചിന്ത വ്യാപ​രി​ക്കു​ന്ന​തു​കൊണ്ട്‌, അത്‌ ദുർവി​നി​യോ​ഗം ചെയ്യുന്നു, തെറ്റായി ഉപയോ​ഗി​ക്കു​ന്നു, പാഴാ​ക്കു​ന്നു, അഗണ്യ​മാ​ക്കു​ന്നു, അതിന്റെ ഉറവി​നെ​ക്കു​റി​ച്ചു ചിന്തി​ക്കു​ന്നു​മില്ല. അത്‌ അനായാ​സം ലഭ്യമാ​യി​രി​ക്കു​ന്ന​തി​നാൽ നഗരങ്ങ​ളി​ലെ ധനശേഷി കുറഞ്ഞ​വർക്കു​പോ​ലും പുരാതന രാജാ​ക്കൻമാർ അവരുടെ പ്രതാ​പ​ത്തിൽ ജീവി​ച്ച​തി​നെ​ക്കാൾ മെച്ചമാ​യി ജീവി​ക്കാൻ കഴിയും. അവരുടെ അടുക്ക​ള​യിൽ അല്ലെങ്കിൽ കുളി​മു​റി​യിൽ ഒരു മൊട്ട്‌ തിരി​ക്കു​മ്പോൾ അവർക്ക്‌ പൈപ്പിൽ നിന്ന്‌ ചൂടു​വെ​ള്ള​മോ പച്ചവെ​ള്ള​മോ കിട്ടുന്നു. (ദൃഷ്ടാ​ന്ത​ത്തിന്‌ അമേരി​ക്കൻ ഐക്യ​നാ​ടു​ക​ളിൽ ഓരോ ആളിനും പ്രതി​ദി​നം ശരാശരി 87 ഗ്യാലൻ).

സകല ജീവി​കൾക്കും വെള്ളം അത്യന്താ​പേ​ക്ഷി​ത​മാണ്‌. വായു കഴിഞ്ഞാൽ മനുഷ്യ​ജീ​വന്റെ നിലനിൽപ്പിന്‌ അത്യാ​വ​ശ്യ​മാ​യി​രി​ക്കു​ന്നത്‌ അതാണ്‌. മനുഷ്യന്‌ ആഹാരം കൂടാതെ ഒരു മാസത്തിൽ കൂടുതൽ ജീവി​ക്കാൻ കഴിയും. വെള്ളമോ വെള്ളമ​ട​ങ്ങിയ ഭക്ഷണമോ പാനീ​യ​മോ കിട്ടാ​ത്ത​പ്പോൾ അവൻ ഒരാഴ്‌ച​ക്കു​ള്ളിൽ മരിക്കും. അവന്റെ ശരീര​ത്തിന്‌ സാധാ​ര​ണ​യുള്ള ജലത്തിന്റെ 20 ശതമാ​ന​ത്തിൽ കൂടുതൽ നഷ്ടപ്പെ​ടു​മ്പോൾ അവൻ വേദന​പ്പെട്ടു മരിക്കും.

മനുഷ്യ ചരി​ത്ര​ത്തി​ലു​ട​നീ​ളം വെള്ളത്തി​നു​വേ​ണ്ടി​യുള്ള തീവ്ര​മായ അന്വേ​ഷണം ഉണ്ടായി​ട്ടുണ്ട്‌. അതിന്റെ നിയ​ന്ത്ര​ണ​ത്തി​നു​വേണ്ടി യുദ്ധങ്ങൾ നടത്തി​യി​ട്ടുണ്ട്‌. ഒരു മരുഭൂ​മി​യി​ലെ ചെളി​നി​റഞ്ഞ ഒരു മരുപ്പ​ച്ച​ക്കു​വേണ്ടി മനുഷ്യൻ അന്യോ​ന്യം കൊന്നി​ട്ടുണ്ട്‌. വെള്ളം ധാരാളം ഉണ്ടായി​രു​ന്ന​ടത്ത്‌ പട്ടണങ്ങ​ളും നഗരങ്ങ​ളും സാമ്രാ​ജ്യ​ങ്ങ​ളും ഉയർന്നു​വ​ന്നി​ട്ടുണ്ട്‌. വെള്ളത്തി​ന്റെ ലഭ്യത നിലച്ച​പ്പോൾ ചിലത്‌ ഉപേക്ഷി​ക്ക​പ്പെട്ടു. മനുഷ്യർ വെള്ളത്തിന്‌ വിഗ്ര​ഹ​മു​ണ്ടാ​ക്കു​ക​യും അവയെ ദൈവ​ങ്ങ​ളാ​യി ആരാധി​ക്കു​ക​യും ചെയ്‌തി​ട്ടുണ്ട്‌. ജലം ദുർല്ല​ഭ​മാ​യി​രു​ന്ന​പ്പോൾ വലിയ കർമ്മാ​നു​ഷ്‌ഠാ​ന​ങ്ങ​ളും യാഗങ്ങ​ളും മുഖേന അവയോ​ടു പ്രാർത്ഥി​ക്കു​ക​യും വെള്ളം കണ്ടെത്തി​യ​പ്പോൾ ബഹുമതി കൊടു​ക്കു​ക​യും ചെയ്‌തി​ട്ടുണ്ട്‌.

ജലപ്ര​തി​സന്ധി—വരുന്നോ അതോ ഇപ്പോ​ഴു​ണ്ടോ?

ഭൂമി​യിൽ ജനസം​ഖ്യാ സ്‌ഫോ​ട​ന​മു​ണ്ടാ​യ​പ്പോൾ വെള്ളത്തി​ന്റെ ആവശ്യം പൂർവ്വോ​പരി വർദ്ധിച്ചു. കൂടുതൽ വെള്ളത്തി​ന്റെ ആവശ്യം ചർച്ച​ചെ​യ്യു​ന്ന​തിന്‌ ലോക​ത്തെ​മ്പാ​ടും വിനി​യോ​ഗി​ക്കുന്ന വർത്തമാ​ന​പ്പത്ര പംക്തികൾ അനന്തമാണ്‌. ചില വിദഗ്‌ദ്ധൻമാർ “വരാൻപോ​കുന്ന ജലപ്ര​തി​സന്ധി”യെക്കു​റി​ച്ചും “അടുത്ത വിഭവ ഭൗർല്ലഭ്യ”ത്തെക്കു​റി​ച്ചും പറയുന്നു. എന്നിരു​ന്നാ​ലും, മറ്റു ചിലർ കൂടുതൽ അശുഭ​ക​ര​മായ ഒരു പ്രസ്‌താ​വന കൂട്ടി​ച്ചേർക്കു​ന്നു. “നമ്മുടെ ജനത ഇപ്പോൾത്തന്നെ ഒരു ജല പ്രതി​സ​ന്ധി​യി​ലാണ്‌” എന്ന്‌ ഒരു യു​ണൈ​റ്റഡ്‌ സ്‌റ്റേ​റ്റ്‌സ്‌ സെനറ്റർ പറയു​ക​യു​ണ്ടാ​യി. “സംഭവി​ക്കാൻ പോകുന്ന ഒരു പ്രതി​സ​ന്ധി​യാ​ണ​തെന്ന്‌ ആളുകൾ പറയുന്നു. അത്‌ ഇപ്പോൾത്തന്നെ ഒരു പ്രതി​സ​ന്ധി​യാണ്‌” എന്ന്‌ അവിടത്തെ ഹൗസ്‌വാ​ട്ടർ റിസോ​ഴ്‌സസ്‌ സബ്‌ക​മ്മി​റ്റി ചെയർമാൻ എഴുതി. “അമേരി​ക്ക​യു​ടെ ഏറ്റവും വില​യേ​റിയ വിഭവം അപകട​ത്തി​ലാണ്‌” എന്ന്‌ 1985 മാർച്ചി​ലെ യു.എസ്‌.ന്യൂസ്‌ ആൻഡ്‌ വേൾഡ്‌ റിപ്പോർട്ട്‌ എഴുതു​ക​യു​ണ്ടാ​യി. “ഗാർഹിക വശത്തെ 1990-കളിലെ പ്രതി​സന്ധി, ഗാർഹി​കാ​വ​ശ്യ​ത്തി​നുള്ള വെള്ളത്തി​ന്റെ കുറവാ​യി​രി​ക്കും” എന്ന്‌ യു.എസ്‌. ആഭ്യന്തര സെക്ര​ട്ടറി പറഞ്ഞു. “വെള്ളത്തി​നു​വേ​ണ്ടി​യുള്ള ജനസമു​ദാ​യ​ത്തി​ന്റെ ആവശ്യത്തെ നേരി​ടാൻ നമുക്കു കഴിയാ​ത്ത​പക്ഷം വളർച്ച​യെ​യും തൊഴിൽ ലഭ്യത​യേ​യും വർദ്ധി​പ്പി​ക്കാ​നും കാർഷി​ക​വൃ​ദ്ധി​യെ വർദ്ധി​പ്പി​ക്കാ​നും പരിഃ​സ്ഥി​തി​യെ സംരക്ഷി​ക്കാ​നും നമ്മുടെ നഗരങ്ങളെ പുനർജ്ജീ​വി​പ്പി​ക്കാ​നു​മുള്ള നമ്മുടെ സകല ശ്രമങ്ങ​ളും അർത്ഥശൂ​ന്യ​മാ​യി​രി​ക്കും” എന്ന്‌ അദ്ദേഹം മുന്നറി​യി​പ്പു നൽകി.

നിർഭാ​ഗ്യ​വ​ശാൽ, ജലപ്ര​തി​സന്ധി ഒരു അമേരി​ക്കൻ പ്രശ്‌നം മാത്രമല്ല, പിന്നെ​യോ മുഴു​ലോ​ക​ത്തെ​യും ബാധി​ക്കുന്ന ഒന്നാണ്‌. “ലോക​ത്തി​ലെ ജലപ്ര​തി​സന്ധി എണ്ണപ്ര​തി​സ​ന്ധി​യെ​ക്കാൾ വളരെ​യ​ധി​കം ഗൗരവാ​വ​ഹ​മാണ്‌” എന്ന്‌ ഒരു എഴുത്തു​കാ​രൻ പറയു​ക​യു​ണ്ടാ​യി. “അടുത്ത ഇരുപതു വർഷങ്ങ​ളിൽ മുപ്പതി​ല​ധി​കം രാജ്യ​ങ്ങ​ളിൽ കഠിന​മായ ക്ഷാമു​ണ്ടാ​കും. ജനസം​ഖ്യ​വർദ്ധി​ക്കു​ക​യും ജലക്ഷാമം കൂടുതൽ രൂക്ഷമാ​കു​ക​യും ചെയ്യു​മ്പോൾ രാജ്യങ്ങൾ അതിനു​വേണ്ടി യുദ്ധം ചെയ്യാ​നുള്ള സാദ്ധ്യ​തയെ ഒരുവനു തള്ളിക്ക​ള​യാ​നാ​വില്ല” എന്ന്‌ അദ്ദേഹം കൂട്ടി​ച്ചേർത്തു. സകല സൂചന​ക​ളു​മ​നു​സ​രിച്ച്‌ ലോക​ത്തി​ന്റെ ജലഭാവി തീർച്ച​യാ​യും ഭയാന​ക​മാം​വി​ധം ആശങ്കാ​ജ​ന​ക​മാ​ണെ​ന്നാണ്‌ ലോക​വി​ദ​ഗ്‌ദ്ധൻമാ​രു​ടെ​യും ആസൂ​ത്ര​ക​രു​ടെ​യും ഏകകണ്‌ഠ​മായ വീക്ഷണം.

വെള്ളത്തെ സംബന്ധിച്ച ഈ ലോക ഉൽക്കണ്‌ഠ എന്തു​കൊണ്ട്‌? ഭൂമിക്ക്‌ വമ്പിച്ച അളവിൽ വെള്ളമുണ്ട്‌. ഭൂമി​യു​ടെ ഉപരി​ത​ല​ത്തി​ന്റെ 70-ൽ പരം ശതമാനം വെള്ളത്താൽ മൂട​പ്പെ​ട്ടി​രി​ക്കു​ന്നു. ഈ വമ്പിച്ച ദ്രാവക വ്യാപ്‌തം മനസ്സി​ലാ​ക്കു​ന്ന​തിന്‌ മനസ്സിന്‌ അഭ്യാസം ആവശ്യ​മാണ്‌. ദൃഷ്ടാ​ന്ത​ത്തിന്‌ ഒരു മൈൽ നീളവും ഒരു മൈൽ വീതി​യും ഒരു മൈൽ ആഴവു​മുള്ള ഒരു കുഴി​യെ​ക്കു​റി​ച്ചു സങ്കൽപ്പി​ക്കുക—ഒരു ഘനമൈൽ. ഇതിൽ വെള്ളം നിറക്കു​ന്ന​തിന്‌ ഒരു ലക്ഷം കോടി​യിൽ പരം ഗ്യാലൻ (1,000,000,000,000) വെള്ളം വേണം. ഇപ്പോൾ ഈ വ്യാപ്‌തത്തെ 326 ദശലക്ഷം ഘനമൈൽ കൊണ്ടു പെരു​ക്കുക. അപ്പോൾ നിങ്ങൾ ഭൂമി​യി​ലെ വെള്ളത്തി​ന്റെ ഏകദേശ അളവി​ലെ​ത്തു​ന്നു. അത്‌ സൂര്യന്റെ ചൂടി​നാൽ വലി​ച്ചെ​ടു​ക്ക​പ്പെട്ട്‌ സമു​ദ്ര​ത്തിൽനി​ന്നും നദിക​ളിൽനി​ന്നും തടാക​ങ്ങ​ളിൽനി​ന്നും അന്തരീ​ക്ഷ​ത്തി​ലേക്ക്‌ നീങ്ങു​ക​യും അനന്തരം മഴയു​ടെ​യോ മഞ്ഞി​ന്റെ​യോ രൂപത്തിൽ തിരികെ വീഴു​ക​യും ചെയ്യുന്നു.—സഭാ​പ്ര​സം​ഗി 1:7.

മനുഷ്യ​ന്റെ സൃഷ്ടി​മു​തൽ നിത്യ​ത​യി​ലെ​ല്ലാം സകല ജീവി​യു​ടെ​യും ആഗ്രഹത്തെ നിറ​വേ​റ്റാൻ വേണ്ടതി​ല​ധി​കം വെള്ളം ഭൂമി​യി​ലു​ണ്ടെന്ന്‌ വസ്‌തു​തകൾ സൂചി​പ്പി​ക്കു​ന്നു. (സങ്കീർത്തനം 145:16) അപ്പോൾ, ജലപ്ര​തി​സന്ധി എന്തു​കൊണ്ട്‌? (g86 11/22)

[അടിക്കു​റി​പ്പു​കൾ]

1 ഗ്യാലൻ=3.8ലി.