ജലപ്ര​തി​സന്ധി—യഥാർത്ഥ​ത്തിൽ വെള്ളം വറ്റി​പ്പോ​കു​ക​യാ​ണോ?

തുടക്ക​ത്തിൽത്തന്നെ പറയട്ടെ, ഭൂമി​യു​ടെ ഉപരി​ത​ല​ത്തി​ന്റെ 70 ശതമാനം വെള്ളം മൂടി​ക്കി​ട​ക്കു​ന്നു​വെ​ങ്കി​ലും അതെല്ലാം കുടി​ക്കാൻ കൊള്ളു​ന്നതല്ല. ദൃഷ്ടാ​ന്ത​മാ​യി, ഈ വെള്ളത്തി​ന്റെ ഏതാണ്ട്‌ 97 ശതമാനം സമു​ദ്ര​ങ്ങ​ളാണ്‌. ഇത്‌ ശുദ്ധജ​ല​മാ​യി തരംതി​രി​ക്ക​പ്പെ​ടു​ന്നത്‌ 3 ശതമാ​ന​മാ​യി അവശേ​ഷി​പ്പി​ക്കു​ന്നു.

എന്നിരു​ന്നാ​ലും, ഈ വെള്ളത്തി​ന്റെ നാലിൽ മൂന്നിൽ കൂടുതൽ ഭൂമി​യി​ലെ ഹിമസം​ഹ​തി​ക​ളി​ലും ധ്രുവ ഹിമൂ​ടി​ക​ളി​ലും ഉറഞ്ഞു​കി​ട​ക്കു​ക​യാണ്‌. മറ്റൊരു 14 ശതമാനം ജലവാ​ഹി​സ്‌ത​ര​ങ്ങ​ളി​ലെ (വെള്ളത്തെ ഉൾക്കൊ​ള്ളു​വാ​നും അതിനു ചലിക്കു​വാ​നും ഇടം നൽകുന്ന പാറ​ക്കെ​ട്ടു​കൾ) ഭൂഗർഭ​ജ​ല​മാണ്‌, അതു വളരെ ആഴത്തി​ലാ​ക​യാൽ വലി​ച്ചെ​ടു​ക്കാൻ പ്രയാ​സ​മാണ്‌. 0.027 ശതമാ​ന​മെന്നു കണക്കാ​ക്ക​പ്പെ​ടുന്ന ശേഷിച്ച വെള്ളം ശുദ്ധജല നദിക​ളി​ലൂ​ടെ​യും തടാക​ങ്ങ​ളി​ലൂ​ടെ​യും അരുവി​ക​ളി​ലൂ​ടെ​യും വലി​ച്ചെ​ടു​ക്കാൻ കഴിയുന്ന ജലവാ​ഹി​സ്‌ത​ര​ങ്ങ​ളി​ലൂ​ടെ​യും ഒഴുകു​ന്നു. ഉപരി​ത​ല​ത്തി​ലെ ശുദ്ധജലം മഴയാ​ലും മറ്റ്‌ ഊറലു​ക​ളാ​ലും പുനഃ​പൂ​രി​ത​മാ​കു​ന്നു. എന്നാൽ ചില ജലവാ​ഹി​സ്‌ത​ര​ങ്ങ​ളു​ടെ വലിയ ആഴം നിമിത്തം അവ പുനഃ​പൂ​രി​ത​മാ​ക്ക​പ്പെ​ടാൻ കഴിക​യില്ല.

ഭവനത്തി​ലെ​യും വ്യവസാ​യ​ത്തി​ലെ​യും ഉപയോ​ഗ​ത്തിന്‌ വൈദ്യു​തി ഉല്‌പാ​ദി​പ്പി​ക്കാൻ കഴിയുന്ന ഭീമാ​കാര റ്റേർ​ബൈ​നു​ക​ളിൽനിന്ന്‌ വ്യത്യ​സ്‌ത​മാ​യി, പുതിയ വെള്ളം നിർമ്മി​ക്കാൻ കഴിക​യില്ല. അതു​കൊണ്ട്‌ സ്‌പെ​ഷ്യൽ ചായക്കോ കാപ്പി​ക്കോ വേണ്ടി, അല്ലെങ്കിൽ ഊർജ്ജ​സ്വ​ലത നൽകുന്ന ചൂടു​വെള്ള റ്റബ്ബിനോ ഷവറി​നോ വേണ്ടി വീട്ടിൽ വാട്ടർറ്റാപ്പ്‌ ഓൺ ചെയ്യു​മ്പോ​ഴും വ്യാവ​സാ​യിക സ്ഥാപന​ങ്ങ​ളിൽ അല്ലെങ്കിൽ നീന്തൽ കുളങ്ങ​ളിൽ വീണ്ടും വെള്ളം നിറയ്‌ക്കു​ന്ന​തിന്‌ വലിയ വാൽവു​കൾ തുറക്കു​മ്പോ​ഴും അടുത്തുള്ള നദിക​ളിൽ നിന്നോ തടാക​ങ്ങ​ളിൽനി​ന്നോ ജലവാ​ഹി​സ്‌ത​ര​ങ്ങ​ളിൽനിന്ന്‌ വലി​ച്ചെ​ടു​ക്കുന്ന കിണറു​ക​ളിൽനി​ന്നോ വെള്ളം വരേണ്ടി​യി​രി​ക്കു​ന്നു. ഭൂമി​യി​ലെ വാർഷിക മഴവീഴ്‌ച സമൃദ്ധ​മാ​ണെ​ങ്കി​ലും അതു ഭൂമി​യു​ടെ എല്ലാഭാ​ഗ​ങ്ങ​ളി​ലും തുല്യ​അ​ള​വു​ക​ളിൽ പതിക്കു​ന്നില്ല. ഭൂമി​യു​ടെ ചില ഭാഗങ്ങ​ളിൽ വർഷപാ​തം സമൃദ്ധി​യി​ലും കവിഞ്ഞ​താ​യി​രി​ക്കാം. അതേസ​മയം മറ്റു ചിലട​ങ്ങ​ളിൽ വർഷങ്ങ​ളാ​യി മഴവീഴ്‌ച ഇല്ലായി​രി​ക്കാം. മഴ ദുർല്ല​ഭ​മാ​യി​രി​ക്കുന്ന സ്ഥലങ്ങളിൽ കൃഷിക്ക്‌ വലിയ ജലസേചന പദ്ധതികൾ ആവശ്യ​മാണ്‌. ഈ വെള്ളം പമ്പു​ചെ​യ്യു​ന്നത്‌ പുനഃ​പൂ​രണം ഇല്ലാത്ത​തോ അപര്യാ​പ്‌ത​മോ ആയ ജലവാ​ഹി​സ്‌ത​ര​ങ്ങ​ളിൽനി​ന്നാണ്‌. ഇത്‌ കിണറു​കൾ വറ്റി​പ്പോ​കു​ന്ന​തിൽ കലാശി​ച്ചി​ട്ടുണ്ട്‌.

ജലവാ​ഹി​സ്‌ത​രങ്ങൾ വറ്റി​പ്പോ​കു​ന്നു

ഈ ജലവാ​ഹി​സ്‌ത​ര​ങ്ങ​ളിൽ ലോക​ത്തി​ലേ​ക്കും ഏറ്റവും വലുത്‌ ഓഗല്ലാല ആണ്‌. അത്‌ മദ്ധ്യപ​ശ്ചിമ ഐക്യ​നാ​ടു​ക​ളി​ലെ ആറു സംസ്ഥാ​ന​ങ്ങൾക്കി​ട​യി​ലാണ്‌ സ്ഥിതി​ചെ​യ്യു​ന്നത്‌. ഭവനവും വ്യവസാ​യ​വും ജലസേ​ച​ന​വും മർമ്മ​പ്ര​ധാ​ന​മാ​യി അതിനെ ആശ്രയി​ച്ചാ​ണി​രി​ക്കു​ന്നത്‌. എന്നാൽ അത്‌ കോടി​ക്ക​ണ​ക്കി​നാ​ളു​കളെ ജീവൽ പ്രധാ​ന​മാ​യി ബാധി​ക്കുന്ന ഒരു പ്രതി​സ​ന്ധി​യോ​ട​ടു​ക്കു​ക​യാണ്‌. ഇപ്പോൾ ഓഗല്ലാ​ല​യിൽനിന്ന്‌ വെള്ളം പമ്പു​ചെ​യ്യുന്ന 200000 കിണറു​ക​ളുണ്ട്‌. 60000 ചതുരശ്രമൈൽa വിസ്‌തീർണ്ണം വരുന്ന ഒരു പ്രദേ​ശത്ത്‌ അതിലെ ജല വിതാനം 10 മുതൽ 15 വരെ അടി താണു​പോ​യി​രി​ക്കു​ന്നു. ഒരു എഴുത്തു​കാ​രൻ ഇങ്ങനെ പറയു​ക​യു​ണ്ടാ​യി: “ഒരു ഐസ്‌ക്രീം സോഡാ​യിൽ തങ്ങളുടെ സ്‌​ട്രോ​കൾ ഞെരു​ക്കി​ക്ക​ട​ത്തി​യി​രി​ക്കുന്ന ഒരു കൂട്ടം ബാലൻമാ​രെ​പ്പോ​ലെ അവർ പെട്ടെന്ന്‌ അത്‌ ഈമ്പി​ക്കു​ടി​ച്ചു വറ്റിക്കു​ക​യാണ്‌.”

ഈ ആസന്നമായ പ്രതി​സ​ന്ധി​യു​ടെ ആരംഭം ചിലർക്ക്‌ ഇപ്പോൾത്തന്നെ അനുഭ​വ​പ്പെ​ടു​ന്നുണ്ട്‌. “എന്റെ 11 കിണറു​ക​ളു​ടെ അടിത്ത​ട്ടു​ക​ളിൽനിന്ന്‌ ഏതാനും അടിവരെ പമ്പിംഗ്‌ നിരപ്പ്‌ താണു​പോ​യി​രി​ക്കു​ന്നു, അഞ്ചു വർഷമാ​യി അങ്ങനെ​ത​ന്നെ​യാണ്‌. ഞാൻ വളരെ വേഗം പമ്പു ചെയ്യു​ക​യാ​ണെ​ങ്കിൽ എന്റെ വെള്ളം വറ്റി​പ്പോ​കു​ന്നു” എന്ന്‌ ഒരു കൃഷി​ക്കാ​രൻ പറയു​ക​യു​ണ്ടാ​യി. “ഒടുവിൽ വെള്ളം പൊയ്‌പ്പോ​കും, ചില പ്രദേ​ശ​ങ്ങ​ളിൽ ആ സമയം ഈ തലമു​റ​യിൽതന്നെ വന്നേക്കാം” എന്ന്‌ ഒരു എഴുത്തു​കാ​രൻ പറയു​ക​യു​ണ്ടാ​യി. ഓഗല്ലാല 40 വർഷം കൊണ്ടു വറ്റി​പ്പോ​കു​മെന്ന്‌ ചില വിദഗ്‌ദ്ധൻമാർ കണക്കാ​ക്കു​ന്നു.

മറ്റനേകം അമേരി​ക്കൻ ജലവാ​ഹി​സ്‌ത​ര​ങ്ങ​ളും ഗുരു​ത​ര​മായ ദുരു​പ​യോ​ഗ​ത്തിന്‌ വിധേ​യ​മാ​കു​ന്നുണ്ട്‌. ഏറ്റവും ഗുരു​ത​ര​മായ കേസു​ക​ളിൽ പെട്ടതാണ്‌ ആരി​സോ​ണാ, റ്റക്ക്‌സൻ നഗരത്തി​ന​ടി​യിൽ സ്ഥിതി​ചെ​യ്യുന്ന ഒന്ന്‌—ഭൂഗർഭ​പ​ദ്ധ​തി​യെ പൂർണ്ണ​മാ​യും ആശ്രയി​ക്കുന്ന ഐക്യ​നാ​ടു​ക​ളി​ലെ ഏറ്റവും വലിയ നഗരമാ​ണിത്‌. ഭവനവും വ്യവസാ​യ​വും കൃഷി​ക്ക​ള​ങ്ങ​ളും ചെമ്പു​ഖ​നി​ക​ളും ഇതിനെ ആശ്രയി​ക്കു​ന്നു. ഫലം 1960-കൾ മുതൽ ജലവി​താ​ന​ത്തിൽ ഞെട്ടി​ക്കുന്ന 150 അടിയു​ടെ താഴ്‌ച അനുഭ​വ​പ്പെ​ട്ടി​രി​ക്കു​ന്നു​വെ​ന്ന​താണ്‌. ഈ ജലവാ​ഹി​സ്‌ത​ര​ത്തിൽനിന്ന്‌ പമ്പു​ചെ​യ്യുന്ന വെള്ളത്തി​ന്റെ 35 ശതമാനം മാത്രമേ വാർഷി​ക​മാ​യി പുനഃ​പൂ​രി​ത​മാ​കു​ന്നു​ള്ളു.

ചില പ്രദേ​ശ​ങ്ങ​ളിൽ ഈ ഭൂഗർഭ റിസർവോ​യ​റു​കൾ 160-ൽപരം അടി താണു​പോ​യി​രി​ക്കു​ന്നു. ദൃഷ്ടാ​ന്ത​മാ​യി റ്റെക്‌സാ​സി​ലെ എൽപാ​സോ​യി​ലും മെക്‌സി​ക്കോ​യി​ലെ കിയു​ഡാഡ്‌ ജ്വാര​സി​ലും അമിത പമ്പിംഗ്‌ നിമിത്തം ഭൂഗർഭ ജലനി​ര​പ്പു​കൾ ഗണ്യമാ​യി താണി​ട്ടുണ്ട്‌. ഡാല്ലസ്‌—ഫോർട്ട്‌ വേർത്ത്‌ മെ​ട്രോ​പ്പോ​ലീ​റ്റൻ പ്രദേ​ശത്ത്‌ കഴിഞ്ഞ 25 വർഷം​കൊണ്ട്‌ ജലവി​താ​നങ്ങൾ 390-ൽപരം അടി താണി​രി​ക്കു​ന്നു. ഈ തുടർച്ച​യായ ജലബാ​ദ്ധ്യത ഭൂഗർഭ പാപ്പര​ത്വ​ത്തി​ലേക്കു മാത്രമേ നയിക്കു​ക​യു​ള്ളു.

ആ രാഷ്‌ട്ര​ത്തി​ലെ ജലവാ​ഹി​സ്‌ത​ര​ങ്ങ​ളിൽനി​ന്നുള്ള അമിത​പ​മ്പിംഗ്‌, ജലവി​താ​നങ്ങൾ അപകട​ക​ര​മാ​യി താണ്‌ ക്ഷയിക്ക​ലി​ലേക്കു നീങ്ങു​ന്നതു കൂടാതെ, ഗുരു​ത​ര​മായ പാർശ്വ ഫലങ്ങളി​ലും കലാശി​ക്കു​ന്നുണ്ട്‌. ദൃഷ്ടാ​ന്ത​മാ​യി, റ്റെക്‌സാ​സി​ലെ മുഴു ഹൂസ്‌റ്റൺ നഗരവും മണലും കളിമ​ണ്ണും നിറഞ്ഞ അതിന്റെ അടിത്ത​റ​യി​ലേക്ക്‌ താഴു​ക​യാ​ണെന്ന്‌ 1982 സെപ്‌റ്റം​ബർ 26-ലെ ദ ന്യൂ​യോർക്ക്‌ ടൈംസ്‌ റിപ്പോർട്ട്‌ ചെയ്‌തു. “കാരണം വെള്ളമാണ്‌. നഗരത്തി​ന​ടി​യി​ലെ വിസ്‌തൃ​ത​മായ ജലവാ​ഹി​സ്‌ത​ര​ങ്ങ​ളിൽ നിന്ന്‌ അമിത പമ്പിംഗ്‌ നടത്തി കഴിഞ്ഞ ദശാബ്ദ​ത്തി​ലെ കഴു​ത്തൊ​ടി​ക്കുന്ന വികസ​നത്തെ പോഷി​പ്പി​ച്ചി​രി​ക്കു​ന്നു. ഭാവി ആവശ്യ​ങ്ങളെ തൃപ്‌തി​പ്പെ​ടു​ത്തു​ന്ന​തിന്‌ ഭൗമജലം മാത്ര​മാണ്‌ ഉപയോ​ഗി​ക്കു​ന്ന​തെ​ങ്കിൽ അത്‌ 2020 എന്ന വർഷമാ​കു​മ്പോ​ഴേക്ക്‌ 14 അടികൂ​ടെ താണേ​ക്കാം” എന്ന്‌ ആ പത്രം റിപ്പോർട്ടു ചെയ്‌തു.

അതേ വർഷം ആരി​സോ​ണാ സംസ്ഥാ​നത്തെ സമാന​മായ ഒരു സാഹച​ര്യ​ത്തെ​ക്കു​റിച്ച്‌ ന്യൂ​യോർക്ക്‌ ടൈംസ്‌ റിപ്പോർട്ട്‌ ചെയ്‌തു. ഭൂമി​യിൽ ചില പ്രദേ​ശ​ങ്ങ​ളിൽ 400 അടി ആഴവും ഏഴു​മൈൽ ദൈർഘ്യ​വു​മുള്ള വലിയ പിളർപ്പു​കൾ കണ്ടതായി റിപ്പോ​ട്ടു ചെയ്യ​പ്പെട്ടു.b ഈ പിളർപ്പു​കൾ കൃഷി​യി​ട​ങ്ങ​ളി​ലെ​യും നഗരങ്ങ​ളി​ലെ​യും ഉപയോ​ക്താ​ക്കൾക്കു​വേണ്ടി ജലവാ​ഹി​സ്‌ത​ര​ങ്ങ​ളിൽനിന്ന്‌ വൻതോ​തിൽ വെള്ളം പമ്പു ചെയ്‌ത​തി​ന്റെ നേരി​ട്ടുള്ള ഒരു ഫലമാ​യി​രു​ന്നു. ജലവി​താ​നം ഗണ്യമാ​യി കുറയു​മ്പോൾ അതിന്റെ മുകളി​ലെ ഉപരി​തലം ഇടിയു​ന്നു, ചില സ്ഥലങ്ങളിൽ അടിയി​ലെ പാറത്തറ വരെ 400 അടി ആഴം വരുന്ന വമ്പിച്ച വിള്ളലു​കൾ രൂപം​കൊ​ള്ളു​ന്നു. കൂടാതെ, ഫ്‌ളോ​റി​ഡാ സംസ്ഥാ​നത്ത്‌ ജലവാ​ഹി​സ്‌ത​ര​ങ്ങ​ളിൽനി​ന്നുള്ള അമിത പമ്പിംഗ്‌ നിലത്തിന്‌ തുരങ്കം​വെ​ച്ചി​രി​ക്കു​ന്നു, ഭവനങ്ങ​ളെ​യും മോ​ട്ടോർ വാഹന​ങ്ങ​ളെ​യും വിഴു​ങ്ങിയ ചാലുകൾ സൃഷ്ടി​ച്ചി​രി​ക്കു​ന്നു.

അമേരി​ക്കൻ ഐക്യ​നാ​ടു​ക​ളി​ലെ ഭൂഗർഭ ജലപ്ര​തി​സ​ന്ധി​യെ​ക്കു​റി​ച്ചുള്ള മുന്നറി​യി​പ്പു​കൾ വാർത്താ​മാ​ദ്ധ്യ​മ​ത്തി​ലൂ​ടെ മിക്കവാ​റും തുടർച്ച​യാ​യി വരുന്നുണ്ട്‌. അത്‌ ഒരു ദേശീയ ഉൽക്കണ്‌ഠ​യാണ്‌. “ജലവാ​ഹി​സ്‌ത​ര​ത്തി​ന്റെ നിരന്തര ശുഷ്‌ക്കി​പ്പി​ക്കൽ രാജ്യ​ത്തി​നും നമ്മുടെ സാമ്പത്തിക വളർച്ച​ക്കും നമ്മുടെ ജീവി​ത​ഗു​ണ​നി​ല​വാ​ര​ത്തി​നും ഭീഷണി​യാ​യി അംഗീ​ക​രി​ക്ക​പ്പെ​ടു​ന്നു” എന്ന്‌ യു. എസ്‌. പ്രതി​നി​ധി​സ​ഭ​യി​ലെ ജോൺ പി. ഹാമർഷ്‌മിത്ത്‌ പറയു​ക​യു​ണ്ടാ​യി. “സമൃദ്ധി​യു​ടെ ദേശം വെള്ളം ഒട്ടുമി​ല്ലാ​ത്ത​ടത്ത്‌ അതിനു​വേണ്ടി ഒടുങ്ങാത്ത ആവശ്യം സൃഷ്ടി​ച്ചി​രി​ക്കു​ന്നു”വെന്ന്‌ ഒരു യു. എസ്‌. സെനറ്റർ പറഞ്ഞു. “നമ്മുടെ ഭൗമ ജലവാ​ഹി​സ്‌ത​രങ്ങൾ നഷ്ടപ്പെ​ട്ടാൽ, അത്‌ അവസാ​ന​മാണ്‌. അത്‌ പുനരു​ദ്ധ​രി​ക്കു​ന്ന​തിന്‌ ഒരു ആയിരം വർഷം എടു​ത്തേ​ക്കാം” എന്ന്‌ കോൺഗ്ര​സ്‌മേൻ റോബർട്ട്‌ റോ പ്രസ്‌താ​വി​ച്ചു.

“50 വർഷം കൊണ്ട്‌ ഫീനി​ക്‌സ്‌ കാണു​ക​യില്ല”

സെനറ്റർ ഡാനിയൽ മൊയ്‌നി​ഹാൻ ഇങ്ങനെ പ്രസ്‌താ​വി​ച്ചു: “എണ്ണ കൂടാതെ നിങ്ങൾക്ക്‌ ജീവി​ക്കാം, സ്‌നേഹം കൂടാ​തെ​പോ​ലും നിങ്ങൾക്കു ജീവി​ക്കാം, എന്നാൽ വെള്ളം കൂടാതെ നിങ്ങൾക്ക്‌ ജീവി​ക്കാ​വതല്ല എന്ന്‌ ഞാൻ ഒരിക്കൽ സെനറ്റിൽവച്ചു പറഞ്ഞതാണ്‌ . . . സൗത്ത്‌ വെസ്‌റ്റി​ന്റെ അടിയി​ലെ ജലവാ​ഹി​സ്‌ത​രങ്ങൾ വറ്റിയാൽ 50 വർഷം കൊണ്ട്‌ ഫീനി​ക്‌സ്‌ [ആരി​സോ​ണാ] കാണു​ക​യില്ല; സുഹൃത്തേ, ഖേദി​ക്കു​ന്നു, വെള്ളം പൊയ്‌പ്പോ​യി​രി​ക്കു​ന്നു. അത്‌ യഥാർത്ഥ​മായ—പിമ്പോ​ട്ട​ടി​ക്കാൻ കഴിയാത്ത—ഒരു പ്രതി​സ​ന്ധി​യാണ്‌.” 1985 മാർച്ച്‌ 18-ലെ യു. എസ്‌. ന്യൂസ്‌ ആൻഡ്‌ വേൾഡ്‌ റിപ്പോർട്ട്‌ മാസിക ഒരു അന്തിമ പ്രസ്‌താ​വന കൂട്ടി​ച്ചേർക്കു​ന്നു: “വെള്ളം വറ്റി​പ്പോ​കു​ക​യെന്ന ആശയം മിക്ക അമേരി​ക്ക​ക്കാർക്കും ഭാവനാ​പൂർണ്ണ​മെന്നു തോന്നി​യേ​ക്കാം. എന്നാൽ ‘സമൃദ്ധി​യു​ടെ ദേശ’ത്തെ വെള്ള​ത്തെ​ക്കു​റി​ച്ചുള്ള ആത്മവി​ശ്വാ​സം അവസാ​നി​ക്കു​ക​യാ​ണെന്ന്‌ ഒട്ടേറെ ജലശാ​സ്‌ത്ര​ജ്ഞൻമാ​രും എൻജി​നി​യർമാ​രും പരി:സ്ഥിതി ശാസ്‌ത്ര​ജ്ഞൻമാ​രും ശഠിക്കു​ന്നു.”

ലോക​ത്തി​നു ചുറ്റു​മുള്ള മറ്റു രാഷ്‌ട്ര​ങ്ങ​ളും തങ്ങളുടെ ഭൂഗർഭ ജല പദ്ധതി​ക​ളു​ടെ സത്വര ശോഷ​ണ​ത്തെ​ക്കു​റിച്ച്‌ കഠിന വിലാപം നടത്തു​ന്നുണ്ട്‌. 70-കളുടെ ദശാബ്ദ​ത്തിൽ ജലസേ​ച​ന​ത്തി​നാ​യുള്ള അമിത പമ്പിംഗ്‌ നിമിത്തം തങ്ങളുടെ ജലനി​ര​പ്പു​കൾ നൂറടി​യോ​ളം താണതാ​യി ദക്ഷി​ണേ​ന്ത്യ​യി​ലെ ചില പ്രദേ​ശങ്ങൾ കണ്ടെത്തി. ചൈന​യു​ടെ ഉത്തര പ്രവി​ശ്യ​ക​ളിൽ അടിസ്ഥാ​ന​പ​ര​മാ​യി ജലവാ​ഹി​സ്‌ത​ര​ങ്ങ​ളിൽനിന്ന്‌ ജലവി​ത​രണം നടത്തുന്ന പത്തു വൻനഗ​രങ്ങൾ അമിത പമ്പിംഗ്‌ നിമി​ത്ത​മുള്ള നിരപ്പു​താ​ഴ്‌ച​യു​ടെ പ്രശ്‌ന​ങ്ങളെ അഭിമു​ഖീ​ക​രി​ക്കു​ക​യാണ്‌. അവയുടെ ജലവാ​ഹി​സ്‌ത​ര​ങ്ങ​ളു​ടെ ശോഷ​ണ​വും സമ്മർദ്ദ​ന​വും നിമിത്തം ഈ നഗരങ്ങ​ളിൽ ചിലത്‌ 1950 മുതൽ വർഷം​തോ​റും 8 മുതൽ 12 ഇഞ്ചുവരെ താണു​കൊ​ണ്ടാ​ണി​രി​ക്കു​ന്നത്‌.c മെക്‌സി​ക്കോ നഗരത്തി​നും താഴ്‌ച നിമിത്തം കരപ്ര​ദേ​ശ​ത്തി​നു തകരാ​റു​ണ്ടാ​കു​മെ​ന്നുള്ള ഭീഷണി​യുണ്ട്‌.

ജലവാ​ഹി​സ്‌ത​രങ്ങൾ സമു​ദ്ര​ത്തോ​ട​ടു​ത്താ​യി​രി​ക്കുന്ന പ്രദേ​ശ​ങ്ങ​ളിൽ പ്രശ്‌നം സങ്കീർണ്ണ​മാ​കു​ന്നു. ജലവാ​ഹി​സ്‌ത​ര​ങ്ങ​ളിൽ പമ്പിംഗ്‌ നിമിത്തം നിരപ്പു​കൾ താഴു​മ്പോൾ സമു​ദ്ര​ത്തിൽ നിന്ന്‌ ഉപ്പു​വെള്ളം തള്ളിക്ക​യ​റു​ക​യും ഈ നുഴഞ്ഞു​ക​യ​റ്റ​ത്താൽ ശുദ്ധജലം മലിന​മാ​യി​ത്തീ​രു​ക​യും ചെയ്യുന്നു. യിസ്രാ​യേൽ, സിറിയാ, അറേബ്യൻ ഗൾഫ്‌ നാടുകൾ എന്നിവ ഭൂമി​ക്ക​ടി​യി​ലെ ഈ വെള്ളങ്ങ​ളു​ടെ യുദ്ധത്തെ നേരി​ടേ​ണ്ടി​യി​രി​ക്കു​ന്നു.

സോവ്യറ്റ്‌ യൂണി​യന്റെ ദുരവ​സ്ഥ​യും വെള്ളത്തി​നാ​യുള്ള അതിന്റെ പോരാ​ട്ട​വും മറ്റു രാജ്യ​ങ്ങ​ളെ​പ്പോ​ലെ പ്രമാ​ണീ​കൃ​ത​മ​ല്ലെ​ങ്കി​ലും അതും സമാന​മായ പ്രശ്‌ന​ങ്ങളെ അഭിമു​ഖീ​ക​രി​ക്കു​ന്നുണ്ട്‌. വിശേ​ഷിച്ച്‌ ജനസം​ഖ്യാ വളർച്ച സ്‌ഫോ​ട​നാ​ത്മ​ക​മാ​യി​രി​ക്കുന്ന മൂന്നാം ലോക​വും വെള്ളത്തി​നാ​യുള്ള ജീവൻമ​ര​ണ​പോ​രാ​ട്ട​ത്തെ​ക്കു​റിച്ച്‌ അറിയാ​നി​ട​യാ​യി​ട്ടുണ്ട്‌. കുറഞ്ഞു​കൊ​ണ്ടി​രി​ക്കുന്ന ജല ലഭ്യത ലോക​ത്തി​നു ചുറ്റും സത്വരം ഒരു നിഗൂഢ പ്രതി​സ​ന്ധി​യാ​യി​ത്തീ​രു​ക​യാണ്‌.

നിങ്ങളു​ടെ ജല ലഭ്യത സമൃദ്ധ​മാ​ണെ​ങ്കിൽപോ​ലും, അടുത്ത ലേഖനം പ്രകട​മാ​ക്കു​ന്ന​തു​പോ​ലെ, നിങ്ങളും ഈ ജല പ്രതി​സ​ന്ധി​യാൽ ബാധി​ക്ക​പ്പെ​ട്ടേ​ക്കാം. (g86 11/22)

[അടിക്കു​റി​പ്പു​കൾ]

1 ച.മൈ.=2.6ച. കി.മീ.

[6-ാം പേജിലെ ആകർഷ​ക​വാ​ക്യം]

“എണ്ണ കൂടാതെ നിങ്ങൾക്കു ജീവി​ക്കാം, സ്‌നേഹം കൂടാ​തെ​പോ​ലും നിങ്ങൾക്കു ജീവി​ക്കാം, എന്നാൽ വെള്ളം കൂടാതെ നിങ്ങൾക്കു ജീവി​ക്കാ​വതല്ല”

[7-ാം പേജിലെ ഗ്രാഫ്‌/ചിത്രം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ഭൂമിയിലെ വെള്ളത്തി​ന്റെ 97% ഉപ്പുക​ലർന്ന സമു​ദ്ര​ങ്ങ​ളി​ലാണ്‌

2.973% ഹിമസം​ഹ​തി​ക​ളി​ലും ധ്രുവ​ഹിമ മൂടി​ക​ളി​ലും ആഴംകൂ​ടിയ ജലവാ​ഹി​സ്‌ത​ര​ങ്ങ​ളി​ലും കെട്ടി​ക്കി​ട​ക്കുന്ന ശുദ്ധജ​ല​മാണ്‌

0.027% കുളങ്ങ​ളി​ലും നദിക​ളി​ലും ആഴംകു​റഞ്ഞ ജലവാ​ഹി​സ്‌ത​ര​ങ്ങ​ളി​ലും ലഭ്യമായ ശുദ്ധജ​ല​മാണ്‌