മുന്നറി​യിപ്പ്‌! ഈ വെള്ളം നിങ്ങളു​ടെ ആരോ​ഗ്യ​ത്തിന്‌ ഹാനി​ക​ര​മാ​യി​രി​ക്കാം

നിങ്ങളു​ടെ അടുക്ക​ള​യിൽ വെള്ള​ത്തൊ​ട്ടി​യി​ങ്കലെ റ്റാപ്പു​തു​റന്ന്‌ അതിന്റെ ദ്വാര​ത്തി​ങ്കൽ ഒരു തീപ്പെ​ട്ടി​ക്കോൽ കത്തിച്ചു​പി​ടി​ക്കു​മ്പോൾ ഭയജന​ക​മാ​യി തീ ആളുന്നത്‌ കാണു​ന്ന​തി​നെ​ക്കു​റിച്ച്‌ നിങ്ങൾക്കു സങ്കൽപ്പി​ക്കാൻ കഴിയു​മോ? ഒരു സിഗറ്ററ്‌ കത്തിച്ചി​ടു​മ്പോൾ ഒരു ശുദ്ധജ​ല​നദി ആളിക്ക​ത്തു​ന്ന​തി​നെ​ക്കു​റി​ച്ചു നിങ്ങൾക്കു സങ്കൽപ്പി​ക്കാൻ കഴിയു​മോ? നിങ്ങൾ കുളി​ക്കുന്ന വെള്ളം കുളി​ക്കാൻ കഴിയാ​ത്ത​വി​ധം കട്ടിയാ​കു​ക​യും കൃഷിക്കു പറ്റാത്ത​വി​ധം നേർത്ത​താ​കു​ക​യും ഒരിടത്ത്‌ അടിഞ്ഞു​കൂ​ടു​ക​യും ചെയ്യു​ന്നു​വെ​ങ്കിൽ നിങ്ങൾ ഭയപ്പെ​ടു​മോ?

നിങ്ങളു​ടെ കൺമു​മ്പിൽ ഒരു നെഗറ്റീ​വിൽനിന്ന്‌ ഒരു പടം ഡവലപ്പ്‌ ചെയ്യാൻ കഴിയുന്ന നദീജ​ല​ത്തെ​ക്കു​റി​ച്ചു ചിന്തി​ക്കു​ന്നത്‌ നിങ്ങളു​ടെ മനസ്സിൽ സംശയം ജനിപ്പി​ക്കു​മോ? നിങ്ങളു​ടെ പൈപ്പു​വെള്ളം ബോക്ക്‌ ബിയർപോ​ലെ പതയു​മാ​യി പുറത്തു​വ​രു​ന്നു​വെ​ങ്കിൽ നിങ്ങളു​ടെ പ്രതി​ക​രണം എന്തായി​രി​ക്കും? വെള്ളം റ്റാപ്പിൽനിന്ന്‌ വീഴു​മ്പോൾ വീട്ടിൽ നാറ്റമു​ണ്ടാ​കാ​തി​രി​ക്കാൻ നിങ്ങളു​ടെ വെള്ള​ത്തൊ​ട്ടി​ക്ക​ടു​ത്തുള്ള ജന്നൽ നിങ്ങൾ തുറ​ക്കേ​ണ്ടി​യി​രി​ക്കു​ന്നു​വോ? നിങ്ങളു​ടെ വിവാഹ ഇണ രാവിലെ കാപ്പി​യു​ടെ അസാധാ​രണ കടുപ്പം നിമിത്തം തൊടാ​തി​രു​ന്നിട്ട്‌, അപ്പോ​ഴും പൊടി ഇട്ടിരു​ന്നി​ല്ലെന്ന്‌ പിന്നീട്‌ കണ്ടെത്തു​ന്നു​വോ?

അല്ലെങ്കിൽ നിങ്ങളു​ടെ വെള്ളം സ്‌ഫടി​കം പോലെ സ്വച്ഛവു രുചി​യിൽ ശുദ്ധവു​മാ​യി​രു​ന്നി​ട്ടും അതു കുടി​ച്ച​ശേഷം നിങ്ങളു​ടെ കുടും​ബാം​ഗ​ങ്ങൾക്ക്‌ ആവർത്തി​ച്ചു തലവേ​ദ​ന​യും തലചു​റ്റ​ലും വയറു​ക​ടി​യും ചൊറി​ച്ചി​ലും അനുഭ​വ​പ്പെ​ടു​ന്നു​വോ? അല്ലെങ്കിൽ കിടു​കി​ടു​പ്പും അന്ധതയും കേന്ദ്ര​നാ​ഡീ വ്യവസ്ഥ​യു​ടെ തകരാ​റു​മാ​യി​രി​ക്കു​മോ ലക്ഷണങ്ങ​ളു​ടെ ഏറ്റവും നല്ല വർണ്ണന?

അശുദ്ധ ജലം നിമിത്തം കുറേ കാലം മുമ്പ്‌ മനുഷ്യ​രാ​ശി​യു​ടെ മൂന്നി​ലൊന്ന്‌ സ്ഥിരം രോഗാ​വ​സ്ഥ​യി​ലാ​യി​രു​ന്നു​വെ​ന്നും വെള്ളത്തി​ന്റെ കുറവു​കൊ​ണ്ടല്ല, വെള്ളം നിമിത്തം, ഓരോ വർഷവും ഒരു കോടി ആളുകൾ മരിച്ചി​രു​ന്നു​വെ​ന്നും നിങ്ങൾ അറിഞ്ഞി​രു​ന്നോ? ഇതെല്ലാം കാടു​ക​യ​റിയ ഭാവനാ​സൃ​ഷ്ടി—കാല്‌പ​നിക ശാസ്‌ത്ര ചലച്ചിത്ര വിഷയം—ആയിരി​ക്കാൻ കഴിയു​മോ? നിർഭാ​ഗ്യ​വ​ശാൽ രംഗ​യോ​ജ​നങ്ങൾ യഥാർത്ഥ​മാണ്‌.

ഇന്ന്‌ മനുഷ്യന്‌ ഭൂമു​ഖത്തെ സകല ജീവി​ക​ളെ​യും വെള്ളത്തി​ന​ടി​യി​ലെ സകല ജീവി​ക​ളെ​യും വിഷമ​യ​മാ​ക്കാ​നുള്ള ഭീതി​ജ​ന​ക​മായ വൈദ​ഗ്‌ദ്ധ്യ​മു​ണ്ടെന്ന്‌ സ്‌പഷ്ട​മാ​യി​രി​ക്കു​ന്നു. ഇതിൽ മിക്കതും കൈവ​ന്നി​ട്ടു​ള്ളത്‌ വേദന​യേ​യും രോഗ​ത്തെ​യും കുറച്ചു​കൊ​ണ്ടും വാർത്താ​വി​നി​മ​യ​ത്തി​ലൂ​ടെ ലോകത്തെ തന്റെ ഇരിപ്പു​മു​റി​യോ​ടു കൂടുതൽ അടുപ്പി​ച്ചു​കൊ​ണ്ടും ജീവി​തത്തെ കൂടുതൽ സുകര​മാ​ക്കാ​നുള്ള മനുഷ്യ​ന്റെ ശ്രമങ്ങ​ളു​ടെ​യും അവന്റെ ബഹിരാ​കാ​ശ​പ​ര്യ​വേ​ക്ഷ​ണ​ങ്ങ​ളു​ടെ​യും വിനാ​ശ​ക​ര​മായ യുദ്ധാ​യു​ധ​ങ്ങ​ളു​ടെ നിർമ്മാ​ണ​ത്തി​ന്റെ​യും ഫലമാ​യി​ട്ടാണ്‌.

ഇതിൽ അധിക​ത്തി​നും കാരണം മനുഷ്യൻ പുതിയ മാരക രാസമി​ശ്രി​തങ്ങൾ സൃഷ്ടി​ച്ചി​രി​ക്കു​ന്ന​താണ്‌. ആറുവർഷം മുമ്പ്‌ അത്തരം 60000—ത്തിൽപരം രാസസം​യു​ക്തങ്ങൾ വിപണി​യിൽ ലഭ്യമാ​യി​രു​ന്നു—അവയിൽ 35000 ഒന്നുകിൽ മാരക​മോ അല്ലെങ്കിൽ നമ്മുടെ ആരോ​ഗ്യ​ത്തിന്‌ അത്യന്തം ഹാനി​ക​ര​മോ ആയി തരംതി​രി​ക്ക​പ്പെ​ട്ടി​രു​ന്നു. ഓരോ വർഷവും ആയിര​ങ്ങൾകൂ​ടെ നിർമ്മി​ക്ക​പ്പെ​ടു​ന്നു​മുണ്ട്‌. ഈ രാസകൂ​ട്ടു​മ​ദ്യ​ങ്ങ​ളിൽനിന്ന്‌ അത്രതന്നെ അപകട​ക​ര​വും അത്യന്തം വിഷമ​യ​വു​മായ പാഴ്‌വ​സ്‌തു​ക്കൾ ഉണ്ടായി​രി​ക്കു​ന്നു, ആളുക​ളു​ടെ​മേ​ലോ പരിസ​ര​ത്തിൻമേ​ലോ അവയ്‌ക്കുള്ള പരിണ​ത​ഫ​ല​ങ്ങ​ളെ​ക്കു​റിച്ച്‌ അശേഷം ചിന്തയി​ല്ലാ​തെ അവയെ ഭൂമി​യി​ലും നദിക​ളി​ലും അരുവി​ക​ളി​ലും തള്ളുക​യാണ്‌.

കർഷകർക്ക്‌ ഒരു അനു​ഗ്രഹം, ഭൂമി​യി​ലെ വെള്ളത്തിന്‌ ഒരു ബോംബ്‌

കീടനാ​ശി​നി​ക​ളും സസ്യനാ​ശി​നി​ക​ളും രാസവ​ള​ങ്ങ​ളും ലോക​ത്തി​ലെ കർഷകർക്ക്‌ ഒരു അനു​ഗ്ര​ഹ​മാണ്‌, എന്നാൽ അവ ഭൂമി​യി​ലെ വെള്ളത്തിന്‌ ഒരു ബോം​ബാണ്‌. കാലി​ഫോർണി​യാ​യി​ലെ സാൻജോ​വാ​ക്കിൻവാ​ലി​യി​ലെ കർഷകർ വർഷങ്ങ​ളാ​യി തങ്ങളുടെ മുന്തി​രി​ക്കും പഴത്തി​നും തക്കാളി​ക്കും ഡിബി​സി​പി എന്ന കീടനാ​ശി​നി തളിച്ചു​പോ​ന്നു. അതിന്‌ മനുഷ്യ​രിൽ കാൻസ​റും വന്ധ്യത​യും ഉളവാ​ക്കാൻ കഴിയു​മെന്ന്‌ സമീപ​വർഷ​ങ്ങ​ളിൽ കണ്ടുപി​ടി​ക്ക​പ്പെട്ടു. തളിക്കൽ നിർത്തി​യെ​ങ്കി​ലും ഭൂമി​യു​ടെ പാളി​ക​ളി​ലൂ​ടെ ഭൂഗർഭജല പദ്ധതി​യി​ലേ​ക്കുള്ള വിഷത്തി​ന്റെ ഊറൽ നിന്നി​ട്ടില്ല. “ആ താഴ്‌വ​ര​യി​ലെ കിണറു​ക​ളു​ടെ മുപ്പത്തഞ്ചു ശതമാ​ന​ത്തിൽ ഡിബി​സി​പി​യു​ണ്ടെന്ന്‌” ആരോ​ഗ്യ​വ​കു​പ്പി​ന്റെ ഒരു വക്താവ്‌ പറയു​ക​യു​ണ്ടാ​യി. കാലി​ഫോർണി​യാ​യി​ലെ ഒരു കൗണ്ടി​യിൽ 250000 ആളുകൾക്ക്‌ ഡിബി​സി​പി​യാ​ലുള്ള മലിനീ​ക​ര​ണ​ത്തി​ന്റെ അപകട​മു​ണ്ടെന്ന്‌ ന്യൂസ്‌ വീക്ക്‌ മാസിക റിപ്പോർട്ടു ചെയ്‌തു. മറ്റ്‌ കീടനാ​ശി​നി​കൾ നാഡീ​വ്യ​വ​സ്ഥയെ ബാധി​ക്കു​ന്നു. വേറെ ചിലത്‌ മറ്റു വിവി​ധ​രോ​ഗങ്ങൾ വരുത്തി​ക്കൂ​ട്ടു​ന്ന​താ​യി സംശയി​ക്ക​പ്പെ​ടു​ന്നു. ചില സസ്യനാ​ശി​നി​കൾക്ക്‌ ഇരയെ സ്‌തം​ഭി​പ്പി​ക്കു​മാറ്‌ തലച്ചോ​റിൻമേൽ ഗുരു​ത​ര​മായ ഫലങ്ങളു​ണ്ടെന്ന്‌ കണ്ടുപി​ടി​ക്ക​പ്പെ​ട്ടി​രി​ക്കു​ന്നു. പല കാർഷിക പ്രദേ​ശ​ങ്ങ​ളിൽ രാസവ​ളങ്ങൾ ചില രാജ്യ​ങ്ങ​ളിൽ വെച്ചി​രി​ക്കുന്ന ആരോ​ഗ്യ​നി​ല​വാ​ര​ങ്ങ​ളിൽ കവിഞ്ഞ്‌ നൈ​ട്രേറ്റ്‌ കേന്ദ്രീ​ക​രണം ഉയർത്തി​യി​ട്ടുണ്ട്‌. ഈ രാസവ​സ്‌തു​ക്ക​ളും ജലവാ​ഹി​സ്‌ത​ര​ങ്ങ​ളി​ലേക്ക്‌ ഊർന്നി​റ​ങ്ങി​യി​ട്ടുണ്ട്‌.

ഡിറ്റജൻറു​കൾ, ലായകങ്ങൾ, ഡ്രൈ​ക്ലീ​നിംഗ്‌ ദ്രാവ​കങ്ങൾ, സെപ്‌റ്റി​ക്‌റ്റാങ്ക്‌ ശുചീ​ക​ര​ണ​വ​സ്‌തു​ക്കൾ എന്നിവ രസതന്ത്ര പുരോ​ഗ​തി​യാൽ അത്യന്തം വികസി​ത​മാ​യി​ട്ടുണ്ട്‌—ഇവ ചുരുക്കം ചിലതു​മാ​ത്ര​മാണ്‌. മനുഷ്യ​വർഗ്ഗ​ത്തിന്‌ അത്ഭുത​ക​ര​മായ പ്രയോ​ജ​നങ്ങൾ കൈവ​ന്നി​ട്ടു​ണ്ടെ​ന്നു​ള്ള​താണ്‌ ഫലം. എന്നിരു​ന്നാ​ലും, ഈ ഉല്‌പ​ന്നങ്ങൾ ഭൂമി​യി​ലൂ​ടെ ഊർന്നി​റ​ങ്ങു​മ്പോൾ വരും തലമു​റ​കൾക്കാ​യുള്ള ഭൂമി​യി​ലെ വെള്ളം മലിന​മാ​കു​ന്നു. “നാം നമ്മിൽത്ത​ന്നെ​യും നമ്മുടെ സന്താന​ങ്ങ​ളി​ലും വിഷം കലർത്തു​ന്നു”വെന്ന്‌ ഒരു പരിസ്ഥി​തി ശാസ്‌ത്രജ്ഞൻ പറയു​ക​യു​ണ്ടാ​യി.

റിപ്പോർട്ടു​കൾ പ്രകട​മാ​ക്കുന്ന പ്രകാരം, പെരു​വ​ഴി​ക​ളി​ലും നഗരവീ​ഥി​ക​ളി​ലും അങ്ങിങ്ങാ​യുള്ള സേർവീസ്‌ സ്‌റ്റേ​ഷ​നു​ക​ളി​ലെ ദശലക്ഷ​ക്ക​ണ​ക്കിന്‌ ഭൂഗർഭ പെ​ട്രോൾ റ്റാങ്കു​കൾക്ക്‌ ചോർച്ച​യു​ണ്ടാ​കു​ന്നു. അവയിലെ അത്യന്തം സ്‌ഫോ​ട​ക​മായ വസ്‌തു​ക്കൾ ഭൂമി​യിൽ താഴു​ക​യും കിണറു​ക​ളി​ലേക്ക്‌ ഊറി​യി​റ​ങ്ങു​ക​യും ചെയ്യുന്നു. പുക കത്തിച്ച ഒരു തീപ്പെ​ട്ടി​ക്കോ​ലി​ലെ​ത്തു​മ്പോൾ അവയ്‌ക്ക്‌ വീടു​ക​ളെ​യും ധാന്യ​പ്പു​ര​ക​ളെ​യും ആളിക്ക​ത്തി​ക്കാൻ കഴിയും. ജലപദ്ധ​തി​യി​ലേക്ക്‌ ഊർന്നി​റ​ങ്ങുന്ന മരണക​ര​മായ ഈ ഭൂഗർഭ മാന്ത്രിക രാസ​ദ്ര​വ​ത്തി​ന്റെ ഫലമായി വാട്ടർറ്റാ​പ്പു​ക​ളിൽ തീ ആളുന്നത്‌ വളരെ സാധാ​ര​ണ​മായ ഒരു കാഴ്‌ച​യാണ്‌.

ഭൂമി​യു​ടെ പാളി​ക​ളി​ലൂ​ടെ ഇറ്റിറ്റി​റ​ങ്ങു​മ്പോൾ ഭൂമി​തന്നെ ഈ രാസവ​സ്‌തു​ക്കളെ ശുദ്ധീ​ക​രിച്ച്‌ നിരു​പ​ദ്ര​വ​ക​ര​മാ​ക്കു​മെന്ന്‌ വിചാ​രി​ക്ക​പ്പെ​ട്ടി​രു​ന്നു. എന്നിരു​ന്നാ​ലും, കഴിഞ്ഞ ദശാബ്ദ​ത്തിൽ, അപകട​ക​ര​മായ ഈ രാസവ​സ്‌തു​ക്ക​ളി​ല​നേ​ക​വും അരിച്ചു​നീ​ക്ക​പ്പെ​ടാ​തെ ജലവാ​ഹി​സ്‌ത​ര​ങ്ങ​ളി​ലേ​ക്കു​തന്നെ ചെല്ലു​ക​യും വരാനി​രി​ക്കുന്ന തലമു​റ​കൾക്ക്‌ അവയെ മലിനീ​ക​രി​ക്കു​ക​യും ചെയ്‌ത​താ​യി കണ്ടുപി​ടി​ക്ക​പ്പെ​ട്ടി​രി​ക്കു​ന്നു. “ഭൗമജ​ല​മ​ലി​നീ​ക​രണം ദീർഘ​നാൾ മുമ്പു ചെയ്യപ്പെട്ട പാപങ്ങ​ളു​ടെ ഫലമാണ്‌” എന്ന്‌ അമേരി​ക്കൻ വാട്ടർവർക്‌സ്‌ അസോ​സി​യേ​ഷ​നി​ലെ ജയിംസ്‌ ഗ്രോഫ്‌ പറയു​ക​യു​ണ്ടാ​യി. “അതു മുൻകൂ​ട്ടി​പ്പ​റ​യു​ന്ന​തി​നുള്ള ദീർഘ​ദൃ​ഷ്ടി ആർക്കും ഇല്ലായി​രു​ന്നു.”

എന്നിരു​ന്നാ​ലും, ഇന്നോളം ഈ പാപങ്ങൾ തുടരു​ക​യാണ്‌. ഐക്യ​നാ​ടു​ക​ളിൽതന്നെ ഓരോ വർഷവും 1.5 ട്രില്യൻ ഗ്യാലൻമാ​ലി​ന്യ​ങ്ങൾ ഭൂഗർഭ ജലപദ്ധ​തി​യി​ലേക്ക്‌ ഒലിച്ചി​റ​ങ്ങു​ന്നു​ണ്ടെന്ന്‌ പരിസ്ഥി​തി സംരക്ഷണ ഏജൻസി കണക്കാ​ക്കു​ന്നു.a അതില​ധി​ക​വും തത്വദീ​ക്ഷ​യി​ല്ലാത്ത അത്യാ​ഗ്ര​ഹി​കൾ മനുഷ്യ​ന്റെ വെള്ളത്തി​നും ആരോ​ഗ്യ​ത്തി​നും നേരി​ടുന്ന ഭയങ്കര​മായ തകരാറ്‌ ഗണ്യമാ​ക്കാ​തെ മനഃപൂർവ്വം കൂനകൂ​ട്ടി​യി​ടു​ന്ന​താണ്‌. “വെറും 1 ഗ്യാലൻ ലായകം 2 കോടി ഗ്യാലൻ ഭൗമജ​ലത്തെ മലിനീ​ക​രി​ക്കു​ക​യും മിക്ക സംസ്ഥാ​ന​ങ്ങ​ളും വച്ചിരി​ക്കുന്ന സുരക്ഷിത തോതു​കളെ അതിലം​ഘി​ക്കു​ക​യും ചെയ്യുന്നു”വെന്ന്‌ ഒരു ശാസ്‌ത്രജ്ഞൻ പറയു​ക​യു​ണ്ടാ​യി. ഒരു ട്രില്യൻ (പതിനാ​യി​രം കോടി) ഗ്യാലൻ കണക്കിന്‌ മാലി​ന്യ​ത്തെ​ക്കു​റി​ച്ചു ഒരുവൻ ചിന്തി​ക്കു​മ്പോൾ ‘വെള്ളം, വെള്ളം, സർവ്വത്ര, തുള്ളി കുടി​പ്പാ​നി​ല്ല​ത്രെ’ എന്ന പദക്കൂട്ട്‌ ഭയജനക സാദ്ധ്യ​മായ ഒരു യാഥാർത്ഥ്യ​മാ​യി പ്രത്യ​ക്ഷ​പ്പെട്ടു തുടങ്ങു​ക​യാണ്‌.

ഒരു “റ്റൈം ബോംബ്‌, സാവധാ​ന​ത്തിൽ പ്രവർത്തി​ക്കു​ന്നത്‌”

“ഭൗമ ജലവും അതിന്റെ പ്രദൂ​ഷ​ക​ങ്ങ​ളും സാവധാ​ന​ത്തിൽ പ്രവർത്തി​ക്കുന്ന ഒരു ശക്തമായ റ്റൈം ബോം​ബി​നെ പ്രതി​നി​ധാ​നം ചെയ്യുന്നു”വെന്ന്‌ എൻ​വൈ​റൻമെൻറ്‌, എനർജി ആൻഡ്‌ നാച്ചുറൽ റിസോ​ഴ്‌സസ്‌ ഹൗസ്‌ കമ്മിറ്റി ചെയർമാൻ പറഞ്ഞു. “ഈ പ്രശ്‌നം 1980-കളിലെ അടുത്ത വലിയ പ്രതി​സ​ന്ധി​യാ​യി​രി​ക്കു​മെ​ന്നുള്ള വർദ്ധിച്ച വിശ്വാ​സ​മുണ്ട്‌.” ദ ന്യൂ​യോർക്ക്‌ ടൈംസ്‌ ഇങ്ങനെ റിപ്പോർട്ടു ചെയ്‌തു: “എന്നിരു​ന്നാ​ലും, ഭൗമജല മലിനീ​ക​രണം കുടി​വെ​ള്ള​ത്തി​ന്റെ ഗുണത്തെ ബാധി​ക്കുന്ന അത്യന്തം ഗരുത​ര​വും പ്രയാ​സ​ക​ര​വു​മായ പ്രശ്‌ന​മാ​ണെ​ന്നും അതി​പ്പോൾ ഒരു ഭൂഗർഭ റ്റൈം ബോം​ബാ​ണെ​ന്നു​മു​ള്ള​തി​നോട്‌ വ്യാപ​ക​മായ യോജി​പ്പുണ്ട്‌.” “നമ്മുടെ കൈക​ളിൽ ഒരു റ്റൈം​ബോംബ്‌ ഉണ്ടെന്നു​ള്ള​തി​നു സംശയ​മില്ല. സ്‌ഫോ​ടനം എത്ര വലുതാ​യി​രി​ക്കു​മെ​ന്നു​ള്ള​താ​ണു പ്രശ്‌നം” എന്ന്‌ ആരി​സോ​ണാ യൂണി​വേ​ഴ്‌സി​റ്റി​യി​ലെ ഒരു ശാസ്‌ത്രജ്ഞൻ മുന്നറി​യി​പ്പു നൽകി.

“സ്‌ഫോ​ടനം എത്ര വലുതാ​യി​രി​ക്കു”മെന്നറി​യാൻ ഒരു വ്യക്തി തന്റെ ചെവി ഭൂമി​യിൽ ചേർത്തു​വെ​ക്കേ​ണ്ട​തില്ല. ഇപ്പോൾത്തന്നെ ആസന്നമാ​യി​രി​ക്കുന്ന സ്‌ഫോ​ട​നത്തെ ഭയന്ന്‌ ലോകം വിറ​കൊ​ള്ളു​ക​യാണ്‌. ദൃഷ്ടാ​ന്ത​ത്തിന്‌, 2000-ാമാണ്ടാ​കു​മ്പോ​ഴേക്ക്‌ ലോക​ത്തിൽ ലഭ്യമായ ജലത്തിന്റെ നാലി​ലൊന്ന്‌ കുടി​ക്കാൻ പറ്റാത്ത​താ​യി​ത്തീ​രാ​മെന്ന്‌ കണക്കാ​ക്ക​പ്പെ​ട്ടി​രി​ക്കു​ന്നു.

ചൈന​യി​ലെ വൻനദി​ക​ളി​ലെ വെള്ളത്തി​ന്റെ മൂന്നി​ലൊന്ന്‌ മനുഷ്യ ഉപഭോ​ഗ​ത്തി​ന്റെ സുരക്ഷി​ത​പ​രി​ധി​കൾക്ക​തീ​ത​മാ​യി മലിനീ​ക​രി​ക്ക​പ്പെ​ട്ടി​രി​ക്കു​ന്നു​വെന്ന്‌ വേൾഡ്‌ വാച്ച്‌ ഇൻസ്‌റ്റി​റ്റ്യൂട്ട്‌ പറയു​ക​യു​ണ്ടാ​യി. സോവ്യറ്റ്‌ യൂണിയൻ കാര്യ​ങ്ങ​ളു​ടെ ഒരു സ്‌പെ​ഷ്യ​ലി​സ്റ്റായ തെയ്‌ൻ ഗസ്‌റ്റാ​ഫ്‌സൺ പറയു​ന്ന​ത​നു​സ​രിച്ച്‌, ഇന്നത്തെ ജലമലി​നീ​ക​രണം നിമിത്തം സോവ്യറ്റ്‌ യൂണി​യനു പ്രദാനം ചെയ്യാൻ കഴിയു​ന്ന​തി​നെ​ക്കാൾ കൂടുതൽ വെള്ളം 2000-ാമാ​ണ്ടോ​ടെ ആ രാജ്യ​ത്തിന്‌ ആവശ്യ​മാ​യി​വ​രും. തെക്കെ അമേരി​ക്ക​യും സമാന​മായ ഒരു പ്രതി​സ​ന്ധി​യെ അഭിമു​ഖീ​ക​രി​ക്കു​ന്നു—അവിടത്തെ ജനങ്ങൾക്കു കുടി​ക്കാൻ കഴിയാ​ത്ത​വി​ധം മലിനീ​കൃ​ത​മാണ്‌ ജലവി​ത​രണം. “ഒന്നുകിൽ നാം ജലത്തിന്റെ പാഴാക്കൽ പരിമി​ത​പ്പെ​ടു​ത്തണം അല്ലെങ്കിൽ 2000-ാമാ​ണ്ടോ​ടെ നാം ദാഹത്താൽ മരിക്കു​ന്ന​താ​യി​രി​ക്കും” എന്ന്‌ ജലത്തെ സംബന്ധിച്ച ഐക്യ​രാ​ഷ്‌ട്ര​ലോ​ക​സ​മ്മേ​ളനം പ്രഖ്യാ​പി​ച്ചു. “ഒന്നുകിൽ മലിനീ​ക​ര​ണ​ത്തി​ന്റെ ഫലമാ​യോ അല്ലെങ്കിൽ ഇപ്പോ​ഴത്തെ ധൂർത്തി​ന്റെ ഫലമാ​യോ അതിസ​മീ​പ​ഭാ​വി​യിൽ ലോകം അക്ഷരീ​യ​മാ​യി ദാഹത്താൽ മരിക്കു​ന്ന​താ​യി​രി​ക്കു​മെന്ന്‌ അതിശ​യോ​ക്തി കൂടാതെ മുൻകൂ​ട്ടി​ക്കാ​ണുക എളുപ്പ​മാണ്‌” എന്ന്‌ സമ്മേളനം പ്രസ്‌താ​വി​ച്ചു.

ലോക​രം​ഗത്ത്‌ ഇപ്പോൾത്തന്നെ പൊട്ടി​ത്തെ​റി​ച്ച​താ​യി തോന്നുന്ന റ്റൈം​ബോം​ബി​ന്റെ വിനാ​ശ​ക​ഫ​ലങ്ങൾ ഭൂമി​യു​ടെ എല്ലാ ഭാഗങ്ങ​ളി​ലു​മുള്ള ആളുകൾക്ക്‌ അനുഭ​വ​പ്പെ​ടു​ന്നുണ്ട്‌. ദൃഷ്ടാ​ന്ത​മാ​യി, ഇൻഡ്യ​യി​ലെ കുടി​വെ​ള്ള​ത്തി​ന്റെ 70 ശതമാനം മലിനീ​ക​രി​ക്ക​പ്പെ​ട്ട​താ​ണെ​ന്നും രാജ്യത്തെ രോഗ​ത്തി​ല​ധി​ക​ത്തി​നും അതാണു കാരണ​മെ​ന്നും ഒരുവൻ പരിചി​ന്തി​ക്കു​മ്പോൾ അതിലെ വെള്ളത്തി​നും അതിലാ​ശ്ര​യി​ക്കുന്ന സകല ജീവനും സൗഖ്യം അത്യാ​വ​ശ്യ​മാ​ണെ​ന്നു​ള്ളത്‌ അതിശ​യോ​ക്തി​യല്ല. മൂന്നാം ലോക​രാ​ജ്യ​ങ്ങ​ളെ​ക്കു​റി​ച്ചും ശുദ്ധജ​ല​ത്തി​നാ​യി അന്വേ​ഷി​ക്കുന്ന മൃത​പ്രാ​യ​രായ ആളുക​ളെ​ക്കു​റി​ച്ചും എന്തു പറയാൻ കഴിയും? സത്യത്തിൽ, മുമ്പു​ണ്ടാ​യി​ട്ടി​ല്ലാത്ത അളവി​ലുള്ള വിഷമാ​വ​സ്ഥ​യെ​യാണ്‌ ലോകം അഭിമു​ഖീ​ക​രി​ക്കു​ന്നത്‌.

വെള്ളത്തി​ലൂ​ടെ പകരുന്ന രോഗങ്ങൾ ഓരോ ദിവസ​വും 30000 പേരെ കൊല്ലു​ന്നു​വെന്ന്‌ സ്വിസ്സ്‌ ജലശു​ദ്ധീ​ക​ര​ണ​വി​ദ​ഗ്‌ദ്ധ​നായ ഡോ. മാർട്ടൻ ഷാലേ​കാംപ്‌ പ്രസ്‌താ​വി​ച്ചു. മനുഷ്യ​രാ​ശി​യിൽ മൂന്നി​ലൊ​ന്നി​നു മാത്രമേ “അനിന്ദ്യ​മായ” കുടി​വെള്ള സൗകര്യ​ങ്ങൾ എന്ന്‌ അദ്ദേഹം വിളി​ച്ചത്‌ ലഭ്യമാ​യി​രി​ക്കു​ന്നു​ള്ളു. ഭൂവാ​സി​ക​ളിൽ മറ്റൊരു മൂന്നി​ലൊന്ന്‌ മലിന​ജ​ല​മാ​ണു കുടി​ക്കു​ന്നത്‌. ശേഷിച്ച മൂന്നി​ലൊ​ന്നിന്‌ ഏതെങ്കി​ലും തരം വെള്ളം കിട്ടു​ന്നതു വളരെ കുറച്ചാണ്‌.

അങ്ങനെ കഥ നീളുന്നു. വിഷം കലർന്ന വെള്ളം ഭൂമി​യി​ലൂ​ടെ ഊറി​വ​രു​മ്പോൾ, അതിലെ നദിക​ളി​ലൂ​ടെ പാഞ്ഞൊ​ഴു​കു​മ്പോൾ, അതിലെ അരുവി​ക​ളി​ലൂ​ടെ വളഞ്ഞൊ​ഴു​കു​മ്പോൾ, അതിലെ വെള്ളച്ചാ​ട്ട​ങ്ങ​ളി​ലൂ​ടെ പ്രവഹി​ക്കു​മ്പോൾ, മനുഷ്യ​വർഗ്ഗ​ത്തി​ലെ ഒരു വലിയ പങ്ക്‌ അനിവാ​ര്യ​മാ​യി അതു കുടി​ക്കു​ന്ന​തി​ലൂ​ടെ മരണമ​ട​യു​ക​യാണ്‌. വാസ്‌ത​വ​ത്തിൽ മനുഷ്യ​ന്റെ സ്വന്തം നിർമ്മി​തി​യായ ഒരു റ്റൈം​ബോംബ്‌!

ഭൂമി​യു​ടെ​യും മനുഷ്യ​ന്റെ​യും ജീവദാ​യ​ക​മായ സകല വെള്ളങ്ങ​ളു​ടെ​യും സ്രഷ്ടാ​വായ യഹോ​വ​യാം ദൈവം തന്റെ സ്വന്തം റ്റൈം​ബോംബ്‌ പ്രവർത്തന സജ്ജമാ​ക്കി​യി​രി​ക്കു​ക​യാണ്‌, അതു മുഖേന അവൻ “ഭൂമിയെ നശിപ്പി​ക്കു​ന്ന​വരെ നശിപ്പി​ക്കും.” (വെളി​പ്പാട്‌ 11:18) തന്റെ നിയമിത സമയത്ത്‌ അത്‌ സ്‌ഫോ​ടനം ചെയ്യാൻ ക്രമീ​ക​രി​ച്ചി​രി​ക്കു​ക​യാണ്‌. ഭൂമി​യെ​യും വായു​വി​നെ​യും വെള്ള​ത്തെ​യും നശിപ്പി​ച്ചി​രി​ക്കു​ന്ന​വർക്ക്‌ അതിനെ നിർവീ​ര്യ​മാ​ക്കാൻ കഴിക​യില്ല, അല്ലെങ്കിൽ അതിന്റെ വിനാ​ശ​ക​ശ​ക്തി​യിൽനിന്ന്‌ രക്ഷപ്പെ​ടാൻ കഴിക​യില്ല. മനുഷ്യൻ ഒരു നിർണ്ണാ​യക സമയമെന്ന നിലയിൽ 2000-ാമാണ്ടി​ലേക്കു വിരൽ ചൂണ്ടു​ന്ന​തിൽ തുടരു​ക​യാണ്‌. ആ ഭയപ്പെ​ടുന്ന വർഷം കാണാൻ കുറ്റക്കാർ ജീവി​ച്ചി​രി​ക്കു​മോ​യെന്നു കണ്ടറി​യേ​ണ്ടി​യി​രി​ക്കു​ന്നു. യഹോവ മാത്രം അറിയു​ന്നു. യഹോവ ഇപ്പോൾ കണക്കു ചോദി​ക്കു​ന്ന​വ​രു​ടെ നാശത്തെ തുടർന്ന്‌ ഭൂമി ഒരു പരദീ​സാ​യാ​യി പുനഃ​സ്ഥി​തീ​ക​രി​ക്ക​പ്പെ​ടും. നിർമ്മ​ല​വും ശുദ്ധവു​മായ ജീവജ​ല​ന​ദി​കൾ സകല ജീവി​കൾക്കും സമൃദ്ധ​മാ​യി​രി​ക്കും.

അപ്പോൾ ശുദ്ധജ​ല​ത്തെ​ക്കു​റി​ച്ചു ‘വെള്ളം, വെള്ളം, സർവ്വത്ര—ഓരോ തുള്ളി​യും കുടി​ക്കാൻ കൊള്ളാം’ എന്ന്‌ പറയ​പ്പെ​ട്ടേ​ക്കാം. (g86 11/22)

[അടിക്കു​റി​പ്പു​കൾ]

[10-ാം പേജിലെ ആകർഷ​ക​വാ​ക്യം]

‘വെള്ളം, വെള്ളം സർവ്വത്ര, തുള്ളി കുടി​ക്കാ​നി​ല്ല​ത്രെ’ എന്നത്‌ മനുഷ്യ​വർഗ്ഗത്തെ സംബന്ധിച്ച്‌ പുതു​തും ഭീഷണ​വു​മായ അർത്ഥ​ത്തോ​ടെ തെളി​ഞ്ഞു​വ​രി​ക​യാണ്‌

[9-ാം പേജിലെ ചിത്രം]

(For fully formatted text, see publication.)

കീടനാശിനികൾ

സസ്യനാശിനികൾ

രാസവളങ്ങൾ

ഡിബിസിപി

ലായകങ്ങൾ

ഡിറ്റജൻറ്‌സ്‌