യുദ്ധം പൊള്ളുന്ന യാഥാർഥ്യ​ങ്ങൾ

ഇംഗ്ലണ്ടി​ലെ ലണ്ടനി​ലുള്ള ഇംപീ​രി​യൽ വാർ മ്യൂസി​യ​ത്തിൽ, ആരു​ടെ​യും ശ്രദ്ധ പിടി​ച്ചെ​ടു​ക്കാൻ പോന്ന അസാധാ​ര​ണ​മായ ഒരു ഘടികാ​ര​വും ഒരു ഗണനയ​ന്ത്ര​വും ഉണ്ട്‌. ഈ ഘടികാ​രം സമയം കാണി​ക്കു​ന്ന​തി​നു വേണ്ടി​യു​ള്ളതല്ല. ഈ നൂറ്റാ​ണ്ടി​ന്റെ മുഖമു​ദ്ര​യായ ഒന്നിന്റെ വ്യാപ്‌തി ഗ്രഹി​ക്കാൻ ആളുകളെ സഹായി​ക്കു​ന്ന​തി​നു വേണ്ടി​യാണ്‌ അതു സ്ഥാപി​ച്ചി​ട്ടു​ള്ളത്‌—യുദ്ധം. ഘടികാ​ര​ത്തി​ന്റെ സൂചി തിരി​യവെ ഓരോ 3.31 സെക്കൻഡി​ലും ഗണനയ​ന്ത്രം അതിന്റെ കണക്കി​ലേക്ക്‌ ഒരു അക്കം കൂടി ചേർത്തു​കൊ​ണ്ടി​രി​ക്കും. 20-ാം നൂറ്റാ​ണ്ടിൽ യുദ്ധത്തി​ന്റെ ഫലമായി മൃതി​യടഞ്ഞ ഓരോ സ്‌ത്രീ​യെ​യും പുരു​ഷ​നെ​യും കുട്ടി​യെ​യും ആണ്‌ ആ അക്കങ്ങൾ ഓരോ​ന്നും കുറി​ക്കു​ന്നത്‌.

1989 ജൂണിൽ ആണ്‌ ഗണനയ​ന്ത്രം അതിന്റെ എണ്ണൽ തുടങ്ങി​യത്‌. 1999 ഡിസംബർ 31 അർധരാ​ത്രിക്ക്‌ അത്‌ അവസാ​നി​ക്കു​ക​യും ചെയ്യും. അപ്പോ​ഴേ​ക്കും, അതിലെ സംഖ്യ പത്തു​കോ​ടി എന്നു രേഖ​പ്പെ​ടു​ത്ത​പ്പെ​ടും. കഴിഞ്ഞ 100 വർഷത്തി​നി​ട​യിൽ യുദ്ധത്തിൽ കൊല്ല​പ്പെട്ട ആളുക​ളു​ടെ ഒരു ഏകദേശ കണക്കാണ്‌ ഇത്‌.

പത്തു​കോ​ടി ആളുകൾ! ഒന്നാ​ലോ​ചി​ച്ചു നോക്കൂ! ഇംഗ്ലണ്ടി​ലെ ജനസം​ഖ്യ​യു​ടെ ഇരട്ടി​യി​ല​ധി​കം വരും അത്‌. എന്നാൽ, യുദ്ധത്തിൽ ബലിയാ​ടു​ക​ളാ​യ​വർക്ക്‌ അനുഭ​വി​ക്കേണ്ടി വന്ന കൊടും​ഭീ​തി​യെ​ക്കു​റി​ച്ചോ വേദന​യെ​ക്കു​റി​ച്ചോ ആ സ്ഥിതി​വി​വ​ര​ക്ക​ണക്ക്‌ യാതൊ​ന്നും വെളി​പ്പെ​ടു​ത്തു​ന്നില്ല. മരണമ​ട​ഞ്ഞ​വ​രു​ടെ ഉറ്റവരു​ടെ​യും ഉടയവ​രു​ടെ​യും—ദശലക്ഷ​ക്ക​ണ​ക്കിന്‌ അമ്മമാർ, അച്ഛന്മാർ, സഹോ​ദ​രീ​സ​ഹോ​ദ​ര​ന്മാർ, വിധവ​മാർ, അനാഥർ—കരളലി​യി​ക്കുന്ന കദനക​ഥ​കളെ കുറിച്ച്‌ അതു തികഞ്ഞ മൗനം പാലി​ക്കു​ക​യാണ്‌. എന്നാൽ അതു വെളി​പ്പെ​ടു​ത്തുന്ന ഒന്നുണ്ട്‌: മനുഷ്യ​ച​രി​ത്രം കണ്ടിട്ടു​ള്ള​തി​ലേ​ക്കും ഏറ്റവും വിനാ​ശ​ക​ര​മായ നൂറ്റാണ്ട്‌ നമ്മു​ടേ​താണ്‌; കൊടും​ക്രൂ​ര​ത​ക​ളു​ടെ കാര്യ​ത്തിൽ ഇതി​നോ​ടു കിടപി​ടി​ക്കാൻ മറ്റൊരു നൂറ്റാ​ണ്ടു​മില്ല.

20-ാം നൂറ്റാ​ണ്ടി​ന്റെ ചരിത്രം നമ്മുടെ ശ്രദ്ധയിൽ പെടു​ത്തുന്ന മറ്റൊരു കാര്യ​വു​മുണ്ട്‌, അന്യോ​ന്യം കൊ​ന്നൊ​ടു​ക്കു​ന്ന​തിൽ മനുഷ്യർ എത്ര നിപു​ണ​രാ​യി തീർന്നി​രി​ക്കു​ന്നു എന്നത്‌. ചരി​ത്ര​ത്തി​ന്റെ ഏടുകൾ പരി​ശോ​ധി​ക്കു​മ്പോൾ, 20-ാം നൂറ്റാണ്ടു വരെ പുതിയ ആയുധങ്ങൾ വികസി​പ്പി​ച്ചെ​ടു​ക്കു​ന്ന​തിൽ വളരെ സാവധാ​ന​ത്തി​ലുള്ള പുരോ​ഗതി മാത്രമേ ഉണ്ടായി​രു​ന്നു​ള്ളൂ എന്നും 20-ാം നൂറ്റാ​ണ്ടി​ലാണ്‌ ആയുധ​ങ്ങ​ളു​ടെ ഒരു കുത്തൊ​ഴുക്ക്‌ ഉണ്ടായത്‌ എന്നും കാണാം. 1914-ൽ ഒന്നാം ലോക​മ​ഹാ​യു​ദ്ധം തുടങ്ങി​യ​പ്പോൾ, കുന്തങ്ങ​ളു​മേന്തി കുതി​ര​പ്പു​റ​ത്തി​രു​ന്നു യുദ്ധം ചെയ്‌ത സൈന്യ​ങ്ങൾ യൂറോ​പ്പി​ലു​ണ്ടാ​യി​രു​ന്നു. എന്നാൽ ഇന്നാ​ണെ​ങ്കിൽ, ഉപഗ്രഹ സെൻസ​റു​ക​ളു​ടെ​യും കമ്പ്യൂ​ട്ടർവ​ത്‌കൃത മാർഗ​നിർദേശക സംവി​ധാ​ന​ങ്ങ​ളു​ടെ​യും സഹായ​ത്താൽ, കടുകിട പോലും തെറ്റാതെ ഭൂമി​യു​ടെ ഏതു ഭാഗത്തു വേണ​മെ​ങ്കി​ലും മരണം വിതയ്‌ക്കാൻ മി​സൈ​ലു​കൾക്കു കഴിയും. ഇവയ്‌ക്ക്‌ ഇടയി​ലുള്ള കാലഘട്ടം, തോക്കു​കൾ, ടാങ്കുകൾ, അന്തർവാ​ഹി​നി​കൾ, യുദ്ധവി​മാ​നങ്ങൾ, ജൈവ-രാസാ​യു​ധങ്ങൾ എന്നിവ​യു​ടെ മാത്രമല്ല “ബോം​ബു​ക​ളു​ടെ​യും” വികസ​ന​ത്തി​നും അവയുടെ ക്ഷമത വർധി​പ്പി​ക്ക​ലി​നും സാക്ഷ്യം വഹിച്ചു.

വിരോ​ധാ​ഭാ​സ​മെന്നു പറയട്ടെ, യുദ്ധം എന്ന കളിയിൽ മനുഷ്യൻ അതീവ​പ്രാ​വീ​ണ്യം നേടി​യി​രി​ക്കു​ന്ന​തി​നാൽ ഗുരു​ത​ര​മായ പ്രത്യാ​ഘാ​തങ്ങൾ ഒഴിവാ​ക്കാ​തെ അവനതു കളിക്കാൻ കഴിയില്ല എന്ന ഘട്ടത്തോ​ള​മെ​ത്തി​യി​രി​ക്കു​ന്നു കാര്യങ്ങൾ. ഫ്രാ​ങ്കെൻസ്റ്റൈൻ എന്ന സങ്കൽപ്പ കഥയിലെ ഭീകര​രൂ​പി അതിന്റെ സൃഷ്ടി​കർത്താ​വി​നെ നശിപ്പി​ക്കു​ന്നതു പോലെ, യുദ്ധം അതിന്‌ ഇത്ര നശീക​ര​ണാ​ത്മ​ക​മായ ശക്തി കൊടു​ത്ത​വരെ തന്നെ നശിപ്പി​ക്കു​മെന്ന നിലയാ​ണി​പ്പോൾ. ഈ ഭീകര​രൂ​പി​യെ തളയ്‌ക്കാ​നോ ഇല്ലാതാ​ക്കാ​നോ സാധി​ക്കു​മോ? തുടർന്നു വരുന്ന ലേഖനങ്ങൾ ഇതു പരിചി​ന്തി​ക്കു​ന്ന​താ​യി​രി​ക്കും.

[3-ാം പേജിലെ ചിത്ര​ത്തിന്‌ കടപ്പാട്‌]

U.S. National Archives photo

U.S. Coast Guard photo

By Courtesy of the Imperial War Museum