വയൽശു​ശ്രൂ​ഷ​യിൽ പൂർണ്ണ​ദേ​ഹി​യോ​ടെ പ്രവർത്തി​ക്കു​ക

ഭാഗം 2: ഉത്സാഹം കെട്ടു​പ​ണി​ചെ​യ്യൽ

¹ ഒരു പ്രവർത്തനം നാം ആസ്വദി​ക്കു​മ്പോൾ അതിൽ ഉത്സാഹ​ഭ​രി​ത​രാ​യി​രി​ക്കുക കൂടുതൽ എളുപ്പ​മാണ്‌. താൻ തയ്യാറാ​യി​ട്ടു​ളള എന്തെങ്കി​ലും ചെയ്യു​ന്നത്‌ ഒരു വ്യക്തി ആസ്വദി​ക്കു​ന്നു​വെ​ന്ന​തും പൊതു​വേ സത്യമാണ്‌. അത്‌ തീർച്ച​യാ​യും നമ്മുടെ ശുശ്രൂഷ പൂർണ്ണ​മാ​യി നിറ​വേ​റ​റു​ന്ന​തിൽ സത്യമാണ്‌.—2 തിമൊ. 4:5.

തയ്യാറാ​കൽ അത്യന്താ​പേ​ക്ഷി​തം

² വയൽശു​ശ്രൂ​ഷ​യി​ലെ നമ്മുടെ ഉത്സാഹം നാം എത്ര നന്നായി തയ്യാറാ​യി​രി​ക്കു​ന്നു​വെ​ന്ന​തി​നോ​ടും നാം എത്ര കൂടെ​ക്കൂ​ടെ സേവന​ത്തിന്‌ പോകു​ന്നു​വെ​ന്ന​തി​നോ​ടും നേരിട്ടു ബന്ധപ്പെ​ട്ടി​രി​ക്കു​ന്നു. ദൃഷ്ടാ​ന്ത​ത്തിന്‌, നാം വീടു​തോ​റു​മു​ളള ശുശ്രൂ​ഷ​യിൽ കണ്ടുമു​ട്ടുന്ന ആരെങ്കി​ലും തന്നേത്തന്നെ ഒരു മുസ്ലീം ആയി തിരി​ച്ച​റി​യി​ക്കു​ന്നു​വെ​ങ്കിൽ നമുക്ക്‌ എന്തു പറയാൻ കഴിയും? നന്നായി തയ്യാറായ ഒരു പ്രസാ​ധ​കന്‌ ഇങ്ങനെ പ്രതി​വ​ചി​ക്കാ​വു​ന്ന​താണ്‌: “അത്‌ താത്‌പ​ര്യ​ജ​ന​ക​മാണ്‌. ഞാൻ അനേകം മുസ്ലീ​ങ്ങ​ളോ​ടു സംസാ​രി​ച്ചി​ട്ടുണ്ട്‌. അടുത്ത കാലത്ത്‌ നിങ്ങളു​ടെ മതത്തിന്റെ ഉപദേ​ശ​ങ്ങ​ളിൽ ചിലത്‌ ഞാൻ ഈ കൈപു​സ്‌ത​ക​ത്തിൽ വായിച്ചു. [ന്യായ​വാ​ദം പുസ്‌ത​ക​ത്തി​ന്റെ 23-ാം പേജി​ലേക്കു തിരി​യുക.] അതിൽ യേശു പ്രവാ​ച​ക​നാ​യി​രു​ന്നു​വെ​ന്നും മുഹമ്മദ്‌ അവസാ​ന​ത്തെ​യും ഏററം പ്രധാ​നി​യു​മായ പ്രവാ​ച​ക​നാ​യി​രു​ന്നു​വെ​ന്നും പറയുന്നു. അതങ്ങ​നെ​യല്ലേ? [മറുപ​ടിക്ക്‌ അനുവ​ദി​ക്കുക.] മുഹമ്മദ്‌ ഒരു സത്യ​പ്ര​വാ​ച​ക​നാ​യി​രു​ന്നു​വെ​ന്നും നിങ്ങൾ വിശ്വ​സി​ക്കു​ന്നു​ണ്ടോ? [ഉവ്വ്‌ എന്നായി​രി​ക്കാ​നി​ട​യു​ളള പ്രതി​വ​ച​ന​ത്തിന്‌ അനുവ​ദി​ക്കുക.] ദൈവ​ത്തി​ന്റെ വ്യക്തി​പ​ര​മായ നാമ​ത്തെ​ക്കു​റിച്ച്‌ മോശ മനസ്സി​ലാ​ക്കി​യത്‌ ഞാൻ വിശുദ്ധ എഴുത്തു​ക​ളിൽ നിങ്ങളെ കാണി​ക്ക​ട്ടെ​യോ?” അനന്തരം നിങ്ങൾക്ക്‌ പുറപ്പാട്‌ 6:3 വായി​ക്കാം. ഈ വിധത്തിൽ നിങ്ങൾക്ക്‌ രസകര​മായ ഒരു സംഭാ​ഷണം തുടങ്ങാ​വു​ന്ന​താണ്‌.

³ കൃത്യ​മായ പേജു​ന​മ്പ​രു​കൾ ഓർക്കുക നമ്മില​നേ​കർക്ക്‌ പ്രയാ​സ​മാണ്‌. എന്നാൽ അല്‌പം തയ്യാറാ​ക​ലി​നാ​ലും പരിശീ​ല​ന​ത്താ​ലും ന്യായ​വാ​ദം പുസ്‌ത​ക​ത്തി​ന്റെ തുടക്ക​ത്തോ​ട​ടു​ത്തു​ളള “സംഭാ​ഷ​ണം​മു​ട​ക്കി​കൾ” എന്ന വിഭാഗം നമുക്ക്‌ ഉപയോ​ഗി​ക്കാൻ കഴിയും. ആ വിഭാ​ഗ​ത്തിൽ ഒരു പ്രത്യേക മതത്തിൽപെ​ട്ട​വ​രെന്ന്‌ തിരി​ച്ച​റി​യി​ക്കു​ന്ന​വ​രോട്‌ മറുപടി പറയാൻ നമ്മെ സഹായി​ക്കു​ന്ന​തി​നു​ളള വിവരങ്ങൾ പല പേജു​ക​ളി​ലുണ്ട്‌.

⁴ ന്യായ​വാ​ദം പുസ്‌ത​ക​ത്തിന്‌ മുഖവു​രകൾ സംബന്ധി​ച്ചു​ളള ഒരു നല്ല വിഭാ​ഗ​വു​മുണ്ട്‌. നമുക്ക്‌ ഇവക്കനു​യോ​ജ്യ​മാ​യി നമ്മുടെ മുഖവു​ര​കൾക്ക്‌ രൂപം​കൊ​ടു​ക്കാൻ പാടില്ലേ? നാം നമ്മുടെ അവതരണം സാഹച​ര്യ​ത്തിന്‌ അനു​യോ​ജ്യ​മാ​ക്കേ​ണ്ട​തു​ണ്ടാ​യി​രി​ക്കാം. ന്യായ​വാ​ദം​പു​സ്‌ത​ക​ത്തി​ലെ അനേകം വിഷയ​ങ്ങ​ളു​ടെ അവസാ​ന​ത്തിൽ “ആരെങ്കി​ലും ഇങ്ങനെ പറഞ്ഞാൽ” എന്ന ഒരു വിഭാ​ഗ​ത്തിൽ വിഷയ​ത്തോ​ടു ബന്ധപ്പെട്ട പ്രത്യേക ചോദ്യ​ങ്ങൾക്കോ തടസ്സവാ​ദ​ങ്ങൾക്കോ ഉത്തരമാ​യി കുറി​ക്കു​കൊ​ള​ളുന്ന വിവരങ്ങൾ പ്രദാ​നം​ചെ​യ്‌തി​ട്ടുണ്ട്‌. എന്നിരു​ന്നാ​ലും, ഈ നല്ല വിവര​ങ്ങ​ളെ​ല്ലാം നമ്മുടെ തയ്യാറാ​ക​ലിൽ നാം ഉപയോ​ഗി​ക്കു​ന്ന​ട​ത്തോ​ളം മാത്രമേ വിലയു​ള​ള​താ​യി​രി​ക്കു​ന്നു​ളളു.

തയ്യാറാ​കുന്ന വിധം

⁵ സേവന​യോ​ഗ​ത്തിൽ ചർച്ച​ചെ​യ്യ​പ്പെ​ടുന്ന ഏതു പ്രസി​ദ്ധീ​ക​രണം സംബന്ധി​ച്ചും ഉണർവു​ള​ള​വ​രാ​യി​രി​ക്കു​ക​യും ചർച്ചക​ളും പ്രകട​ന​ങ്ങ​ളും നടക്കു​മ്പോൾ എടുത്തു​നോ​ക്കാൻ നിങ്ങളു​ടെ കൈവശം സൂക്ഷി​ക്കു​ക​യും ചെയ്യുക. ഈ വിധത്തിൽ നിങ്ങൾക്ക്‌ മററു​ള​ള​വ​രു​ടെ തയ്യാറാ​ക​ലിൽനിന്ന്‌ കൂടുതൽ പൂർണ്ണ​മാ​യി പ്രയോ​ജനം നേടാൻ കഴിയും.

⁶ സേവന​ത്തി​നു തയ്യാറാ​കാൻ കുറെ സമയം ചെലവ​ഴി​ക്കു​ന്നത്‌ പ്രയോ​ജ​ന​ക​ര​മാണ്‌. നിങ്ങൾക്കാ​വ​ശ്യ​മു​ളള സാഹി​ത്യം വാങ്ങി​യി​രി​ക്കു​ന്നു​വെന്ന്‌ ഉറപ്പു​വ​രു​ത്തുക. സംഭാ​ഷ​ണ​വി​ഷയം നോക്കു​ന്ന​തിന്‌ ചുരുക്കം ചില മിനി​റ​റു​കൾ എടുക്കുക. ഉപയോ​ഗി​ക്ക​പ്പെ​ട്ടി​രി​ക്കുന്ന തിരു​വെ​ഴു​ത്തു​കൾ പുനര​വ​ലോ​ക​നം​ചെ​യ്യു​ക​യും വിശേ​ഷ​വൽക്ക​രി​ക്കേണ്ട സാഹി​ത്യ​ത്തി​ലെ പ്രത്യേക സംസാ​രാ​ശ​യങ്ങൾ പരി​ശോ​ധി​ക്കു​ക​യും ചെയ്യുക. ഇത്‌ ഒരു കുടും​ബ​മെന്ന നിലയിൽ ഒരുമി​ച്ചു​ചെ​യ്യു​ന്നത്‌ സഹായ​ക​മാ​യി​രി​ക്കാൻ കഴിയും.

⁷ പരിശീ​ല​ന​യോ​ഗങ്ങൾ നടത്തുക. നിങ്ങൾക്ക്‌ വിവിധ സമയങ്ങ​ളിൽ—സഭാപു​സ്‌ത​കാ​ദ്ധ്യ​യ​ന​ത്തി​നു​ശേ​ഷ​വും സാമൂ​ഹി​ക​കൂ​ട്ട​ങ്ങ​ളി​ലും കാർഗ്രൂ​പ്പു​ക​ളി​ലും ഒരു വീട്ടിൽനിന്ന്‌ അടുത്ത​തി​ലേക്കു പോകു​മ്പോ​ഴും—പരിശീ​ലി​ക്കാൻ കഴിയും. അവതര​ണങ്ങൾ നടത്തു​ന്ന​തും തടസ്സവാ​ദങ്ങൾ കൈകാ​ര്യം​ചെ​യ്യുന്ന വിധം ചർച്ച​ചെ​യ്യു​ന്ന​തും പ്രകടി​പ്പി​ക്കു​ന്ന​തും വളരെ ആസ്വാ​ദ്യ​ക​ര​മാ​യി​രി​ക്കാൻ കഴിയും, നമ്മുടെ വൈദ​ഗ്‌ദ്ധ്യ​ങ്ങൾ മൂർച്ച​യേ​റി​യ​താ​ക്കാൻ നല്ല അവസരങ്ങൾ പ്രദാ​നം​ചെ​യ്യു​ക​യും ചെയ്യുന്നു.

⁸ ഉത്സാഹ​പൂർവ​ക​മായ തയ്യാറാ​കൽ ശുശ്രൂ​ഷ​ക്കു​വേ​ണ്ടി​യു​ളള നമ്മുടെ തീക്ഷ്‌ണ​തയെ വർദ്ധി​പ്പി​ക്കും, തന്നിമി​ത്തം നമുക്ക്‌ വിദഗ്‌ദ്ധ​വേ​ല​ക്കാ​രാ​യി​ത്തീ​രു​ന്നതി​നും സന്തോ​ഷ​ക​ര​മായ സംതൃ​പ്‌തി കൊയ്യു​ന്ന​തി​നും കഴിയും.—യോഹ. 2:17.