മററു​ള​ള​വർക്ക്‌ നൻമ​ചെ​യ്യാ​നു​ളള നമ്മുടെ ഉത്തരവാ​ദി​ത്വം കയ്യേൽക്കൽ

¹ “നൻമ​ചെ​യ്യ​ലും മററു​ള​ള​വർക്കാ​യു​ളള വസ്‌തു​ക്ക​ളു​ടെ പങ്കു​വെ​ക്ക​ലും മറക്കരുത്‌” എന്ന്‌ അപ്പോ​സ്‌ത​ല​നായ പൗലോസ്‌ ഒന്നാം നൂററാ​ണ്ടി​ലെ ക്രിസ്‌ത്യാ​നി​കളെ ബുദ്ധി​യു​പ​ദേ​ശി​ച്ചു. (എബ്രാ. 13:16) പ്രതി​കൂല സാഹച​ര്യ​ങ്ങ​ളിൽപോ​ലും തങ്ങളുടെ സഹോ​ദ​ര​ങ്ങളെ സഹായി​ക്കാ​നു​ളള അവരുടെ ശ്രമങ്ങൾ ദൈവ​ത്തോ​ടും അന്യോ​ന്യ​വു​മു​ളള സ്‌നേ​ഹത്തെ പ്രബലി​ത​മാ​ക്കും. (യോഹ​ന്നാൻ 13:35) നാമും നൻമ​ചെ​യ്യാ​നും മററു​ള​ള​വർക്കു പങ്കു​വെ​ക്കാ​നും പ്രോൽസാ​ഹി​പ്പി​ക്ക​പ്പെ​ട്ടി​രി​ക്കു​ന്നു.

² ഈ ലക്ഷ്യത്തിൽ നാം ആത്മീയ​മാ​യി നന്നായി പോഷി​പ്പി​ക്ക​പ്പെ​ടു​ന്ന​തി​നും സുസജ്ജ​രാ​കു​ന്ന​തി​നും യഹോവ കരുതൽ ചെയ്‌തി​ട്ടുണ്ട്‌. ഓരോ വീക്ഷാ​ഗോ​പു​ര​ത്തി​ലും ഉണരുക!യിലും വിവര​ങ്ങ​ളു​ടെ എന്തോരു വിഭവ​ങ്ങ​ളാണ്‌ അടങ്ങി​യി​രി​ക്കു​ന്നത്‌. കിട്ടിയ ശേഷം എത്രയും വേഗം ഓരോ ലക്കവും വായി​ക്കു​ന്ന​തിൽ നാം എന്തു സന്തോ​ഷ​മാണ്‌ കണ്ടെത്തു​ന്നത്‌! തിരു​വെ​ഴു​ത്തു​പ​ര​മായ വിവര​ങ്ങ​ളെ​ക്കു​റി​ച്ചു ധ്യാനി​ച്ചു​കൊണ്ട്‌, വയൽശു​ശ്രൂ​ഷ​യി​ലും അതു​പോ​ലെ​തന്നെ മററു​ള​ള​വ​രു​മാ​യു​ളള നമ്മുടെ സംഭാ​ഷ​ണ​ങ്ങ​ളി​ലും ഉപയോ​ഗി​ക്കു​ന്ന​തി​നു​ളള ആശയങ്ങൾ നമുക്ക്‌ കുറി​ക്കൊ​ള​ളാ​വു​ന്ന​താണ്‌. അതു​പോ​ലെ​തന്നെ, ഓരോ യോഗ​ത്തി​നും, വിശേ​ഷാൽ വീക്ഷാ​ഗോ​പു​ര​ത്തി​ന്റെ പ്രതി​വാ​ര​പ​രി​ചി​ന്ത​ന​ത്തിന്‌, തയ്യാറാ​കു​ന്ന​തിന്‌ നാം സമയം വിലക്കു​വാ​ങ്ങേ​ണ്ട​താണ്‌. ദൈവ​വ​ച​ന​ത്തി​ന്റെ വ്യക്തി​പ​ര​മായ പഠനം “ക്രിസ്‌തു​വി​ന്റെ മനസ്സ്‌” വളർത്തി​യെ​ടു​ക്കു​ന്ന​തിന്‌ നമ്മെ സഹായി​ക്കു​ക​യും നാം കണ്ടുമു​ട്ടു​ന്ന​വർക്ക്‌ ഗുണക​ര​മാ​യതു പ്രദാ​നം​ചെ​യ്യു​ന്ന​തിന്‌ നമ്മെ പ്രാപ്‌ത​രാ​ക്കു​ക​യും ചെയ്യുന്നു.—1 കൊരി. 2:14-16; സങ്കീ. 19:14.

³ സ്വീക​രി​ക്കാ​നർഹ​മായ ഉത്തരവാ​ദി​ത്വ​ങ്ങൾ: യഹോ​വയെ സ്‌നേ​ഹി​ക്കാ​നി​ട​യാ​കുന്ന എല്ലാവ​രും അവന്‌ തങ്ങളുടെ ജീവൻ സമർപ്പി​ക്കു​ന്നു. സമർപ്പ​ണ​ത്തോ​ടു ബന്ധപ്പെട്ട ഉത്തരവാ​ദി​ത്വ​ങ്ങൾ സ്വീക​രി​ക്കു​ന്ന​തി​നാൽ നാം യഹോ​വ​യു​ടെ പക്ഷത്താ​ണെ​ന്നും സാത്താന്റെ ലോക​ത്തിൽനി​ന്നും അതിന്റെ ഹാനി​ക​ര​മായ വഴിക​ളിൽനി​ന്നും നമ്മേത്തന്നെ വേർപെ​ടു​ത്തി​യി​രി​ക്കു​ന്നു​വെ​ന്നും നാം പ്രകട​മാ​ക്കു​ന്നു. ക്രിസ്‌തു വെച്ച മാതൃക പിന്തു​ട​രു​ന്ന​തി​നാൽ നാം മററു​ള​ള​വർക്ക്‌ വിശി​ഷ്ട​മായ ഒരു ദൃഷ്ടാന്തം വെക്കുന്നു. (1 പത്രോ. 2:21) 1992-ലെ സേവന​വർഷ​ത്തി​നാ​യി ബാഹ്യ​രൂ​പം​കൊ​ടു​ത്തി​ട്ടു​ളള സർക്കിട്ട്‌ സമ്മേളന പരിപാ​ടി​കൾ നമ്മുടെ സമർപ്പ​ണ​ത്തി​ന​നു​സ​ര​ണ​മാ​യി ജീവി​ക്കാൻ നമ്മെ പ്രോൽസാ​ഹി​പ്പി​ക്കു​ന്നു. അതിന്റെ വിഷയം: “നമ്മുടെ സ്വന്തം ഉത്തരവാ​ദി​ത്വ​ത്തി​ന്റെ ചുമടു വഹിക്കൽ” എന്നാണ്‌.

⁴ സഭാമീ​റ​റിം​ഗു​ക​ളി​ലെ ക്രമമായ ഹാജർ പരിപു​ഷ്ടി​പ്പെ​ടു​ത്തുന്ന ആശയങ്ങൾ അന്യോ​ന്യം പങ്കു​വെ​ക്കു​ന്ന​തിന്‌ നമ്മെ അനുവ​ദി​ക്കു​ന്നു. നമ്മുടെ വ്യക്തി​പ​ര​മായ പഠനവും യോഗ​ങ്ങൾക്കു​വേ​ണ്ടി​യു​ളള തയ്യാറാ​ക​ലും നമുക്കു പങ്കു​വെ​ക്കാൻ കഴിയുന്ന നല്ല വളരെ​യ​ധി​കം വിവരങ്ങൾ നൽകുന്നു. മററു​ള​ള​വ​രിൽ അങ്ങനെ​യു​ളള വ്യക്തി​പ​ര​മായ താത്‌പ​ര്യം പ്രകട​മാ​ക്കു​ന്നത്‌ ഊഷ്‌മ​ള​വും സൗഹാർദ്ദ​പൂർവ​ക​വു​മായ കുടും​ബാ​ത്മാ​വി​നെ പുരോ​ഗ​മി​പ്പി​ക്കു​ന്നു. യോഗ​ങ്ങൾക്കു സംഭാവന ചെയ്യു​ന്ന​തി​നാൽ എബ്രായർ 10:24, 25ൽ രേഖ​പ്പെ​ടു​ത്തി​യി​രി​ക്കുന്ന പൗലോ​സി​ന്റെ വാക്കു​ക​ളോട്‌ നാം യഥാർത്ഥ​ത്തിൽ യോജി​ക്കു​ന്നു​വെ​ന്നും മററു​ള​ള​വരെ പ്രോൽസാ​ഹി​പ്പി​ക്കാ​നു​ളള ഉത്തരവാ​ദി​ത്വം സ്വീക​രി​ക്കു​ന്നു​വെ​ന്നും നാം പ്രകട​മാ​ക്കു​ന്നു.

⁵ കൂടു​ത​ലായ ഉത്തരവാ​ദി​ത്വ​ങ്ങൾ എത്തിപ്പി​ടി​ക്കുക: 1992-ലെ സേവന​വർഷ​ത്തിൽ സഹായ​പ​യ​നി​യർസേ​വ​ന​മോ നിരന്ത​ര​പ​യ​നി​യർസേ​വ​ന​മോ പോ​ലെ​യു​ളള കൂടു​ത​ലായ ഉത്തരവാ​ദി​ത്വ​ങ്ങൾ എത്തിപ്പി​ടി​ക്കാൻ നമുക്കു കഴിയു​മോ? മണിക്കൂർ വ്യവസ്ഥക്ക്‌ അനുചി​ത​മായ ഊന്നൽ കൊടു​ക്കാ​തെ കൂട്ടി​ച്ചേർക്കൽവേ​ല​യിൽ പങ്കെടു​ക്കു​ന്ന​തി​നു​ളള വർദ്ധിച്ച അവസര​ത്തിൽ ശ്രദ്ധ കേന്ദ്രീ​ക​രി​ക്ക​രു​തോ? (യോഹ​ന്നാൻ 4:35, 36) യോഗ്യ​ത​യു​ളള മററു പ്രസാ​ധ​ക​രോ​ടും പയനി​യർമാ​രോ​ടും​കൂ​ടെ​യു​ളള ക്രമമായ പ്രവർത്തനം ശുശ്രൂ​ഷ​യി​ലെ നമ്മുടെ വൈദ​ഗ്‌ദ്ധ്യം മെച്ച​പ്പെ​ടു​ത്തു​ന്ന​തിന്‌ നമ്മെ സഹായി​ക്കും. സഹായ​പ​യ​നി​യർമാ​രു​ടെ വർദ്ധിച്ച സംഖ്യ​യും സഭക്ക്‌ ആരോ​ഗ്യാ​വ​ഹ​മായ പ്രചോ​ദ​ന​മാ​യി ഉതകുന്നു. സാദ്ധ്യ​മെ​ങ്കിൽ, ഒരു നിരന്ത​ര​പ​യ​നി​യ​റാ​യി​രി​ക്കാൻ എന്തു​കൊണ്ട്‌ അപേക്ഷി​ച്ചു​കൂ​ടാ? അല്ലെങ്കിൽ ഒരു നിരന്തര അടിസ്ഥാ​ന​ത്തി​ലോ ഈ വർഷം സാധി​ക്കു​മ്പോ​ഴൊ​ക്കെ​യോ സഹായ​പ​യ​നി​യ​റാ​യി​രി​ക്കാൻ ക്രമീ​ക​രി​ച്ചു​കൂ​ടാ?

⁶ സമർപ്പി​ത​രും സ്‌നാ​പ​ന​മേ​റ​റ​വ​രു​മായ യോഗ്യ​ത​യു​ളള പ്രസാ​ധ​കർക്ക്‌ ഉത്തരവാ​ദി​ത്വ​ങ്ങൾ അനായാ​സം നീട്ടി​ക്കൊ​ടു​ക്ക​പ്പെ​ടു​ന്നു. (1 തിമൊ. 3:1-10, 12, 13) തങ്ങളുടെ യോഗ​ങ്ങ​ളി​ലെ സുചി​ന്തിത അഭി​പ്രാ​യ​ങ്ങ​ളാ​ലും ദിവ്യാ​ധി​പ​ത്യ​ശ്രു​ശ്രൂ​ഷാ​സ്‌കൂ​ളി​ലെ പങ്കുപ​റ​റ​ലി​നാ​ലും ഒരു പ്രകടനം അവതരി​പ്പി​ക്കു​ന്ന​തി​നോ സേവന​യോ​ഗ​ത്തി​ലെ മററു ഭാഗങ്ങൾ കൈകാ​ര്യം​ചെ​യ്യാ​നോ ഉളള നിയമ​ന​ങ്ങ​ളു​ടെ സ്വീക​രി​ക്ക​ലി​നാ​ലും എല്ലാവർക്കും സേവി​ക്കു​ന്ന​തി​നു​ളള തങ്ങളുടെ മനസ്സൊ​രു​ക്കം പ്രകട​മാ​ക്കാൻ കഴിയും. കുട്ടി​കൾക്കു​പോ​ലും ഈ വിധങ്ങ​ളി​ലും രാജ്യ​ഹാ​ളി​ലെ തങ്ങളുടെ നടത്തയാ​ലും മാതൃ​കാ​യോ​ഗ്യ​രാ​യി​രി​ക്കാൻ കഴിയും. അവർക്ക്‌ രാജ്യ​ഹാൾ ശുചീ​ക​രി​ക്കു​ന്ന​തി​നോ അതു​പോ​ലെ​യു​ളള മററു കാര്യങ്ങൾ നിർവ​ഹി​ക്കു​ന്ന​തി​നോ നിയമി​ത​രാ​കു​മ്പോൾ തങ്ങളുടെ പുസ്‌ത​കാ​ദ്ധ്യ​യന കൂട്ട​ത്തോ​ടു​കൂ​ടെ പ്രവർത്തി​ച്ചു​കൊണ്ട്‌ സഹായ​മേ​കു​ന്ന​വ​രാ​യി​രി​ക്കാൻ കഴിയും.—രാ.ശു. 4⁄76 പേ. 1, 8.

⁷ “എനിക്ക്‌ ആഗ്രഹ​മുണ്ട്‌” എന്ന വാക്കു​ക​ളോ​ടെ മററു​ള​ള​വർക്കു നൻമ​ചെ​യ്യു​ന്ന​തി​നു​ളള ഉത്തരവാ​ദി​ത്വം സ്വീക​രി​ക്കാ​നു​ളള തന്റെ മനസ്സൊ​രു​ക്കം യേശു പ്രകട​മാ​ക്കു​ക​യു​ണ്ടാ​യി. (ലൂക്കോ. 5:12, 13) അവന്റെ മാതൃക പിന്തു​ടർന്നു​കൊണ്ട്‌ നമുക്കും യഹോ​വ​യു​ടെ സ്ഥാപന​ത്തോട്‌ ക്രമമാ​യി സഹവസി​ക്കു​ന്ന​തിന്‌ നമ്മുടെ സഹോ​ദ​രൻമാ​രെ​യും താത്‌പ​ര്യ​ക്കാ​രെ​യും നാം വയൽസേ​വ​ന​ത്തിൽ കണ്ടുമു​ട്ടുന്ന ആത്മാർത്ഥ​ത​യു​ള​ള​വ​രെ​യും പ്രോൽസാ​ഹി​പ്പി​ക്കാ​നും സഹായി​ക്കാ​നും കഴിയും. “എല്ലാവർക്കും നൻമ ചെയ്യാ​നു​ളള” നമ്മുടെ ഉത്തരവാ​ദി​ത്വം സ്വീക​രി​ക്കു​ന്ന​തിന്‌ ഒരു സുനി​ശ്ചി​ത​ശ്ര​മ​വും ഒരുപക്ഷേ നമ്മുടെ ഭാഗത്തെ വ്യക്തി​പ​ര​മായ ത്യാഗ​വും ആവശ്യ​മാണ്‌. (ഗലാ. 6:10) എന്നാൽ നിർവ​ഹി​ക്ക​പ്പെ​ടുന്ന നൻമ നാം കാണു​മ്പോൾ “അങ്ങനെ​യു​ളള യാഗങ്ങ​ളിൽ ദൈവം നന്നായി പ്രസാ​ദി​ക്കു​ന്നു” എന്നു പറഞ്ഞ പൗലോ​സി​നോ​ടു നമുക്കു യോജി​ക്കാൻ കഴിയും.—എബ്രാ. 13:16.