സുവാർത്ത സമർപ്പി​ക്കൽ—പ്രസി​ദ്ധീ​ക​ര​ണങ്ങൾ ബുദ്ധി​പൂർവം ഉപയോ​ഗി​ച്ചു​കൊണ്ട്‌

¹ ആയിര​ത്തി​ത്തൊ​ള​ളാ​യി​രത്തി തൊണ്ണൂ​റെ​റാന്ന്‌ സേവന​വർഷ​ത്തി​ലെ പ്രത്യേക സമ്മേള​ന​ദിന പരിപാ​ടി “നമ്മുടെ ശുശ്രൂഷ—സാധാ​ര​ണ​മാ​യതല്ല, എന്നാൽ വിശു​ദ്ധ​മാണ്‌” എന്ന വിഷയ​ത്തെ​പ്പ​റ​റി​യു​ളള ഒരു ചർച്ച വിശേ​ഷ​വൽക്ക​രി​ച്ചു. നമ്മുടെ വേല വിശു​ദ്ധ​മാണ്‌ എന്നും പ്രാധാ​ന്യം കുറഞ്ഞ​താ​യി കാണരു​തെ​ന്നും അത്‌ ഊന്നി​പ്പ​റഞ്ഞു. അച്ചടിച്ച സാഹി​ത്യ​ങ്ങ​ളു​ടെ ഉപയോ​ഗം നമ്മുടെ ശുശ്രൂ​ഷ​യു​ടെ ഒഴിച്ചു​കൂ​ടാൻവ​യ്യാത്ത ഭാഗമാ​ക​യാൽ ഇതും ആദര​വോ​ടെ കൈകാ​ര്യം ചെയ്യണം. നമു​ക്കോ​രോ​രു​ത്തർക്കും നമ്മുടെ പ്രസി​ദ്ധീ​ക​ര​ണങ്ങൾ ബുദ്ധി​പൂർവം ഉപയോ​ഗി​ച്ചു​കൊണ്ട്‌ നമുക്ക​നു​ഭ​വ​പ്പെ​ടുന്ന ആഴമായ ആദരവ്‌ പ്രകട​മാ​ക്കാൻ കഴിയും.

² സൊ​സൈ​ററി 1990 സേവന വർഷത്തിൽ ലോക​വ്യാ​പ​ക​വ​യ​ലിൽ ഉപയോ​ഗി​ക്കു​ന്ന​തിന്‌ 67 കോടി 80 ലക്ഷം മാസി​ക​ക​ളും 5 കോടി 10 ലക്ഷം ബൈബി​ളു​ക​ളും ബയൻറിട്ട പുസ്‌ത​ക​ങ്ങ​ളും ഉൽപാ​ദി​പ്പി​ച്ചു. ഇത്‌ സമയവും ഊർജ്ജ​വും പണവും ഉൾപ്പെടെ ബൃഹത്തായ സമർപ്പിത വിഭവ​ങ്ങളെ പ്രതി​നി​ധാ​നം ചെയ്യുന്നു. അനേകം സ്വമേ​ധയാ സേവക​രു​ടെ കൂട്ടായ പ്രയത്‌നം വ്യക്തി​പ​ര​മായ ഉപയോ​ഗ​ത്തി​നും വയൽസേ​വ​ന​ത്തിൽ വിതരണം ചെയ്യു​ന്ന​തി​നു​മു​ളള മേൻമ​യേ​റിയ സാഹി​ത്യ​ങ്ങ​ളു​ടെ ഉൽപ്പാ​ദ​ന​ത്തിൽ കലാശി​ച്ചു. നാം ആത്മാർത്ഥ​ഹൃ​ദ​യ​രാ​യ​വരെ രാജ്യ​ദൂത്‌ അറിയി​ക്കു​മ്പോൾ നമ്മുടെ സാഹി​ത്യ​ങ്ങൾക്കു​വേണ്ടി ഹൃദയം​ഗ​മ​മായ വിലമ​തി​പ്പു പ്രകട​മാ​ക്കു​ന്ന​തി​നു​ളള ചില വിധങ്ങൾ ഏവയാണ്‌?

³ വ്യക്തി​പ​ര​വും കുടും​ബ​പ​ര​വു​മായ അദ്ധ്യയനം: റോമർ 2:21-ൽ അപ്പോ​സ്‌ത​ല​നായ പൗലോസ്‌ പറയുന്നു: “എന്നാൽ, മററു​ള​ള​വരെ പഠിപ്പി​ക്കുന്ന നിങ്ങൾ നിങ്ങ​ളേ​ത്തന്നെ പഠിപ്പി​ക്കു​ന്നി​ല്ലേ?” നാം നമ്മുടെ ബൈബി​ള​ധി​ഷ്‌ഠിത സാഹി​ത്യ​ങ്ങൾ പ്രാർത്ഥ​നാ​പൂർവം വായി​ക്കു​ന്ന​തി​നും പഠിക്കു​ന്ന​തി​നും ധ്യാനി​ക്കു​ന്ന​തി​നും സമയ​മെ​ടു​ക്കു​മ്പോൾ ആ വിധത്തിൽ നാം യഹോവ തന്റെ ഗൃഹവി​ചാ​ര​ക​വർഗ്ഗ​ത്തി​ലൂ​ടെ പ്രദാനം ചെയ്യുന്ന തക്കസമ​യത്തെ ആത്‌മീ​യാ​ഹാ​ര​ത്തി​ന്റെ കരുത​ലു​കളെ എത്രമാ​ത്രം അമൂല്യ​മാ​യി കരുതു​ന്നു എന്ന്‌ വ്യക്തി​പ​ര​മാ​യി പ്രകട​മാ​ക്കു​ന്നു. (ലൂക്കോ. 12:42) വ്യക്തി​പ​ര​മൊ കുടും​ബ​പ​ര​മൊ ആയ അദ്ധ്യയ​ന​ത്തി​ലൂ​ടെ വെളി​പ്പെ​ടു​ത്ത​പ്പെട്ട സത്യങ്ങൾ അറിഞ്ഞി​രി​ക്കു​ന്നത്‌ യഹോവ നമ്മുടെ സംരക്ഷ​ണ​ത്തി​നു​വേണ്ടി കരുതി​യി​ട്ടു​ളള എല്ലാറ​റി​നും​വേണ്ടി അതിയായ ആദരവ്‌ നട്ടുവ​ളർത്തു​ന്ന​തിന്‌ നമ്മെ പ്രാപ്‌ത​രാ​ക്കും. കുട്ടി​ക​ളും തങ്ങളുടെ സാഹി​ത്യ​ങ്ങൾ അശ്രദ്ധ​മാ​യി വരക്കാ​നൊ വികൃ​ത​മാ​ക്കാ​നൊ ഇടയാ​കാ​തെ അവയെ വിലമ​തി​ക്കു​ന്ന​തി​നും സൂക്ഷി​ക്കു​ന്ന​തി​നും ഉചിത​മാ​യി പരിശീ​ലി​പ്പി​ക്ക​പ്പെ​ടണം. കൂടാതെ നമ്മുടെ സാഹി​ത്യ​ങ്ങൾ വയലിലെ ഉപയോ​ഗ​ത്തി​നു​വേണ്ടി വൃത്തി​യാ​യും ശുചി​യാ​യും ഇരിക്ക​ത്ത​ക്ക​വണ്ണം ഉചിത​മാ​യി സംഭരി​ച്ചു സൂക്ഷി​ച്ചു​വെ​ക്കു​ക​യും ചെയ്യണം.

⁴ പാഴാക്കൽ ഒഴിവാ​ക്കുക: യഥാർത്ഥ പ്രയോ​ജനം ലഭിക്കു​ന്ന​തിന്‌ നമ്മുടെ സാഹി​ത്യ​ങ്ങൾ സത്യാ​ന്വേ​ഷി​ക​ളു​ടെ, അതായത്‌, നമ്മുടെ ദൂതി​ലും വേലയി​ലും യഥാർത്ഥ​താൽപ്പ​ര്യ​മു​ള​ള​വ​രു​ടെ കൈക​ളിൽ എത്തി​ച്ചേ​രണം. (മത്താ. 10:11) അതു​കൊണ്ട്‌ നാം അസാധാ​രണ സാഹച​ര്യ​ങ്ങ​ളി​ല​ല്ലാ​തെ സാഹി​ത്യം വെറുതെ കൊടു​ക്കു​ന്ന​തി​നെ ഒഴിവാ​ക്കണം. നാം മാസി​ക​ക​ളൊ പുസ്‌ത​ക​ങ്ങ​ളൊ മററു സാഹി​ത്യ​ങ്ങ​ളൊ ഭവനത്തിൽ കുന്നു​കൂ​ടി​യി​രി​ക്കാൻ അനുവ​ദി​ച്ചാ​ലും പാഴാ​ക​ലി​നി​ട​യാ​കാൻ കഴിയും.

⁵ മാസി​കകൾ തീയതി വെച്ചവ​യാ​ക​യാൽ അവ പുതിയ ലക്കങ്ങളാ​യി സമർപ്പി​ക്കാൻ നമുക്ക്‌ പരിമി​ത​മായ സമയ​മേ​യു​ളളു. അതു​കൊണ്ട്‌ ശുശ്രൂ​ഷ​യിൽ ഏർപ്പെ​ടു​ന്ന​തി​നും ഈ മാസി​കകൾ താൽപ്പ​ര്യ​മു​ള​ള​വർക്ക്‌ ലഭ്യമാ​ക്കു​ന്ന​തി​നും നമ്മുടെ ഭാഗത്ത്‌ ഒരു സംഘടിത യത്‌നം ആവശ്യ​മാണ്‌. എന്നിട്ടും നമ്മുടെ മാസി​കകൾ കെട്ടി​ക്കി​ട​ക്കു​ന്നാ​യി കാണ​പ്പെ​ടു​ന്നെ​ങ്കിൽ ഒരുപക്ഷേ മാസി​കാ​വേ​ലക്ക്‌ കൂടുതൽ സമയം ചെലവ​ഴി​ക്കാൻ നമ്മുടെ പട്ടിക ക്രമീ​ക​രി​ക്കു​ന്നത്‌ നന്നായി​രി​ക്കും. അല്ലെങ്കിൽ ന്യായ​മാ​യി ഇതു ചെയ്യാൻ കഴിയു​ന്നി​ല്ലെ​ങ്കിൽ നാം നമ്മുടെ ഓർഡർ ക്രമീ​ക​രി​ക്കണം. ഈ നിർദ്ദേ​ശങ്ങൾ പിൻപ​റ​റി​ക്കൊണ്ട്‌ നാം ദൈവ​ത്തി​ന്റെ അനർഹ ദയയുടെ വിശ്വ​സ്‌ത​രായ ഗൃഹവി​ചാ​ര​ക​രാ​ണെന്ന്‌ നമ്മേത്തന്നെ കാണി​ക്കു​ന്നു.—1 കൊരി. 4:2; 1 പത്രോ. 4:10, 11; ലൂക്കോസ്‌ 16:1, 10 താരത​മ്യം ചെയ്യുക.

⁶ യഹോവ തന്റെ സമർപ്പിത ജനത്തെ വളരെ ഘനമായ ഒരു ഉത്തരവാ​ദി​ത്വ​വും വേലയും “സൂക്ഷി​പ്പു​ധ​ന​മാ​യി ഭരമേൽപ്പി​ച്ചി​രി​ക്കു​ന്നു.” അതിൽ തന്റെ വിശ്വസ്‌ത “ഗൃഹവി​ചാ​ര​കന്‌” അധികാ​ര​മു​ളള “സ്വത്തുക്കൾ” ഉൾപ്പെ​ടു​ന്നു. (2 തിമൊ. 1:12; ലൂക്കോ. 12:42-44, 48ബി; 1 തിമൊ. 6:20) ദൈവ​സേ​വ​ന​ത്തി​ലെ നമ്മുടെ പദവി​ക​ളെ​ക്കു​റി​ച്ചു​ളള ആഴമായ വിലമ​തി​പ്പോ​ടെ മററു​ള​ള​വർക്ക്‌ സുവാർത്ത സമർപ്പി​ക്കു​ന്ന​തിൽ നമുക്കു നമ്മുടെ സാഹി​ത്യ​ങ്ങൾ ബുദ്ധി​പൂർവം ഉപയോ​ഗി​ക്കു​ന്ന​തിൽ തുടരാം.