നിങ്ങൾക്ക്‌ സഹായ പയനി​യ​റിംഗ്‌ നടത്താൻ സാധി​ക്കു​മോ?

¹ ശുശ്രൂ​ഷ​യിൽ സൗജന്യ​മാ​യി തങ്ങളേ​ത്തന്നെ വിട്ടു​കൊ​ടു​ക്കാൻ യേശു തന്റെ അനുഗാ​മി​കളെ പ്രോ​ത്സാ​ഹി​പ്പി​ച്ചു, ഈ ഗതി പിൻപ​റ​റു​ന്ന​തി​നാൽ തങ്ങൾക്ക്‌ സന്തുഷ്ടി​യും അനേകം ആത്മീയ അനു​ഗ്ര​ഹ​ങ്ങ​ളും കൈവ​രു​ത്തു​മെന്ന്‌ ഉറപ്പും നൽകി. (മത്താ. 10:8ബി; പ്രവൃ. 20:35) കഴിഞ്ഞ ഏപ്രിൽമാ​സ​ത്തിൽ 877 പേർ സഹായ പയനി​യർമാർ എന്ന നിലയിൽ വർദ്ധിച്ച പ്രവർത്ത​ന​ത്തി​ന്റെ സന്തോ​ഷങ്ങൾ നേരിട്ട്‌ അനുഭ​വി​ച്ചു. നിങ്ങൾക്ക്‌ ഈ വർഷം ഏപ്രി​ലി​ലോ മെയ്യി​ലോ ഒരു പക്ഷേ രണ്ടു മാസങ്ങ​ളി​ലു​മോ സഹായ പയനിയർ എന്ന നിലയിൽ പേർചാർത്തി​ക്കൊണ്ട്‌ ഈ അനു​ഗ്ര​ഹ​ങ്ങ​ളിൽ പങ്കുപ​റ​റാൻ സാധി​ക്കു​മോ?—സങ്കീ. 34:8.

² നിങ്ങളു​ടെ സാഹച​ര്യ​ങ്ങളെ പരി​ശോ​ധി​ക്കുക: താഴെ പരാമർശി​ച്ചി​രി​ക്കുന്ന അനുഭ​വങ്ങൾ പരിചി​ന്തി​ക്കു​മ്പോൾ നിങ്ങ​ളോ​ടു​തന്നെ ചോദി​ക്കുക: ‘ഈ ദൃഷ്ടാ​ന്ത​ങ്ങ​ളി​ലേ​തി​ലെ​ങ്കി​ലും ഞാൻ എന്നെത്തന്നെ കാണു​ന്നു​ണ്ടോ? എനിക്ക്‌ എങ്ങനെ സഹായ​പ​യ​നി​യ​റിം​ഗി​നു​ളള വഴി തുറക്കു​ന്ന​തിന്‌ ആവശ്യ​മായ ക്രമീ​ക​ര​ണങ്ങൾ ചെയ്യാൻ കഴിയും?

³ ഒരു സഹോ​ദ​രിക്ക്‌ അഞ്ചു കുട്ടികൾ ഉണ്ടായി​രി​ക്കു​ക​യും ലൗകി​ക​ത്തൊ​ഴിൽ ചെയ്യു​ക​യും ചെയ്യു​ന്നു​ണ്ടെ​ങ്കി​ലും അവർക്ക്‌ സഹായ പയനി​യ​റിംഗ്‌ ചെയ്യാൻ സാധിച്ചു. അവർക്ക്‌ എങ്ങനെ പ്രതി​ഫലം ലഭിച്ചു? അവരുടെ ഭർത്താ​വും കുട്ടി​ക​ളും അവർക്ക്‌ വളരെ നല്ല പിന്തുണ കൊടു​ക്കു​ക​യും ഈ സഹോ​ദ​രി​യു​ടെ നല്ല ദൃഷ്ടാ​ന്ത​ത്താൽ ഭർത്താവ്‌ അടുത്ത മാസം സ്‌നാ​പ​ന​മേൽക്കാത്ത ഒരു പ്രസാ​ധ​ക​നാ​യി​ത്തീ​രാൻ പ്രേരി​ത​നാ​യി​ത്തീ​രു​ക​യും ചെയ്‌തു.

⁴ ഒരു സഭയിൽ എല്ലാ മൂപ്പൻമാ​രും ശുശ്രൂ​ഷാ​ദാ​സൻമാ​രും ഒരു മാസം സഹായ​പ​യ​നി​യ​റിംഗ്‌ നടത്തി. അവരിൽ മിക്കവർക്കും ലൗകി​ക​ത്തൊ​ഴി​ലു​ണ്ടാ​യി​രു​ന്നു, എന്നാൽ അവർ വാരാ​ന്ത​ങ്ങ​ളിൽ ആത്മീയ പ്രവർത്ത​ന​ങ്ങ​ളിൽ തീവ്ര​മാ​യി ഏർപ്പെ​ട്ടി​രു​ന്നു. പ്രസം​ഗ​ത്തി​നും വയൽസേ​വനം ക്രമീ​ക​രി​ക്കു​ന്ന​തി​നും അവർ പ്രദാ​നം​ചെയ്‌ത നല്ല നേതൃ​ത്വം മുഴു സഭക്കും പ്രയോ​ജനം ചെയ്‌തു. 77 പ്രസാ​ധ​ക​രിൽ 73 പേർ ആ മാസം ഏതെങ്കി​ലും രൂപത്തി​ലു​ളള പയനി​യർസേ​വ​ന​ത്തിൽ ഏർപ്പെട്ടു.

⁵ ഒരു 15-വയസ്സു​കാ​രി സ്‌കൂൾകു​ട്ടി അവളുടെ രണ്ടാഴ്‌ചത്തെ വേനൽ അവധി സഹായ പയനിയർ സേവന​ത്തിൽ പങ്കെടു​ക്കാൻ ഉപയോ​ഗി​ക്കു​ക​യും ഇങ്ങനെ പറയു​ക​യും ചെയ്യുന്നു: “എനിക്ക്‌ യഥാർത്ഥ​ത്തിൽ വ്യത്യാ​സം കാണാൻ കഴിയും, വിശേ​ഷിച്ച്‌ സംഭാ​ഷ​ണ​ത്തി​ലു​ളള പുരോ​ഗതി. എനിക്ക്‌ വീടു​ക​ളി​ലെ ആളുക​ളോട്‌ മററ്‌ അനേകം സംഭാ​ഷ​ണങ്ങൾ നടത്താൻ പ്രാപ്‌തി ലഭിച്ചു.”

⁶ ലൗകിക ജോലി​യിൽനിന്ന്‌ വിരമി​ച്ച​വർക്ക്‌ മിക്ക​പ്പോ​ഴും രാജ്യ​താ​ത്‌പ​ര്യം പുരോ​ഗ​മി​പ്പി​ക്കു​ന്ന​തിന്‌ വളരെ നല്ല അവസര​ങ്ങ​ളുണ്ട്‌. തന്റെ ഭർത്താ​വി​ന്റെ മരണത്തി​നു​ശേഷം 84 വയസ്സു​കാ​രി​യായ ഒരു സഹോ​ദരി ഇപ്രകാ​രം എഴുതി: “എന്റെ എല്ലാ കുട്ടി​ക​ളും മുതിർന്ന​വ​രും വിവാ​ഹി​ത​രും കുടും​ബ​ങ്ങ​ളു​ള​ള​വ​രു​മാ​യി​ത്തീർന്നി​രി​ക്കു​ന്നു. അവർ എന്നെ അവഗണി​ച്ചില്ല, എന്നാൽ അവരുടെ സന്ദർശനം നഷ്ടത്തി​ന്റെ​യും ഏകാകി​ത്വ​ത്തി​ന്റെ​യും വികാ​ര​ങ്ങളെ നീക്കി​യില്ല. അപ്പോൾ ഞങ്ങളുടെ സഭയിലെ ഒരു മൂപ്പൻ എന്നോട്‌ സഹായ പയനി​യ​റിംഗ്‌ നടത്തു​ന്ന​തിന്‌ നിർദ്ദേ​ശി​ച്ചു. ഞാൻ ഒന്ന്‌ സംശയി​ച്ചു, എന്നാൽ ഒടുവിൽ അത്‌ ശ്രമി​ച്ചു​നോ​ക്കു​ന്ന​തിന്‌ തീരു​മാ​നി​ച്ചു. എന്തൊരു സന്തോഷം! എനിക്ക്‌ സഹായ പയനിയർ സേവനം അനുഭ​വി​ക്കാൻ കഴി​യേ​ണ്ട​തിന്‌ യഹോവ എന്നെ ഈ പ്രായം വരെയും ജീവി​ക്കാൻ അനുവ​ദി​ച്ചു എന്ന്‌ എനിക്ക്‌ തോന്നി. അപ്പോൾ മുതൽ ഞാൻ എല്ലാ മാസവും ഒരു സഹായ പയനിയർ എന്ന നിലയിൽ തുടർന്നി​രി​ക്കു​ന്നു.”

⁷ വസ്‌തു വിൽപ്പ​ന​ക്കാ​ര​നായ ഒരു സഹോ​ദരൻ പയനിയർ സേവന​ത്തിന്‌ സമയം അനുവ​ദി​ക്ക​ത്ത​ക്ക​വണ്ണം ഭവനങ്ങൾ കാണി​ക്കു​ന്ന​തി​നു​ളള തന്റെ പട്ടിക​യിൽ ക്രമീ​ക​രണം വരുത്തി. അതു​പോ​ലെ മററു​ള​ളവർ അത്തരം വർദ്ധിച്ച പ്രവർത്ത​ന​ത്തിന്‌ സമയമു​ണ്ടാ​ക്ക​ത്ത​ക്ക​വണ്ണം തങ്ങളുടെ ജോലി​യിൽ ക്രമീ​ക​രണം വരുത്തി.

⁸ ഇപ്പോൾ ആസൂ​ത്രണം ചെയ്യുക: ഏപ്രി​ലി​ലും മെയ്യി​ലും സഹായ പയനി​യ​റിംഗ്‌ നടത്തു​ന്ന​തിന്‌ എന്തു​കൊണ്ട്‌ ഇപ്പോൾ ക്രിയാ​ത്മ​ക​മായ ആസൂ​ത്ര​ണങ്ങൾ ചെയ്‌തു​കൂ​ടാ? വിജയ​പ്ര​ദ​രാ​യി​രി​ക്കു​ന്ന​തിന്‌ ശ്രദ്ധാ​പൂർവ​ക​മായ ആസൂ​ത്രണം ആവശ്യ​മാണ്‌. കുടുംബ ഉത്തരവാ​ദി​ത്വ​ങ്ങ​ളും മുഴു​സമയ ലൗകിക ജോലി​യും മററു തിരു​വെ​ഴു​ത്തു​പ​ര​മായ ഉത്തരവാ​ദി​ത്വ​ങ്ങ​ളും ഉണ്ടായി​രു​ന്നി​ട്ടും സഹായ പയനി​യ​റിംഗ്‌ ചെയ്യാൻ കഴിഞ്ഞ​വ​രു​ടെ അനുഭ​വ​ങ്ങ​ളിൽനിന്ന്‌ ഇത്‌ തെളി​യു​ന്നു. തങ്ങളുടെ അനുഭ​വ​ത്തി​ന്റെ പ്രയോ​ജനം ലഭിക്കു​ന്ന​തിന്‌ വിജയ​ക​ര​മാ​യി പയനി​യ​റിംഗ്‌ നടത്തി​യി​ട്ടു​ള​ള​വ​രു​മാ​യി സംസാ​രി​ക്കുക. യഹോ​വ​യു​ടെ സഹായം അപേക്ഷി​ച്ചു​കൊണ്ട്‌ പ്രാർത്ഥ​ന​യിൽ അവനെ സമീപി​ക്കു​ക​യും ചെയ്യുക.—യെശ. 40:29, 31; യാക്കോ. 1:5.

⁹ സഹായ പയനി​യർമാ​രാ​യി സേവി​ക്കു​ന്ന​തിന്‌ തങ്ങളുടെ കാര്യാ​ദി​കളെ ക്രമീ​ക​രി​ക്കു​ന്ന​വ​രു​ടെ സന്തോഷം വളരെ​യാ​ണെ​ന്നു​ള​ള​തിന്‌ സംശയ​മില്ല. നിങ്ങൾ ഇതു വരെ മുഴു​സമയ സേവന​ത്തി​ല​ല്ലെ​ങ്കിൽ നിങ്ങൾക്ക്‌ ഈ പദവി ആസ്വദി​ക്കാൻ കഴിയു​മോ? നിങ്ങൾ മററു​ള​ള​വ​രു​മാ​യി സുവാർത്ത പങ്കു വെക്കു​ന്ന​തി​നു​ളള നിങ്ങളു​ടെ പദവിയെ വികസി​പ്പി​ക്കു​ന്ന​തിന്‌ പരി​ശ്രമം ചെയ്യു​ന്നെ​ങ്കിൽ, യഹോവ നിങ്ങളു​ടെ​മേൽ ഒരു സമൃദ്ധ​മായ അനു​ഗ്രഹം ചൊരി​യും.—മലാ. 3:10.