താൽപ​ര്യം ഉണർത്തു​ന്ന​തി​നു​ളള മുഖവു​ര​കൾ

¹ യേശു മുഖവു​രകൾ ഉപയോ​ഗി​ക്കു​ന്ന​തിൽ അതിസ​മർത്ഥ​നാ​യി​രു​ന്നു. ഒരു വലിയ കൂട്ട​ത്തോ​ടോ ഒററവ്യ​ക്തി​യോ​ടോ ആരോടു സംസാ​രി​ച്ചാ​ലും അവരെ വ്യക്തി​പ​ര​മാ​യി ഉൾപ്പെ​ടു​ത്തി​ക്കൊണ്ട്‌ യേശു തന്റെ സദസ്സിന്റെ ശ്രദ്ധ പിടി​ച്ചെ​ടു​ത്തു. അവൻ തന്റെ വിഷയ​ത്തി​ന്റെ മൂല്യം തന്റെ ശ്രോ​താ​ക്കളെ കാണി​ച്ചു​കൊ​ടു​ത്തു.—മത്താ. 5:3-12; യോഹ. 4:7-30.

² മുൻകൂ​ട്ടി​യു​ളള തയ്യാറാ​കൽ ആവശ്യം: നമ്മുടെ ദൂതിൽ താൽപ​ര്യം ഉണർത്തു​ന്ന​തിന്‌ നമ്മുടെ മുഖവു​രകൾ വ്യക്തിയെ ഉൾപ്പെ​ടു​ത്തു​ക​യും അയാളു​ടെ താൽപ​ര്യ​ങ്ങ​ളോട്‌ യോജി​ക്കു​ക​യും ചെയ്യത്ത​ക്ക​വണ്ണം അവ മെന​ഞ്ഞെ​ടു​ക്കേ​ണ്ട​തി​ന്റെ​യും രാജ്യ​പ്ര​ത്യാ​ശ അയാളെ വ്യക്തി​പ​ര​മാ​യി സഹായി​ക്കു​മെന്ന്‌ പ്രകട​മാ​ക്കേ​ണ്ട​തി​ന്റെ​യും ആവശ്യ​മുണ്ട്‌.

³ ശുശ്രൂ​ഷക്ക്‌ തയ്യാറാ​കു​മ്പോൾ സമൂഹ​ത്തി​ലെ ആളുക​ളു​ടെ സത്വര താൽപ​ര്യ​ങ്ങൾ പുനര​വ​ലോ​കനം ചെയ്യുക. ഈയിടെ വന്ന ഒരു വാർത്ത എല്ലാവ​രു​ടെ​യും ശ്രദ്ധ പിടി​ച്ചെ​ടു​ത്തോ? ഒരു ചെറു​പ്പ​ക്കാ​രന്‌ താൽപ​ര്യ​മു​ള​ള​താ​യി​രി​ക്കു​ന്നത്‌ എന്ത്‌? പ്രായം​ചെന്ന ഒരാളിന്‌? ഭർത്താ​ക്കൻമാർക്ക്‌, ഭാര്യ​മാർക്ക്‌, അഥവാ മാതാ​പി​താ​ക്കൾക്ക്‌? ഓരോ ഭവനത്തി​ലും ഒരേ മുഖവു​ര​തന്നെ ഉപയോ​ഗി​ക്കു​ന്ന​തി​നു പകരം വിവി​ധ​ങ്ങ​ളായ പല മുഖവു​രകൾ തയ്യാറാ​കു​ന്ന​തും വീട്ടു​കാ​രന്റെ പ്രതി​ക​രണം നിരീ​ക്ഷി​ച്ച​ശേഷം പൊരു​ത്ത​പ്പെ​ടു​ത്താൻ ഒരുങ്ങി​യി​രി​ക്കു​ന്ന​തും സാധാ​ര​ണ​ഗ​തി​യിൽ കൂടുതൽ ഫലകര​മാണ്‌. തങ്ങൾ വീടു​തോ​റു​മു​ളള ശുശ്രൂ​ഷക്കു പോകുന്ന ഓരോ സന്ദർഭ​ത്തി​ലും ന്യായ​വാ​ദം പുസ്‌ത​ക​ത്തിൽനി​ന്നു​ളള വിവിധ മുഖവു​രകൾ തയ്യാറാ​വു​ക​യും ഉപയോ​ഗി​ക്കു​ക​യും ചെയ്യു​ന്ന​തി​നാൽ ചില പ്രസാ​ധ​കർക്ക്‌ നല്ല വിജയം ലഭിച്ചി​ട്ടുണ്ട്‌. (ന്യായ​വാ​ദം പേ. 9-15) ഇത്‌ അവരുടെ സമീപനം പുതു​മ​യു​ള​ള​തും രസകര​വു​മാ​ക്കി നിർത്തു​ന്നു.

⁴ സെപ്‌റ​റം​ബർ മാസത്തിൽ ഇതു​പോ​ലെ ഒരു അവതരണം ഉപയോ​ഗി​ക്കാൻ നിങ്ങൾ ഇഷ്ടപ്പെ​ട്ടേ​ക്കാം:

▪ “നമസ്‌ക്കാ​രം. ഞങ്ങൾ നമ്മുടെ അയൽക്കാ​രിൽ ചിലരു​മാ​യി, മററു​ള​ള​വരെ ഭരിക്കുന്ന ഒരു വ്യക്തി​യിൽ ഏതു ഗുണങ്ങൾ കാണാ​നാണ്‌ അവർ ഇഷ്ടപ്പെ​ടു​ന്നത്‌ എന്നതു​സം​ബ​ന്ധിച്ച്‌ സംസാ​രി​ച്ചു വരിക​യാ​യി​രു​ന്നു. ഏററവും പ്രധാ​ന​പ്പെ​ട്ട​താ​യി താങ്കൾ കരുതുന്ന ഒന്നോ രണ്ടോ ഗുണങ്ങൾ പറയാ​മോ? [പ്രതി​ക​രി​ക്കാൻ അനുവ​ദി​ക്കുക. ആശയങ്ങൾ അംഗീ​ക​രി​ക്കുക. ശരിയാ​ണെ​ങ്കിൽ യോജി​ക്കുക.] മനുഷ്യ​വർഗ്ഗത്തെ ഭരിക്കാൻ അംഗീ​കാ​രം ലഭിച്ചി​ട്ടു​ള​ള​വന്റെ ഗുണങ്ങൾ ബൈബിൾ വർണ്ണി​ക്കു​ന്നു​ണ്ടെന്ന്‌ നിങ്ങൾ അറിഞ്ഞി​രു​ന്നോ? അത്‌ ഇവിടെ യെശയ്യാവ്‌ 9:6, 7-ൽ ഉണ്ട്‌. [വായി​ക്കുക.] അത്തരം ഒരു ഭരണാ​ധി​കാ​രി​യു​ടെ കീഴിൽ ജീവി​ക്കു​ന്നത്‌ എങ്ങനെ​യി​രി​ക്കു​മെ​ന്നാണ്‌ നിങ്ങൾക്കു തോന്നു​ന്നത്‌?” പ്രതി​ക​രി​ക്കാൻ അനുവ​ദി​ക്കു​ക​യും, തുടർന്ന്‌ സങ്കീർത്തനം 146:3, 4-ലേക്കും ഉറപ്പു​ത​ന്നി​രി​ക്കുന്ന യേശു​വി​ന്റെ ഭരണത്തി​ന്റെ ഗുണം സംബന്ധിച്ച ന്യായ​വാ​ദം പുസ്‌ത​ക​ത്തി​ന്റെ 153-4 പേജു​ക​ളി​ലെ വിവര​ത്തി​ലേ​ക്കും ശ്രദ്ധ തിരി​ക്കു​ക​യും ചെയ്യുക. അല്ലെങ്കിൽ കൂടു​ത​ലായ ചർച്ചയെ ഉത്തേജി​പ്പി​ക്കു​ന്ന​തിന്‌ എന്നേക്കും ജീവി​ക്കാൻ പുസ്‌ത​ക​ത്തി​ന്റെ 112-ഉം 113-ഉം പേജുകൾ ഉപയോ​ഗി​ക്കാൻ കഴിയും. തുടർന്ന്‌ നിങ്ങൾക്ക്‌ ആ പ്രസി​ദ്ധീ​ക​രണം സമർപ്പി​ക്കാൻ കഴിയും.

⁵ നിങ്ങൾ കുടുംബ-മനസ്ഥി​തി​ക്കാ​രായ ആളുക​ളോ​ടാണ്‌ സംസാ​രി​ക്കു​ന്ന​തെ​ങ്കിൽ എന്നേക്കും ജീവി​ക്കാൻ പുസ്‌തകം വിശേ​ഷ​വൽക്ക​രി​ക്കു​മ്പോൾ പിൻവ​രുന്ന അവതരണം ഫലകര​മാ​യി​രു​ന്നേ​ക്കാം.

അഭിവാദനത്തിനുശേഷം നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

▪ “അനുദിന സമ്മർദ്ദ​ങ്ങ​ളും പ്രശ്‌ന​ങ്ങ​ളും ഇന്ന്‌ കുടും​ബ​ങ്ങൾക്ക്‌ ഒരു യഥാർത്ഥ വെല്ലു​വി​ളി​യാ​ണെന്ന്‌ താങ്കൾ നിരീ​ക്ഷി​ച്ചി​ട്ടു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] മികച്ച ഉപദേ​ശ​ത്തി​നാ​യി കുടും​ബ​ങ്ങൾക്ക്‌ എങ്ങോട്ടു തിരി​യാൻ കഴിയു​മെ​ന്നതു സംബന്ധിച്ച്‌ താങ്കൾക്ക്‌ എന്തെങ്കി​ലും ആശയങ്ങ​ളു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ഈ വിഷയം സംബന്ധിച്ച്‌ ബൈബി​ളി​നു പറയാ​നു​ള​ള​തി​ലേക്ക്‌ ഞങ്ങൾ ശ്രദ്ധ തിരി​ക്കു​ക​യാ​യി​രു​ന്നു. വിവാ​ഹ​ത്തി​ന്റെ ആരംഭകൻ ആദ്യമ​നു​ഷ്യ​ജോ​ഡി​യോട്‌ പ്രസ്‌താ​വി​ച്ചത്‌ നോക്കൂ.” ഉൽപത്തി 1:28 വായി​ക്കു​ക​യും തുടർന്ന്‌ എന്നേക്കും ജീവി​ക്കാൻ പുസ്‌ത​ക​ത്തി​ന്റെ 238-ാം പേജി​ലേക്കു തിരിഞ്ഞ്‌ 29-ാം അദ്ധ്യാ​യ​ത്തിൽനിന്ന്‌ തെര​ഞ്ഞെ​ടുത്ത ആശയങ്ങൾ ഉപയോ​ഗി​ച്ചു​കൊണ്ട്‌ നിങ്ങളു​ടെ ചർച്ച തുടരു​ക​യും ചെയ്യുക.

⁶ താൽപ​ര്യം പിടി​ച്ചെ​ടു​ക്കു​ക​യും ശ്രോ​താ​ക്കളെ ചർച്ചയിൽ ഉൾപ്പെ​ടു​ത്തു​ക​യും ചെയ്യുന്ന യേശു​വി​ന്റെ രീതികൾ പകർത്തു​ന്ന​തി​നാൽ, നാം ആത്മീയ കാര്യ​ങ്ങ​ളു​ടെ മൂല്യം ആത്മാർത്ഥ​ത​യു​ള​ള​വർക്ക്‌ കാണി​ച്ചു​കൊ​ടു​ക്കു​ക​യാണ്‌.