എന്നേക്കും ജീവി​ക്കാൻ പുസ്‌തകം ഫലകര​മാ​യി അവതരി​പ്പി​ക്കൽ

¹ മുഖവു​ര​ക​ളു​ടെ ഉപയോ​ഗ​ത്തിൽ യേശു വിദഗ്‌ധ​നാ​യി​രു​ന്നു. താത്‌പ​ര്യം ഉണർത്തു​ന്ന​തിന്‌ എന്തു പറയണം എന്ന്‌ അവനറി​യാ​മാ​യി​രു​ന്നു. ഒരു സന്ദർഭ​ത്തിൽ ഒരു ശമര്യാ​ക്കാ​രി സ്‌ത്രീ​യോട്‌ കുടി​ക്കാൻ അൽപ്പം വെളളം ചോദി​ച്ചു​കൊണ്ട്‌ അവൻ സംഭാ​ഷ​ണ​ത്തി​നു മുൻ​കൈ​യെ​ടു​ത്തു. ‘യഹൂദൻമാർക്ക്‌ ശമര്യാ​ക്കാ​രു​മാ​യി യാതൊ​രു ഇടപാ​ടു​ക​ളു​മി​ല്ലാ​തി​രു​ന്ന​തി​നാൽ’ ഇതു പെട്ടെ​ന്നു​തന്നെ അവളുടെ ശ്രദ്ധ പിടി​ച്ചു​പ​ററി. തുടർന്നു​ണ്ടായ സംഭാ​ഷണം അവളും മററ​നേ​ക​രും വിശ്വാ​സി​ക​ളാ​യി​ത്തീ​രു​ന്ന​തിന്‌ ഇടയാക്കി. (യോഹ. 4:7-9, 41) അവന്റെ ദൃഷ്ടാ​ന്ത​ത്തിൽനി​ന്നു നമുക്കു പഠിക്കാൻ കഴിയും.

² എന്നേക്കും ജീവി​ക്കാൻ പുസ്‌തകം സമർപ്പി​ക്കാൻ തയ്യാറാ​കു​മ്പോൾ, ‘നമ്മുടെ പ്രദേ​ശത്തെ ആളുകൾക്കു പ്രത്യേക താത്‌പ​ര്യ​മു​ളള വിഷയങ്ങൾ എന്താണ്‌’ എന്നു നിങ്ങ​ളോ​ടു തന്നെ ചോദി​ക്കുക. ‘ഒരു കൗമാ​ര​പ്രാ​യ​ക്കാ​രന്‌, പ്രായ​മു​ളള ഒരാൾക്ക്‌, ഒരു ഭർത്താ​വിന്‌, ഒരു ഭാര്യക്ക്‌ എന്ത്‌ ആകർഷ​ക​മാ​യി​രി​ക്കും?’ നിങ്ങൾക്ക്‌ ഒന്നില​ധി​കം മുഖവു​രകൾ തയ്യാറാ​കാൻ കഴിയും, എന്നിട്ട്‌ സാഹച​ര്യ​ത്തിന്‌ ഏററവും ഇണങ്ങു​ന്ന​തെന്നു തോന്നുന്ന ഒന്ന്‌ ഉപയോ​ഗി​ക്കുക.

³ കുടും​ബ​ജീ​വി​ത​ത്തി​ന്റെ അധഃപ​തനം ഇന്ന്‌ അനേക​രു​ടെ​യും ശ്രദ്ധാ​വി​ഷ​യ​മാ​യി​രി​ക്കു​ന്ന​തി​നാൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ജീവി​ത​ത്തി​ലെ അനുദിന സമ്മർദങ്ങൾ ഇന്നു കുടും​ബ​ങ്ങ​ളു​ടെ​മേൽ വലിയ പിരി​മു​റു​ക്കം സൃഷ്ടി​ക്കു​ന്നു. അവർക്ക്‌ എവിടെ സഹായം കണ്ടെത്താൻ കഴിയും? [പ്രതി​ക​രി​ക്കാൻ അനുവ​ദി​ക്കുക.] ബൈബി​ളിന്‌ ഒരു യഥാർഥ സഹായ​മാ​യി​രി​ക്കാൻ കഴിയും. [2 തിമൊ​ഥെ​യൊസ്‌ 3:16, 17 വായി​ക്കുക.] അതിജീ​വ​ന​ത്തി​നു കുടും​ബ​ങ്ങളെ സഹായി​ക്കാൻ കഴിയുന്ന സഹായ​ക​ര​മായ മാർഗ​നിർദേ​ശങ്ങൾ തിരു​വെ​ഴു​ത്തു​കൾ പ്രദാനം ചെയ്യുന്നു. നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പ്രസി​ദ്ധീ​ക​ര​ണ​ത്തി​ന്റെ 238-ാം പേജിലെ 3-ാം ഖണ്ഡിക​യിൽ പറഞ്ഞി​രി​ക്കു​ന്നതു ശ്രദ്ധി​ക്കുക.” 3-ാം ഖണ്ഡിക വായിച്ച്‌ സമർപ്പണം നടത്തുക.

⁴ പ്രാ​ദേ​ശി​ക​മായ ഒരു വാർത്താ ശകലമാണ്‌ ഉപയോ​ഗി​ക്കു​ന്ന​തെ​ങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“[പ്രാ​ദേ​ശി​ക​മാ​യി ശ്രദ്ധേ​യ​മായ ഒരു വാർത്ത പരാമർശി​ച്ചിട്ട്‌] നിങ്ങൾ ഇതു സംബന്ധി​ച്ചു കേട്ടി​രു​ന്നോ? നിങ്ങൾക്ക്‌ അതി​നെ​ക്കു​റിച്ച്‌ എന്തു തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] ഇതെവി​ടെ​ച്ചെ​ന്ന​വ​സാ​നി​ക്കും എന്ന്‌ നിങ്ങൾ വിചാ​രി​ക്കു​ന്നു​ണ്ടാ​വും, അല്ലേ? നാം അന്ത്യകാ​ലത്തു ജീവി​ക്കു​ന്ന​തി​ന്റെ തെളി​വാ​യി ബൈബിൾ ഈ കാര്യങ്ങൾ മുൻകൂ​ട്ടി പറയു​ക​യു​ണ്ടാ​യി.” എന്നിട്ട്‌ എന്നേക്കും ജീവി​ക്കാൻ പുസ്‌ത​ക​ത്തി​ന്റെ 150-3 പേജു​ക​ളി​ലെ വിവരങ്ങൾ പരിചി​ന്തി​ക്കുക.

⁵ വർധിച്ചു വരുന്ന അക്രമം സംബന്ധിച്ച്‌ അനേക​രും ഉത്‌ക​ണ്‌ഠാ​കു​ല​രാണ്‌. “ന്യായ​വാ​ദം” പുസ്‌ത​ക​ത്തി​ന്റെ 10-ാം പേജി​ലു​ളള “കുററകൃത്യം⁄സുരക്ഷിതത്വം” എന്ന തലക്കെ​ട്ടിൻ കീഴിലെ ആദ്യ മുഖവുര നിങ്ങൾക്ക്‌ ഉപയോ​ഗി​ക്കാ​വു​ന്ന​താണ്‌:

◼“വ്യക്തി​പ​ര​മായ സുരക്ഷി​ത​ത്വ​ത്തെ​പ്പ​ററി ഞങ്ങൾ ആളുക​ളോ​ടു സംസാ​രി​ച്ചു​വ​രി​ക​യാണ്‌. നമുക്കു ചുററും ധാരാളം കുററ​കൃ​ത്യ​ങ്ങൾ നടക്കു​ന്നുണ്ട്‌. അത്‌ നമ്മുടെ ജീവി​തത്തെ ബാധി​ക്കു​ക​യും ചെയ്യുന്നു. നിങ്ങ​ളെ​യും എന്നെയും പോ​ലെ​യു​ളള ആളുകൾക്ക്‌ രാത്രി​കാ​ല​ങ്ങ​ളിൽ സുരക്ഷി​ത​ത്വ​ബോ​ധ​ത്തോ​ടെ തെരു​വു​ക​ളി​ലൂ​ടെ നടക്കാൻ കഴി​യേ​ണ്ട​തിന്‌ എന്തു ചെയ്യേ​ണ്ട​തു​ണ്ടെ​ന്നാ​ണു നിങ്ങൾ വിചാ​രി​ക്കു​ന്നത്‌?” നിങ്ങൾക്കു സങ്കീർത്തനം 37:10, 11 വായി​ക്കാ​വു​ന്ന​താണ്‌. എന്നേക്കും ജീവി​ക്കാൻ പുസ്‌ത​ക​ത്തി​ന്റെ 156-8 പേജു​ക​ളിൽനി​ന്നു ദൈവ​രാ​ജ്യം കൈവ​രു​ത്തുന്ന അനു​ഗ്ര​ഹങ്ങൾ ചൂണ്ടി​ക്കാ​ണി​ക്കുക.

⁶ ലളിത​മായ ഒരു സമീപ​ന​മാണ്‌ ആഗ്രഹി​ക്കു​ന്ന​തെ​ങ്കിൽ, “ന്യായ​വാ​ദം” പുസ്‌ത​ക​ത്തി​ന്റെ 12-ാം പേജിൽ മുകളി​ലാ​യി കാണു​ന്ന​തി​നോ​ടു സമാന​മായ ഒരു മുഖവുര നിങ്ങൾ ഉപയോ​ഗി​ച്ചേ​ക്കാം:

◼“ബൈബിൾ നമുക്കു വാഗ്‌ദാ​നം ചെയ്യുന്ന മഹത്തായ ഭാവി​യെ​ക്കു​റി​ച്ചു പരിചി​ന്തി​ക്കാൻ ഞങ്ങൾ ഞങ്ങളുടെ അയൽക്കാ​രെ പ്രോ​ത്സാ​ഹി​പ്പി​ക്കു​ക​യാണ്‌. [വെളി​പ്പാ​ടു 21:3, 4 വായി​ക്കുക.] ഇതു നല്ലതാ​ണെന്നു തോന്നു​ന്നു​വോ? [പ്രതി​ക​രി​ക്കാൻ അനുവ​ദി​ക്കുക.] ദൈവ​രാ​ജ്യ​ത്തിൻകീ​ഴിൽ അനുസ​ര​ണ​മു​ളള മനുഷ്യ​വർഗം ആസ്വദി​ക്കുന്ന മററ്‌ അനു​ഗ്ര​ഹങ്ങൾ ഈ പ്രസി​ദ്ധീ​ക​ര​ണ​ത്തി​ന്റെ 19-ാം അധ്യായം പ്രദീ​പ്‌ത​മാ​ക്കു​ന്നു.” എന്നിട്ട്‌ എന്നേക്കും ജീവി​ക്കാൻ പുസ്‌തകം സമർപ്പി​ക്കുക.

⁷ ഫലപ്ര​ദ​മായ മുഖവുര തയ്യാറാ​ക്കു​ന്നത്‌ നീതിക്കു വേണ്ടി വിശക്കു​ന്ന​വ​രി​ലേക്കു ഇറങ്ങി ചെല്ലു​ന്ന​തി​നു നിങ്ങളെ സഹായി​ക്കും.—മത്താ. 5:6.