പ്രേര​ണാ​ത്മ​ക​മായ ഒരു മുഖവുര വികസി​പ്പി​ക്കു​ക

¹ വായന​ക്കാ​രു​ടെ മനസ്സു​ക​ളി​ലും ഹൃദയ​ങ്ങ​ളി​ലും സത്യത്തി​ന്റെ വിത്തുകൾ നടുന്ന​തിന്‌ വീക്ഷാ​ഗോ​പു​ര​വും ഉണരുക!യും പ്രയോ​ജ​ന​ക​ര​മാണ്‌. അതു​കൊണ്ട്‌, ഈ മാസി​ക​ക​ളിൽ അടങ്ങുന്ന ആത്മീയ രത്‌ന​ങ്ങ​ളിൽനി​ന്നു പ്രയോ​ജ​ന​മ​നു​ഭ​വി​ക്കാൻ കഴിയുന്ന ആളുക​ളു​ടെ ഭവനങ്ങ​ളി​ലേക്ക്‌ ഇവ എത്തിക്കാൻ ഫലകര​മായ മാർഗ്ഗങ്ങൾ വികസി​പ്പി​ക്കു​ന്ന​തിന്‌ നാം ആഗ്രഹി​ക്കു​ന്നു.

² നമ്മുടെ മാസി​കകൾ സ്വീക​രി​ക്കാ​നും വായി​ക്കാ​നും വീട്ടു​കാ​രെ എങ്ങനെ പ്രോ​ത്സാ​ഹി​പ്പി​ക്കാൻ കഴിയും? അധിക​വും നാം അവ എങ്ങനെ പരിച​യ​പ്പെ​ടു​ത്തു​ന്നു എന്നതിനെ ആശ്രയി​ച്ചി​രി​ക്കു​ന്നു. ഫലകര​മായ മുഖവു​രകൾ തയ്യാറാ​ക്കു​ന്ന​തി​നു​ളള മികച്ച നിർദ്ദേ​ശങ്ങൾ ന്യായ​വാ​ദം പുസ്‌ത​ക​ത്തി​ന്റെ 9-15 പേജു​ക​ളിൽ കണ്ടെത്തു​ന്നു.

³ നവംബർ 1-ലെ വീക്ഷാ​ഗോ​പു​രം സമർപ്പി​ക്കു​മ്പോൾ ന്യായ​വാ​ദം പുസ്‌ത​ക​ത്തി​ന്റെ 14-ാം പേജിൽ “വാർദ്ധക്യം⁄മരണം” എന്ന തലക്കെ​ട്ടി​നു കീഴി​ലു​ളള ആദ്യത്തെ നിർദ്ദേശം നിങ്ങൾക്ക്‌ ഉപയോ​ഗി​ച്ചു​നോ​ക്കാ​വു​ന്ന​താണ്‌.

നിങ്ങളെത്തന്നെ പരിച​യ​പ്പെ​ടു​ത്തി​യ​ശേഷം നിങ്ങൾക്ക്‌ ഇങ്ങനെ പറയാം:

▪“നിങ്ങൾക്കു തിര​ഞ്ഞെ​ടു​ക്കാൻ കഴിഞ്ഞാൽ, ഇപ്പോൾ ലോകത്തെ അഭിമു​ഖീ​ക​രി​ക്കുന്ന അനേകം പ്രശ്‌ന​ങ്ങ​ളിൽ ആദ്യമാ​യി പരിഹ​രി​ക്ക​പ്പെ​ട്ടു​കാ​ണാൻ നിങ്ങൾ ആഗ്രഹി​ക്കു​ന്നത്‌ ഏതായി​രി​ക്കും?” വീട്ടു​കാ​രന്റെ പ്രതി​ക​രണം ശ്രദ്ധി​ക്കു​ക​യും അയാളു​ടെ താൽപ​ര്യം അംഗീ​ക​രി​ക്കു​ക​യും ചെയ്യുക. അതിനു​ശേഷം ഇതു​പോ​ലെ എന്തെങ്കി​ലും പറഞ്ഞു​കൊണ്ട്‌ നിങ്ങൾക്കു തുടരാ​വു​ന്ന​താണ്‌: “അത്തരം പ്രശ്‌ന​ങ്ങ​ളു​ടെ പരിഹാ​ര​മാ​യി ബൈബിൾ വാഗ്‌ദാ​നം ചെയ്യു​ന്ന​തെ​ന്തെന്ന്‌ പരിചി​ന്തി​ക്കുക. [യെശയ്യാവ്‌ 9:6, 7 വായി​ക്കുക.] അതു​കൊണ്ട്‌, മനുഷ്യ​വർഗ്ഗ​ത്തി​ന്റെ എല്ലാ പ്രശ്‌ന​ങ്ങൾക്കു​മു​ളള യഥാർത്ഥ പരിഹാ​രം നിത്യ​മാ​യി ജീവി​ച്ചി​രു​ന്നു ഭരണം നടത്തുന്ന നീതി​യും ന്യായ​വു​മു​ളള ഒരു ഭരണാ​ധി​കാ​രി ഉണ്ടായി​രി​ക്കു​ന്ന​തി​നെ ആശ്രയി​ച്ചി​രി​ക്കു​ന്നു. കൂടാതെ, ദൈവം വാർദ്ധ​ക്യ​വും മരണവും നീക്കം​ചെ​യ്യു​മെ​ന്നും ഒരു പറുദീ​സാ​ഭൂ​മി​യിൽ മനുഷ്യർക്ക്‌ എന്നേക്കും ജീവി​ക്കാൻ അവസരം നൽകു​മെ​ന്നും ബൈബിൾ വാഗ്‌ദത്തം ചെയ്യുന്നു.” അതിനു​ശേഷം വീക്ഷാ​ഗോ​പു​ര​ത്തി​ന്റെ 6-ാം പേജി​ലേക്കു തിരി​യു​ക​യും “നിത്യ​ജീ​വ​നാ​കുന്ന ദൈവ​ത്തി​ന്റെ വാഗ്‌ദത്തം” എന്ന ഉപതല​ക്കെട്ടു കാണി​ക്കു​ക​യും ചെയ്യുക.

⁴ നവംബർ 1-ലെ വീക്ഷാ​ഗോ​പു​ര​ത്തിന്‌ നിങ്ങൾക്ക്‌ ഉപയോ​ഗി​ക്കാൻ കഴിയുന്ന മററു​രണ്ടു മുഖവു​രകൾ ന്യായ​വാ​ദം പുസ്‌ത​ക​ത്തി​ന്റെ 13-ാം പേജിൽ “ജീവൻ⁄സന്തുഷ്ടി” എന്ന തലക്കെ​ട്ടി​നു കീഴിൽ കാണുന്ന ആദ്യത്തെ രണ്ടെണ്ണ​മാണ്‌. നിങ്ങൾക്ക്‌ ഈ ആശയങ്ങ​ളും ചോദ്യ​ങ്ങ​ളും നിങ്ങളു​ടെ സ്വന്തം വാക്കു​ക​ളിൽ പറയാൻ കഴിയും, അല്ലെങ്കിൽ ന്യായ​വാ​ദം പുസ്‌ത​ക​ത്തിൽ പറഞ്ഞി​രി​ക്കു​ന്നത്‌ അങ്ങനെ​തന്നെ ആവർത്തി​ക്കുക. വീട്ടു​കാ​രന്റെ പ്രതി​ക​രണം അംഗീ​ക​രി​ച്ച​ശേഷം വീക്ഷാ​ഗോ​പു​ര​ത്തി​ന്റെ 7-ാം പേജിലെ വിവരങ്ങൾ പങ്കു​വെ​ച്ചു​കൊണ്ട്‌ തുടരുക. അതിനു​ശേഷം യെശയ്യാവ്‌ 65:21-23 വായി​ച്ചു​കൊണ്ട്‌ നിത്യ​ജീ​വന്റെ അനു​ഗ്രഹം സകലർക്കും തുറന്നു​കി​ട​ക്കു​ന്ന​താ​യി ചൂണ്ടി​ക്കാ​ണി​ക്കുക.

⁵ നിങ്ങൾ “ജനസം​ഖ്യാ സ്‌ഫോ​ടനം” സംബന്ധിച്ച നവംബർ 8-ലെ ഉണരുക!യാണ്‌ ഉപയോ​ഗി​ക്കു​ന്ന​തെ​ങ്കിൽ നിങ്ങൾക്ക്‌ “ജീവൻ⁄സന്തുഷ്ടി” എന്ന തലക്കെ​ട്ടിൻകീ​ഴി​ലെ മൂന്നാ​മത്തെ മുഖവുര ഉപയോ​ഗി​ക്കാ​വു​ന്ന​താണ്‌. സങ്കീർത്തനം 1:1, 2-മായി ബന്ധിപ്പി​ച്ച​ശേഷം നിങ്ങൾക്ക്‌ ഉണരുക!യുടെ 20-ാം പേജിലെ “യഹോ​വ​യു​ടെ ദിവ്യാ​ധി​പ​ത്യ​ഭ​രണം എന്തു നിർവ്വ​ഹി​ക്കും” എന്ന ചതുര​ത്തി​ലേക്ക്‌ ശ്രദ്ധ ക്ഷണിക്കാൻ കഴിയും.

⁶ തങ്ങൾക്ക്‌ തങ്ങളുടെ സ്വന്തം മതസാ​ഹി​ത്യ​മുണ്ട്‌ എന്നു പറയുന്ന വീട്ടു​കാ​രെ നിങ്ങൾ കണ്ടുമു​ട്ടാ​നി​ട​യുണ്ട്‌. ഞങ്ങൾക്കും (നമ്മുടെ രാജ്യ​ശു​ശ്രൂഷ പോലെ) ഞങ്ങളുടെ സ്വന്തം ഉപയോ​ഗ​ത്തി​നു​ളള പ്രസി​ദ്ധീ​ക​ര​ണങ്ങൾ ഉണ്ടെന്ന്‌ നിങ്ങൾക്കു വിശദ​മാ​ക്കാൻ കഴിയും, എന്നിരു​ന്നാ​ലും, ഞങ്ങളുടെ മാസി​കകൾ യഹോ​വ​യു​ടെ സാക്ഷി​ക​ള​ല്ലാത്ത ദശലക്ഷ​ക്ക​ണ​ക്കി​നാ​ളു​കൾ വായി​ക്കു​ന്ന​വ​യാണ്‌.

⁷ പൗലോസ്‌ 1 കൊരി​ന്ത്യർ 3:6-ൽ ഇപ്രകാ​രം പറഞ്ഞു: “ഞാൻ നട്ടു, അപ്പൊ​ല്ലോസ്‌ നനച്ചു, ദൈവ​മ​ത്രേ വളരു​മാ​റാ​ക്കി​യത്‌.” യഹോവ താൽപ​ര്യ​ക്കാ​രു​ടെ ഹൃദയ​ങ്ങ​ളിൽ സത്യത്തി​ന്റെ വിത്തുകൾ വളർത്തി​ക്കൊ​ണ്ടു​വ​രാൻ നാം ആഗ്രഹി​ക്കു​ന്നെ​ങ്കിൽ, പ്രേര​ണാ​ത്മ​ക​മായ മുഖവു​രകൾ ഉപയോ​ഗി​ച്ചു​കൊണ്ട്‌ ഈ വിത്തുകൾ ഫലകര​മാ​യി നടുന്ന​തിന്‌ നാം ശ്രദ്ധ ചെലു​ത്തണം.