ഏററവും മഹാനായ മനുഷ്യൻ പുസ്‌തകം പരിച​യ​പ്പെ​ടു​ത്താൻ ലഘു​ലേ​ഖകൾ ഉപയോ​ഗി​ക്കു​ക

¹ ജൂൺ മാസത്തിൽ, ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യൻ എന്ന പുസ്‌തകം നാം സമർപ്പി​ക്കു​ന്ന​താ​യി​രി​ക്കും. ഹ്രസ്വ​മായ ഒരു തിരു​വെ​ഴു​ത്ത​വ​ത​ര​ണ​ത്തി​നു​ശേഷം ഈ പുസ്‌ത​ക​ത്തി​ലെ അവസാന അധ്യാ​യ​ത്തി​ലെ ചിത്രം വീട്ടു​കാ​രനെ കാട്ടി​ക്കൊ​ണ്ടും ക്രിസ്‌തു​വി​ന്റെ ഭരണം അത്തരം അവസ്ഥകൾ കൈവ​രു​ത്തും എന്നു ചൂണ്ടി​ക്കാ​ട്ടി​ക്കൊ​ണ്ടും ഈ പുസ്‌തകം നേരിട്ടു പരിച​യ​പ്പെ​ടു​ത്താൻ കഴിയും. ഈ പുസ്‌ത​ക​ത്തിൽ താത്‌പ​ര്യം ഉണർത്തു​ന്ന​തി​നു മറെറാ​രു മാർഗ​മാ​യി ലഘു​ലേ​ഖകൾ ഉപയോ​ഗി​ക്കാ​വു​ന്ന​താണ്‌.

² ഈ ലോകം അതിജീ​വി​ക്കു​മോ? സംഭാ​ഷണം തുടങ്ങു​ന്ന​തിൽ ലഘു​ലേ​ഖകൾ വലിയ സഹായ​ക​ര​മാണ്‌. വീട്ടു​കാ​രു​ടെ ശ്രദ്ധ പിടി​ച്ചു​പ​റ​റാൻ അവ സഹായി​ക്കു​ന്നു, കാരണം ലഘു​ലേ​ഖകൾ അവരെ വ്യക്തി​പ​ര​മാ​യി ബാധി​ക്കുന്ന അർഥവ​ത്തായ വിഷയങ്ങൾ കൈകാ​ര്യം ചെയ്യുന്നു.

ദൃഷ്ടാന്തത്തിന്‌, നിങ്ങൾ ഏതാണ്ടി​ങ്ങനെ പറഞ്ഞേ​ക്കാം:

◼“ആളുക​ളോ​ടു സംസാ​രി​ക്കു​മ്പോൾ, അനേക​രും . . . [വാർത്ത​യിൽ വന്ന ഒരു ആനുകാ​ലിക സംഭവം തിര​ഞ്ഞെ​ടു​ക്കുക] സംബന്ധി​ച്ചു തങ്ങളുടെ ഉത്‌ക്കണ്‌ഠ പ്രകടി​പ്പി​ക്കു​ന്ന​താ​യി നാം ശ്രദ്ധി​ച്ചി​ട്ടുണ്ട്‌. ലോകാ​വ​സ്ഥകൾ ഉത്തരോ​ത്തരം അധഃപ​തി​ച്ചു​കൊ​ണ്ടി​രി​ക്കു​ന്ന​താ​യി തോന്നു​ന്നു. ലോക​ത്തിന്‌ അതിജീ​വി​ക്കാൻ കഴിയു​മോ എന്നു​പോ​ലും ചിലർ സംശയി​ക്കു​ന്നു. അതു സംബന്ധി​ച്ചു നിങ്ങൾക്കെന്തു തോന്നു​ന്നു? [വീട്ടു​കാ​രനെ പ്രതി​ക​രി​ക്കാൻ അനുവ​ദി​ക്കുക. മിക്കയാ​ളു​ക​ളും ശുഭാ​പ്‌തി​വി​ശ്വാ​സ​മു​ള​ള​വ​രാണ്‌.] നിങ്ങ​ളോ​ടൊ​പ്പം പങ്കുവ​യ്‌ക്കാൻ ആഗ്രഹി​ക്കുന്ന പ്രോ​ത്സാ​ഹ​ജ​ന​ക​മായ ഒരു സംഗതി ഞാൻ വായി​ക്കു​ക​യു​ണ്ടാ​യി. അത്‌ ഈ ലഘു​ലേ​ഖ​യി​ലുണ്ട്‌. [ഈ ലോകം അതിജീ​വി​ക്കു​മോ? എന്ന ലഘു​ലേ​ഖ​യു​ടെ ഒരു പ്രതി നിങ്ങളു​ടെ കൈയി​ലു​ണ്ടാ​യി​രി​ക്കെ, അതിന്റെ മറെറാ​രു പ്രതി വീട്ടു​കാ​രനു കൊടു​ക്കുക.] . . . എന്നതി​നെ​ക്കു​റി​ച്ചു യേശു എപ്രകാ​രം പ്രവചി​ച്ചു എന്നു ശ്രദ്ധി​ക്കുക.” നിങ്ങളു​ടെ മുഖവു​ര​യിൽ പരാമർശിച്ച ആനുകാ​ലിക സംഭവ​ത്തോട്‌ ഒത്തുവ​രുന്ന 4-ാമത്തെ​യോ 5-ാമത്തെ​യോ പേജി​ലു​ളള ഒരു ഖണ്ഡിക​യിൽനി​ന്നു വായി​ക്കുക. അതിനു​ശേഷം ഏററവും മഹാനായ മനുഷ്യൻ പുസ്‌തകം പരിച​യ​പ്പെ​ടു​ത്തുക. ഉചിത​മെന്നു തോന്നു​ന്നെ​ങ്കിൽ, 111-ാം അധ്യാ​യ​ത്തിൽ വിശേ​ഷ​വൽക്ക​രി​ച്ചി​രി​ക്കുന്ന യേശു​വി​ന്റെ പ്രവചനം സംബന്ധിച്ച കൂടുതൽ വിവര​ങ്ങ​ളി​ലേക്കു തിരി​യുക. വിട്ടു​പോ​കു​ന്ന​തി​നു​മുമ്പ്‌, നിത്യ​ജീ​വ​നി​ലേക്കു നയിച്ചു​കൊ​ണ്ടു യേശു​വി​നെ​യും യേശു​വി​ലൂ​ടെ യഹോ​വ​യെ​യും അറിയാൻ ഈ പുസ്‌തകം എങ്ങനെ ഉപയോ​ഗി​ക്കാൻ കഴിയു​മെന്നു ചുരു​ക്ക​മാ​യി വിശദീ​ക​രി​ക്കാൻ നിങ്ങൾക്കു കഴി​ഞ്ഞേ​ക്കാം. (യോഹ​ന്നാൻ 17:3) കൂടാതെ, നിങ്ങൾ മടങ്ങി​ച്ചെ​ല്ലു​മ്പോൾ ചർച്ച ചെയ്യാ​നു​ളള ഒരു വിഷയത്തെ സംബന്ധിച്ച ഒരു ചോദ്യം ഉന്നയി​ക്കാൻ നിശ്ചയ​മു​ള​ള​വ​നാ​യി​രി​ക്കുക.

³ സാമാ​ധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം: സമാധാ​ന​പൂർണ​മായ ഒരു പുതിയ ലോക​ത്തിൽ ജീവി​ക്കു​ന്നതു നിങ്ങൾക്ക്‌ എന്തർഥ​മാ​ക്കു​ന്നു? ഗംഭീ​ര​മായ നദിക​ളും മനോ​ഹ​ര​മായ മൃഗങ്ങൾ അന്യോ​ന്യം സമാധാ​ന​ത്തിൽ വസിക്കുന്ന ശാന്തമായ താഴ്‌വ​ര​ക​ളു​മു​ളള സുന്ദര​മായ ദൃശ്യ​ങ്ങ​ളെ​ക്കു​റി​ച്ചു പൊതു​വെ ആളുകൾ ചിന്തി​ക്കു​ന്നു. ഇപ്പോ​ഴത്തെ ലോകാ​വ​സ്ഥ​ക​ളാൽ അസ്വസ്ഥ​രാ​യി​രി​ക്കു​ന്നവർ സമാധാ​ന​പൂർണ​മായ ഒരു പുതിയ ലോക​ത്തെ​ക്കു​റി​ച്ചു​ളള പ്രത്യാശ ഏറെ ആശ്വാ​സ​പ്ര​ദ​മെന്നു കണ്ടെത്തി​യേ​ക്കാം.

⁴ നിങ്ങളു​ടെ അയൽക്കാർക്കും സഹജോ​ലി​ക്കാർക്കും വീടു​തോ​റും നിങ്ങൾ കണ്ടുമു​ട്ടു​ന്ന​വർക്കും ആസ്വാ​ദ്യ​വും ആശ്വാ​സ​പ്ര​ദ​വു​മായ എന്തെങ്കി​ലും സമർപ്പി​ക്കാൻ നിങ്ങൾ സജ്ജനാ​ണോ?

“സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം” എന്ന ലഘുലേഖ ഉപയോ​ഗി​ച്ചു​കൊണ്ട്‌ നിങ്ങൾക്ക്‌ ഏതാണ്ടി​ങ്ങനെ പറയാൻ കഴിയും:

◼“ഈ ലഘു​ലേ​ഖ​യു​ടെ പുറത്തു കാണി​ച്ചി​രി​ക്കു​ന്ന​തു​പോ​ലെ, ആളുകൾ എന്നെങ്കി​ലും സമാധാ​ന​ത്തിൽ ജീവി​ക്കുക സാധ്യ​മാ​യി​ത്തീ​രു​മെന്നു നിങ്ങൾ കരുതു​ന്നു​ണ്ടോ? [പ്രതി​ക​രി​ക്കാൻ വീട്ടു​കാ​രനെ അനുവ​ദി​ക്കുക.] രണ്ടാം പേജിലെ ഒന്നാം ഖണ്ഡിക​യി​ലെ അവസാന വാചകം ദയവായി ശ്രദ്ധി​ക്കുക. അതിങ്ങനെ ചോദി​ക്കു​ന്നു: ‘ഈ അവസ്ഥകൾ ഭൂമി​യിൽ എന്നെങ്കി​ലും വരു​മെന്നു വിശ്വ​സി​ക്കു​ന്നതു കേവലം ഒരു സ്വപ്‌ന​മോ മിഥ്യ​യോ ആണോ?’ [അതിനു​ശേഷം ലഘു​ലേ​ഖ​യി​ലെ അടുത്ത ഖണ്ഡിക വായി​ക്കുക.] പുതിയ ആകാശ​ങ്ങ​ളെ​യും ഒരു പുതിയ ഭൂമി​യെ​യും കുറി​ച്ചു​ളള ആ ഉദ്ധരണി ബൈബി​ളി​ലെ 2 പത്രൊസ്‌ 3:13-ൽ നിന്നാണ്‌. നിങ്ങൾക്കൊ​രു ബൈബി​ളു​ണ്ടെ​ങ്കിൽ, ഭൂമി​യു​ടെ ഭാവി സംബന്ധി​ച്ചു സങ്കീർത്തനം 104:5-ൽനിന്നു കൂടുതൽ മനസ്സി​ലാ​ക്കാൻ അതു ദയവായി കൊണ്ടു​വ​രാ​മോ?” അല്ലെങ്കിൽ നിങ്ങൾക്ക്‌ ആ വാക്യം നിങ്ങളു​ടെ ബൈബി​ളിൽനി​ന്നു വായി​ക്കാൻ കഴിയും. അതിനു​ശേഷം ചർച്ച ഏററവും മഹാനായ മനുഷ്യൻ പുസ്‌ത​ക​ത്തി​ലെ 133-ാം അദ്ധ്യാ​യ​ത്തി​ലേക്കു തിരി​ച്ചു​വി​ടുക.

⁵ നട്ട വിത്തു ‘നനയ്‌ക്കാൻ’ കൂടുതൽ മടക്കസ​ന്ദർശ​നങ്ങൾ നടത്തേ​ണ്ട​താ​യി വരും. (1 കൊരി. 3:6, 7) ആദ്യ സന്ദർശ​ന​ത്തി​ലോ മടക്കസ​ന്ദർശ​ന​ത്തി​ലോ ഏററവും മഹാനായ മനുഷ്യൻ പുസ്‌ത​ക​ത്തിൽനിന്ന്‌ എങ്ങനെ ഒരു അധ്യയനം തുടങ്ങാ​മെന്നു താഴെ​ക്കൊ​ടു​ത്തി​രി​ക്കുന്ന ലേഖനം നിർദ്ദേ​ശി​ക്കു​ന്നു.