യഹോ​വ​യു​ടെ ആദ്യജാ​തനെ വാഴ്‌ത്തുക!

¹ പൊ.യു. [പൊതു​യു​ഗം] 33 നീസാൻ 9, ഞായറാഴ്‌ച ഒരു വലിയ പുരു​ഷാ​രം തങ്ങളുടെ കൈക​ളിൽ കുരു​ത്തോ​ല​യും പിടി​ച്ചു​കൊണ്ട്‌ യഹോ​വ​യു​ടെ ആദ്യജാ​ത​നായ കർത്താ​വായ യേശു​ക്രി​സ്‌തു​വി​നെ ‘കർത്താ​വി​ന്റെ നാമത്തിൽ വരുന്ന രാജാവു’ എന്നു വാഴ്‌ത്തി. (ലൂക്കൊ. 19:38; എബ്രാ. 1:6) തിങ്കളാ​ഴ്‌ച​യും ചൊവ്വാ​ഴ്‌ച​യും, അതായത്‌ നീസാൻ 10-ാം തീയതി​യും 11-ാം തീയതി​യും, യേശു തന്റെ പരസ്യ​ശു​ശ്രൂ​ഷ​യിൽ വളരെ തിരക്കി​ലാ​യി​രു​ന്നു. ആ ദിവസ​ങ്ങളെ തന്റെ ഭൗമിക ശുശ്രൂ​ഷ​യു​ടെ ഏററവും തിരക്കു​ളള ദിവസ​ങ്ങ​ളാ​ക്കി​ത്തീർത്തു​കൊ​ണ്ടു​തന്നെ.

² ആലങ്കാ​രിക കുരു​ത്തോ​ലകൾ കൈയ്യി​ലേന്തി ഇന്ന്‌ അതിലും വലിയ ഒരു പുരു​ഷാ​രം ഉച്ചസ്വ​ര​ത്തിൽ ഇങ്ങനെ ഉദ്‌ഘോ​ഷി​ക്കു​ന്നു: “രക്ഷ . . . നമ്മുടെ ദൈവ​ത്തി​ന്റെ​യും കുഞ്ഞാ​ടി​ന്റെ​യും ദാനം.” (വെളി. 7:9, 10) മാർച്ച്‌ 26-ാം തീയതി ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആഘോ​ഷി​ക്കാൻ നാം ഒന്നിച്ചു​കൂ​ടും. ആ തീയതി സമീപി​ച്ചു​വ​രവേ, ശുശ്രൂ​ഷ​യി​ലു​ളള നമ്മുടെ ശ്രമങ്ങളെ ഊർജി​ത​പ്പെ​ടു​ത്തി​ക്കൊണ്ട്‌ ഗോള​വ്യാ​പ​ക​മായ ഈ സ്‌തു​തി​ഘോ​ഷത്തെ വർധി​പ്പി​ക്കാൻ നമുക്കു കഴിയു​മോ?

³ വയൽപ്ര​വർത്തനം വർധി​പ്പി​ക്കുക: മാർച്ചി​ലേ​ക്കു​വേണ്ടി ഇപ്പോൾത്തന്നെ പല പ്രസാ​ധ​ക​രും സഹായ​പ​യ​നി​യർമാ​രാ​യി തങ്ങളുടെ പേർ ചാർത്തി​യി​ട്ടുണ്ട്‌. അവരോ​ടു ചേരാൻ നിങ്ങൾ ആഗ്രഹി​ക്കു​ന്നു​വോ? ആഗ്രഹി​ക്കു​ന്നു​വെ​ങ്കിൽ താമസം​വി​നാ നിങ്ങളു​ടെ അപേക്ഷ കൊടു​ക്കുക. വേലയെ സംബന്ധി​ച്ചു നിങ്ങൾ ചോദി​ച്ചേ​ക്കാ​വുന്ന ഏതു ചോദ്യ​ത്തി​നും ഉത്തരം നൽകാൻ മൂപ്പൻമാ​രിൽ ഏതൊ​രാ​ളും സന്തോ​ഷ​മു​ള​ള​വ​നാ​യി​രി​ക്കും.

⁴ ഒരു സഹായ​പ​യ​നി​യ​റാ​യി നിങ്ങൾക്കു പ്രവർത്തി​ക്കാൻ കഴിഞ്ഞാ​ലും ഇല്ലെങ്കി​ലും മാർച്ചി​ലെ ശുശ്രൂ​ഷ​യിൽ പൂർണ​മായ പങ്കുണ്ടാ​യി​രി​ക്കാൻ നിങ്ങൾ ആഗ്രഹി​ക്കും. ആ മാസത്തി​ലെ എല്ലാ ദിവസ​വും കൂട്ടസാ​ക്ഷീ​ക​രണം ഏർപ്പെ​ടു​ത്താൻ സഭയ്‌ക്കു കഴി​ഞ്ഞേ​ക്കാം. ആ ഉദ്ദേശ്യ​ത്തി​നു​വേണ്ടി മതിയായ പ്രദേശം മാററി​വ​ച്ചി​രി​ക്കണം.

⁵ മാർച്ച്‌ 26 ശനിയാ​ഴ്‌ച​ത്തേക്ക്‌ എല്ലാ സഭകളും ഒരു പ്രത്യേക വയൽസേവന യോഗ​ത്തി​നു​വേണ്ടി ക്രമീ​ക​രണം നടത്തണം. സ്‌മാ​ര​ക​ത്തി​ന്റെ ഒരുക്ക​ത്തിൽ വളരെ​യ​ധി​കം കാര്യങ്ങൾ ചെയ്യാ​നു​ണ്ടെ​ങ്കി​ലും സാധ്യ​മായ ഏതൊ​രാ​ളും ശനിയാഴ്‌ച രാവിലെ വയൽശു​ശ്രൂ​ഷ​യിൽ പങ്കെടു​ക്കാൻ ശുപാർശ ചെയ്യ​പ്പെ​ടു​ന്നു. വീടു​തോ​റും പ്രവർത്തി​ക്കു​ന്നതു കൂടാതെ, സ്‌മാ​ര​ക​ത്തി​നു സംബന്ധി​ക്കാൻ നിങ്ങൾ ക്ഷണിച്ചി​ട്ടു​ള​ള​വർക്കു യാത്രാ​സൗ​ക​ര്യ​മു​ണ്ടെ​ന്നും യോഗ​സ​മ​യ​വും സ്ഥലവും അവർ വ്യക്തമാ​യി ഓർത്തി​രി​പ്പു​ണ്ടെ​ന്നും ഉറപ്പാ​ക്കുക.

⁶ മററു​ള​ള​വരെ ക്ഷണിക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യുക: യേശു തന്റെ അനുഗാ​മി​ക​ളോട്‌ ഇങ്ങനെ കൽപ്പിച്ചു: “എന്റെ ഓർമ്മെ​ക്കാ​യി ഇതു ചെയ്‌വിൻ.” (1 കൊരി. 11:24) യേശു​വി​ന്റെ അഭിഷിക്ത പദാനു​ഗാ​മി​കൾ ആ കൽപ്പന അനുസ​രി​ക്കവേ, അതിൽ സംബന്ധി​ക്കാ​നും സ്‌മാ​ര​കാ​ഘോ​ഷം നിരീ​ക്ഷി​ക്കാ​നും യഹോ​വ​യു​ടെ ഓരോ ദാസനും ക്ഷണിക്ക​പ്പെ​ടു​ന്നു. മററു​ള​ള​വ​രു​ടെ കൂട്ടത്തിൽ നിങ്ങൾ ബൈബിൾ വിദ്യാർഥി​ക​ളെ​യും ബന്ധുക്ക​ളെ​യും നിങ്ങൾ മുമ്പു ബൈബിൾ ചർച്ചകൾ നടത്തി​യി​ട്ടു​ള​ള​വ​രെ​യും അവിശ്വാ​സി​ക​ളായ ഇണക​ളെ​യും തൊഴിൽ പരിച​യ​ക്കാ​രെ​യും ക്ഷണിക്കണം. ആരും അവഗണി​ക്ക​പ്പെ​ടാ​തി​രി​ക്കാൻ ഒരു ലിസ്‌ററ്‌ ഉണ്ടാക്കുക.

⁷ സ്‌മാ​ര​കാ​ഘോ​ഷ​സ​മ​യ​ത്തു​തന്നെ താത്‌പ​ര്യ​ക്കാ​രെ പ്രോ​ത്സാ​ഹി​പ്പി​ക്കു​ന്ന​തി​നു​ളള മററ്‌ അവസര​ങ്ങ​ളും ഉണ്ടായി​രി​ക്കും. ആദ്യമാ​യിട്ട്‌ സംബന്ധി​ക്കാൻ പോകുന്ന പുതിയ ആളുകളെ സ്വാഗതം ചെയ്യാൻ കഴിയ​ത്ത​ക്ക​വണ്ണം നിങ്ങൾ തീർച്ച​യാ​യും നേരത്തെ എത്തി​ച്ചേ​രുക. നിങ്ങളു​ടെ ബൈബിൾ വിദ്യാർഥി​ക​ളിൽ ഒട്ടനവ​ധി​പേർ വരുന്നു​വെ​ങ്കിൽ മറെറാ​രു പ്രസാ​ധകൻ യോഗ​സ​മ​യത്ത്‌ അവരിൽ കുറച്ചു പേരോ​ടൊത്ത്‌ ഇരിക്കു​ന്നതു പ്രാ​യോ​ഗി​ക​മാ​യി​രി​ക്കും. പുതു​താ​യി വരുന്ന​വരെ സഭയുടെ ക്രമമായ പരസ്യ​യോ​ഗ​ത്തി​നു സംബന്ധി​ക്കാൻ ക്ഷണിക്കുക. പരസ്യ​പ്ര​സം​ഗം നടത്താൻ നിയമി​ക്ക​പ്പെ​ട്ടി​രി​ക്കുന്ന സഹോ​ദരൻ ഉത്തേജ​നാ​ത്മ​ക​മായ പ്രസംഗം നടത്താൻ ഒരുങ്ങി​യി​രി​ക്കണം.

⁸ സ്‌മാ​ര​കാ​ഘോ​ഷ​ത്തി​ന്റെ സമാപ​ന​ത്തി​ങ്കൽ “യഹോ​വ​യു​ടെ ആദ്യജാ​തനെ വാഴ്‌ത്തുക!” എന്ന 105-ാമത്തെ പാട്ട്‌ നാം ഒത്തൊ​രു​മിച്ച്‌ ആലപി​ക്കു​മ്പോൾ, യഹോ​വ​യു​ടെ സ്‌തു​തി​ക്കാ​യു​ളള ദിവ്യാ​ധി​പത്യ പ്രവർത്ത​ന​ത്തി​ന്റെ ഉത്സാഹ​പൂർവ​ക​മായ ഒരു മാസത്തി​ലേക്കു സംതൃ​പ്‌തി​യോ​ടെ തിരി​ഞ്ഞു​നോ​ക്കാൻ നമുക്കു കഴിയട്ടെ!