നിങ്ങളു​ടെ പ്രത്യാ​ശ​യു​ടെ പരസ്യ​പ്ര​ഖ്യാ​പ​നത്തെ ചാഞ്ചല്യം കൂടാതെ മുറുകെ പിടി​ച്ചു​കൊൾക

¹ ഇന്നു ദൈവ​ജ​ന​ത്തി​നു ‘തക്കസമ​യത്ത്‌ ആത്മീയ ഭക്ഷണം’ ലഭിക്കുന്ന പ്രാഥ​മി​ക​മായ മുഖാ​ന്തരം വീക്ഷാ​ഗോ​പുര അധ്യയ​ന​മാണ്‌. (മത്താ. 24:45, NW) മുഖ്യ​മാ​യും രണ്ട്‌ ഉദ്ദേശ്യ​ങ്ങ​ളോ​ടെ നാം ഈ പ്രധാ​ന​പ്പെട്ട യോഗ​ത്തി​നു ഹാജരാ​കു​ന്നു: ആത്മീയ​മാ​യി കെട്ടു​പണി ചെയ്യ​പ്പെ​ടാ​നും മററു​ള​ള​വ​രു​ടെ മുമ്പാകെ നമ്മുടെ പ്രത്യാ​ശ​യു​ടെ പരസ്യ പ്രഖ്യാ​പനം നടത്താ​നും.—എബ്രാ. 10:23-25.

² നമുക്കു​തന്നെ പ്രയോ​ജനം ചെയ്യൽ: മിക്ക സഭകളി​ലും സദസ്യ​രിൽ മൂന്നി​ലൊ​ന്നു പേർ മാത്രമേ പാഠം മുന്നമേ തയ്യാറാ​കു​ന്നു​ള​ളൂ​വെന്ന്‌ കണക്കാ​ക്ക​പ്പെ​ടു​ന്നു. ഏതാണ്ട്‌ അത്രയും അംഗങ്ങൾ മാത്രമേ ഉത്തരം പറയു​ന്ന​തിൽ പങ്കുപ​റ​റു​ന്നു​ളളൂ. വീക്ഷാ​ഗോ​പുര അധ്യയ​ന​ത്തിൽ അവതരി​പ്പി​ക്കുന്ന കട്ടിയാ​യു​ളള ആത്മീയ ആഹാരം യോഗ​ത്തിൽവ​ച്ചു​തന്നെ പൂർണ​മാ​യും സ്വാം​ശീ​ക​രി​ക്കാൻ കഴിയില്ല. വിവരങ്ങൾ മുന്ന​മേ​തന്നെ പഠിക്കാൻ നിങ്ങൾ സമയം മാററി​വെ​ക്കേ​ണ്ട​തുണ്ട്‌.

³ പഠനഭാ​ഗം തയ്യാറാ​കു​മ്പോൾ ലേഖന​ത്തി​ന്റെ അവസാ​ന​ഭാ​ഗ​ത്താ​യി കൊടു​ത്തി​രി​ക്കുന്ന ചതുര​ത്തി​ലെ ചോദ്യ​ങ്ങൾ ആദ്യമേ വായിച്ച്‌ അവയെ​ക്കു​റി​ച്ചു ചിന്തി​ക്കു​ന്നതു സഹായ​ക​മെന്നു നിങ്ങൾ കണ്ടെത്തി​യേ​ക്കാം. പാഠത്തിൽ പരിചി​ന്തി​ക്കേണ്ട മുഖ്യ ആശയങ്ങ​ളിൻമേൽ ശ്രദ്ധ കേന്ദ്രീ​ക​രി​ക്കാൻ ഇവ നിങ്ങളെ സഹായി​ക്കും.

⁴ പഠിക്കുന്ന സമയത്തു പറയ​പ്പെ​ടുന്ന കാര്യങ്ങൾ അവധാ​ന​പൂർവം ശ്രദ്ധി​ക്കുക. അധ്യയ​ന​നിർവാ​ഹ​കന്റെ പ്രാരം​ഭ​വാ​ക്കു​കൾക്കു ശ്രദ്ധ കൊടു​ക്കുക; ഈ അഭി​പ്രാ​യങ്ങൾ അധ്യയ​ന​ത്തി​നു​ളള ഒരു വേദി​യൊ​രു​ക്കു​ന്നു. ഉത്തരം കിട്ടാൻ പോകുന്ന മൂന്നോ നാലോ ചോദ്യ​ങ്ങൾ അദ്ദേഹം ഉന്നയി​ച്ചേ​ക്കാം. അല്ലെങ്കിൽ, ഈ വാരത്തി​ലെ പഠനഭാ​ഗം ഒരേ വിഷയ​ത്തി​ന്റെ തുടർച്ച​യാ​ണെ​ങ്കിൽ കഴിഞ്ഞ വാരത്തി​ലെ അധ്യയന ഭാഗത്തു​നി​ന്നു​ളള സവി​ശേ​ഷാ​ശ​യ​ങ്ങ​ളിൽ ചിലത്‌ അദ്ദേഹം പുനര​വ​ലോ​കനം ചെയ്‌തേ​ക്കാം. ഒരു ബൈബിൾ പ്രവച​ന​മോ തിരു​വെ​ഴു​ത്തു തത്ത്വമോ സംബന്ധിച്ച നമ്മുടെ ഗ്രാഹ്യ​ത്തിൽ എന്തെങ്കി​ലും പൊരു​ത്ത​പ്പെ​ടു​ത്ത​ലു​ണ്ടെ​ങ്കിൽ അദ്ദേഹം അതു നമ്മുടെ ശ്രദ്ധയിൽപ്പെ​ടു​ത്തും. അധ്യയ​ന​ത്തി​ന്റെ ഒരു ഉദ്ദേശ്യം സഭയി​ലു​ള​ള​വർക്കു തങ്ങളുടെ പ്രത്യാശ പ്രകടി​പ്പി​ക്കാൻ ഒരു അവസരം നൽകുക എന്നതാ​യ​തു​കൊണ്ട്‌ അധ്യയ​ന​നിർവാ​ഹകൻ നടത്തുന്ന അഭി​പ്രാ​യങ്ങൾ തീർച്ച​യാ​യും ഹ്രസ്വ​മാ​യി​രി​ക്കണം. മററു​ള​ളവർ തങ്ങൾ പഠിച്ചി​രി​ക്കു​ന്ന​തി​നെ​ക്കു​റിച്ച്‌ അഭി​പ്രാ​യം പറയു​മ്പോൾ ശ്രദ്ധാ​പൂർവം കേൾക്കുക; ഇതിനു നിങ്ങളു​ടെ വിശ്വാ​സത്തെ ബലപ്പെ​ടു​ത്താൻ കഴിയും.

⁵ നിങ്ങളു​ടെ പ്രത്യാ​ശയെ പ്രഖ്യാ​പി​ക്കുക: അധ്യയ​ന​സ​മ​യത്തു നിങ്ങൾ ക്രമമാ​യി അഭി​പ്രാ​യങ്ങൾ പറയാ​റു​ണ്ടോ? ഹ്രസ്വ​വും കുറി​ക്കു​കൊ​ള​ളു​ന്ന​തു​മായ അഭി​പ്രാ​യ​ങ്ങ​ളാണ്‌ അഭില​ഷ​ണീ​യം. (ലൂക്കൊസ്‌ 21:1-4 താരത​മ്യം ചെയ്യുക.) ഹൃദയ​ത്തിൽനി​ന്നു​ളള ലളിത​മായ ഒരു അഭി​പ്രാ​യത്തെ എല്ലാവ​രും വിലമ​തി​ക്കു​ന്നു. സാധാ​ര​ണ​മാ​യി ഒരു ചോദ്യ​ത്തി​ന്റെ ആദ്യ ഉത്തരം ഹ്രസ്വ​വും നേരി​ട്ടു​ള​ള​തു​മാ​യി​രി​ക്കണം. ഒരു തിരു​വെ​ഴു​ത്തു പരാമർശി​ക്കു​ന്ന​തി​നോ ഖണ്ഡിക​യി​ലെ വിശദാം​ശ​ങ്ങ​ളി​ലേക്കു ശ്രദ്ധയാ​കർഷി​ക്കു​ന്ന​തി​നോ ഇതു മററു​ള​ള​വർക്ക്‌ അവസര​മൊ​രു​ക്കു​ന്നു. ഈ വിധത്തിൽ പലർക്കും തങ്ങളുടെ പ്രത്യാ​ശ​യു​ടെ പരസ്യ പ്രഖ്യാ​പനം നടത്താ​നാ​കും. അഭി​പ്രാ​യങ്ങൾ എപ്പോ​ഴും ക്രിയാ​ത്മ​ക​വും പരിപു​ഷ്ടി​പ്പെ​ടു​ത്തു​ന്ന​തു​മാ​യിരി​ക്കണം.

⁶ നിങ്ങൾ അധ്യയ​ന​ത്തിൽ സംബന്ധി​ക്കാൻ തുടങ്ങി​യി​ട്ടേ ഉളളൂ​വെ​ങ്കിൽ അല്ലെങ്കിൽ ഉത്തരം പറയാൻ ഭയമു​ണ്ടെ​ങ്കിൽ അധ്യയ​ന​നിർവാ​ഹ​ക​നോ​ടു സഹായം ചോദി​ക്കാൻ നിങ്ങൾ ആഗ്രഹി​ച്ചേ​ക്കാം. ഒരു പ്രത്യേക ഖണ്ഡിക പരിചി​ന്തി​ക്കു​മ്പോൾ നിങ്ങൾ കൈ ഉയർത്തി​യി​ട്ടു​ണ്ടോ എന്നു നോക്കാൻ അദ്ദേഹ​ത്തോ​ടു പറയുക. ഒരുപക്ഷേ സ്വമേ​ധ​യാ​തന്നെ, പരാമർശി​ച്ചി​രി​ക്കുന്ന ഒരു തിരു​വെ​ഴു​ത്തു വായിച്ച്‌ അതിന്റെ അർഥത്തി​ന്റെ പ്രയുക്തത ഹ്രസ്വ​മാ​യി നടത്താൻ നിങ്ങൾക്കു കഴിയും. ഉത്തരം പറയു​മ്പോൾ പറയാൻ ആഗ്രഹി​ക്കുന്ന കാര്യം ഓർമി​ക്കാൻ നിങ്ങളെ സഹായി​ക്കു​ന്ന​തിന്‌ മാർജി​നിൽ ചില കുറി​പ്പു​കൾ എഴുതി​യി​ടാ​വു​ന്ന​താണ്‌. നിങ്ങൾ പ്രായം കുറഞ്ഞ ഒരാളാ​ണെ​ങ്കിൽ നിങ്ങളു​ടെ ഉത്തരങ്ങൾ സ്വാഗതം ചെയ്യ​പ്പെ​ടു​ന്നു​വെ​ന്നും വിലമ​തി​ക്ക​പ്പെ​ടു​ന്നു​വെ​ന്നും ഓർക്കുക.—മത്താ. 21:16.

⁷ നമ്മുടെ വിശ്വാ​സത്തെ പ്രകടി​പ്പി​ക്കു​ന്നതു മർമ​പ്ര​ധാ​ന​മാണ്‌. അങ്ങനെ ചെയ്യാ​നു​ളള ഒരു നല്ല അവസരം വീക്ഷാ​ഗോ​പുര അധ്യയനം നമുക്കു പ്രദാനം ചെയ്യുന്നു. ശുശ്രൂ​ഷ​ക​രാ​യി​രി​ക്കാൻ യോഗ്യർ എന്ന [ഇംഗ്ലീഷ്‌] പുസ്‌തകം ഇപ്രകാ​രം പറഞ്ഞു: “പ്രശ്‌നം എന്തുത​ന്നെ​യാ​യി​രു​ന്നാ​ലും അതു തരണം ചെയ്‌ത്‌ നിങ്ങൾ ചുരു​ങ്ങി​യത്‌ ഒരു ഉത്തര​മെ​ങ്കി​ലും പറയണം. നിങ്ങൾ യോഗ​ത്തിൽ നിങ്ങളു​ടെ പങ്കു നിർവ​ഹി​ച്ചി​രി​ക്കും, നിങ്ങൾക്കു സംതൃ​പ്‌തി​യും തോന്നും.” (പേജ്‌ 99) അതു​കൊണ്ട്‌ അടുത്ത വീക്ഷാ​ഗോ​പുര അധ്യയ​ന​ത്തിൽത്തന്നെ ചുരു​ങ്ങി​യത്‌ ഒരു ഉത്തര​മെ​ങ്കി​ലും പറയാൻ എന്തു​കൊണ്ട്‌ ആസൂ​ത്രണം ചെയ്‌തു​കൂ​ടാ?—സദൃ. 15:23.