നേതൃ​ത്വം വഹിക്കുന്ന മേൽവി​ചാ​ര​ക​ന്മാർ—വീക്ഷാ​ഗോ​പുര അധ്യയന നിർവാ​ഹ​കൻ

¹ നമുക്കു “തക്കസമ​യത്ത്‌” ആത്മീയ ആഹാരം പ്രദാനം ചെയ്യാൻ “വിശ്വസ്‌ത​നും വിവേ​കി​യു​മായ അടിമ” ചെയ്‌തി​രി​ക്കുന്ന അടിസ്ഥാന കരുത​ലാണ്‌ വീക്ഷാ​ഗോ​പു​രം യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കു​ന്നു എന്ന മാസിക. (മത്താ. 24:45, NW) ക്രിസ്‌തീയ ജീവി​ത​ത്തിൽ ഉത്തമ മാതൃക വെക്കുന്ന പ്രാപ്‌ത​നായ ഒരു അധ്യാ​പകൻ എന്ന നിലയിൽ, വീക്ഷാ​ഗോ​പുര അധ്യയനം നടത്തുന്ന മൂപ്പന്‌ മർമ​പ്ര​ധാ​ന​മായ ഒരു ഉത്തരവാ​ദി​ത്വം ഉണ്ട്‌.—റോമ. 12:7; യാക്കോ. 3:1.

² ഫലപ്ര​ദ​മാ​യി പഠിപ്പി​ക്കു​ന്ന​തിന്‌, വീക്ഷാ​ഗോ​പുര അധ്യയന നിർവാ​ഹകൻ ഓരോ ആഴ്‌ച​യി​ലും നന്നായി തയ്യാറാ​കണം. പ്രാർഥ​നാ​പൂർവം ശ്രദ്ധ​യോ​ടെ അദ്ദേഹം അങ്ങനെ ചെയ്യുന്നു. പാഠ ഭാഗത്തി​ലൂ​ടെ നമ്മുടെ ഹൃദയ​ത്തിൽ എത്താനുള്ള അദ്ദേഹ​ത്തി​ന്റെ ആത്മാർഥ ശ്രമം, സഭയുടെ ക്ഷേമത്തി​ലുള്ള അദ്ദേഹ​ത്തി​ന്റെ വർധിച്ച താത്‌പ​ര്യ​ത്തെ പ്രതി​ഫ​ലി​പ്പി​ക്കു​ന്നു. അദ്ദേഹം പാഠത്തി​ലെ പ്രധാന ആശയങ്ങൾക്ക്‌ ഊന്നൽ നൽകു​ക​യും അവ ലേഖന വിഷയ​വു​മാ​യി എങ്ങനെ ബന്ധപ്പെ​ടു​ന്നു എന്നു കാണാൻ നമ്മെ സഹായി​ക്കു​ക​യും ചെയ്യുന്നു.

³ പാഠഭാ​ഗം നന്നായി തയ്യാറാ​കു​ന്ന​തി​ന്റെ ഭാഗമാ​യി, തിരു​വെ​ഴു​ത്തു​കൾ എങ്ങനെ ബാധക​മാ​കു​ന്നു എന്നു മനസ്സി​ലാ​ക്കാൻ അദ്ദേഹം അവ നേരത്തെ എടുത്തു നോക്കു​ന്നു. അധ്യയന സമയത്തു ബൈബിൾ ഉപയോ​ഗി​ക്കാൻ സഭയെ പ്രോ​ത്സാ​ഹി​പ്പി​ച്ചു​കൊണ്ട്‌ അദ്ദേഹം ദൈവ വചനത്തി​ന്റെ പ്രാധാ​ന്യം ഉയർത്തി​ക്കാ​ട്ടു​ന്നു. പ്രധാ​ന​പ്പെട്ട ഒരു ആശയം സദസ്സിൽ നിന്നുള്ള ഉത്തരത്തിൽ വരാതി​രി​ക്കു​ക​യോ ഒരു മുഖ്യ തിരു​വെ​ഴു​ത്തി​ന്റെ ബാധക​മാ​ക്കൽ പൂർണ​മ​ല്ലാ​തി​രി​ക്കു​ക​യോ ചെയ്യു​മ്പോൾ, ആ ആശയം പുറത്തു കൊണ്ടു​വ​രാ​നാ​യി അദ്ദേഹം വ്യക്തമായ ഒരു ഉപചോ​ദ്യം ചോദി​ക്കു​ന്നു. അങ്ങനെ, ശരിയായ നിഗമ​ന​ത്തിൽ എത്താനും പഠിക്കുന്ന കാര്യങ്ങൾ ജീവി​ത​ത്തിൽ ബാധക​മാ​ക്കേണ്ട വിധം മനസ്സി​ലാ​ക്കാ​നും അദ്ദേഹം നമ്മെ സഹായി​ക്കു​ന്നു.

⁴ തന്റെ പഠിപ്പി​ക്കൽ പ്രാപ്‌തി വർധി​പ്പി​ക്കാൻ വീക്ഷാ​ഗോ​പുര അധ്യയന നിർവാ​ഹകൻ ക്രമമാ​യി ശ്രമി​ക്കു​ന്നു. താൻതന്നെ വളരെ അധികം അഭി​പ്രാ​യം പറയു​ന്ന​തി​നു​പ​കരം, സ്വന്തം വാക്കു​ക​ളിൽ, ഹ്രസ്വ​മാ​യി, കൃത്യ​മായ ആശയങ്ങൾ പറയാൻ അദ്ദേഹം നമ്മെ പ്രോ​ത്സാ​ഹി​പ്പി​ക്കു​ന്നു. ഒരു ഖണ്ഡിക​യിൽനി​ന്നുള്ള ആദ്യത്തെ ഉത്തരം പറയുന്ന വ്യക്തി അച്ചടിച്ച ചോദ്യ​ത്തി​നു നേരി​ട്ടു​ള്ള​തും ഹ്രസ്വ​വു​മായ അഭി​പ്രാ​യം പറയേ​ണ്ട​തു​ണ്ടെന്ന്‌ അദ്ദേഹം ഇടയ്‌ക്കി​ടെ നമ്മെ ഓർമി​പ്പി​ച്ചേ​ക്കാം. സദസ്സിൽ നിന്നുള്ള കൂടു​ത​ലായ അഭി​പ്രാ​യങ്ങൾ തിരു​വെ​ഴു​ത്തു ബാധക​മാ​ക്കു​ന്ന​തി​ലോ ആശയത്തെ പിന്താ​ങ്ങുന്ന മറ്റു വാദമു​ഖങ്ങൾ അവതരി​പ്പി​ക്കു​ന്ന​തി​ലോ പാഠ ഭാഗത്തി​ന്റെ പ്രാ​യോ​ഗിക ബാധക​മാ​ക്ക​ലി​ലോ കേന്ദ്രീ​ക​രി​ച്ചു​ള്ള​താ​യി​രി​ക്കാം. വ്യക്തി​പ​ര​മാ​യും കുടും​ബ​മൊ​ത്തൊ​രു​മി​ച്ചും തയ്യാറാ​കു​ന്ന​തി​നു പ്രോ​ത്സാ​ഹി​പ്പി​ച്ചു​കൊണ്ട്‌, പങ്കുപ​റ്റാ​നുള്ള ഓരോ വ്യക്തി​യു​ടെ​യും ആഗ്രഹത്തെ പ്രചോ​ദി​പ്പി​ക്കാൻ വീക്ഷാ​ഗോ​പുര അധ്യയന നിർവാ​ഹകൻ ശ്രമി​ക്കു​ന്നു.

⁵ “യഹോ​വ​യാൽ പഠിപ്പി​ക്കപ്പെ”ടുന്നവർ എന്നനി​ല​യിൽ, വീക്ഷാ​ഗോ​പുര അധ്യയന നിർവാ​ഹ​കരെ പോലെ “പഠിപ്പി​ക്ക​ലിൽ അദ്ധ്വാ​നി​ക്കുന്ന” “മനുഷ്യ​രാം ദാനങ്ങ”ളെ നാം നിശ്ചയ​മാ​യും വിലമ​തി​ക്കു​ന്നു.—യെശ. 54:13, NW; എഫെ 4:8, 11, NW; 1 തിമൊ 5:17, NW.