‘യൌവ​ന​കാ​ലത്തു തങ്ങളുടെ സ്രഷ്ടാ​വി​നെ ഓർക്കു’വാൻ യുവാ​ക്കളെ സഹായി​ക്കൽ

¹ ബൈബി​ളിൽ നൽകി​യി​രി​ക്കുന്ന പ്രാ​യോ​ഗിക ബുദ്ധ്യു​പ​ദേ​ശ​ത്തി​ന്റെ വാക്കുകൾ “കേൾക്കു”ന്നതു മാത്രം പോരാ. പൂർണ​മാ​യി പ്രയോ​ജ​ന​മ​നു​ഭ​വി​ക്കു​ന്ന​തിന്‌ എഴുത​പ്പെ​ട്ടി​രി​ക്കുന്ന കാര്യങ്ങൾ ഒരുവൻ “പ്രമാ​ണി​ക്കുന്ന”ത്‌ ആവശ്യ​മാണ്‌. (വെളി. 1:3) സാഹി​ത്യം സമർപ്പി​ക്കു​ന്നത്‌ ശിഷ്യൻമാ​രെ ഉളവാ​ക്കു​ന്ന​തി​ന്റെ ഒരു പ്രാഥ​മിക പടി മാത്ര​മാണ്‌. കേൾക്കാൻ മനസ്സൊ​രു​ക്ക​മു​ളള താത്‌പ​ര്യ​ക്കാ​രെ കണ്ടെത്തി​ക്ക​ഴി​ഞ്ഞാൽ കൂടുതൽ പഠിക്കാൻ അവരെ സഹായി​ക്കാൻ നാം താമസി​യാ​തെ മടങ്ങി​ച്ചെ​ല്ലണം. ‘യൌവ​ന​കാ​ലത്തു തങ്ങളുടെ സ്രഷ്ടാ​വി​നെ ഓർ’ത്തുകൊണ്ട്‌ നിത്യ​ജീ​വൻ നേടി​യെ​ടു​ക്കാൻ യുവജ​ന​ങ്ങ​ളെ​യും മററു​ള​ള​വ​രെ​യും സഹായി​ക്കേണ്ട ആവശ്യം നമുക്കുണ്ട്‌. (സഭാ. 12:1) നമ്മുടെ മടക്കസ​ന്ദർശ​ന​ത്തിൽ നമുക്ക്‌ എന്തു പറയാൻ കഴിയും?

² നിങ്ങളു​ടെ പ്രഥമ സന്ദർശ​ന​ത്തിൽ ഇന്നു യുവജ​നങ്ങൾ അഭിമു​ഖീ​ക​രി​ക്കുന്ന പ്രശ്‌ന​ങ്ങ​ളെ​പ്പ​ററി നിങ്ങൾ സംസാ​രി​ച്ചു​വെ​ങ്കിൽ നിങ്ങൾക്കു സംഭാ​ഷണം ഈ വിധത്തിൽ തുടങ്ങാ​വു​ന്ന​താണ്‌:

◼“ഇന്നത്തെ ലോക​ത്തിൽ യുവജ​നങ്ങൾ അനുഭ​വി​ക്കേ​ണ്ടി​വ​രുന്ന ചില സാഹച​ര്യ​ങ്ങ​ളെ​പ്പ​റ​റി​യാ​ണു നാം മുമ്പു സംസാ​രി​ച്ചത്‌. യുവജ​ന​ങ്ങ​ളുൾപ്പെടെ സകലരി​ലും യഹോവ തത്‌പ​ര​നാ​യ​തി​നാൽ തന്റെ വചനമായ ബൈബി​ളിൽ അവൻ മാർഗ​നിർദേ​ശങ്ങൾ പ്രദാനം ചെയ്‌തി​രി​ക്കു​ന്നു. മററ​നേകം യുവജ​നങ്ങൾ അകപ്പെ​ടുന്ന കുരു​ക്കിൽപ്പെ​ടാ​തെ തങ്ങളുടെ ജീവിതം ആസ്വദി​ക്കാൻ അവ അവരെ സഹായി​ക്കു​ന്നു.” യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ന്റെ വിഷയ സൂചിക തുറന്നിട്ട്‌ പട്ടിക​പ്പെ​ടു​ത്തി​യി​രി​ക്കുന്ന വിഷയ​ങ്ങ​ളിൽ താത്‌പ​ര്യ​മു​ള​ള​താ​യി തോന്നു​ന്നത്‌ ഏതാ​ണെന്നു വീട്ടു​കാ​ര​നോ​ടു ചോദി​ക്കുക. ഉദാഹ​ര​ണ​ത്തിന്‌, അയാൾ മയക്കു​മ​രു​ന്നു​കൾ എന്ന വിഷയം തിര​ഞ്ഞെ​ടു​ക്കു​ന്ന​പക്ഷം 272-ാം പേജി​ലു​ളള 34-ാം അധ്യാ​യ​ത്തി​ലേക്കു തിരി​യുക. “മയക്കു​മ​രു​ന്നു​കൾ വളർച്ചയെ തടസ്സ​പ്പെ​ടു​ത്തു​ന്നു,” “മയക്കു​മ​രു​ന്നു​കൾക്ക്‌ എന്റെ ആരോ​ഗ്യ​ത്തെ നശിപ്പി​ക്കാൻ കഴിയു​മോ?” “മയക്കു​മ​രു​ന്നു​കൾ—ബൈബി​ളി​ന്റെ വീക്ഷണം” എന്നിങ്ങ​നെ​യു​ളള ചില ഉപശീർഷ​ക​ങ്ങ​ളി​ലേ​ക്കും “വേണ്ട എന്ന്‌ നിങ്ങൾക്ക്‌ പറയാൻ കഴിയും!” എന്ന ഉപശീർഷ​ക​ത്തിൻകീ​ഴിൽ നൽകി​യി​രി​ക്കുന്ന പ്രാ​യോ​ഗിക ബുദ്ധ്യു​പ​ദേ​ശ​ത്തി​ലേ​ക്കും അയാളു​ടെ ശ്രദ്ധ ക്ഷണിക്കുക. വിഷയങ്ങൾ പുനര​വ​ലോ​കനം നടത്തു​ന്ന​തി​നും മുഖ്യാ​ശ​യങ്ങൾ ഗ്രഹി​ക്കു​ന്ന​തി​നും അധ്യാ​യ​ത്തി​ന്റെ ഒടുവിൽ കൊടു​ത്തി​രി​ക്കുന്ന “ചർച്ചക്കു​ളള ചോദ്യ​ങ്ങൾ” വായന​ക്കാ​രനെ എങ്ങനെ പ്രാപ്‌ത​മാ​ക്കു​ന്നു​വെന്നു കാണി​ക്കുക. ക്രമമാ​യി സന്ദർശിച്ച്‌ ഇതേ വിധത്തിൽ മുഴു പുസ്‌ത​ക​വും ചർച്ച​ചെ​യ്യാ​മെന്നു വാഗ്‌ദാ​നം ചെയ്യുക.

³ പ്രഥമ സന്ദർശ​ന​ത്തിൽ നല്ല ബുദ്ധ്യു​പ​ദേ​ശ​ത്തി​ന്റെ ഉറവി​ട​ത്തെ​പ്പ​ററി ചർച്ച​ചെ​യ്‌തു​വെ​ങ്കിൽ ഈ ചോദ്യം ഉന്നയി​ച്ചു​കൊ​ണ്ടു തുടരാൻ നിങ്ങൾ തീരു​മാ​നി​ച്ചേ​ക്കാം:

◼“യുവജ​ന​ങ്ങളെ സംബന്ധി​ച്ചി​ട​ത്തോ​ളം കലാലയ വിഷയ​ങ്ങ​ളിൽ വിദ്യാ​ഭ്യാ​സം നേടു​ന്ന​തു​മാ​ത്രം മതിയാ​കു​മെന്നു നിങ്ങൾക്കു തോന്നു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക. യിരെ​മ്യാ​വു 10:23 വായി​ക്കുക.] നിങ്ങൾക്ക​റി​യാ​വു​ന്ന​പോ​ലെ, ഒരു ഉന്നത ഉറവിൽനി​ന്നു​ളള പരിശീ​ലനം അത്യന്താ​പേ​ക്ഷി​ത​മാണ്‌. ദൈവ​സ​ഹാ​യം കൂടാതെ ജീവി​ക്കാൻ ഉദ്യമി​ക്കു​ന്ന​താ​ണു നമ്മുടെ മിക്ക പ്രശ്‌ന​ങ്ങൾക്കും കാരണം. വിജയ​പ്ര​ദ​മായ ജീവിതം നയിക്കു​ന്ന​തി​നു​വേണ്ട വിശ്വാ​സ​യോ​ഗ്യ​മായ, കാലത്തി​ന്റെ മാററു​രച്ച ബുദ്ധ്യു​പ​ദേ​ശ​ത്തി​ന്റെ ഉറവ്‌ ദൈവ​വ​ചനം മാത്ര​മാണ്‌.” 316-ഉം 317-ഉം പേജു​ക​ളി​ലു​ളള ചതുര​ത്തി​ലേക്കു വിരൽചൂ​ണ്ടുക. ബൈബി​ളി​ന്റെ തത്ത്വങ്ങളെ മാനി​ക്കുന്ന വ്യക്തി​ക​ളോ​ടൊ​പ്പം സഹവസി​ക്കുക, പഠിക്കുക എന്നത്‌ ജീവിതം ആസ്വദി​ക്കു​ന്ന​തി​നും പ്രശ്‌ന​ങ്ങ​ളിൽനിന്ന്‌ അകന്നു നിൽക്കു​ന്ന​തി​നു​മു​ളള പടിക​ളാണ്‌. അതേസ​മ​യം​തന്നെ യോഗങ്ങൾ ഇതിനു​വേണ്ടി ബൈബി​ള​ധി​ഷ്‌ഠിത അനുശാ​സനം നൽകുന്ന ഒരു നിലയ്‌ക്കാത്ത ഉറവാണ്‌.

⁴ ഒരു തിരു​വെ​ഴു​ത്തു ചർച്ചയ്‌ക്കു തുടക്ക​മി​ടാൻ ഇതൊന്നു പരീക്ഷി​ച്ചു​നോ​ക്കാൻ നിങ്ങൾ ആഗ്രഹി​ച്ചേ​ക്കാം:

◼യുവജനങ്ങൾ ചോദി​ക്കു​ന്നു പുസ്‌ത​ക​ത്തി​ലെ 318-ാം പേജി​ലു​ളള ചിത്രം കാണി​ച്ചു​കൊണ്ട്‌ ഇപ്രകാ​രം വിശദീ​ക​രി​ക്കുക: “നമ്മുടെ സ്രഷ്ടാ​വു​മാ​യി ഉററബന്ധം കെട്ടു​പ​ണി​ചെ​യ്യു​ന്നത്‌ നാം നിത്യ പ്രയോ​ജ​നങ്ങൾ കൈപ്പ​റ​റു​ന്നു​വെ​ന്ന​തിന്‌ ഉറപ്പേ​കു​ന്നു. എന്നാൽ അത്തരം ഒരു ഉററബന്ധം കെട്ടു​പ​ണി​ചെ​യ്യു​ന്ന​തിന്‌ ഒരുവൻ എന്തു ചെയ്യേ​ണ്ട​തുണ്ട്‌? ദൈവ​ത്തി​ന്റെ നിശ്വസ്‌ത വചനം ക്രമമാ​യി പഠിക്കു​ന്ന​താണ്‌ ഒരു പടി.” 308-ാം പേജി​ലു​ളള ഉപശീർഷ​കങ്ങൾ ചർച്ച​ചെ​യ്‌തു​കൊണ്ട്‌ കൂടു​ത​ലാ​യി പഠിക്കു​ന്ന​തി​നു നമ്മുടെ ബൈബി​ള​ധ്യ​യന പരിപാ​ടി​യിൽനി​ന്നു പ്രയോ​ജ​ന​മ​നു​ഭ​വി​ക്കു​വാൻ വീട്ടു​കാ​രനെ ക്ഷണിക്കുക.

⁵ നമ്മുടെ ലക്ഷ്യം ബൈബി​ള​ധ്യ​യ​നങ്ങൾ തുടങ്ങു​ക​യെ​ന്ന​താ​യ​തി​നാൽ നാം ഫലപ്ര​ദ​മായ മടക്കസ​ന്ദർശ​നങ്ങൾ നടത്തേണ്ട ആവശ്യ​മുണ്ട്‌. അവയ്‌ക്കു​വേണ്ടി സമയം പട്ടിക​പ്പെ​ടു​ത്തു​ക​യും നന്നായി തയ്യാറാ​വു​ക​യും ചെയ്യുക. ഈ വിധത്തിൽ പരമാർഥ​ഹൃ​ദ​യരെ നമുക്കു സഹായി​ക്കാൻ കഴിയും.—വെളി. 22:6, 7.