പ്രയോ​ജനം നേടാൻ മറ്റുള്ള​വരെ സഹായി​ക്കു​ക

¹ നാം അറിഞ്ഞി​രി​ക്കേണ്ട കാര്യങ്ങൾ നമ്മെ പഠിപ്പി​ക്കു​മെന്നു യഹോവ വാഗ്‌ദാ​നം ചെയ്യുന്നു. സങ്കീർത്തനം 32:8-ൽ അവൻ നമുക്ക്‌ ഇങ്ങനെ ഉറപ്പു​ത​രു​ന്നു: “ഞാൻ നിന്നെ ഉപദേ​ശി​ച്ചു, നടക്കേ​ണ്ടുന്ന വഴി നിനക്കു കാണി​ച്ചു​ത​രും; ഞാൻ നിന്റെ​മേൽ ദൃഷ്ടി​വെച്ചു നിനക്കു ആലോചന പറഞ്ഞു​ത​രും.” നമുക്കു വൻ പ്രയോ​ജനം കൈവ​രു​ത്തു​ന്ന​താണ്‌ ഈ ഉറപ്പ്‌. ബൈബി​ളി​ലെ ജ്ഞാനപൂർവ​ക​മായ ബുദ്ധ്യു​പ​ദേശം കേട്ട്‌ എങ്ങനെ പ്രയോ​ജനം നേടാ​മെന്നു മറ്റുള്ള​വർക്കു കാണി​ച്ചു​കൊ​ടു​ക്കാൻ നാം നിസ്വാർഥ​മാ​യി ആഗ്രഹി​ക്കു​ന്നു. (യെശ. 48:17) നാം കണ്ടുമു​ട്ടു​ന്ന​വർക്കെ​ല്ലാം എന്നേക്കും ജീവി​ക്കാൻ പുസ്‌തകം സമർപ്പി​ച്ചു​കൊണ്ട്‌ സെപ്‌റ്റം​ബ​റിൽ നമുക്കി​തു ചെയ്യാൻ സാധി​ക്കും. നാം അവതരണം നടത്തു​മ്പോൾ, ബൈബിൾ പരിജ്ഞാ​ന​പ​ശ്ചാ​ത്ത​ല​മി​ല്ലാത്ത വ്യക്തി​കൾക്കും ബൈബി​ളി​ന്റെ പഠിപ്പി​ക്ക​ലിൽ വിശ്വ​സി​ക്കാ​ത്ത​വർക്കും​പോ​ലും ബൈബി​ളി​ന്റെ പ്രാ​യോ​ഗിക മൂല്യം കാട്ടി​ക്കൊ​ടു​ക്കാൻ സാധി​ക്കുന്ന വ്യത്യസ്‌ത വിധങ്ങ​ളുണ്ട്‌.

² ഇന്നു വ്യാപ​ക​മാ​യി കണ്ടുവ​രുന്ന വൈവാ​ഹിക പ്രശ്‌ന​ങ്ങ​ളു​ടെ വീക്ഷണ​ത്തിൽ, “എന്നേക്കും ജീവി​ക്കാൻ” പുസ്‌ത​ക​ത്തിൽനി​ന്നു പ്രസ്‌തുത ആശയത്തി​നു വിശേഷ ശ്രദ്ധ​കൊ​ടു​ക്കാൻ നിങ്ങൾ ആഗ്രഹി​ച്ചേ​ക്കാം:

◼“ഞാൻ സംസാ​രി​ച്ചി​ട്ടുള്ള മിക്കയാ​ളു​ക​ളും ഭയങ്കര​മാം​വി​ധം പെരു​കി​ക്കൊ​ണ്ടി​രി​ക്കുന്ന വൈവാ​ഹിക അസന്തു​ഷ്ടി​യി​ലും വിവാ​ഹ​മോ​ച​ന​ത്തി​ലും വളരെ ഉത്‌ക​ണ്‌ഠാ​കു​ല​രാണ്‌. ഈ പ്രശ്‌ന​ത്തെ​ക്കു​റി​ച്ചു നിങ്ങൾക്ക്‌ എന്തു തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] അവയുടെ അടിസ്ഥാന കാരണങ്ങൾ മനസ്സി​ലാ​ക്കാൻ പലരും പരാജ​യ​പ്പെ​ട്ടി​രി​ക്കു​ന്നു. അവർ ആത്മാർഥ​മായ ശ്രമം നടത്തു​ന്നു​വെ​ങ്കിൽ, ദമ്പതി​കൾക്കു വിവാ​ഹത്തെ രക്ഷിക്കാൻ മാത്രമല്ല, യഥാർഥ സന്തുഷ്ടി കണ്ടെത്താ​നും സാധി​ക്കും. ബൈബി​ളിൽ കാണുന്ന ബുദ്ധ്യു​പ​ദേശം ബാധക​മാ​ക്കു​ന്ന​താ​ണു വിജയ​ത്തി​ന്റെ താക്കോൽ എന്ന്‌ അനേകർ കണ്ടെത്തി​യി​രി​ക്കു​ന്നു.” എഫെസ്യർ 5:28, 29, 33 വായി​ക്കുക. 243-ാമത്തെ പേജിലെ 16-ഉം 17-ഉം ഖണ്ഡികകൾ ചർച്ച ചെയ്‌തിട്ട്‌ പുസ്‌തകം സമർപ്പി​ക്കുക.

³ കുട്ടി​കൾക്കു ഗുണനി​ല​വാ​ര​മുള്ള സമയവും മാതാ​പി​താ​ക്ക​ളിൽനി​ന്നുള്ള പരിശീ​ല​ന​വും ആവശ്യ​മാണ്‌. “എന്നേക്കും ജീവി​ക്കാൻ” പുസ്‌തകം വിശേ​ഷ​വ​ത്‌ക​രി​ക്കു​മ്പോൾ, നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“നമ്മുടെ യുവജ​ന​ങ്ങ​ളു​ടെ ഭാവി​ക്ഷേ​മ​ത്തിൽ നാമെ​ല്ലാം താത്‌പ​ര്യ​മു​ള്ള​വ​രാണ്‌. താങ്കളു​ടെ അഭി​പ്രാ​യ​ത്തിൽ, ഒരു സുരക്ഷി​ത​ഭാ​വി കണ്ടെത്താൻ തങ്ങളുടെ കുട്ടി​കളെ മാതാ​പി​താ​ക്കൾക്കു സഹായി​ക്കാൻ കഴിയുന്ന ഏറ്റവും നല്ല വിധ​മേ​താണ്‌? [പ്രതി​ക​രി​ക്കാൻ അനുവ​ദി​ക്കുക.] ഏതാണ്ട്‌ 3,000-ത്തോളം വർഷം​മുമ്പ്‌ എഴുത​പ്പെട്ട ഒരു ബൈബിൾ സദൃശ​വാ​ക്യ​ത്തിൽ നിന്നുള്ള ഈ ഉപദേശം ശ്രദ്ധി​ക്കുക. [സദൃശ​വാ​ക്യ​ങ്ങൾ 22:6 വായി​ക്കുക.] സ്‌കൂ​ളിൽ ലഭിക്കുന്ന പ്രബോ​ധ​ന​ത്തിൽനി​ന്നു കുട്ടി​കൾക്കു കാര്യ​മായ പ്രയോ​ജനം ലഭിക്കു​ന്നു​വെ​ങ്കി​ലും, ഭവനത്തിൽ മാതാ​പി​താ​ക്ക​ളാണ്‌ അവർക്ക്‌ ഏറ്റവും മൂല്യ​വ​ത്തായ പരിശീ​ലനം പ്രദാനം ചെയ്യു​ന്നത്‌. അതിനു സമയവും ശ്രദ്ധയും സ്‌നേ​ഹ​വും ആവശ്യ​മാണ്‌, എന്നാൽ അതു ശ്രമത്തി​നു​തക്ക മൂല്യ​മു​ള്ള​താണ്‌.” 245-ാം പേജ്‌ എടുത്ത്‌ 20-ഉം 21-ഉം ഖണ്ഡികകൾ ചർച്ച ചെയ്യുക. എന്നിട്ട്‌, കുടും​ബ​ചർച്ച​കൾക്കുള്ള ഒരു അടിസ്ഥാ​ന​മെന്ന നിലയിൽ പ്രസ്‌തുത പുസ്‌തകം എങ്ങനെ ഉപയോ​ഗി​ക്കാ​മെന്നു വിശദ​മാ​ക്കുക.

⁴ ഭൂമി എങ്ങനെ ഒരു പറുദീസ ആയിത്തീ​രു​മെന്നു കാട്ടി​ക്കൊ​ടു​ത്തു​കൊണ്ട്‌ “എന്നേക്കും ജീവി​ക്കാൻ” പുസ്‌തകം സമർപ്പി​ക്കാൻ നിങ്ങൾ ആഗ്രഹി​ച്ചേ​ക്കാം:

◼“ഭാവി​യിൽ നിങ്ങളു​ടെ ജീവിതം എങ്ങനെ​യു​ള്ള​താ​യി​രി​ക്കും എന്നതു സംബന്ധി​ച്ചു നിങ്ങൾക്കു താത്‌പ​ര്യ​മു​ണ്ടാ​യി​രി​ക്കു​മെന്ന്‌ എനിക്ക്‌ ഉറപ്പുണ്ട്‌. അനേകം മതഗ്ര​ന്ഥങ്ങൾ ഭാവി​യെ​ക്കു​റി​ച്ചു പറയു​ന്നുണ്ട്‌. ഉദാഹ​ര​ണ​ത്തിന്‌, ബൈബി​ളിൽ, ദൈ​വേഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും ചെയ്യ​പ്പെ​ടാൻ ദൈവ​ത്തോ​ടു പ്രാർഥി​ക്കാൻ യേശു നമ്മെ പഠിപ്പി​ച്ചു. അതു സംഭവി​ക്കു​മ്പോൾ ഭൂമി എങ്ങനെ​യാ​യി​ത്തീ​രും? [പ്രതി​ക​രി​ക്കാൻ അനുവ​ദി​ക്കുക.] ഇതാ ഒരു ചിത്ര​കാ​രൻ വരച്ച പറുദീ​സാ​ലോ​ക​ത്തി​ന്റെ ചിത്രം. [12-ഉം 13-ഉം പേജു​ക​ളി​ലെ ചിത്രം ചൂണ്ടി​ക്കാ​ട്ടുക. എന്നിട്ട്‌ 12-ാമത്തെ ഖണ്ഡിക​യിൽ ഉൾപ്പെ​ടു​ത്തി​യി​രി​ക്കുന്ന യെശയ്യാ​വു 11:6-9 വായി​ക്കുക.] അത്തര​മൊ​രു ലോക​ത്തിൽ ജീവി​ക്കു​ന്നതു വിസ്‌മ​യ​ക​ര​മാ​യി​രി​ക്കി​ല്ലേ? നിങ്ങൾക്കും നിങ്ങളു​ടെ കുടും​ബ​ത്തി​നും ഇതു​പോ​ലൊ​രു പറുദീ​സ​യിൽ എങ്ങനെ ജീവി​ക്കാൻ സാധി​ക്കു​മെന്ന്‌ ഈ പുസ്‌തകം കാട്ടി​ത്ത​രും.”

⁵ വീട്ടു​വാ​തിൽക്കലെ നിങ്ങളു​ടെ വിജയം നിശ്ചയി​ക്കു​ന്ന​തി​നുള്ള ഒരു അടിസ്ഥാ​ന​ഘ​ടകം നിങ്ങളു​ടെ അവതരണം കാലേ​കൂ​ട്ടി തയ്യാറാ​കു​ന്ന​താണ്‌. വാതിൽക്കൽ മുട്ടു​ന്ന​തി​നു മുമ്പായി, തിരു​വെ​ഴു​ത്തു​പ​ര​മായ ഒരു ആശയ​ത്തെ​ക്കു​റി​ച്ചു നിങ്ങൾക്കു വിശേ​ഷിച്ച്‌ എന്തെങ്കി​ലും പറയാ​നു​ണ്ടെന്ന്‌ ഉറപ്പു​വ​രു​ത്തുക. പുസ്‌തകം സ്വീക​രി​ച്ചി​ല്ലെ​ങ്കിൽ ഉപയോ​ഗി​ക്കാൻ വേണ്ടി, നിങ്ങൾ സമർപ്പി​ക്കാൻ ഉദ്ദേശി​ക്കുന്ന മാസി​ക​യി​ലെ​യോ ലഘു​ലേ​ഖ​യി​ലെ​യോ രസകര​മായ ഒരു ഭാഗ​ത്തെ​ക്കു​റി​ച്ചുള്ള ഹ്രസ്വ​മായ ഒരു പരാമർശം മനസ്സിൽപ്പി​ടി​ക്കുക. സെപ്‌റ്റം​ബ​റിൽ രാജ്യ​സ​ത്യ​ത്തി​ന്റെ വിത്തുകൾ വിതയ്‌ക്കാൻ നിങ്ങൾക്കു ലഭിക്കുന്ന എല്ലാ അവസര​വും പ്രയോ​ജ​ന​പ്പെ​ടു​ത്തുക. (സഭാ. 11:6) എന്നേക്കും നിലനിൽക്കുന്ന പ്രയോ​ജ​നങ്ങൾ കൊയ്യാൻ നിങ്ങൾ മറ്റുള്ള​വരെ സഹായി​ക്കു​ക​യാ​യി​രി​ക്കും അതുവഴി ചെയ്യു​ന്നത്‌.