മറ്റുള്ള​വ​രു​ടെ പ്രയോ​ജ​ന​ത്തി​നാ​യി എല്ലാ താത്‌പ​ര്യ​ക്കാ​രെ​യും സന്ദർശി​ക്കു​ക

¹ ഒരാളെ നാം വീണ്ടും സന്ദർശി​ക്ക​ണ​മോ വേണ്ടയോ എന്നു നിർണ​യി​ക്കാൻ നമ്മെ സഹായി​ക്കുന്ന അടിസ്ഥാന ഘടക​മെ​ന്താണ്‌? താത്‌പ​ര്യം! രാജ്യ​സ​ന്ദേ​ശ​ത്തിൽ ആരെങ്കി​ലും അൽപ്പ​മെ​ങ്കി​ലും താത്‌പ​ര്യം കാട്ടുന്ന അവസര​ങ്ങ​ളി​ലെ​ല്ലാം, ആ വ്യക്തിക്കു പ്രയോ​ജനം ചെയ്യാൻ നമ്മാലാ​വു​ന്ന​തെ​ന്തും ചെയ്യാൻ നാം ആഗ്രഹി​ക്കു​ന്നു. അതു​കൊണ്ട്‌, വ്യക്തി​യു​ടെ താത്‌പ​ര്യം നട്ടുവ​ളർത്തി ഒരു ബൈബി​ള​ധ്യ​യനം തുടങ്ങ​ണ​മെന്ന ലക്ഷ്യ​ത്തോ​ടെ നാം മടക്കസ​ന്ദർശ​നങ്ങൾ നടത്തുന്നു. സാഹി​ത്യ​ങ്ങൾ കൊടു​ക്കാ​ത്ത​പ്പോൾപ്പോ​ലും നമ്മുടെ ലക്ഷ്യം ഇതാണ്‌. അത്‌ എങ്ങനെ ചെയ്യാൻ സാധി​ക്കും?

² കഴിഞ്ഞ പ്രാവ​ശ്യം നിങ്ങൾ, ഇന്നത്തെ വ്യാപ​ക​മായ വൈവാ​ഹിക പ്രശ്‌ന​ങ്ങ​ളെ​ക്കു​റി​ച്ചു സംസാ​രി​ച്ചിട്ട്‌ “എന്നേക്കും ജീവി​ക്കാൻ” പുസ്‌തകം സമർപ്പി​ച്ചെ​ങ്കിൽ നിങ്ങൾക്ക്‌ ഇങ്ങനെ സംഭാ​ഷണം തുടങ്ങാ​വു​ന്ന​താണ്‌:

◼“ഞാൻ കഴിഞ്ഞ പ്രാവ​ശ്യം വന്നപ്പോൾ, വിവാ​ഹ​ത്തെ​യും കൂടുതൽ സന്തുഷ്ടി കണ്ടെത്താൻ നമ്മെ സഹായി​ക്കാ​നാ​വുന്ന പ്രാ​യോ​ഗിക ബൈബിൾ ബുദ്ധ്യു​പ​ദേ​ശ​ത്തെ​യും കുറിച്ചു നാം സംസാ​രി​ക്കു​ക​യു​ണ്ടാ​യി. ഏറ്റവും നല്ല കുടും​ബ​ങ്ങ​ളിൽപ്പോ​ലും ഇടയ്‌ക്കി​ടെ പ്രശ്‌നങ്ങൾ പൊന്തി​വ​രു​ന്നു​ണ്ടെ​ന്നതു സത്യമല്ലേ? [പ്രതി​ക​രി​ക്കാൻ അനുവ​ദി​ക്കുക.] കുടുംബ ബന്ധങ്ങളി​ലെ പ്രശ്‌നങ്ങൾ പരിഹ​രി​ക്കാൻ നമ്മെ സഹായി​ക്കുന്ന അത്യുത്തമ ബുദ്ധ്യു​പ​ദേശം ബൈബിൾ നമുക്ക്‌ തരുന്നു. ഒരുമി​ച്ചു ബൈബിൾ പഠിക്കു​ന്ന​തു​വഴി ഒരു കുടും​ബ​ത്തിന്‌ അനു​ഗ്ര​ഹങ്ങൾ പ്രാപി​ക്കാൻ സാധി​ക്കും.” 246-ാമത്തെ പേജിലെ 23-ാം ഖണ്ഡിക ചർച്ച ചെയ്യുക. യോഹ​ന്നാൻ 17:3 വായി​ച്ചിട്ട്‌, ഭവനത്തിൽ ബൈബിൾപ​ഠനം ആരംഭി​ക്കാൻ സഹായി​ക്കാ​മെന്നു വാഗ്‌ദാ​നം ചെയ്യുക.

³ കുട്ടി​ക​ളെ​യും അവരെ പരിശീ​ലി​പ്പി​ക്കേ​ണ്ട​തി​നെ​യും കുറി​ച്ചാ​ണു നിങ്ങൾ സംസാ​രി​ച്ച​തെ​ങ്കിൽ, ചർച്ച ഈ വിധം തുടരാ​വു​ന്ന​താണ്‌:

◼“കുട്ടി​കൾക്ക്‌ ആവശ്യ​മുള്ള ആത്മീയ പരിശീ​ല​ന​ത്തെ​ക്കു​റി​ച്ചും മാതാ​പി​താ​ക്കൾക്ക്‌ അവരെ എങ്ങനെ സഹായി​ക്കാ​നാ​കു​മെ​ന്ന​തി​നെ​ക്കുറി​ച്ചും നാം മുമ്പ്‌ സംസാ​രി​ക്കു​ക​യു​ണ്ടാ​യി. ഞാൻ സംസാ​രി​ച്ചി​ട്ടുള്ള മിക്ക മാതാ​പി​താ​ക്ക​ളും ഇന്നത്തെ ഒട്ടനവധി യുവജ​ന​ങ്ങ​ളു​ടെ മോശ​മായ നടത്ത​യെ​ക്കു​റി​ച്ചു വളരെ​യ​ധി​കം ആശങ്കയു​ള്ള​വ​രാണ്‌. . . .നെക്കു​റി​ച്ചു നിങ്ങൾക്ക്‌ എന്തു തോന്നു​ന്നു? [നിങ്ങളു​ടെ സമൂഹ​ത്തിൽ സാധാ​ര​ണ​മാ​യി യുവജ​ന​ങ്ങ​ളു​ടെ​യി​ട​യിൽ കണ്ടുവ​രുന്ന മോശ​മായ നടത്തയു​ടെ ഒരു ഉദാഹ​രണം സൂചി​പ്പി​ക്കുക. പ്രതി​ക​രി​ക്കാൻ അനുവ​ദി​ക്കുക.] ബൈബി​ളിൽ നൽകി​യി​രി​ക്കുന്ന ഏതാനും പ്രാ​യോ​ഗിക ഉപദേ​ശങ്ങൾ ഞാൻ നിങ്ങൾക്കു കാട്ടി​ത്ത​രാം.” എന്നേക്കും ജീവി​ക്കാൻ പുസ്‌ത​ക​ത്തി​ലെ 246-ാം പേജി​ലുള്ള 22-ാം ഖണ്ഡിക എടുത്ത്‌ പ്രധാന ആശയം ചർച്ച ചെയ്യുക. എന്നിട്ട്‌ എഫെസ്യർ 6:4 വായി​ക്കുക. ശിക്ഷണ​വും മാർഗ​നിർദേ​ശ​വും മിക്ക കുട്ടി​ക​ളും വാസ്‌ത​വ​ത്തിൽ ആഗ്രഹി​ക്കു​ന്നു​വെന്നു ചൂണ്ടി​ക്കാ​ട്ടുക. അതു പ്രദാനം ചെയ്യാൻ മാതാ​പി​താ​ക്കൾ ശുഷ്‌കാ​ന്തി കാട്ടു​മ്പോൾ, കുട്ടികൾ കൂടുതൽ സന്തുഷ്ട​രും തങ്ങളുടെ പെരു​മാ​റ്റ​ത്തിൽ കൂടുതൽ ആദരവു​ള്ള​വ​രും ആയിത്തീ​രും. നമ്മുടെ കുട്ടി​ക​ളു​മൊ​ത്തു നാം ബൈബിൾ പഠിക്കു​ന്ന​തെ​ങ്ങ​നെ​യെന്നു വിശദ​മാ​ക്കുക.

⁴ നിങ്ങളു​ടെ സംസാ​ര​വി​ഷയം പറുദീ​സാ​ഭൂ​മി​യാ​യി​രു​ന്നെ​ങ്കിൽ, താത്‌പ​ര്യം വീണ്ടു​മു​ണർത്താൻ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ദൈവം ഭൂമിയെ ഒരു പറുദീ​സ​യാ​ക്കി രൂപാ​ന്ത​ര​പ്പെ​ടു​ത്തു​മ്പോൾ, ഭൂമി എങ്ങനെ​യാ​യി​ത്തീ​രു​മെന്നു നമുക്കു കാണി​ച്ചു​തന്ന ഈ പുസ്‌ത​ക​ത്തി​ലെ ഏതാനും ചിത്രീ​ക​ര​ണങ്ങൾ നാം കണ്ടിരു​ന്ന​ല്ലോ. നമ്മുടെ പ്രിയ​പ്പെ​ട്ട​വ​രു​മൊത്ത്‌ നമുക്കത്‌ ആസ്വദി​ക്കാൻ കഴിയു​ന്നി​ല്ലെ​ങ്കിൽ അതിനു നമ്മെ സംബന്ധിച്ച്‌ യാതൊ​രർഥ​വു​മി​ല്ലെന്നു വരും. അതി​നോ​ടു നിങ്ങൾ യോജി​ക്കു​ന്നി​ല്ലേ?” പ്രതി​ക​രി​ക്കാൻ അനുവ​ദി​ക്കുക. എന്നിട്ട്‌, എന്നേക്കും ജീവി​ക്കാൻ പുസ്‌ത​ക​ത്തി​ലെ 162-ാം പേജ്‌ എടുക്കുക. വെളി​പ്പാ​ടു 21:3, 4 വായി​ച്ചിട്ട്‌ നമ്മുടെ പ്രിയ​പ്പെ​ട്ടവർ എല്ലായ്‌പോ​ഴും നമ്മോ​ടൊ​പ്പ​മു​ണ്ടാ​യി​രി​ക്കാൻ കഴിയു​ന്നത്‌ എങ്ങനെ​യെന്നു വിശദ​മാ​ക്കുക. നല്ല പ്രതി​ക​ര​ണ​മാ​ണെ​ങ്കിൽ, മരിച്ചവർ ജീവനി​ലേക്കു തിരി​ച്ചു​വ​രു​മെന്നു പ്രകട​മാ​ക്കാൻ യോഹ​ന്നാൻ 5:28, 29 വായി​ക്കുക. പുസ്‌ത​ക​ത്തി​ന്റെ പുറംചട്ട ചൂണ്ടി​ക്കൊണ്ട്‌ ഇങ്ങനെ പറയുക: “അതു വാസ്‌ത​വ​ത്തിൽ സത്യമാണ്‌—നമുക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും!” അതു സമീപി​ച്ചി​രി​ക്കു​ന്നു​വെന്നു നമുക്ക്‌ എങ്ങനെ അറിയാ​മെ​ന്ന​തി​നെ​ക്കു​റി​ച്ചു ചർച്ച ചെയ്യാൻ മറ്റൊരു സന്ദർശനം ക്രമീ​ക​രി​ക്കുക.

⁵ രാജ്യ​സ​ന്ദേ​ശ​ത്തിൽനി​ന്നു പ്രയോ​ജനം നേടാൻ താത്‌പ​ര്യ​മുള്ള വ്യക്തി​കളെ സഹായി​ക്കുക എന്നതാണ്‌ ഒരു മടക്കസ​ന്ദർശ​ന​ത്തി​ന്റെ മുഖ്യോ​ദ്ദേ​ശ്യം. ആത്മീയ കാര്യ​ങ്ങൾക്കാ​യുള്ള വിശപ്പു​ണ്ടാ​ക്കി​യെ​ടു​ക്കാൻ മിക്കവർക്കും ഒരു പ്രചോ​ദനം ആവശ്യ​മാണ്‌. പുസ്‌ത​ക​ത്തി​ലെ പ്രാ​യോ​ഗിക മൂല്യ​മുള്ള പ്രത്യേക ആശയങ്ങ​ളി​ലേക്ക്‌ അവരുടെ ശ്രദ്ധ തിരി​ച്ചു​വി​ട്ടു​കൊ​ണ്ടു ബൈബിൾ മെച്ചമാ​യി മനസ്സി​ലാ​ക്കാൻ അതിന്‌ അവരെ എങ്ങനെ സഹായി​ക്കാ​നാ​വു​മെ​ന്ന​തിന്‌ ഊന്നൽകൊ​ടു​ക്കുക. ഈ ലക്ഷ്യങ്ങൾ കൈവ​രി​ക്കുന്ന മടക്കസ​ന്ദർശ​നങ്ങൾ ഏറ്റവും മികച്ച വിധത്തിൽ പ്രയോ​ജനം നേടാൻ മറ്റുള്ള​വരെ സഹായി​ക്കും.