ഭൂവ്യാ​പ​ക​മാ​യി വിതരണം ചെയ്യ​പ്പെ​ടേണ്ട സ്‌മാരക ക്ഷണക്കത്ത്‌!

1. സ്‌മാ​ര​ക​ത്തി​നു​മുമ്പ്‌ ഭൂവ്യാ​പ​ക​മാ​യി ഏത്‌ പ്രചാ​ര​ണ​പ​രി​പാ​ടി ഉണ്ടായി​രി​ക്കും?

¹ “എന്റെ ഓർമ​യ്‌ക്കാ​യി ഇതു ചെയ്‌തു​കൊ​ണ്ടി​രി​ക്കു​വിൻ.” (ലൂക്കോ. 22:19) യേശു​വി​ന്റെ ഈ കൽപ്പന അനുസ​രി​ച്ചു​കൊണ്ട്‌ യഹോ​വ​യു​ടെ ആരാധകർ താത്‌പ​ര്യ​ക്കാ​രോ​ടൊ​പ്പം 2010 മാർച്ച്‌ 30-ന്‌ യേശു​വി​ന്റെ മരണത്തി​ന്റെ ഓർമ​യ്‌ക്കാ​യി കൂടി​വ​രും. മാർച്ച്‌ 13 മുതൽ മാർച്ച്‌ 30 വരെ ഭൂവ്യാ​പ​ക​മാ​യി സ്‌മാ​ര​ക​ത്തി​നുള്ള ക്ഷണക്കത്തു വിതരണം ഉണ്ടായി​രി​ക്കു​ന്ന​താണ്‌.

2. എങ്ങനെ​യാണ്‌ ക്ഷണക്കത്ത്‌ നൽകേ​ണ്ടത്‌?

² ക്ഷണക്കത്ത്‌ നൽകേ​ണ്ട​വി​ധം: നയത്തോ​ടെ​യും വിവേ​ച​ന​യോ​ടെ​യും വേണം ക്ഷണക്കത്ത്‌ നൽകാൻ. യേശു​വി​നെ​ക്കു​റിച്ച്‌ അറിയാൻ വീട്ടു​കാ​രന്‌ താത്‌പ​ര്യ​മു​ണ്ടെന്ന്‌ നിങ്ങൾക്കു തോന്നു​ന്ന​പക്ഷം ക്ഷണക്കത്ത്‌ അദ്ദേഹ​ത്തി​ന്റെ കൈയിൽ കൊടു​ക്കാ​നാ​കും, അങ്ങനെ​യാ​കു​മ്പോൾ ക്ഷണക്കത്തി​ലെ ചിത്രം അദ്ദേഹ​ത്തി​നു കാണാൻ കഴിയും. എന്നിട്ട്‌ ഇങ്ങനെ പറയാം: “മാർച്ച്‌ 30-ാം തീയതി വൈകു​ന്നേരം യേശു​വി​ന്റെ മരണത്തി​ന്റെ ഓർമ ആചരി​ക്കു​ന്ന​തിന്‌ ലോക​വ്യാ​പ​ക​മാ​യി ദശലക്ഷ​ക്ക​ണ​ക്കിന്‌ ആളുകൾ കൂടി​വ​രും. ആ ആചരണ​ത്തി​നാ​യി താങ്ക​ളെ​യും കുടും​ബ​ത്തെ​യും ക്ഷണിക്കാ​നാണ്‌ ഞാൻ വന്നത്‌.” പ്രാ​ദേ​ശി​ക​മാ​യി ഈ ആചരണം നടക്കുന്ന സ്ഥലവും സമയവും അറിയി​ക്കുക. സാഹച​ര്യം അനുവ​ദി​ക്കു​ന്ന​പക്ഷം, ലൂക്കോസ്‌ 22:19 വായി​ച്ചു​കൊണ്ട്‌ സ്‌മാ​രകം ആചരി​ക്കാ​നുള്ള തിരു​വെ​ഴു​ത്തു കൽപ്പന വീട്ടു​കാ​രനെ കാണി​ക്കാ​വു​ന്ന​താണ്‌. ഒരു നിശ്ചിത സമയത്തി​നു​ള്ളിൽ പ്രദേശം പ്രവർത്തി​ച്ചു തീർക്കേ​ണ്ട​തു​ള്ള​തി​നാൽ കാര്യങ്ങൾ ചുരു​ക്കി​പ്പ​റ​യു​ന്ന​താ​യി​രി​ക്കും അഭികാ​മ്യം.

3. ആരെ​യൊ​ക്കെ ക്ഷണിക്കാം?

³ ഉചിത​മെ​ങ്കിൽ ക്ഷണക്കത്തി​നൊ​പ്പം മാസി​ക​ക​ളും കൊടു​ക്കാ​വു​ന്ന​താണ്‌. നിങ്ങൾ മടക്കസ​ന്ദർശനം നടത്തു​ന്നവർ, നിങ്ങളു​ടെ ബൈബിൾ വിദ്യാർഥി​കൾ, സഹജോ​ലി​ക്കാർ, സഹപാ​ഠി​കൾ, ബന്ധുക്കൾ, അയൽക്കാർ, മറ്റു പരിച​യ​ക്കാർ എന്നിവ​രെ​യൊ​ക്കെ മറക്കാതെ ക്ഷണിക്കുക.

4. മറുവി​ല​യി​ലൂ​ടെ യഹോവ കാണിച്ച സ്‌നേ​ഹ​ത്തോ​ടുള്ള വിലമ​തിപ്പ്‌ എന്തു​ചെ​യ്യാൻ നമ്മെ പ്രേരി​പ്പി​ക്കും?

⁴ പൂർണ​പി​ന്തുണ നൽകുക: നമ്മുടെ വയൽപ്ര​വർത്ത​നങ്ങൾ വർധി​പ്പി​ക്കു​ന്ന​തി​നു പറ്റിയ ഒരു സമയമാണ്‌ സ്‌മാ​ര​ക​കാ​ലം. ഈ സമയത്ത്‌ കാര്യാ​ദി​കൾ ക്രമീ​ക​രി​ച്ചു​കൊണ്ട്‌ നിങ്ങൾക്കു സഹായ​പ​യ​നി​യ​റിങ്‌ ചെയ്യാ​നാ​കു​മോ? ആത്മീയ​പു​രോ​ഗ​തി​വ​രു​ത്തുന്ന മക്കളോ ബൈബിൾ വിദ്യാർഥി​ക​ളോ നിങ്ങൾക്കു​ണ്ടോ? ഉണ്ടെങ്കിൽ, സ്‌നാ​ന​മേ​റ്റി​ട്ടി​ല്ലാത്ത പ്രസാ​ധ​ക​രാ​യി ഈ പ്രചാ​ര​ണ​പ​രി​പാ​ടി​യിൽ പങ്കെടു​ക്കാൻ അവർക്ക്‌ യോഗ്യ​ത​യു​ണ്ടോ​യെന്ന്‌ മൂപ്പന്മാ​രോ​ടു ചോദി​ക്കുക. മറുവില നൽകി​യ​തി​ലൂ​ടെ യഹോവ നമ്മോടു കാണിച്ച സ്‌നേ​ഹത്തെ വിലമ​തി​ക്കു​ന്ന​പക്ഷം നാം സ്‌മാ​ര​ക​ത്തി​നു ഹാജരാ​കു​മെന്നു മാത്രമല്ല കഴിയു​ന്നത്ര ആളുകളെ അതിനു ക്ഷണിക്കു​ക​യും ചെയ്യും.—യോഹ. 3:16.