മാതൃ​കാ​വ​ത​ര​ണങ്ങൾ

ജൂലൈയിലെ ആദ്യ ശനിയാഴ്‌ച ബൈബി​ള​ധ്യ​യ​നങ്ങൾ തുടങ്ങാൻ

“ഞങ്ങൾ ഈ ചിന്തോ​ദ്ദീ​പ​ക​മായ ചോദ്യം ചർച്ച ചെയ്യാൻ ഒരു ഹ്രസ്വ സന്ദർശനം നടത്തു​ക​യാണ്‌. (ജൂലൈ - സെപ്‌റ്റംബർ വീക്ഷാ​ഗോ​പു​ര​ത്തി​ന്റെ അവസാന പേജിലെ ആദ്യ ചോദ്യം കാണി​ക്കുക) നിങ്ങളു​ടെ അഭി​പ്രാ​യം എന്താണ്‌?” പ്രതി​ക​രി​ക്കാൻ അനുവ​ദി​ക്കുക. “ഇതുമാ​യി ബന്ധപ്പെട്ട ചില തിരു​വെ​ഴു​ത്തു​വി​വ​രങ്ങൾ ഞാൻ നിങ്ങളു​മാ​യി പങ്കു വെക്കട്ടേ?” വീട്ടു​കാ​രൻ സമ്മതി​ക്കു​ന്നെ​ങ്കിൽ ചോദ്യ​ത്തി​ന​ടി​യി​ലുള്ള വിഷയ​വും കൊടു​ത്തി​രി​ക്കു​ന്ന​തിൽ ചുരു​ങ്ങി​യത്‌ ഒരു തിരു​വെ​ഴു​ത്തെ​ങ്കി​ലും അദ്ദേഹ​വു​മൊത്ത്‌ പരിചി​ന്തി​ക്കുക. മാസിക കൊടു​ത്തു​കൊണ്ട്‌ അടുത്ത ചോദ്യം ചർച്ച ചെയ്യാൻ ക്രമീ​ക​രി​ക്കുക.

വീക്ഷാഗോപുരം ജൂലൈ-സെപ്‌റ്റം​ബർ

“പുകവലി ഒരു വർഷം ഏകദേശം 60,00,000 ആളുകളെ കൊല്ലു​ന്നു. ഈ മഹാവ്യാ​ധി​യു​ടെ ആക്കം കുറയ്‌ക്കാൻ എന്തെങ്കി​ലും ചെയ്യാ​നാ​കു​മെന്ന്‌ നിങ്ങൾക്കു തോന്നു​ന്നു​ണ്ടോ? (പ്രതി​ക​രി​ക്കാൻ അനുവ​ദി​ക്കുക.) ഈ കാര്യ​ത്തി​ലുള്ള ദൈവി​ക​വീ​ക്ഷണം പരിചി​ന്തി​ച്ച​തി​ന്റെ വെളി​ച്ച​ത്തിൽ ഇതു താത്‌കാ​ലി​ക​മാ​യി നിറു​ത്താ​നോ പാടേ ഉപേക്ഷി​ക്കാ​നോ അനേകർക്കു സാധി​ച്ചി​രി​ക്കു​ന്നു. പുകവലി മറ്റുള്ള​വരെ എങ്ങനെ ബാധി​ക്കു​മെ​ന്ന​തി​നെ​ക്കു​റി​ച്ചു ചിന്തി​ക്കാൻ ചിലരെ പ്രേരി​പ്പിച്ച ദൈവ​ത്തി​ന്റെ ഉപദേശം ഞാൻ നിങ്ങ​ളോ​ടു പറയ​ട്ടെ​യോ? (വീട്ടു​കാ​രൻ താത്‌പ​ര്യം കാണി​ക്കു​ന്നെ​ങ്കിൽ 1 കൊരി​ന്ത്യർ 10:24 വായി​ക്കുക.) പുകവലി സംബന്ധിച്ച ദൈവി​ക​വീ​ക്ഷണം ഒരു വ്യക്തിയെ അത്‌ ഉപേക്ഷി​ക്കാൻ പ്രചോ​ദി​പ്പി​ക്കു​ന്നത്‌ എങ്ങനെ​യെന്ന്‌ ഈ മാസിക വിശദീ​ക​രി​ക്കു​ന്നു.”