സങ്കീർത്തനം
33 നീതിമാന്മാരേ, യഹോവയുടെ ചെയ്‌തികൾ ഓർത്ത്‌ സന്തോഷത്തോടെ ആർപ്പിടുവിൻ.+
ദൈവത്തെ സ്‌തുതിക്കുന്നതു നേരുള്ളവർക്കു ചേർന്നതല്ലോ.
2 കിന്നരം മീട്ടി യഹോവയ്‌ക്കു നന്ദിയേകുവിൻ;
പത്തു തന്ത്രികളുള്ള വാദ്യം മീട്ടി ദൈവത്തിനു സ്‌തുതി പാടുവിൻ.*
5 ദൈവം നീതിയെയും ന്യായത്തെയും സ്‌നേഹിക്കുന്നു.+
യഹോവയുടെ അചഞ്ചലമായ സ്‌നേഹം ഭൂമിയിൽ നിറഞ്ഞിരിക്കുന്നു.+
6 യഹോവയുടെ വചനത്താൽ ആകാശം ഉണ്ടായി;+
ദൈവത്തിന്റെ വായിൽനിന്ന്‌ പുറപ്പെട്ട ആത്മാവിനാൽ* അതിലുള്ളതെല്ലാം* നിർമിതമായി.
7 അണകെട്ടിയപോലെ ദൈവം സമുദ്രജലം ഒരുമിച്ചുകൂട്ടുന്നു;+
ഇളകിമറിയുന്ന വെള്ളം സംഭരണശാലകളിൽ അടയ്‌ക്കുന്നു.
8 മുഴുഭൂമിയും യഹോവയെ ഭയപ്പെടട്ടെ.+
ഭൂവാസികളൊക്കെയും തിരുമുമ്പിൽ ഭയാദരവോടെ നിൽക്കട്ടെ.
11 എന്നാൽ, യഹോവയുടെ തീരുമാനങ്ങൾ എന്നും നിലനിൽക്കും,+
ദൈവത്തിന്റെ ഹൃദയവിചാരങ്ങൾ തലമുറതലമുറയോളവും.
14 തന്റെ വാസസ്ഥലത്തുനിന്ന്‌
ദൈവം ഭൂവാസികളെ നിരീക്ഷിക്കുന്നു.
15 ദൈവമാണു സകലരുടെയും ഹൃദയം രൂപപ്പെടുത്തുന്നത്‌;
അവരുടെ പ്രവൃത്തികളെല്ലാം ദൈവം പരിശോധിക്കുന്നു.+
18 അതാ യഹോവയുടെ കണ്ണുകൾ, തന്നെ ഭയപ്പെടുന്നവരുടെ മേൽ,+
തന്റെ അചഞ്ചലമായ സ്‌നേഹത്തിനായി കാത്തിരിക്കുന്നവരുടെ മേൽ, ഉണ്ട്‌;
19 ദൈവം അവരെ മരണത്തിൽനിന്ന്‌ രക്ഷപ്പെടുത്തും;
ക്ഷാമകാലത്ത്‌ അവരെ ജീവനോടെ കാക്കും.+
20 ഞങ്ങൾ യഹോവയ്‌ക്കായി പ്രതീക്ഷയോടെ കാത്തിരിക്കുന്നു.
ദൈവമല്ലോ ഞങ്ങളുടെ സഹായിയും പരിചയും.+