എന്റെ പ്രാർഥ​ന​കൾക്ക്‌ യഹോവ ഉത്തരം തരുമോ?

1-2. യഹോവ നമ്മുടെ പ്രാർഥ​ന​കൾക്ക്‌ ഉത്തരം തരുന്നി​ല്ലെന്നു തോന്നി​യേ​ക്കാ​വു​ന്നത്‌ എന്തു​കൊണ്ട്‌?

“യഹോ​വ​യിൽ അത്യധി​കം ആനന്ദിക്കൂ! ദൈവം നിന്റെ ഹൃദയാ​ഭി​ലാ​ഷങ്ങൾ സാധി​ച്ചു​ത​രും.” (സങ്കീ. 37:4) എത്ര നല്ല വാഗ്‌ദാ​നം! എന്നാൽ പ്രാർഥ​ന​യിൽ നമ്മൾ ചോദി​ക്കു​ന്ന​തെ​ല്ലാം യഹോവ അപ്പോൾത്തന്നെ നടത്തി​ത്ത​രു​മെന്നു പ്രതീ​ക്ഷി​ക്കാൻ കഴിയു​മോ? എന്തു​കൊ​ണ്ടാ​ണു നമ്മൾ ആ ചോദ്യ​ത്തെ​ക്കു​റിച്ച്‌ ചിന്തി​ക്കേ​ണ്ടത്‌? ഇനി പറയുന്ന സാഹച​ര്യ​ങ്ങ​ളെ​ക്കു​റിച്ച്‌ ചിന്തി​ക്കുക: ഏകാകി​നി​യായ ഒരു സഹോ​ദരി രാജ്യ​സു​വി​ശേ​ഷ​കർക്കുള്ള സ്‌കൂ​ളിൽ പങ്കെടു​ക്കു​ന്ന​തി​നു​വേണ്ടി പ്രാർഥി​ക്കു​ന്നു. പക്ഷേ വർഷങ്ങൾ കഴിഞ്ഞി​ട്ടും സഹോ​ദ​രി​ക്കു ക്ഷണം കിട്ടു​ന്നില്ല. ഗുരു​ത​ര​മായ ആരോ​ഗ്യ​പ്ര​ശ്‌ന​മുള്ള ഒരു യുവസ​ഹോ​ദരൻ സഭയെ കൂടുതൽ സഹായി​ക്കു​ന്ന​തി​നു​വേണ്ടി തന്റെ രോഗം മാറി​ക്കി​ട്ടാൻ യഹോ​വ​യോ​ടു പ്രാർഥി​ക്കു​ന്നു. പക്ഷേ അദ്ദേഹ​ത്തി​ന്റെ ആരോ​ഗ്യം മെച്ച​പ്പെ​ടു​ന്നില്ല. മാതാ​പി​താ​ക്കൾ തങ്ങളുടെ കുട്ടി സത്യത്തിൽ തുടരാൻ ഇടയാ​ക്ക​ണ​മെന്നു പ്രാർഥി​ക്കു​ന്നു. പക്ഷേ യഹോ​വയെ സേവി​ക്കു​ന്നതു നിറു​ത്താൻ കുട്ടി തീരു​മാ​നി​ക്കു​ന്നു.

² ഇതു​പോ​ലെ നിങ്ങളും യഹോ​വ​യോട്‌ ഒരു കാര്യം ആവശ്യ​പ്പെ​ട്ടിട്ട്‌ അതു കിട്ടാ​തി​രു​ന്നി​ട്ടു​ണ്ടാ​കാം. അതു​കൊ​ണ്ടു​തന്നെ ‘യഹോവ മറ്റുള്ള​വ​രു​ടെ പ്രാർഥന കേൾക്കും, പക്ഷേ എന്റെ പ്രാർഥന കേൾക്കില്ല’ എന്നു ചില​പ്പോൾ നിങ്ങൾ ചിന്തി​ച്ചു​പോ​യേ​ക്കാം. അല്ലെങ്കിൽപ്പി​ന്നെ നിങ്ങളു​ടെ എന്തെങ്കി​ലും തെറ്റു​കൊ​ണ്ടാ​യി​രി​ക്കാം യഹോവ ഉത്തരം തരാത്തത്‌ എന്നായി​രി​ക്കും നിങ്ങൾ വിചാ​രി​ക്കു​ന്നത്‌. ജാനിസ്‌b എന്ന സഹോ​ദ​രിക്ക്‌ അങ്ങനെ തോന്നി. ബഥേലിൽ സേവി​ക്കാ​നുള്ള അവസരം കിട്ടാ​നാ​യി സഹോ​ദ​രി​യും ഭർത്താ​വും പ്രാർഥി​ച്ചി​രു​ന്നു. സഹോ​ദരി പറയുന്നു: “പെട്ടെ​ന്നു​തന്നെ ഞങ്ങളെ ബഥേലി​ലേക്കു വിളി​ക്കു​മെ​ന്നാ​ണു ഞങ്ങൾ കരുതി​യത്‌.” മാസങ്ങൾ അല്ല വർഷങ്ങൾ കഴിഞ്ഞി​ട്ടും ആ ദമ്പതി​കൾക്കു ക്ഷണം ലഭിച്ചില്ല. ജാനിസ്‌ പറയുന്നു: “എനിക്ക്‌ ആകെ നിരാ​ശ​യാ​യി. യഹോ​വയെ വിഷമി​പ്പി​ക്കുന്ന എന്താണു ഞാൻ ചെയ്‌ത​തെന്നു ചിന്തി​ക്കാൻതു​ടങ്ങി. ബഥേലിൽ പോകാ​നുള്ള എന്റെ ആഗ്രഹം എടുത്തു​പ​റഞ്ഞ്‌ ഞാൻ പ്രാർഥി​ച്ചി​രു​ന്നു. എന്നിട്ടും എന്തു​കൊ​ണ്ടാണ്‌ ദൈവം എന്റെ പ്രാർഥ​ന​യ്‌ക്ക്‌ ഉത്തരം തരാതി​രു​ന്നത്‌?”

3. ഈ ലേഖന​ത്തിൽ നമ്മൾ എന്തു ചർച്ച ചെയ്യും?

³ യഹോവ നമ്മുടെ പ്രാർഥ​നകൾ കേൾക്കു​ന്നു​ണ്ടോ എന്നു ചില​പ്പോൾ നമുക്കു സംശയം തോന്നി​യേ​ക്കാം. മുമ്പ്‌ ജീവി​ച്ചി​രുന്ന വിശ്വ​സ്‌ത​രായ ചില ദൈവ​ദാ​സർപോ​ലും അങ്ങനെ ചിന്തി​ച്ചി​ട്ടുണ്ട്‌. (ഇയ്യോ. 30:20; സങ്കീ. 22:2; ഹബ. 1:2) യഹോവ നിങ്ങളു​ടെ പ്രാർഥന കേൾക്കു​ന്നു​ണ്ടെന്നു നിങ്ങൾക്ക്‌ എങ്ങനെ ഉറപ്പു​ള്ള​വ​രാ​യി​രി​ക്കാൻ കഴിയും? (സങ്കീ. 65:2) ആ ചോദ്യ​ത്തി​നുള്ള ഉത്തരം മനസ്സി​ലാ​ക്കാൻ ആദ്യം പിൻവ​രുന്ന ചോദ്യ​ങ്ങ​ളു​ടെ ഉത്തരം കണ്ടുപി​ടി​ക്കാം: (1) യഹോ​വ​യിൽനിന്ന്‌ നമുക്ക്‌ എന്തു പ്രതീ​ക്ഷി​ക്കാൻ കഴിയും? (2) യഹോവ നമ്മളിൽനിന്ന്‌ പ്രതീ​ക്ഷി​ക്കു​ന്നത്‌ എന്താണ്‌? (3) നമ്മൾ പ്രാർഥി​ക്കുന്ന കാര്യ​ങ്ങൾക്കു ചില മാറ്റങ്ങൾ വരു​ത്തേ​ണ്ടി​വ​ന്നേ​ക്കാ​വു​ന്നത്‌ എന്തു​കൊണ്ട്‌?

യഹോ​വ​യിൽനിന്ന്‌ നമുക്ക്‌ എന്തു പ്രതീ​ക്ഷി​ക്കാൻ കഴിയും?

4. യിരെമ്യ 29:12 അനുസ​രിച്ച്‌ യഹോവ തന്നിരി​ക്കുന്ന ഉറപ്പ്‌ എന്താണ്‌?

⁴ നമ്മുടെ പ്രാർഥ​നകൾ കേൾക്കു​മെന്ന ഉറപ്പ്‌ യഹോവ തന്നിട്ടുണ്ട്‌. (യിരെമ്യ 29:12 വായി​ക്കുക.) ദൈവം തന്റെ വിശ്വ​സ്‌ത​ദാ​സരെ ഒരുപാ​ടു സ്‌നേ​ഹി​ക്കു​ന്നു. അതു​കൊണ്ട്‌ അവരുടെ പ്രാർഥ​ന​കൾക്ക്‌ എപ്പോ​ഴും ചെവി ചായി​ക്കും. (സങ്കീ. 10:17; 37:28) എന്നാൽ അതിന്റെ അർഥം നമ്മുടെ എല്ലാ അപേക്ഷ​ക​ളും ദൈവം നടത്തി​ത്ത​രു​മെന്നല്ല. നമ്മൾ ചോദി​ക്കുന്ന ചില കാര്യങ്ങൾ നടന്നു​കി​ട്ടാൻ ചില​പ്പോൾ പുതിയ ലോകം​വരെ കാത്തി​രി​ക്കേ​ണ്ടി​വ​ന്നേ​ക്കാം.

5. യഹോവ നമ്മുടെ പ്രാർഥ​ന​കൾക്ക്‌ ഉത്തരം തരു​മ്പോൾ ഏതു കാര്യം കണക്കി​ലെ​ടു​ക്കു​ന്നു? വിശദീ​ക​രി​ക്കുക.

⁵ യഹോവ നമ്മുടെ പ്രാർഥ​ന​കൾക്ക്‌ ഉത്തരം തരു​മ്പോൾ തന്റെ ഉദ്ദേശ്യ​വു​മാ​യി അത്‌ എങ്ങനെ ബന്ധപ്പെ​ട്ടി​രി​ക്കു​ന്നെന്ന കാര്യം​കൂ​ടെ കണക്കി​ലെ​ടു​ക്കും. (യശ. 55:8, 9) ഭരണാ​ധി​കാ​രി​യാ​യി തന്നെ അനുസ​രി​ക്കുന്ന, സ്‌നേ​ഹ​വും ഐക്യ​വും ഉള്ള സ്‌ത്രീ​പു​രു​ഷ​ന്മാ​രെ​ക്കൊണ്ട്‌ ഈ ഭൂമി നിറയ്‌ക്കുക എന്നത്‌ യഹോ​വ​യു​ടെ ഉദ്ദേശ്യ​ത്തി​ന്റെ ഒരു ഭാഗമാണ്‌. എന്നാൽ മനുഷ്യർക്കു മനുഷ്യ​രു​ടെ മേൽ വിജയ​ക​ര​മാ​യി ഭരണം നടത്താ​നാ​കും എന്നാണു സാത്താന്റെ അവകാ​ശ​വാ​ദം. (ഉൽപ. 3:1-5) അത്‌ ഒരു നുണയാ​ണെന്നു തെളി​യി​ക്കു​ന്ന​തി​നു​വേണ്ടി തങ്ങളെ​ത്തന്നെ ഭരിക്കാൻ ദൈവം മനുഷ്യ​രെ അനുവ​ദി​ച്ചു. പക്ഷേ മനുഷ്യ​രു​ടെ ഭരണം നമ്മൾ ഇന്നു കാണുന്ന പല പ്രശ്‌ന​ങ്ങ​ളി​ലേ​ക്കും നയിച്ചു. (സഭാ. 8:9) ഈ പ്രശ്‌ന​ങ്ങ​ളെ​ല്ലാം യഹോവ ഇപ്പോൾ പരിഹ​രി​ക്കി​ല്ലെന്ന കാര്യം നമുക്ക്‌ അറിയാം. കാരണം അങ്ങനെ ചെയ്‌താൽ മനുഷ്യർക്കു മനുഷ്യ​രു​ടെ പ്രശ്‌നങ്ങൾ വിജയ​ക​ര​മാ​യി പരിഹ​രി​ക്കാൻ കഴിയു​മെന്നു ചില​രെ​ങ്കി​ലും ചിന്തി​ക്കാ​നി​ട​യുണ്ട്‌.

6. യഹോവ എപ്പോ​ഴും നീതി​യോ​ടും സ്‌നേ​ഹ​ത്തോ​ടും കൂടെയേ പ്രവർത്തി​ക്കൂ എന്ന ബോധ്യം നമുക്കു​ണ്ടാ​യി​രി​ക്കേ​ണ്ടത്‌ എന്തു​കൊണ്ട്‌?

⁶ ഒരേ​പോ​ലെ​യുള്ള അപേക്ഷ​കൾക്കു വ്യത്യസ്‌ത വിധങ്ങ​ളി​ലാ​യി​രി​ക്കാം യഹോവ ഉത്തരം കൊടു​ക്കു​ന്നത്‌. ഉദാഹ​ര​ണ​ത്തിന്‌, ഹിസ്‌കിയ രാജാ​വി​നു കടുത്ത രോഗം വന്നപ്പോൾ അതു മാറി​ക്കി​ട്ടാൻ അദ്ദേഹം യഹോ​വ​യോട്‌ അപേക്ഷി​ച്ചു. യഹോവ അദ്ദേഹത്തെ സുഖ​പ്പെ​ടു​ത്തു​ക​യും ചെയ്‌തു. (2 രാജാ. 20:1-6) എന്നാൽ അപ്പോ​സ്‌ത​ല​നായ പൗലോസ്‌ തന്റെ ‘ജഡത്തിലെ മുള്ള്‌’ മാറി​ക്കി​ട്ടു​ന്ന​തി​നു​വേണ്ടി യഹോ​വ​യോട്‌ അപേക്ഷി​ച്ചെ​ങ്കി​ലും യഹോവ അദ്ദേഹ​ത്തി​ന്റെ ആ പ്രശ്‌നം പരിഹ​രി​ച്ചില്ല. സാധ്യ​ത​യ​നു​സ​രിച്ച്‌, അദ്ദേഹ​ത്തി​നു​ണ്ടാ​യി​രുന്ന ഒരു ആരോ​ഗ്യ​പ്ര​ശ്‌ന​മാ​യി​രു​ന്നി​രി​ക്കാം ആ മുള്ള്‌. (2 കൊരി. 12:7-9) ഇനി, അപ്പോ​സ്‌ത​ല​ന്മാ​രായ യാക്കോ​ബി​ന്റെ​യും പത്രോ​സി​ന്റെ​യും ഉദാഹ​രണം ചിന്തി​ക്കുക. അവരെ രണ്ടു പേരെ​യും കൊല്ലാൻ ഹെരോദ്‌ രാജാവ്‌ പദ്ധതി​യി​ട്ടു. സഭ ഒന്നടങ്കം പത്രോ​സി​നു​വേണ്ടി പ്രാർഥി​ച്ച​താ​യി ബൈബി​ളിൽ വായി​ക്കു​ന്നു. തീർച്ച​യാ​യും അവർ യാക്കോ​ബി​നു​വേ​ണ്ടി​യും പ്രാർഥി​ച്ചി​ട്ടു​ണ്ടാ​യി​രി​ക്കും. എന്നാൽ യാക്കോബ്‌ കൊല്ല​പ്പെട്ടു. പക്ഷേ പത്രോ​സി​നെ ഒരു ദൈവ​ദൂ​തൻ രക്ഷിച്ചു. (പ്രവൃ. 12:1-11) ‘യഹോവ പത്രോ​സി​നെ രക്ഷി​ച്ചെ​ങ്കി​ലും എന്തു​കൊണ്ട്‌ യാക്കോ​ബി​നെ രക്ഷിച്ചില്ല’ എന്ന്‌ ഒരുപക്ഷേ നമ്മൾ ചിന്തി​ച്ചേ​ക്കാം. ബൈബിൾ അതെക്കു​റിച്ച്‌ ഒന്നും പറയു​ന്നില്ല.c എന്നാൽ ഒരു കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം: യഹോ​വ​യു​ടെ വഴികൾ ‘അനീതി​യി​ല്ലാ​ത്ത​താണ്‌.’ (ആവ. 32:4) മാത്രമല്ല, പത്രോ​സി​നും യാക്കോ​ബി​നും യഹോ​വ​യു​ടെ അംഗീ​കാ​രം ഉണ്ടായി​രു​ന്നെന്നു നമുക്ക്‌ ഉറപ്പാണ്‌. (വെളി. 21:14) ചില​പ്പോൾ പ്രാർഥ​ന​കൾക്കു നമ്മൾ പ്രതീ​ക്ഷി​ക്കുന്ന ഉത്തരം യഹോവ തരണ​മെ​ന്നില്ല. പക്ഷേ യഹോവ എപ്പോ​ഴും നീതി​യോ​ടെ​യും സ്‌നേ​ഹ​ത്തോ​ടെ​യും ആണ്‌ പ്രവർത്തി​ക്കു​ന്ന​തെന്ന ബോധ്യ​മു​ള്ള​തു​കൊണ്ട്‌ യഹോവ നമ്മുടെ പ്രാർഥ​ന​കൾക്ക്‌ എന്ത്‌ ഉത്തരം തന്നാലും നമുക്കു പരാതി​യില്ല.—ഇയ്യോ. 33:13.

7. നമ്മൾ ഏതു കാര്യ​ത്തിൽ ശ്രദ്ധി​ക്കണം, എന്തു​കൊണ്ട്‌?

⁷ നമ്മുടെ സാഹച​ര്യ​ത്തെ മറ്റുള്ള​വ​രു​ടേ​തു​മാ​യി താരത​മ്യം ചെയ്യാ​തി​രി​ക്കാൻ നമ്മൾ ശ്രദ്ധി​ക്കണം. ഉദാഹ​ര​ണ​ത്തിന്‌, ഒരു പ്രത്യേ​ക​കാ​ര്യ​ത്തി​നു​വേണ്ടി നമ്മൾ പ്രാർഥി​ക്കു​ന്നു. പക്ഷേ യഹോവ അതിന്‌ ഉത്തരം തരുന്നില്ല. എന്നാൽ വേറൊ​രാൾ അതു​പോ​ലൊ​രു കാര്യ​ത്തി​നു​വേണ്ടി പ്രാർഥി​ച്ച​താ​യി പിന്നീടു നമ്മൾ അറിയു​ന്നു. യഹോവ അതിന്‌ ഉത്തരം കൊടു​ത്ത​താ​യി തോന്നു​ക​യും ചെയ്യുന്നു. അന്ന സഹോ​ദ​രിക്ക്‌ അത്തരം ഒരു അനുഭ​വ​മു​ണ്ടാ​യി. തന്റെ ഭർത്താ​വായ മാത്യു​വി​ന്റെ ക്യാൻസർ സുഖ​പ്പെ​ടു​ത്തി​ത്ത​ര​ണ​മെന്നു സഹോ​ദരി യഹോ​വ​യോ​ടു പ്രാർഥി​ച്ചു. ആ സമയത്ത്‌ പ്രായ​മായ വേറെ രണ്ടു സഹോ​ദ​രി​മാർക്കും ക്യാൻസർ രോഗം പിടി​പെ​ട്ടി​രു​ന്നു. മാത്യു​വി​നു​വേ​ണ്ടി​യും ആ രണ്ടു സഹോ​ദ​രി​മാർക്കു​വേ​ണ്ടി​യും അന്ന ആത്മാർഥ​മാ​യി പ്രാർഥി​ച്ചു. സഹോ​ദ​രി​മാ​രു​ടെ അസുഖം ഭേദമാ​യി. പക്ഷേ മാത്യു മരിച്ചു. ആദ്യ​മൊ​ക്കെ അന്ന ഇങ്ങനെ ചിന്തി​ക്കു​മാ​യി​രു​ന്നു: ‘എന്തായാ​ലും യഹോവ ഇടപെ​ട്ടി​ട്ടാ​യി​രി​ക്കു​മ​ല്ലോ ആ സഹോ​ദ​രി​മാ​രു​ടെ അസുഖം ഭേദമാ​യത്‌. പിന്നെ എന്തു​കൊണ്ട്‌ യഹോവ എന്റെ ഭർത്താ​വി​ന്റെ കാര്യ​ത്തിൽ അതു ചെയ്‌തില്ല.’ ആ രണ്ടു സഹോ​ദ​രി​മാ​രു​ടെ അസുഖം ഭേദമാ​യത്‌ എങ്ങനെ​യാ​ണെന്നു നമുക്ക്‌ അറിയില്ല. എന്നാൽ ഒരു കാര്യം നമുക്ക്‌ അറിയാം: നമ്മുടെ എല്ലാ പ്രശ്‌ന​ങ്ങൾക്കും യഹോവ സ്ഥിരമായ ഒരു പരിഹാ​രം കൊണ്ടു​വ​രും. മാത്രമല്ല, മരിച്ചു​പോയ തന്റെ പ്രിയ സുഹൃ​ത്തു​ക്കളെ തിരികെ ജീവനി​ലേക്കു കൊണ്ടു​വ​രാൻ യഹോവ കൊതി​യോ​ടെ കാത്തി​രി​ക്കു​ക​യു​മാണ്‌.—ഇയ്യോ. 14:15.

8. (എ) യശയ്യ 43:2 പറയു​ന്ന​ത​നു​സ​രിച്ച്‌ യഹോവ എങ്ങനെ​യാ​ണു നമ്മളെ സഹായി​ക്കു​ന്നത്‌? (ബി) ബുദ്ധി​മു​ട്ടേ​റിയ പ്രശ്‌നങ്ങൾ നേരി​ടു​മ്പോൾ പ്രാർഥന നമ്മളെ എങ്ങനെ​യാ​ണു സഹായി​ക്കു​ന്നത്‌? (പ്രശ്‌നങ്ങൾ നേരി​ടാൻ പ്രാർഥന സഹായി​ക്കും എന്ന വീഡി​യോ കാണുക.)

⁸ യഹോവ എപ്പോ​ഴും നമ്മളെ സഹായി​ക്കും. നമ്മുടെ സ്‌നേ​ഹ​മുള്ള അപ്പനായ യഹോവ നമ്മൾ വേദനി​ക്കു​ന്നതു കാണാൻ ഒട്ടും ആഗ്രഹി​ക്കു​ന്നില്ല. (യശ. 63:9) എങ്കിലും നമ്മുടെ ജീവി​ത​ത്തി​ലു​ണ്ടാ​കുന്ന എല്ലാ പ്രശ്‌ന​ങ്ങ​ളും യഹോവ തടയു​മെന്ന്‌ അതിന്‌ അർഥമില്ല. നദിക​ളോ​ടും അഗ്നിജ്വാ​ല​ക​ളോ​ടും ഉപമി​ക്കാ​വുന്ന തരത്തി​ലുള്ള പ്രശ്‌ന​ങ്ങൾപോ​ലും നമുക്കു ജീവി​ത​ത്തിൽ ഉണ്ടാ​യേ​ക്കാം. (യശയ്യ 43:2 വായി​ക്കുക.) എന്നാൽ അത്തരം പ്രശ്‌ന​ങ്ങ​ളി​ലൂ​ടെ കടന്നു​പോ​കാൻ നമ്മളെ സഹായി​ക്കു​മെന്ന്‌ യഹോവ ഉറപ്പു​ത​ന്നി​ട്ടുണ്ട്‌. ദൈവ​വു​മാ​യി നമുക്കുള്ള ബന്ധത്തിനു വിള്ളൽ വീഴ്‌ത്താൻ ഒരു പരീക്ഷ​ണ​ത്തെ​യും യഹോവ അനുവ​ദി​ക്കില്ല. ഇനി, സഹിച്ചു​നിൽക്കാൻ കഴി​യേ​ണ്ട​തി​നു തന്റെ ശക്തമായ പരിശു​ദ്ധാ​ത്മാ​വി​നെ​യും യഹോവ നമുക്കു തരുന്നു. (ലൂക്കോ. 11:13; ഫിലി. 4:13) അതു​കൊണ്ട്‌ സഹിച്ചു​നിൽക്കാ​നും വിശ്വ​സ്‌ത​രാ​യി തുടരാ​നും നമുക്ക്‌ എന്താണോ ആവശ്യ​മാ​യി​രി​ക്കു​ന്നത്‌ അത്‌ യഹോവ കൃത്യ​സ​മ​യ​ത്തു​തന്നെ നൽകു​മെന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം.d

യഹോവ നമ്മളിൽനിന്ന്‌ പ്രതീ​ക്ഷി​ക്കു​ന്നത്‌ എന്താണ്‌?

9. യാക്കോബ്‌ 1:6, 7 പറയു​ന്ന​ത​നു​സ​രിച്ച്‌ യഹോവ നമ്മളെ സഹായി​ക്കു​മെന്നു നമ്മൾ ഉറച്ച്‌ വിശ്വ​സി​ക്കേ​ണ്ടത്‌ എന്തു​കൊണ്ട്‌?

⁹ നമ്മൾ തന്നിൽ ആശ്രയി​ക്കാൻ യഹോവ പ്രതീ​ക്ഷി​ക്കു​ന്നു. (എബ്രാ. 11:6) ചില​പ്പോൾ ഒരുത​ര​ത്തി​ലും കൈകാ​ര്യം ചെയ്യാൻ പറ്റി​ല്ലെന്നു തോന്നുന്ന രീതി​യി​ലുള്ള പ്രശ്‌ന​ങ്ങ​ളാ​യി​രി​ക്കാം നമുക്കു നേരി​ടു​ന്നത്‌. യഹോവ നമ്മളെ സഹായി​ക്കു​മോ എന്നു​പോ​ലും നമ്മൾ സംശയി​ച്ചു​തു​ട​ങ്ങി​യേ​ക്കാം. എന്നാൽ ദൈവ​ത്തി​ന്റെ ശക്തിയാൽ നമുക്കു ‘മതിൽ ചാടി​ക്ക​ട​ക്കാ​നാ​കും’ എന്നു ബൈബിൾ ഉറപ്പു തരുന്നുണ്ട്‌. (സങ്കീ. 18:29) അതു​കൊണ്ട്‌ സംശയി​ക്കാ​തെ, യഹോവ ഉത്തരം തരുമെന്ന ഉറച്ച വിശ്വാ​സ​ത്തോ​ടെ നമ്മൾ പ്രാർഥി​ക്കണം.—യാക്കോബ്‌ 1:6, 7 വായി​ക്കുക.

10. പ്രാർഥ​ന​യ്‌ക്കു ചേർച്ച​യിൽ എങ്ങനെ പ്രവർത്തി​ക്കാം എന്നതിന്‌ ഒരു ഉദാഹ​രണം നൽകുക.

¹⁰ നമ്മൾ പ്രാർഥ​ന​കൾക്കു ചേർച്ച​യിൽ പ്രവർത്തി​ക്കാൻ യഹോവ പ്രതീ​ക്ഷി​ക്കു​ന്നു. ഉദാഹ​ര​ണ​ത്തിന്‌, മേഖലാ കൺ​വെൻ​ഷനു പോകു​ന്ന​തിന്‌ അവധി കിട്ടാൻ സഹായി​ക്ക​ണ​മെന്ന്‌ ഒരു സഹോ​ദരൻ യഹോ​വ​യോ​ടു പ്രാർഥി​ക്കു​ന്നു. യഹോവ എങ്ങനെ​യാ​യി​രി​ക്കാം ആ പ്രാർഥ​ന​യ്‌ക്ക്‌ ഉത്തരം കൊടു​ക്കു​ന്നത്‌? അതെക്കു​റിച്ച്‌ ബോസി​നോ​ടു സംസാ​രി​ക്കാ​നുള്ള ധൈര്യം യഹോവ കൊടു​ത്തേ​ക്കാം. എങ്കിലും സഹോ​ദരൻ ചെയ്യേണ്ട ഒരു കാര്യ​മുണ്ട്‌: ബോസി​ന്റെ അടുത്ത്‌ ചെന്ന്‌ അവധി ചോദി​ക്കണം. ഒരുപക്ഷേ പല പ്രാവ​ശ്യം ചോദി​ക്കേ​ണ്ടി​വ​ന്നേ​ക്കാം. ഇനി, ചില​പ്പോൾ മറ്റൊ​രാ​ളു​മാ​യി ജോലി​സ​മയം വെച്ചു​മാ​റാ​നോ ശമ്പളമി​ല്ലാ​തെ അവധി എടുക്കാ​നോ തയ്യാറാ​ണെ​ന്നു​പോ​ലും പറയേ​ണ്ടി​വ​രും.

11. നമ്മുടെ പ്രശ്‌ന​ങ്ങ​ളെ​ക്കു​റിച്ച്‌ നമ്മൾ വീണ്ടും​വീ​ണ്ടും പ്രാർഥി​ക്കേ​ണ്ടത്‌ എന്തു​കൊണ്ട്‌?

¹¹ നമ്മുടെ പ്രശ്‌ന​ങ്ങ​ളെ​ക്കു​റിച്ച്‌ വീണ്ടും​വീ​ണ്ടും പ്രാർഥി​ക്കാൻ യഹോവ പ്രതീ​ക്ഷി​ക്കു​ന്നു. (1 തെസ്സ. 5:17) പ്രാർഥ​ന​യിൽ നമ്മൾ ആവശ്യ​പ്പെ​ടുന്ന എല്ലാ കാര്യ​ങ്ങ​ളും അപ്പോൾത്തന്നെ യഹോവ സാധി​ച്ചു​ത​ര​ണ​മെ​ന്നി​ല്ലെന്നു യേശു സൂചി​പ്പി​ച്ചു. (ലൂക്കോ. 11:9) അതു​കൊണ്ട്‌ നമ്മൾ മടുത്തു​പോ​കാ​തെ ആത്മാർഥ​മാ​യി വീണ്ടും​വീ​ണ്ടും പ്രാർഥി​ച്ചു​കൊ​ണ്ടി​രി​ക്കണം. (ലൂക്കോ. 18:1-7) ഒരു കാര്യ​ത്തെ​ക്കു​റിച്ച്‌ കൂടെ​ക്കൂ​ടെ പ്രാർഥി​ക്കു​ന്ന​തി​ലൂ​ടെ, അതു നമുക്കു വളരെ പ്രധാ​ന​പ്പെ​ട്ട​താ​ണെന്നു തെളി​യി​ക്കു​ക​യാ​യി​രി​ക്കും. നമ്മളെ സഹായി​ക്കാൻ യഹോ​വ​യ്‌ക്കു കഴിവു​ണ്ടെന്നു നമ്മൾ ഉറച്ച്‌ വിശ്വ​സി​ക്കു​ന്നു​ണ്ടെ​ന്നും അതിലൂ​ടെ കാണി​ക്കു​ന്നു.

നമ്മൾ പ്രാർഥി​ക്കുന്ന കാര്യ​ങ്ങൾക്കു ചില മാറ്റങ്ങൾ വരു​ത്തേ​ണ്ടി​വ​ന്നേ​ക്കാ​വു​ന്നത്‌ എന്തു​കൊണ്ട്‌?

12. (എ) നമ്മുടെ പ്രാർഥ​ന​ക​ളോ​ടുള്ള ബന്ധത്തിൽ നമ്മൾ ചിന്തി​ക്കേണ്ട ഒരു ചോദ്യം എന്താണ്‌, എന്തു​കൊണ്ട്‌? (ബി) നമ്മൾ പ്രാർഥി​ക്കു​ന്നത്‌ ആദര​വോ​ടെ​യാ​ണെന്നു നമുക്ക്‌ എങ്ങനെ ഉറപ്പു​വ​രു​ത്താം? (“യഹോ​വയെ ബഹുമാ​നി​ക്കുന്ന വിധത്തി​ലു​ള്ള​താ​ണോ എന്റെ അപേക്ഷകൾ?” എന്ന ചതുരം കാണുക.)

¹² പ്രാർഥ​ന​യിൽ നമ്മൾ ചോദി​ക്കുന്ന കാര്യ​ങ്ങൾക്ക്‌ ഉത്തരം കിട്ടു​ന്നി​ല്ലെ​ങ്കിൽ മൂന്നു ചോദ്യ​ങ്ങ​ളെ​ക്കു​റിച്ച്‌ ചിന്തി​ക്കാ​വു​ന്ന​താണ്‌: ആദ്യത്തെ ചോദ്യം, ‘ഞാൻ പ്രാർഥി​ക്കു​ന്നതു ശരിയായ കാര്യ​ത്തി​നു​വേ​ണ്ടി​യാ​ണോ’ എന്നതാണ്‌. നമ്മുടെ കാര്യ​ത്തിൽ എന്താണ്‌ ഏറ്റവും നല്ലതെന്നു നമുക്ക്‌ അറിയാ​മെ​ന്നാ​ണു മിക്ക​പ്പോ​ഴും നമ്മൾ ചിന്തി​ക്കു​ന്നത്‌. എന്നാൽ നമ്മുടെ മുന്നോ​ട്ടുള്ള ജീവിതം കണക്കി​ലെ​ടു​ക്കു​മ്പോൾ നമ്മൾ ആവശ്യ​പ്പെ​ടുന്ന കാര്യം നമുക്കു ശരിക്കും പ്രയോ​ജനം ചെയ്യണ​മെ​ന്നില്ല. നമ്മുടെ പ്രശ്‌ന​ത്തി​നു നമ്മൾ ആവശ്യ​പ്പെ​ടു​ന്ന​തി​നെ​ക്കാൾ മികച്ച ഒരു പരിഹാ​രം വേറെ ഉണ്ടായി​രി​ക്കാം. ഇനി, ചില​പ്പോൾ നമ്മൾ അപേക്ഷിച്ച കാര്യം യഹോ​വ​യു​ടെ ഇഷ്ടത്തിനു ചേർച്ച​യി​ലു​ള്ള​താ​യി​രി​ക്കില്ല. (1 യോഹ. 5:14) ഉദാഹ​ര​ണ​ത്തിന്‌, ഒന്നാം ഖണ്ഡിക​യിൽ നമ്മൾ പറഞ്ഞ മാതാ​പി​താ​ക്ക​ളു​ടെ കാര്യം​ത​ന്നെ​യെ​ടു​ക്കുക. തങ്ങളുടെ കുട്ടി സത്യത്തിൽ തുടരാ​നി​ട​യാ​ക്ക​ണ​മെന്ന്‌ അവർ യഹോ​വ​യോ​ടു പ്രാർഥി​ച്ചി​രു​ന്നു. അങ്ങനെ അപേക്ഷി​ക്കു​ന്നത്‌ ഒരു തെറ്റല്ല. എന്നാൽ ഓർക്കേണ്ട കാര്യം, തന്നെ സേവി​ക്കാൻ യഹോവ ആരെയും നിർബ​ന്ധി​ക്കു​ന്നില്ല എന്നതാണ്‌. മക്കൾ ഉൾപ്പെടെ നമ്മൾ എല്ലാവ​രും അതു സ്വയം തിര​ഞ്ഞെ​ടു​ക്കാ​നാണ്‌ യഹോവ പ്രതീ​ക്ഷി​ക്കു​ന്നത്‌. (ആവ. 10:12, 13; 30:19, 20) അതു​കൊണ്ട്‌ യഹോ​വയെ സ്‌നേ​ഹി​ക്കാ​നും സുഹൃ​ത്താ​ക്കാ​നും പ്രേരി​പ്പി​ക്കുന്ന വിധത്തിൽ കുട്ടിയെ പഠിപ്പി​ക്കാൻ സഹായി​ക്ക​ണ​മെന്നു മാതാ​പി​താ​ക്കൾക്ക്‌ യഹോ​വ​യോ​ടു പ്രാർഥി​ക്കാൻ കഴിയും.—സുഭാ. 22:6; എഫെ. 6:4.

13. എബ്രായർ 4:16 പറയു​ന്ന​ത​നു​സ​രിച്ച്‌ യഹോവ എപ്പോൾ നമ്മളെ സഹായി​ക്കും? വിശദീ​ക​രി​ക്കുക.

¹³ നമ്മൾ ചിന്തി​ക്കേണ്ട രണ്ടാമത്തെ കാര്യം ‘ഇതു നമ്മുടെ അപേക്ഷ സാധി​ച്ചു​ത​രാ​നുള്ള യഹോ​വ​യു​ടെ സമയമാ​ണോ’ എന്നതാണ്‌. നമ്മൾ പ്രാർഥി​ക്കുന്ന കാര്യ​ത്തിന്‌ അപ്പോൾത്തന്നെ ഒരു ഉത്തരം കിട്ടണ​മെ​ന്നാ​യി​രി​ക്കാം നമ്മുടെ ആഗ്രഹം. എന്നാൽ നമ്മളെ സഹായി​ക്കാ​നുള്ള ഏറ്റവും പറ്റിയ സമയം ഏതാ​ണെന്ന്‌ യഹോ​വ​യ്‌ക്കാണ്‌ അറിയാ​വു​ന്നത്‌. (എബ്രായർ 4:16 വായി​ക്കുക.) നമ്മൾ അപേക്ഷിച്ച കാര്യ​ത്തിന്‌ ഉടനടി ഉത്തരം കിട്ടാതെ വരു​മ്പോൾ ഒരുപക്ഷേ നമ്മൾ ചിന്തി​ച്ചേ​ക്കാം, അതിനുള്ള യഹോ​വ​യു​ടെ ഉത്തരം ‘ഇല്ല’ എന്നാ​ണെന്ന്‌. എന്നാൽ ശരിക്കും യഹോ​വ​യു​ടെ ഉത്തരം ‘ഇതുവരെ സമയമാ​യി​ട്ടില്ല’ എന്നായി​രി​ക്കാം. ഒന്നാം ഖണ്ഡിക​യിൽ കണ്ട ആ ചെറു​പ്പ​ക്കാ​രന്റെ കാര്യം​ത​ന്നെ​യെ​ടു​ക്കുക. തന്റെ അസുഖം ഭേദമാ​കാൻ സഹായി​ക്ക​ണ​മെന്ന്‌ ആ സഹോ​ദരൻ യഹോ​വ​യോ​ടു പ്രാർഥി​ച്ചു. യഹോവ അത്ഭുത​ക​ര​മാ​യി അദ്ദേഹ​ത്തി​ന്റെ അസുഖം ഭേദമാ​ക്കി​യാൽ അതു​കൊ​ണ്ടു മാത്ര​മാണ്‌ അദ്ദേഹം ഇപ്പോ​ഴും യഹോ​വയെ വിശ്വ​സ്‌ത​മാ​യി സേവി​ക്കു​ന്ന​തെന്നു സാത്താൻ ഒരുപക്ഷേ വാദി​ക്കു​മാ​യി​രു​ന്നു. (ഇയ്യോ. 1:9-11; 2:4) ഇനി, എല്ലാ അസുഖ​ങ്ങ​ളും സുഖ​പ്പെ​ടു​ത്താൻ യഹോവ ഒരു സമയം തീരു​മാ​നി​ച്ചി​ട്ടുണ്ട്‌. (യശ. 33:24; വെളി. 21:3, 4) അതിനു മുമ്പ്‌ യഹോവ അത്ഭുത​ക​ര​മാ​യി അസുഖം ഭേദമാ​ക്കു​മെന്നു പ്രതീ​ക്ഷി​ക്കു​ന്നതു ശരിയല്ല. അതു​കൊണ്ട്‌ അസുഖ​മൊ​ക്കെ ഉണ്ടെങ്കിൽപ്പോ​ലും യഹോ​വയെ തുടർന്നും വിശ്വ​സ്‌ത​മാ​യി സേവി​ക്കാ​നും മനസ്സമാ​ധാ​ന​ത്തോ​ടെ സഹിച്ചു​നിൽക്കാ​നും ആവശ്യ​മായ ശക്തിക്കു​വേണ്ടി സഹോ​ദ​രന്‌ യഹോ​വ​യോ​ടു പ്രാർഥി​ക്കാ​നാ​കും.—സങ്കീ. 29:11.

14. ജാനി​സി​ന്റെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

¹⁴ ബഥേലിൽ സേവി​ക്കു​ന്ന​തി​നു​വേണ്ടി പ്രാർഥിച്ച ജാനിസ്‌ സഹോ​ദ​രി​യു​ടെ അനുഭ​വ​ത്തെ​ക്കു​റിച്ച്‌ ചിന്തി​ക്കുക. അഞ്ചു വർഷത്തി​നു ശേഷമാണ്‌, തന്റെ പ്രാർഥ​ന​യ്‌ക്ക്‌ യഹോവ ഉത്തരം തന്ന വിധം സഹോ​ദ​രി​ക്കു മനസ്സി​ലാ​യത്‌. സഹോ​ദരി പറയുന്നു: “എന്നെ പലതും പഠിപ്പി​ക്കാ​നും ഒരു നല്ല ക്രിസ്‌ത്യാ​നി​യാ​യി​ത്തീ​രാൻ സഹായി​ക്കാ​നും യഹോവ ആ സമയം ഉപയോ​ഗി​ച്ചു. യഹോ​വ​യി​ലു​ളള എന്റെ വിശ്വാ​സം കുറെ​ക്കൂ​ടെ ശക്തമാ​കേ​ണ്ടി​യി​രു​ന്നു. പഠനശീ​ലങ്ങൾ മെച്ച​പ്പെ​ടേ​ണ്ട​തു​ണ്ടാ​യി​രു​ന്നു. കൂടാതെ എവി​ടെ​യാ​യി​രു​ന്നാ​ലും സന്തോ​ഷ​ത്തോ​ടെ യഹോ​വയെ സേവി​ക്കാ​നാ​കു​മെന്ന കാര്യം എനിക്കു ബോധ്യ​മാ​കേ​ണ്ടി​യു​മി​രു​ന്നു.” പിന്നീട്‌ ജാനിസ്‌ സഹോ​ദ​രി​യെ​യും ഭർത്താ​വി​നെ​യും സർക്കിട്ട്‌ വേലയ്‌ക്കാ​യി ക്ഷണിച്ചു. പണ്ടു നടത്തിയ പ്രാർഥ​ന​ക​ളെ​ക്കു​റിച്ച്‌ സഹോ​ദരി ഇപ്പോൾ പറയു​ന്നത്‌ ഇങ്ങനെ​യാണ്‌: “യഹോവ എന്റെ പ്രാർഥ​ന​കൾക്ക്‌ ഉത്തരം തന്നു. പക്ഷേ ഞാൻ പ്രതീ​ക്ഷി​ച്ച​തു​പോ​ലെ​യാ​യി​രു​ന്നി​ല്ലെന്നു മാത്രം. യഹോവ തന്ന ഉത്തരം എത്ര നല്ലതാ​ണെന്നു തിരി​ച്ച​റി​യാൻ കുറച്ച്‌ സമയ​മെ​ടു​ത്തെ​ങ്കി​ലും യഹോ​വ​യു​ടെ സ്‌നേ​ഹ​വും ദയയും അനുഭ​വി​ച്ച​റി​യാൻ കഴിഞ്ഞ​തിൽ എനിക്ക്‌ യഹോ​വ​യോട്‌ ഒരുപാ​ടു നന്ദിയുണ്ട്‌.”

15. ചില​പ്പോ​ഴെ​ങ്കി​ലും ഒരു പ്രത്യേ​ക​കാ​ര്യ​ത്തി​നു​വേണ്ടി മാത്രം പ്രാർഥി​ക്കാ​തി​രി​ക്കു​ന്നതു നല്ലതാ​യി​രി​ക്കു​ന്നത്‌ എന്തു​കൊണ്ട്‌? (ചിത്ര​ങ്ങ​ളും കാണുക.)

¹⁵ നമ്മൾ ചിന്തി​ക്കേണ്ട മൂന്നാ​മത്തെ കാര്യം, ‘നമ്മൾ ഏതെങ്കി​ലും ഒരു പ്രത്യേ​ക​കാ​ര്യ​ത്തി​നു​വേണ്ടി മാത്ര​മാ​ണോ പ്രാർഥി​ക്കു​ന്നത്‌’ എന്നതാണ്‌. ഒരു പ്രത്യേ​ക​കാ​ര്യ​ത്തി​നു​വേണ്ടി പ്രാർഥി​ക്കു​ന്നതു നല്ലതാണ്‌. പക്ഷേ ചില സന്ദർഭ​ങ്ങ​ളി​ലെ​ങ്കി​ലും അങ്ങനെ ചെയ്യാ​തി​രി​ക്കു​ന്ന​തി​ലൂ​ടെ നമ്മളെ​ക്കു​റി​ച്ചുള്ള യഹോ​വ​യു​ടെ ഇഷ്ടം എന്താ​ണെന്നു നമുക്കു തിരി​ച്ച​റി​യാ​നാ​കും. രാജ്യ​സു​വി​ശേ​ഷ​കർക്കുള്ള സ്‌കൂ​ളിൽ പങ്കെടു​ക്കു​ന്ന​തി​നു​വേണ്ടി പ്രാർഥി​ച്ചു​കൊ​ണ്ടി​രുന്ന ഏകാകി​നി​യായ സഹോ​ദ​രി​യു​ടെ കാര്യം ചിന്തി​ക്കുക. ആവശ്യം അധിക​മു​ള്ളി​ടത്ത്‌ പോയി പ്രവർത്തി​ക്കാൻ ആഗ്രഹി​ച്ച​തു​കൊ​ണ്ടാ​ണു സഹോ​ദരി സ്‌കൂ​ളിൽ പങ്കെടു​ക്കാൻ ലക്ഷ്യം വെച്ചത്‌. അതു​കൊണ്ട്‌ സ്‌കൂ​ളി​ലേക്കു ക്ഷണം കിട്ടു​ന്ന​തി​നു​വേണ്ടി പ്രാർഥി​ക്കു​മ്പോൾത്തന്നെ, ശുശ്രൂ​ഷ​യിൽ കൂടുതൽ ചെയ്യാ​നുള്ള അവസരം കണ്ടെത്താൻ സഹായി​ക്ക​ണ​മെ​ന്നും സഹോ​ദ​രി​ക്കു പ്രാർഥി​ക്കാം. (പ്രവൃ. 16:9, 10) എന്നിട്ട്‌ ആ പ്രാർഥ​ന​യ്‌ക്കു ചേർച്ച​യിൽ പ്രവർത്തി​ക്കു​ക​യും ചെയ്യാം. അതിനു​വേണ്ടി കൂടുതൽ മുൻനി​ര​സേ​വ​കരെ ആവശ്യ​മുള്ള സഭകൾ അടുത്തു​ണ്ടോ എന്നു സർക്കിട്ട്‌ മേൽവി​ചാ​ര​ക​നോ​ടു ചോദി​ക്കാം. അതല്ലെ​ങ്കിൽ കൂടുതൽ പ്രചാ​ര​ക​രു​ടെ ആവശ്യ​മു​ള്ളത്‌ എവി​ടെ​യാ​ണെന്നു ബ്രാ​ഞ്ചോ​ഫീ​സി​നോ​ടും ചോദി​ക്കാം.e

16. ഏതു കാര്യ​ത്തി​നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും?

¹⁶ നമ്മൾ പഠിച്ചു​ക​ഴി​ഞ്ഞ​തു​പോ​ലെ യഹോവ നമ്മുടെ പ്രാർഥ​ന​കൾക്കു സ്‌നേ​ഹ​ത്തോ​ടെ​യും നീതി​യോ​ടെ​യും ഉത്തരം തരുമെന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം. (സങ്കീ. 4:3; യശ. 30:18) ചില​പ്പോൾ നമ്മൾ പ്രതീ​ക്ഷി​ക്കുന്ന ഉത്തരമാ​യി​രി​ക്കില്ല കിട്ടു​ന്നത്‌. എങ്കിലും യഹോവ ഒരിക്ക​ലും നമ്മുടെ പ്രാർഥന കേൾക്കാ​തി​രി​ക്കില്ല. യഹോവ നമ്മളെ വളരെ​യ​ധി​കം സ്‌നേ​ഹി​ക്കു​ന്നു. നമ്മളെ ഒരിക്ക​ലും ഉപേക്ഷി​ക്കു​ക​യു​മില്ല. (സങ്കീ. 9:10) അതു​കൊണ്ട്‌ നമുക്ക്‌ ‘എപ്പോ​ഴും ദൈവ​ത്തിൽ ആശ്രയി​ക്കാം,’ പ്രാർഥ​ന​യി​ലൂ​ടെ നമ്മുടെ ഹൃദയം ദൈവ​മു​മ്പാ​കെ പകരാം.—സങ്കീ. 62:8.