പ്രതി​ക​രണം ലഭിക്കുന്ന അവതര​ണ​ങ്ങൾ

¹ വിഷയം വീട്ടു​കാ​രനെ എങ്ങനെ ബാധി​ക്കു​ന്നു​വെന്ന്‌, അത്‌ അയാൾക്ക്‌ ആവശ്യ​മു​ളള അഥവാ ഉപയോ​ഗി​ക്കാൻ കഴിയുന്ന എന്തെങ്കി​ലു​മാ​ണെന്ന്‌ വ്യക്തമാ​യി പ്രകട​മാ​ക്കു​ന്ന​വ​യാണ്‌ പ്രതി​ക​രണം ലഭിക്കുന്ന അവതര​ണങ്ങൾ. “ഇത്‌ എന്നെ ഉൾപ്പെ​ടു​ത്തു​ന്നു” എന്ന്‌ തിരി​ച്ച​റി​യാൻ സംഭാ​ഷ​ണ​ത്തി​ലു​ട​നീ​ളം വീട്ടു​കാ​രനെ സഹായി​ക്കുക. ഒരു അവതരണം തയ്യാറാ​കു​മ്പോൾ നാം നമ്മോ​ടു​തന്നെ ചോദി​ക്കണം: ‘എന്റെ പ്രദേ​ശത്തെ ആളുകൾക്ക്‌ ഏററവും അധികം താല്‌പ​ര്യ​മു​ളള വിഷയങ്ങൾ ഏവയാണ്‌? അവരുടെ ആവശ്യങ്ങൾ ഏവയാണ്‌? അവരുടെ ആവശ്യങ്ങൾ യഹോ​വ​യു​ടെ മനസ്സി​ലു​ണ്ടെന്ന്‌ പ്രകട​മാ​ക്കാൻ എനിക്ക്‌ ദൂത്‌ എങ്ങനെ അവതരി​പ്പി​ക്കാൻ കഴിയും?’ താഴെ പട്ടിക​പ്പെ​ടു​ത്തി​യി​രി​ക്കു​ന്നത്‌ ഇന്ന്‌ ആളുകൾക്ക്‌ വളരെ താല്‌പ​ര്യ​മു​ളള ഏതാനും കാര്യ​ങ്ങ​ളാണ്‌. ഇവയിൽ ഏതെങ്കി​ലും അല്ലങ്കിൽ അതിന്‌ സമാന​മാ​യത്‌ നിങ്ങളു​ടെ അവതര​ണ​ത്തിൽ നിങ്ങൾക്ക്‌ ഉപയോ​ഗി​ക്കാൻ കഴിയു​മോ? യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ലെ ആശയങ്ങൾ എങ്ങനെ ബന്ധിപ്പി​ക്കാ​മെ​ന്നു​ള​ള​തും കുറി​ക്കൊ​ള​ളുക.

² സന്തുഷ്ടി​യു​ടെ അഭാവം സംബന്ധിച്ച ചിന്ത: “നമ്മുടെ സമൂഹ​ത്തിൽ ജീവി​ത​ത്തി​ന്റെ ഗുണ​മേന്‌മ സംബന്ധിച്ച്‌ യഥാർത്ഥ​ത്തിൽ ചിന്തയു​ളള ആളുക​ളു​മാ​യി ഞങ്ങൾ സംസാ​രി​ച്ചു​വ​രി​ക​യാണ്‌. ആളുകൾക്ക്‌ ഭൗതി​ക​മാ​യി ആവശ്യ​മാ​യ​തു​ണ്ടെ​ങ്കി​ലും അനേകർ തങ്ങളുടെ ജീവി​ത​ഭാ​ഗ​ധേയം സംബന്ധിച്ച്‌ യഥാർത്ഥ​ത്തിൽ സന്തുഷ്ടരല്ല. ആണവയു​ദ്ധ​ത്തി​ന്റെ സാദ്ധ്യ​ത​യും പണപ്പെ​രു​പ്പ​വും ഏതൊ​രാ​ളു​ടെ​യും ഭാവിയെ ഭീഷണി​പ്പെ​ടു​ത്തു​ന്നു. ഒരു സന്തുഷ്ട​ഭാ​വി ഉറപ്പു​വ​രു​ത്തു​ന്ന​തിന്‌ നമുക്ക്‌ മനുഷ്യ​രിൽ ആശ്രയി​ക്കാൻ കഴിയു​മോ? നാം യിരെ​മ്യാവ്‌ 10:23 വായി​ക്കു​മ​ള​വിൽ വിജയി​ക്കു​ന്ന​തി​നു​ളള മമനു​ഷ്യ​ന്റെ അപ്രാ​പ്‌തി​സം​ബ​ന്ധിച്ച്‌ ബൈബിൾ എന്തു പറയു​ന്നു​വെന്ന്‌ കുറി​ക്കൊ​ള​ളുക. (വായി​ക്കുക) ഭാവി​യെ​ക്കു​റിച്ച്‌ ദൈവം പറയു​ന്ന​തെ​ന്തെന്ന്‌ ഗ്രഹി​ക്കു​ന്നത്‌ നിങ്ങൾക്ക്‌ സന്തുഷ്ടി കൈവ​രു​ത്തി​യേ​ക്കാം. അവന്റെ വാഗ്‌ദാ​ന​ങ്ങ​ളി​ലൊന്ന്‌ കുറി​ക്കൊ​ള​ളുക.” വെളി​പ്പാട്‌ 21:3,4 വായി​ക്കു​ക​യും അതിനു​ശേഷം യുവജ​നങ്ങൾ ചോദി​ക്കു​ന്നു പുസ്‌ത​ക​ത്തന്റെ 307-ാം പേജിൽ 2-ാം ഖണ്ഡിക വായി​ക്കു​ക​യും ചെയ്യുക.

³ ഭാവി​യെ​ക്കു​റി​ച്ചു​ളള ചിന്ത: “ഭാവി​യെ​ക്കു​റി​ച്ചു​ളള വസ്‌തു​നി​ഷ്ട​മായ ഒരു വീക്ഷണം ഞങ്ങളുടെ അയൽക്കാ​രു​മാ​യി പങ്കു​വെ​ക്കാൻ ഞങ്ങൾ ശ്രമി​ക്കു​ക​യാണ്‌. തടസ്സം​നിൽക്കു​ന്നത്‌ എന്താ​ണെ​ന്നാണ്‌ നിങ്ങൾ കരുതു​ന്നത്‌? നാം യിരെ​മ്യാവ്‌ 10:23 വായി​ക്കു​മ​ള​വിൽ ഒരു തടസ്സ​മെ​ന്ന​നി​ല​യിൽ ബൈബിൾ ചൂണ്ടി​ക്കാ​ണി​ക്കു​ന്ന​തെ​ന്തെന്ന്‌ കുറി​ക്കൊ​ള​ളുക. (വായി​ക്കുക) ഒരു സന്തുഷ്ട​ഭാ​വിക്ക്‌ മനുഷ്യൻ തന്റെ സ്രഷ്ടാ​വി​നാൽ നയിക്ക​പ്പെ​ടേ​ണ്ട​തി​ന്റെ ആവശ്യം അടുത്ത വാക്യം കാണി​ച്ചു​ത​രു​ന്നു.” 24-ാം വാക്യം വായി​ക്കുക.

⁴ നല്ല ആരോ​ഗ്യം നിലനിർത്തു​ന്ന​തു​സം​ബ​ന്ധിച്ച ചിന്ത: “നമ്മുടെ അയൽപ​ക്ക​ത്തു​ളള പലരും നല്ല ആരോ​ഗ്യം നിലനിർത്തു​ന്ന​തു​സം​ബ​ന്ധിച്ച്‌ ബോധ​മു​ള​ള​വ​രാണ്‌. നാം എന്തു മുൻക​രു​ത​ലു​കൾ എടുത്താ​ലും നമുക്ക്‌ രോഗം ഉണ്ടാകു​ന്നു. എല്ലാവ​രും പൂർണ്ണ ആരോ​ഗ്യ​വും ഓജസ്സും ആസ്വദി​ക്കുന്ന ഒരു ലോക​ത്തിൽ ജീവി​ക്കാൻ നിങ്ങൾ ആഗ്രഹി​ക്കു​മോ? ഇത്‌ അവിശ്വ​സ​നീ​യ​മെന്ന്‌ തോന്നി​യേ​ക്കാ​മെ​ങ്കി​ലും അത്തര​മൊ​രു കാല​ത്തെ​ക്കു​റിച്ച്‌ വെളി​പ്പാട്‌ എന്ന ബൈബിൾപു​സ്‌തകം സംസാ​രി​ക്കു​ക​യും അത്‌ തൊട്ട​ടുത്ത ഭാവി​യി​ലാ​ണെന്ന്‌ നമ്മോ​ടു​പ​റ​യു​ക​യും ചെയ്യുന്നു. (വെളി​പ്പാട്‌ 21:3,4 വായി​ക്കുക.) അത്തരം സന്തുഷ്ട​മായ അവസ്ഥകൾ അനുഭ​വി​ക്കു​ന്ന​തിന്‌ നമ്മുടെ ഭാഗത്ത്‌ ആവശ്യ​മാ​യി​രി​ക്കു​ന്നത്‌ എന്താ​ണെ​ന്നാണ്‌ നിങ്ങൾ കരുതു​ന്നത്‌?” ദൈവ​ത്തിൽനിന്ന്‌ നിത്യ​ജീ​വൻ നേടു​ന്ന​തിന്‌ വിശ്വാ​സം അത്യന്താ​പേ​ക്ഷി​ത​മാ​ണെന്ന്‌ കാണി​ക്കുന്ന യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ന്റെ 302-ാം പേജിൽ 2-ാം ഖണ്ഡിക നിങ്ങൾക്ക്‌ വായി​ക്കാൻ കഴിയും.

⁵ മലിനീ​ക​ര​ണ​വും പരിസ്ഥി​തി​യും സംബന്ധിച്ച ചിന്ത: “ഞങ്ങളുടെ അയൽക്കാ​രു​മാ​യി സംസാ​രി​ക്കു​ക​യിൽ നമ്മുടെ വായു​വും വെളള​വും ആഹാര​വും മലീമ​സ​മാ​കു​ന്ന​തു​സം​ബ​ന്ധിച്ച്‌ അനേകർ ചിന്താ​കു​ല​രാ​ണെന്ന്‌ ഞങ്ങൾ കണ്ടെത്തി​യി​രി​ക്കു​ന്നു. ഗവൺമെൻറു​കൾക്ക്‌ ഇതി​നൊ​ര​വ​സാ​നം വരുത്താൻ എന്നെങ്കി​ലും കഴിയു​മെന്ന്‌ നിങ്ങൾ വിചാ​രി​ക്കു​ന്നു​വോ? [ഒരുനി​മി​ഷ​ത്തേക്ക്‌ നിർത്തുക.] ഭൂമിയെ നശിപ്പി​ക്കു​ന്ന​വർക്ക്‌ സംഭവി​ക്കു​ന്ന​തു​സം​ബ​ന്ധിച്ച്‌ ബൈബിൾ എന്തുപ​റ​യു​ന്നു​വെന്ന്‌ കുറി​ക്കൊ​ള​ളു​ന്നത്‌ പ്രോ​ത്സാ​ഹ​ജ​ന​ക​മാണ്‌.” വെളി​പ്പാട്‌ 11:18ബി വായി​ക്കുക. ഭൂമിയെ നശിപ്പി​ക്കു​ന്ന​വരെ നീക്കം​ചെ​യ്യു​ന്ന​തി​നു​പു​റമെ സങ്കീർത്തനം 37:10,11-ലോ യെശയ്യാ 65:21,22-ലോ സൂചി​പ്പി​ച്ചി​രി​ക്കുന്ന പ്രകാരം സൗമ്യ​ത​യു​ള​ളവർ ഭൂമിയെ ഒരു പരദീ​സ​യാ​ക്കു​ക​യെ​ന്നത്‌ ദൈ​വോ​ദ്‌ദേ​ശ്യ​മാ​ണെന്ന്‌ ചൂണ്ടി​ക്കാ​ണി​ക്കുക.

⁶ മതപര​മാ​യി ചായ്‌വു​ള​ള​വർക്ക്‌: “ഞങ്ങൾ ഞങ്ങളുടെ അയൽക്കാ​രോട്‌ ഒരു ചോദ്യം ചോദി​ക്കു​ക​യാണ്‌: വ്യക്തി​കൾക്ക്‌ അത്യു​ത്ത​മ​മെന്ന്‌ തോന്നി​യേ​ക്കാ​വുന്ന ഒരു വിധത്തിൽ മനുഷ്യൻ ദൈവത്തെ ആരാധി​ക്കാൻ ദൈവം ആഗ്രഹി​ക്കു​ന്നു​വെന്ന്‌ നിങ്ങൾ വിചാ​രി​ക്കു​ന്നു​വോ? (ഒരു നിമിഷം അനുവ​ദി​ക്കുക) യിരെമ്യാവ്‌10:23-ൽ ബൈബിൾ പറയു​ന്ന​തെ​ന്തെന്ന്‌ ശ്രദ്ധി​ക്കുക.”

⁷ നിങ്ങളു​ടെ ശ്രോ​താ​ക്ക​ളു​ടെ ഹൃദയ​ത്തിൽ എത്താൻ നിങ്ങൾ ആത്മാർത്ഥ​മാ​യി ശ്രമി​ക്കു​മ​ള​വിൽ സത്യത്തി​നും നീതി​ക്കും വേണ്ടി വിശക്കു​ന്നവർ പ്രതി​ക​രി​ക്കും.—മത്താ. 5:3,6.