ഫലകര​മായ മടക്കസ​ന്ദർശ​നങ്ങൾ നടത്തുക

¹ “ദൈവ​ത്തി​ന്റെ കൂട്ടു​വേ​ല​ക്കാർ” എന്ന നിലയി​ലു​ളള നമ്മുടെ സേവന​ത്തി​ന്റെ ഒരു പ്രധാ​ന​ഭാ​ഗം മടക്കസ​ന്ദർശ​നങ്ങൾ നടത്തലാണ്‌. (1കൊരി. 3:6-9) സത്യത്തിൽ താൽപ​ര്യം പ്രകട​മാ​ക്കിയ ആരെ​യെ​ങ്കി​ലു​മാണ്‌ നാം സന്ദർശി​ക്കു​ന്ന​തെ​ന്നു​ള​ള​തു​കൊണ്ട്‌ വീട്ടു​കാ​രന്റെ പ്രതി​ക​രണം സംബന്ധിച്ച്‌ ശങ്കിക്കേണ്ട യാതൊ​രു ആവശ്യ​വു​മില്ല. നമ്മുടെ ഭാഗത്തെ നല്ല തയ്യാറാ​കൽ, ആകർഷ​ക​മായ ഒരു ബൈബിൾ വിഷയം നാം ചർച്ച​ചെ​യ്യു​മ​ള​വിൽ സന്ദർശി​ക്കുന്ന ആളിലു​ളള വ്യക്തി​പ​ര​മായ ഒരു ആത്മാർത്ഥ താൽപ​ര്യം പ്രതി​ഫ​ലി​പ്പി​ക്കും.

² വ്യക്തമാ​യി പറയുക; നയപൂർവ​മായ ചോദ്യ​ങ്ങൾ ചോദി​ക്കുക.

ആദ്യസന്ദർശനത്തിലെ നിങ്ങളു​ടെ കുറി​പ്പു​ക​ളിൽനിന്ന്‌ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌:

▪ “നീതി​യിൽ ഭൂമിയെ ഭരിക്കാ​നു​ളള ദൈവ​ത്തി​ന്റെ വാഗ്‌ദ​ത്ത​ങ്ങ​ളെ​ക്കു​റിച്ച്‌ നിങ്ങൾ കൂടുതൽ ചിന്തി​ച്ചോ?”

മറെറാരു ചോദ്യം ഇങ്ങനെ ആകാം:

▪ “കഴിഞ്ഞ​യാ​ഴ്‌ചത്തെ നമ്മുടെ ബൈബിൾ ചർച്ചക്കു​ശേഷം ദൈവ​രാ​ജ്യം വരാനു​ളള നിങ്ങളു​ടെ പ്രാർത്ഥന കൂടുതൽ അർത്ഥവ​ത്താ​ണെന്ന്‌ നിങ്ങൾക്കു തോന്നു​ന്നു​വോ?”

മുഖഭാവത്തിലും സംസാ​ര​ത്തി​ലും പ്രകടി​പ്പി​ക്കുന്ന ഒരു സൗഹൃ​ദ​ഭാ​വം അത്തരം ചോദ്യ​ങ്ങൾ ചോദി​ക്കു​ന്ന​തി​ലെ നമ്മുടെ ആത്മാർത്ഥ​മായ താൽപ​ര്യം വളരെ​യ​ധി​കം പ്രതി​ഫ​ലി​പ്പി​ക്കു​ന്നു.

³ ധൃതി കൂട്ടരുത്‌; വീട്ടു​കാ​രൻ പറയു​ന്നത്‌ ശ്രദ്ധി​ക്കുക. വീട്ടു​കാ​രൻ പറയു​ന്നത്‌ നാം ശ്രദ്ധി​ക്കു​ക​യും മറുപടി പറയു​ന്ന​തി​നു​മുമ്പ്‌ ഗൗരവ​പൂർവം ചിന്തി​ക്കു​ക​യും ചെയ്യു​ന്നെ​ങ്കിൽ ഒരു വ്യക്തി​യെന്ന നിലയിൽ അയാളി​ലു​ളള ആത്മാർത്ഥ​മായ താൽപ​ര്യം പ്രകട​മാ​യി​രി​ക്കും. അയാൾ പറയു​ന്ന​തി​നെ അടിസ്ഥാ​ന​മാ​ക്കി നിങ്ങളു​ടെ ആദ്യസ​ന്ദർശ​ന​ത്തോ​ടു ബന്ധപ്പെട്ട ഒരു തിരു​വെ​ഴു​ത്താ​ശയം നിങ്ങൾക്ക്‌ അവതരി​പ്പി​ക്കാൻ കഴിയും. നിങ്ങൾ സന്ദർശി​ക്കുന്ന ഓരോ സമയത്തും വീട്ടു​കാ​രനെ എന്തെങ്കി​ലും പഠിപ്പി​ക്കാൻ ഒരുക്ക​മു​ള​ള​വ​രാ​യി​രി​ക്കുക. ഒരു അപ്രതീ​ക്ഷിത വിഷയം ഉന്നയി​ക്ക​പ്പെ​ടു​ന്നെ​ങ്കിൽ നിങ്ങളു​ടെ ന്യായ​വാ​ദം പുസ്‌തകം എടുക്കാ​നും ആവശ്യ​മായ വിവരം കണ്ടെത്താ​നും ആ അവസരം ഉപയോ​ഗി​ക്കുക.

⁴ നിങ്ങൾ 1992 മെയ്‌ 1 “വാച്ച്‌റ​റവർ” സമർപ്പി​ച്ചെ​ങ്കിൽ നിങ്ങൾക്ക്‌ ഇങ്ങനെ പറയാൻ കഴിയും:

▪ “കഴിഞ്ഞ പ്രാവ​ശ്യം നാം 1914 എന്ന വർഷ​ത്തെ​ക്കു​റിച്ച്‌ സംസാ​രി​ച്ചു. ആ വർഷത്തിൽ തുടങ്ങിയ യുദ്ധം പല ഗവൺമെൻറു​ക​ളി​ലും മാററങ്ങൾ വരുത്തി. അതിനു​ശേഷം തുടർന്നും പല മാററങ്ങൾ ഉണ്ടാകു​ന്നു. എന്നാൽ ഈ മാററ​ങ്ങ​ളിൽ ഏതെങ്കി​ലും ഒന്നോ എല്ലാമോ ആളുക​ളു​ടെ ആവശ്യങ്ങൾ യഥാർത്ഥ​ത്തിൽ തൃപ്‌തി​പ്പെ​ടു​ത്തി​യി​ട്ടു​ണ്ടോ, അഥവാ അവർക്ക്‌ നിലനിൽക്കുന്ന സമാധാ​നം ഉറപ്പു നൽകാൻ കഴിയു​മോ? [അഭി​പ്രാ​യ​ത്തിന്‌ അനുവ​ദി​ക്കുക.] നാം ഇന്ന്‌ അഭിമു​ഖീ​ക​രി​ക്കുന്ന വലിയ പ്രശ്‌നങ്ങൾ യഥാർത്ഥ​ത്തിൽ പരിഹ​രി​ക്കാൻ കഴിയുന്ന ഒരു ഗവൺമെൻറി​നു​വേണ്ടി പ്രാർത്ഥി​ക്കാൻ യേശു തന്റെ അനുഗാ​മി​കളെ പഠിപ്പി​ച്ച​തെ​ങ്ങ​നെ​യെന്ന്‌ ശ്രദ്ധി​ക്കുക. [മത്തായി 6:9,10 വായി​ക്കുക.] ദൈവ​രാ​ജ്യം എന്തു കൈവ​രു​ത്തു​മെ​ന്നാണ്‌ നിങ്ങൾ കരുതു​ന്നത്‌? [അഭി​പ്രാ​യ​ത്തിന്‌ അനുവ​ദി​ക്കുക.] ബൈബി​ളി​ന്റെ വിശദീ​ക​ര​ണ​വും വളരെ രസകര​മാണ്‌.” തുടർന്ന്‌ ദാനി​യേൽ 2:44 വായി​ക്കുക. ദൈവ​രാ​ജ്യ​ത്തിൻ കീഴിൽ പ്രതീ​ക്ഷി​ക്കാ​വുന്ന അവസ്ഥകൾ കാണി​ച്ചു​കൊ​ടു​ക്കാൻ എന്നേക്കും ജീവി​ക്കാൻ പുസ്‌ത​ക​ത്തി​ന്റെ 12, 13 പേജു​ക​ളിൽ കാണുന്ന ചിത്രം ഉപയോ​ഗി​ക്കാൻ നിങ്ങൾ ആഗ്രഹി​ച്ചേ​ക്കാം.

⁵ നിങ്ങൾ “വീക്ഷാ​ഗോ​പുര”ത്തിന്റെ 1992 മെയ്‌ 1-ലെ പ്രാ​ദേ​ശിക പതിപ്പ്‌ സമർപ്പി​ച്ചെ​ങ്കിൽ ഇങ്ങനെ പറയാൻ കഴി​ഞ്ഞേ​ക്കും:

▪ “കഴിഞ്ഞ​പ്രാ​വ​ശ്യം ഞാൻ സന്ദർശി​ച്ച​പ്പോൾ കുടും​ബ​ജീ​വി​തം എങ്ങനെ മെച്ച​പ്പെ​ടു​ത്താൻ കഴിയും എന്നതു​സം​ബ​ന്ധിച്ച്‌ നാം സംസാ​രി​ച്ചു. കുടും​ബ​ങ്ങ​ളിൽ സമ്മർദ്ദം ഏറിവ​രുന്ന ഒരു കാലത്ത്‌ നാം ജീവി​ക്കു​ന്ന​തു​കൊണ്ട്‌ അത്‌ മിക്കവാ​റും നാം എല്ലാവ​രും വിലമ​തി​ക്കുന്ന ഒന്നാണ്‌. കുടും​ബ​ജീ​വി​ത​ത്തി​ന്റെ ഗുണം മെച്ച​പ്പെ​ടു​ത്തു​ന്ന​തി​നു​ളള സഹായം അത്യന്തം സ്വാഗ​താർഹ​മാ​യി​രി​ക്കും എന്ന്‌ നിങ്ങൾ വിചാ​രി​ക്കു​ന്നി​ല്ലേ?” പ്രതി​ക​ര​ണത്തെ ആശ്രയിച്ച്‌ “നിങ്ങളു​ടെ കുടും​ബ​ജീ​വി​ത​ത്തിൽ ദൈവത്തെ ഒന്നാമതു വെക്കുക” എന്ന ലേഖനം നിങ്ങൾക്ക്‌ പരാമർശി​ക്കാൻ കഴിയും, ആദ്യം ഉപതല​ക്കെ​ട്ടു​ക​ളി​ലേക്ക്‌ ശ്രദ്ധയാ​കർഷി​ച്ചു​കൊ​ണ്ടും തുടർന്ന്‌ ഓരോ തലക്കെ​ട്ടി​നും കീഴിലെ മുഖ്യ ആശയങ്ങൾ സംക്ഷേ​പി​ച്ചു​കൊ​ണ്ടും തന്നെ. ഉപസം​ഹാ​ര​മാ​യി യോഹ​ന്നാൻ 17:3, വെളി​പ്പാട്‌ 21:3, 4 എന്നിവ വായി​ക്കാൻ കഴിയും.

⁶ നമ്മുടെ മടക്കസ​ന്ദർശ​നങ്ങൾ വിജയ​ക​ര​മാ​കു​ന്ന​തിന്‌ നമുക്ക്‌ വ്യക്തി​പ​ര​മായ താൽപ​ര്യം പ്രകട​മാ​ക്കു​ക​യും ചർച്ച​ചെ​യ്യു​ന്ന​തിന്‌ ആകർഷ​ക​മായ ബൈബിൾ വിഷയങ്ങൾ മനസ്സിൽപി​ടി​ക്കു​ക​യും ചെയ്യു​ന്ന​തിൽ തുടരാം.