പുതിയ പ്രത്യേക സമ്മേള​ന​ദിന പരിപാ​ടി

¹ ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യ​നെ​ക്കു​റി​ച്ചു​ളള പഠനം യേശു​ക്രി​സ്‌തു​വി​നോ​ടു​ളള നമ്മുടെ വിലമ​തി​പ്പു വർധി​പ്പി​ച്ചു. അതി​നോ​ടു​ളള ചേർച്ച​യിൽ, ഫെബ്രു​വ​രി​യിൽ ആരംഭി​ക്കുന്ന പ്രത്യേക സമ്മേള​ന​ദിന പരിപാ​ടി “നമ്മുടെ വലിയ മാതൃ​കാ​പു​രു​ഷനെ അടുത്തു പിന്തു​ടരൽ” എന്ന വിഷയം വികസി​പ്പി​ക്കും. അവിടു​ത്തെ പിന്തു​ട​രുക എന്നതിന്റെ അർഥം കൂടുതൽ പൂർണ​മാ​യി മനസ്സി​ലാ​ക്കാൻ അതു നമ്മെ സഹായി​ക്കും.

² പ്രായ​മോ സത്യത്തി​ലാ​യി​രുന്ന വർഷങ്ങ​ളോ ഗണ്യമാ​ക്കാ​തെ സമ്മേള​ന​ത്തിൽ സംബന്ധി​ക്കുന്ന എല്ലാവ​രും അധിക​മ​ധി​കം ക്രിസ്‌തു​തു​ല്യ​രാ​യി​ത്തീ​രാൻ പ്രോ​ത്സാ​ഹി​പ്പി​ക്ക​പ്പെ​ടും. പരിപാ​ടി​യു​ടെ ഒരു ഭാഗം യുവജ​ന​ങ്ങൾക്കു​ളള ബുദ്ധ്യു​പ​ദേശം വിശേ​ഷ​വ​ത്‌ക​രി​ക്കും. വിദ്യാ​ഭ്യാ​സം, വിനോ​ദം, ഭൗതി​ക​ത്വം എന്നിവ​യോ​ടു ബന്ധപ്പെട്ട വെല്ലു​വി​ളി​കളെ നേരി​ടാൻ ഇത്‌ അവരെ സജ്ജരാ​ക്കും. ലോക​ത്തി​ന്റെ സ്വാധീ​നത്തെ എങ്ങനെ ചെറു​ത്തു​നിൽക്കാ​മെ​ന്നും ക്രിസ്‌തു​വി​നെ എങ്ങനെ അനുക​രി​ക്കാ​മെ​ന്നും എടുത്തു​കാ​ട്ടുന്ന പ്രസം​ഗ​ങ്ങ​ളും അനുഭ​വ​ങ്ങ​ളും പ്രകട​ന​ങ്ങ​ളും ഉണ്ടായി​രി​ക്കും.—1 പത്രൊ. 2:21.

³ പുതു​താ​യി സമർപ്പണം നടത്തിയ വ്യക്തി​കൾക്കു സ്‌നാ​പ​ന​പ്പെ​ടു​ന്ന​തി​നാൽ തങ്ങൾ ക്രിസ്‌തു​വി​ന്റെ അനുഗാ​മി​ക​ളാ​ണെന്നു പരസ്യ​മാ​യി പ്രഖ്യാ​പി​ക്കാ​നു​ളള അവസര​മു​ണ്ടാ​യി​രി​ക്കും. സ്‌നാ​പ​ന​ച്ച​ട​ങ്ങി​നു മുമ്പായി ഈ വിഷയ​ത്തെ​ക്കു​റി​ച്ചു​ളള തിരു​വെ​ഴു​ത്തു​പ​ര​മായ ഒരു ചർച്ചയു​ണ്ടാ​യി​രി​ക്കും. പ്രത്യേക സമ്മേള​ന​ദി​ന​ത്തി​നു സ്‌നാ​പ​ന​പ്പെ​ടാൻ ആഗ്രഹി​ക്കു​ന്നവർ വേണ്ടത്ര സമയം മുൻകൂ​ട്ടി​ത്തന്നെ തങ്ങളുടെ ആഗ്രഹം അധ്യക്ഷ​മേൽവി​ചാ​ര​കനെ അറിയി​ക്കണം. തൻമൂലം സ്‌നാ​പ​നാർഥി​കൾക്കു​വേ​ണ്ടി​യു​ളള നിർദിഷ്ട ചോദ്യ​ങ്ങൾ പരിചി​ന്തി​ക്കാൻ അദ്ദേഹ​ത്തി​നു മൂപ്പൻമാ​രെ ക്രമീ​ക​രി​ക്കാൻ കഴിയും.

⁴ “നമ്മുടെ വലിയ മാതൃ​കാ​പു​രു​ഷനെ പിന്തു​ടരൽ—നാം എന്തി​ലേക്കു നയിക്ക​പ്പെ​ടു​ന്നു?” എന്ന ശീർഷ​ക​ത്തി​ലു​ളള മുഖ്യ പ്രസംഗം ഒരു അതിഥി പ്രസം​ഗകൻ നടത്തും. പ്രോ​ത്സാ​ഹ​ജ​ന​ക​വും വിശ്വാ​സത്തെ ബലപ്പെ​ടു​ത്തു​ന്ന​തു​മായ ഈ പരിപാ​ടി​യി​ലേക്കു താത്‌പ​ര്യ​മു​ളള എല്ലാ വ്യക്തി​ക​ളെ​യും തീർച്ച​യാ​യും ക്ഷണിക്കുക. നമ്മുടെ വലിയ മാതൃ​കാ​പു​രു​ഷ​നായ യേശു​ക്രി​സ്‌തു​വി​നെ പിന്തു​ട​രു​ന്ന​തി​നെ​ക്കാൾ വലുതോ പ്രതി​ഫ​ല​ദാ​യ​ക​മോ ആയ യാതൊ​രു ഗതിയു​മില്ല.—മത്താ. 19:27-29.