വിലമ​തി​പ്പു വർധി​പ്പി​ക്കാൻ മടങ്ങി​ച്ചെ​ല്ലൽ

¹ അർഥവ​ത്തായ മടക്കസ​ന്ദർശ​നങ്ങൾ ഒരു വിശ്വാ​സി​യാ​യി​ത്തീ​രു​ന്ന​തി​ലേ​ക്കു​ളള വീട്ടു​കാ​രന്റെ വളർച്ചയെ അനു​ക്ര​മ​മാ​യി ത്വരി​ത​പ്പെ​ടു​ത്തു​ക​യും വർധി​പ്പി​ക്കു​ക​യും ചെയ്യുന്നു. താത്‌പ​ര്യം പ്രകട​മാ​ക്കിയ വ്യക്തി​കൾക്കു മടക്കസ​ന്ദർശനം നടത്തു​മ്പോൾ മനസ്സിൽ പിടി​ക്കേണ്ട ചില പ്രാ​യോ​ഗിക നിർദേ​ശങ്ങൾ എന്തെല്ലാ​മാണ്‌?

² ഒന്നാമ​താ​യി, നന്നായി തയ്യാറാ​കുക. ഇത്‌ ആദ്യ സന്ദർശ​ന​ത്തിൽ തുടങ്ങു​ന്നു. എങ്ങനെ? പ്രകട​മായ താത്‌പ​ര്യ​ത്തെ​ക്കു​റി​ച്ചു​ളള കൃത്യ​മായ രേഖകൾ സൂക്ഷി​ക്കു​ന്ന​തു​വഴി. വീട്ടു​കാ​രന്റെ പേര്‌, ചർച്ച ചെയ്‌ത വിഷയം, പ്രതി​ക​രണം, സമർപ്പിച്ച പ്രസി​ദ്ധീ​ക​ര​ണങ്ങൾ തുടങ്ങിയ കാര്യങ്ങൾ കുറി​ച്ചി​ടുക. പിന്നീടു നിങ്ങൾ മടങ്ങി​ച്ചെ​ല്ലു​ന്ന​തി​നു മുമ്പായി നിങ്ങളു​ടെ വീടു​തോ​റു​മു​ളള രേഖ പുനര​വ​ലോ​കനം ചെയ്യു​ക​യും നിങ്ങൾ പറയാൻ പോകുന്ന കാര്യ​ത്തി​നു പ്രാർഥ​നാ​പൂർവ​ക​മായ പരിചി​ന്തനം നൽകു​ക​യും ചെയ്യുക.

³ ഇപ്പോൾ നിങ്ങൾ ഒരുങ്ങി​ക്ക​ഴി​ഞ്ഞു. നിങ്ങൾക്ക്‌ എന്തു പറയാൻ കഴിയും? പ്രഥമ സന്ദർശ​ന​ത്തിൽ നിങ്ങൾ വീട്ടു​കാ​ര​നോട്‌ ഒരു ചോദ്യം ചോദി​ച്ചി​ട്ടാ​ണു പോന്ന​തെ​ങ്കിൽ, മടങ്ങി​ച്ചെ​ല്ലു​മ്പോൾ നിങ്ങൾക്ക്‌ ആ വിഷയത്തെ വിപു​ല​മാ​ക്കാൻ കഴിയും. ഉദാഹ​ര​ണ​ത്തിന്‌, ദൈവം കരുതു​ന്നു​വോ? എന്ന ലഘുപ​ത്രി​ക​യിൽ ചിത്രീ​ക​രി​ച്ചി​രി​ക്കു​ന്ന​തു​പോ​ലെ ഭാവി സംബന്ധിച്ച അത്ഭുത​ക​ര​മായ നമ്മുടെ പ്രത്യാ​ശ​യെ​ക്കു​റി​ച്ചാ​ണു നിങ്ങൾ പ്രഥമ സന്ദർശ​ന​ത്തിൽ സംസാ​രി​ച്ച​തെ​ങ്കിൽ, “ദൈവം കഷ്ടപ്പാട്‌ അനുവ​ദി​ച്ചി​രി​ക്കു​ന്നത്‌ എന്തു​കൊണ്ട്‌” എന്ന ചോദ്യം നിങ്ങൾക്ക്‌ ഉന്നയി​ക്കാ​വു​ന്ന​താണ്‌.

മടങ്ങിച്ചെല്ലുമ്പോൾ സ്വയം പരിച​യ​പ്പെ​ടു​ത്തി​യ​ശേഷം നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“കഴിഞ്ഞ പ്രാവ​ശ്യം നമ്മൾ കണ്ടപ്പോൾ, വളരെ പെട്ടെ​ന്നു​തന്നെ ദൈവം സ്ഥാപി​ക്കാൻ പോകുന്ന അവസ്ഥക​ളെ​ക്കു​റി​ച്ചു​ളള ഈ മനോ​ഹ​ര​മായ ചിത്രം നാം നോക്കി. എന്നാൽ അങ്ങനെ ചെയ്യാൻ ദൈവ​ത്തി​നു ശക്തിയു​ണ്ടാ​യി​രി​ക്കു​ക​യും അവിടുന്ന്‌ വാസ്‌ത​വ​ത്തിൽ നമുക്കു​വേണ്ടി കരുതു​ക​യും ചെയ്യു​ന്നെ​ങ്കിൽ അവിടുന്ന്‌ എന്തു​കൊ​ണ്ടാ​ണു കഷ്ടപ്പാട്‌ അനുവ​ദി​ച്ചി​രി​ക്കു​ന്നത്‌? അതായി​രു​ന്നു ഉന്നയി​ക്ക​പ്പെട്ട ചോദ്യം. തൃപ്‌തി​ക​ര​മായ ഒരു ഉത്തരം ഈ ലഘുപ​ത്രി​ക​യു​ടെ ആറാം ഭാഗത്തിൽ കാണാം. . .” അവി​ടെ​നി​ന്നു സംഭാ​ഷണം തുടരാൻ കഴിയും.

⁴ സമാന​മായ ഒരു ചോദ്യം ഉന്നയി​ച്ചിട്ട്‌ നിത്യ​ജീ​വ​നി​ലേക്കു നയിക്കുന്ന സത്യം എന്ന പുസ്‌തകം സമർപ്പി​ച്ചി​രു​ന്നെ​ങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “കഴിഞ്ഞ തവണ നാം സംസാ​രി​ച്ച​പ്പോൾ സ്‌നേ​ഹ​ത്തി​ന്റെ ഒരു ദൈവം ഇന്ന്‌ എന്തു​കൊണ്ട്‌ ദുഷ്ടത അനുവ​ദി​ക്കു​ന്നു എന്ന വിഷയ​ത്തെ​ക്കു​റി​ച്ചു നാം ചർച്ച ചെയ്‌തു. നിങ്ങൾ അതു സംബന്ധി​ച്ചു കൂടു​ത​ലാ​യി ചിന്തി​ച്ചോ? [പ്രതി​ക​ര​ണ​ത്തിന്‌ അനുവ​ദി​ക്കുക.] യോഹ​ന്നാൻ 3:16-ൽ ബൈബിൾ എന്തു പറയുന്നു എന്നു നോക്കുക.” ആ വാക്യം വായി​ച്ച​ശേഷം, സത്യം പുസ്‌ത​ക​ത്തിൽ, ഇന്നു ദൈവം ദുഷ്ടതയെ സഹിക്കു​ന്ന​തി​ന്റെ കാരണ​ങ്ങളെ പ്രകട​മാ​ക്കുന്ന 8-ാം അധ്യാ​യ​ത്തി​ലെ പ്രത്യേക ഭാഗങ്ങ​ളി​ലേക്കു നിങ്ങൾക്കു ശ്രദ്ധയാ​കർഷി​ക്കാ​വു​ന്ന​താണ്‌.

⁵ നിങ്ങളു​ടെ ആദ്യ സന്ദർശ​ന​ത്തിൽ നിങ്ങൾക്കു ചോദി​ക്കാൻ കഴിയുന്ന ചിന്തോ​ദ്ദീ​പ​ക​മായ മറെറാ​രു ചോദ്യ​മാ​യി​രി​ക്കും പിൻവ​രു​ന്നത്‌: “മനുഷ്യൻ എന്നേക്കും ജീവി​ക്കാൻ ദൈവം ഉദ്ദേശി​ച്ചി​രു​ന്നെ​ങ്കിൽ ആളുകൾ വാർധ​ക്യം പ്രാപി​ച്ചു മരിക്കു​ന്നത്‌ എന്തു​കൊ​ണ്ടാണ്‌?” മടങ്ങി​ച്ചെ​ല്ലു​മ്പോൾ ആ ചോദ്യ​ത്തി​നു​ളള ബൈബി​ളി​ന്റെ ഉത്തരം റോമർ 5:12-ൽ കാണും​പ്ര​കാ​രം നിങ്ങൾക്ക്‌ അവരെ കാട്ടി​ക്കൊ​ടു​ക്കാൻ കഴിയും. ആ തിരു​വെ​ഴു​ത്തു വായി​ച്ച​ശേഷം ഈ ജീവിതം മാത്ര​മാ​ണോ ഉളളത്‌? എന്ന പുസ്‌ത​ക​ത്തി​ന്റെ 35-ാം പേജിലെ ആദ്യ ഖണ്ഡിക പരാമർശി​ക്കുക. മനുഷ്യർ വാർധ​ക്യം പ്രാപി​ച്ചു മരിക്കു​ന്ന​തി​ന്റെ അടിസ്ഥാന കാരണ​ത്തെ​ക്കു​റിച്ച്‌ അതു ചർച്ച ചെയ്യുന്നു.

⁶ എന്നാൽ ഒരു മുന്നറി​യി​പ്പിൻ വാക്ക്‌. നിങ്ങൾ മടങ്ങി​ച്ചെ​ല്ലു​മ്പോൾ ചോദി​ക്കുന്ന ചോദ്യ​ങ്ങൾ സംബന്ധി​ച്ചു സൂക്ഷ്‌മത പുലർത്തുക. “ഞാൻ തന്നിട്ടു പോയ പുസ്‌തകം നിങ്ങൾ വായി​ച്ചോ?,” “നിങ്ങൾ എന്നെ ഓർക്കു​ന്നു​ണ്ടോ?” അല്ലെങ്കിൽ “കഴിഞ്ഞ പ്രാവ​ശ്യം ഞാനി​വി​ടെ വന്നപ്പോൾ നമ്മൾ സംസാ​രിച്ച വിഷയം നിങ്ങൾ ഓർക്കു​ന്നു​ണ്ടോ?” എന്നിങ്ങ​നെ​യു​ളള ചോദ്യ​ങ്ങൾ വീട്ടു​കാ​രനെ വിഷമ​ക​ര​മായ ഒരവസ്ഥ​യിൽ ആക്കാനാ​ണു സാധ്യ​ത​യു​ള​ളത്‌. അത്തരം ചോദ്യ​ങ്ങൾ സാധാ​ര​ണ​മാ​യി നല്ല ഫലങ്ങൾ ഉളവാ​ക്കു​ന്നില്ല. മറിച്ച്‌, സൗഹൃ​ദ​ഭാ​വ​മു​ള​ള​വ​രും വഴക്കമു​ള​ള​വ​രും ഹ്രസ്വ​ഭാ​ഷി​ക​ളു​മാ​യി​രി​ക്കുക. ഈ ഗുണങ്ങൾ സന്ദേശ​ത്തി​ന്റെ മൂല്യത്തെ വർധി​പ്പി​ക്കും.

⁷ താത്‌പ​ര്യ​മു​ളള വ്യക്തി​ക​ളു​ടെ ഹൃദയ​ങ്ങ​ളിൽ വിലമ​തി​പ്പു നട്ടുവ​ളർത്താൻ ഇവയും മററുളള സമീപ​ന​ങ്ങ​ളും ഉപയോ​ഗി​ക്കാ​വു​ന്ന​താണ്‌. ഓരോ വാരത്തി​ലും ചുരു​ങ്ങി​യത്‌ ഒരു മടക്കസ​ന്ദർശ​ന​മെ​ങ്കി​ലും നടത്താൻ എന്തു​കൊ​ണ്ടു ലക്ഷ്യം വെച്ചു​കൂ​ടാ? മേൽപ്പറഞ്ഞ പ്രാ​യോ​ഗിക നിർദേ​ശങ്ങൾ ബാധക​മാ​ക്കുക, നിങ്ങളെ സഹായി​ക്കാൻ കഴിയുന്ന അനുഭ​വ​പ​രി​ച​യ​മു​ളള പ്രസാ​ധ​കരെ അന്വേ​ഷി​ക്കുക. ഫലപ്ര​ദ​മായ മടക്കസ​ന്ദർശ​നങ്ങൾ നടത്തി​ക്കൊണ്ട്‌ ആദ്യം പ്രകട​മായ താത്‌പ​ര്യ​ത്തെ വർധി​പ്പി​ക്കാൻ ശ്രമി​ക്കവേ നിങ്ങളു​ടെ സന്തോഷം ഏറും.