യഹോ​വ​യു​ടെ സേവന​ത്തിൽ സന്തോഷം കണ്ടെത്തൽ

¹ നിശ്വ​സ്‌ത​ത​യിൻ കീഴിൽ എഴുതവേ യശയ്യാ ഉചിത​മാ​യി ദൈവ​ജ​ന​ത്തെ​ക്കു​റിച്ച്‌ ഇങ്ങനെ പ്രവചി​ച്ചു: “എന്റെ സ്വന്തം ദാസൻമാർ ഹൃദയ​ത്തി​ന്റെ നല്ല അവസ്ഥ നിമിത്തം സന്തോ​ഷി​ച്ചു​ല്ല​സി​ക്കും.” (യശയ്യാ 65:14, NW) പലരും ഇങ്ങനെ ചോദി​ച്ചേ​ക്കാം, ഒരുവൻ ദിവസം​തോ​റും വളരെ​യ​ധി​കം സമ്മർദ​ങ്ങ​ളും പ്രശ്‌ന​ങ്ങ​ളും തരണം ചെയ്യേ​ണ്ട​താ​യു​ള​ള​പ്പോൾ എനി​ക്കെ​ങ്ങനെ സന്തോ​ഷ​മു​ള​ള​വ​നാ​യി​രി​ക്കാൻ കഴിയും? നാം അഭിമു​ഖീ​ക​രി​ച്ചേ​ക്കാ​വുന്ന സാമ്പത്തി​ക​വും വൈകാ​രി​ക​വും മററു തരത്തി​ലു​ളള ശാരീ​രി​ക​വു​മായ വിഷമ​ത​ക​ളും കൂടാതെ ക്രിസ്‌തീയ ആരാധ​ന​യു​ടെ​യും സേവന​ത്തി​ന്റെ​യും കടമക​ളും കൂടി​യുണ്ട്‌. ആധുനി​ക​കാല ജീവി​ത​ത്തി​ന്റെ ഈ ഉത്തരവാ​ദി​ത്വ​ങ്ങ​ളോ​ടും ഭാരങ്ങ​ളോ​ടു​മെ​ല്ലാം പൊരു​ത്ത​പ്പെ​ട്ടു​പോ​കാൻ ശ്രമി​ക്കു​മ്പോൾ തങ്ങൾക്കെ​ങ്ങനെ സന്തുഷ്ട​രാ​യി​രി​ക്കാൻ കഴിയു​മെന്ന്‌ പലരും അമ്പരക്കു​ന്നു.

² നമ്മുടെ ജീവി​ത​ത്തിൽ സന്തോ​ഷത്തെ ഉദ്ദീപി​പ്പി​ക്കു​ന്നത്‌ “ഹൃദയ​ത്തി​ന്റെ നല്ല അവസ്ഥ”യാണെന്നു യശയ്യാ​യു​ടെ നിശ്വസ്‌ത വാക്കുകൾ പറഞ്ഞതാ​യി നിങ്ങൾ ശ്രദ്ധി​ച്ചോ? സന്തോഷം ഭൗതിക സ്വത്തു​ക്ക​ളി​ലോ വിനോ​ദ​ത്തി​ലോ സ്വാത​ന്ത്ര്യ​ത്തി​ലോ ആണ്‌ ആശ്രയി​ച്ചി​രി​ക്കു​ന്നത്‌ എന്ന സംഗതി​യെ പ്രോ​ത്സാ​ഹി​പ്പി​ക്കുന്ന ലോക​ത്തി​ന്റെ ജ്ഞാനത്തി​നു വിരു​ദ്ധ​മാണ്‌ ഇത്‌. നമ്മുടെ പ്രവർത്ത​നങ്ങൾ, ആഗ്രഹങ്ങൾ, പ്രീതി​കൾ, വികാ​രങ്ങൾ എന്നിവ​യി​ലെ​ല്ലാം സ്വയം പ്രകട​മാ​കുന്ന ആലങ്കാ​രിക ഹൃദയ​ത്തിൽനിന്ന്‌ അഥവാ ആന്തരിക മനുഷ്യ​നിൽനി​ന്നാ​ണു യഥാർഥ സന്തോഷം വരുന്നത്‌. എന്താണു സന്തോഷം? “നൻമയു​ടെ സമ്പാദ​ന​ത്താ​ലോ പ്രതീ​ക്ഷ​യാ​ലോ ഉളവാ​കുന്ന വികാരം; സന്തുഷ്ടി​യു​ടെ അവസ്ഥ; ഉല്ലാസം.” (ഉൾക്കാഴ്‌ച [ഇംഗ്ലീഷ്‌], വാല്യം 2, പേജ്‌ 119) വളരെ വേഗം സമീപി​ച്ചു​കൊ​ണ്ടി​രി​ക്കുന്ന പുതിയ ലോക​ത്തെ​ക്കു​റി​ച്ചു നമുക്കു വൈകാ​രി​ക​മായ സന്തോഷം തോ​ന്നേ​ണ്ട​തല്ലേ? എന്നാൽ നമ്മുടെ ജീവി​തത്തെ തുടർച്ച​യാ​യി ആക്രമി​ക്കു​ന്ന​തെന്നു തോന്നുന്ന പ്രശ്‌ന​ങ്ങ​ളൊ​ക്കെ​യു​ളള സ്ഥിതിക്ക്‌, ഇപ്പോൾ ‘സന്തുഷ്ടി​യു​ടെ അവസ്ഥ’ നമു​ക്കെ​ങ്ങനെ നേടാൻ കഴിയു​മെന്നു നിങ്ങൾ ചോദി​ച്ചേ​ക്കാം.

³ ജീവി​ത​ത്തി​ലെ പ്രശ്‌ന​ങ്ങ​ളെ​യെ​ല്ലാം പൂർണ​മാ​യും തുടച്ചു​നീ​ക്കുക എന്നത്‌ അസാധ്യ​മാണ്‌. പ്രശ്‌ന​വി​മു​ക്ത​മായ ഒരു ജീവിതം നയിക്കാൻ പുതിയ ലോകം മാത്രമേ നമ്മെ സഹായി​ക്കു​ക​യു​ളളൂ. എന്നാൽ നമ്മുടെ ജീവി​ത​ത്തി​ലെ സന്തോഷം വർധി​പ്പി​ക്കു​ന്ന​തി​നു നമുക്കു സ്വീക​രി​ക്കാ​വുന്ന ചില പടിക​ളുണ്ട്‌. സന്തുഷ്ട​മായ ജനത്തോ​ടു കൂടെ സഹവസി​ക്കു​ന്നത്‌ നമ്മുടെ സന്തോഷം വർധി​പ്പി​ക്കും. “സന്തുഷ്ട​നായ ദൈവ”മായി യഹോ​വയെ വർണി​ച്ചി​രി​ക്കു​ന്നു. (1 തിമൊ. 1:11, NW) യാക്കോബ്‌ 4:8-ലെ പ്രോ​ത്സാ​ഹ​നത്തെ പിൻപ​റ​റി​ക്കൊ​ണ്ടു നമ്മുടെ സന്തോ​ഷത്തെ വർധി​പ്പി​ക്കാൻ നമുക്കു കഴിയു​മോ? “ദൈവ​ത്തോ​ടു അടുത്തു ചെല്ലു​വിൻ; എന്നാൽ അവൻ നിങ്ങ​ളോ​ടു അടുത്തു​വ​രും” എന്ന്‌ അതു പറയുന്നു. പ്രാർഥന, ദൈവ​വ​ച​ന​ത്തി​ന്റെ വായന, അതിന്റെ വ്യക്തി​പ​ര​മായ പഠനം, അവിടു​ത്തെ ഇഷ്ടം ചെയ്യൽ എന്നിവ​യാൽ നാം ദൈവ​ത്തോട്‌ അടുത്തു​വ​രു​ന്നു. യേശു​വി​നു സന്തോഷം കൈവ​രു​ത്തി​യത്‌ ഇതാണ്‌. തന്റെ പിതാ​വി​ന്റെ ഇഷ്ടം ചെയ്യു​ന്ന​തി​നെ നല്ല ഒരു ഭക്ഷണം ആസ്വദി​ക്കു​ന്ന​തി​നോട്‌ അവിടുന്ന്‌ ഉപമിച്ചു. (യോഹ. 4:34) സമാന​മായ ഒരു വിധത്തിൽ നിങ്ങൾക്കു നിങ്ങളു​ടെ സന്തോഷം വർധി​പ്പി​ക്കാൻ കഴിയു​മോ?

⁴ ഏപ്രിൽ, വർധിച്ച സന്തോ​ഷ​ത്തി​ന്റെ ഒരു സമയം: ഏപ്രിൽ സന്തോ​ഷ​ക​ര​മായ ആത്മീയ പ്രവർത്ത​ന​ത്തി​ന്റെ ഒരു മാസമാ​ക്കി​ത്തീർക്കാൻ എല്ലാ സഭകളും ആസൂ​ത്രണം ചെയ്‌തു​കൊ​ണ്ടി​രി​ക്കു​ക​യാണ്‌. നമ്മുടെ പ്രവർത്ത​ന​ത്തി​ന്റെ മൂന്നു വശങ്ങൾക്കു പ്രത്യേക ഊന്നൽ നൽക​പ്പെ​ടും. (1) സഹായ പയനി​യ​റി​ങ്ങി​നെ​ക്കു​റി​ച്ചു സഗൗരവം ചിന്തി​ക്കാൻ ഞങ്ങൾ എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു; (2) പുതിയ ബൈബി​ള​ധ്യ​യ​നങ്ങൾ തുടങ്ങു​ക​യെന്ന ലാക്കിന്‌ ഊന്നൽ ലഭിക്കും; (3) തെരു​വു​സാ​ക്ഷീ​ക​ര​ണ​ത്തി​നാ​യി മുഖ്യ​മായ ശ്രദ്ധ ക്ഷണിക്ക​പ്പെ​ടു​ന്നി​ടത്ത്‌ പ്രത്യേക മാസി​കാ​ദി​വ​സ​ത്തിൽ പങ്കുപ​റ​റാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു. ശുശ്രൂ​ഷ​യു​ടെ ഈ വശങ്ങളിൽ പങ്കുപ​റ​റു​ന്ന​തി​ന്റെ സന്തോഷം നിങ്ങൾ ഒരിക്ക​ലും അനുഭ​വി​ച്ചി​ട്ടി​ല്ലാ​യി​രി​ക്കാം. ഈ ക്രമീ​ക​ര​ണ​ങ്ങൾക്കു മുഴു​ഹൃ​ദ​യ​ത്തോ​ടെ​യു​ളള പിന്തുണ നൽകി​ക്കൊണ്ട്‌ ഏപ്രിൽ മാസത്തിൽ നിങ്ങളു​ടെ സന്തോഷം വർധി​പ്പി​ക്കാൻ ഇപ്പോൾ ആസൂ​ത്രണം ചെയ്യുക.

⁵ സഹായ പയനി​യ​റിങ്‌. നിങ്ങൾക്കു പ്രാപ്യ​മ​ല്ലാത്ത ഒന്നായി ഈ പ്രവർത്ത​നത്തെ ഉടൻതന്നെ തളളി​ക്ക​ള​യു​ന്ന​തി​നു മുമ്പു നിങ്ങളു​ടെ ജീവി​ത​ത്തിന്‌ ഇതു കൈവ​രു​ത്തി​യേ​ക്കാ​വുന്ന സന്തോ​ഷ​ത്തെ​ക്കു​റി​ച്ചു പരിചി​ന്തി​ക്കുക. സുവാർത്ത പ്രസം​ഗി​ക്കു​ന്ന​തിൽ ഏർപ്പെ​ട്ട​പ്പോൾ യേശു​വി​ന്റെ ശിഷ്യൻമാർ അനുഭ​വിച്ച സന്തോഷം എന്ന വികാ​ര​ത്തെ​ക്കു​റിച്ച്‌ ഒരു നിമിഷം ധ്യാനി​ക്കുക. ഈ പ്രവർത്ത​ന​ത്തിൽ ആദ്യം ഏർപ്പെട്ട ചിലർ ആഹ്ലാദ​ത്തോ​ടെ യേശു​വി​ന്റെ അടുക്ക​ലേക്കു മടങ്ങി​വന്നു. “ആ എഴുപ​തു​പേർ സന്തോ​ഷ​ത്തോ​ടെ മടങ്ങി​വന്നു.” (ലൂക്കൊ. 10:17) തങ്ങളുടെ സംസാ​ര​പ്രാ​പ്‌തി സംബന്ധിച്ച ശങ്ക കൂടാതെ തങ്ങൾ പഠിച്ചി​രുന്ന സത്യങ്ങൾ പ്രഖ്യാ​പി​ക്കാൻ അവർ പുറ​പ്പെട്ടു. അവരുടെ ഹൃദയങ്ങൾ അവർ യേശു​വിൽനി​ന്നു പഠിച്ച നല്ല കാര്യ​ങ്ങൾക്കൊ​ണ്ടു നിറഞ്ഞി​രു​ന്നു, ഈ കാര്യങ്ങൾ മററു​ള​ള​വ​രോ​ടു പറയാൻ അവർ ആകാം​ക്ഷ​യു​ള​ള​വ​രാ​യി​രു​ന്നു. അസുഖ​ക​ര​മായ അനുഭ​വ​ങ്ങ​ളും അനേകർക്കു​മി​ട​യി​ലെ താത്‌പ​ര്യ​ക്കു​റ​വും അവരുടെ സന്തോ​ഷത്തെ നശിപ്പി​ച്ചില്ല. ദൈവത്തെ സേവി​ക്കുന്ന ഈ രീതി​യു​ടെ നേർക്ക്‌ അവർ കാണിച്ച നല്ല മാനസി​ക​ഭാ​വ​ത്താൽ അതു സജീവ​മാ​യി നിലനിർത്ത​പ്പെട്ടു, തങ്ങൾ അവിടു​ത്തെ ഹൃദയത്തെ സന്തോ​ഷി​പ്പി​ക്കു​ക​യാ​ണെന്ന്‌ അറിഞ്ഞു​കൊ​ണ്ടു​തന്നെ.—സദൃ. 27:11.

⁶ പരിപു​ഷ്ടി​പ്പെ​ടു​ത്തു​ന്ന​തും ജീവനെ നിലനിർത്തു​ന്ന​തു​മായ സംഗതി ഒരുവൻ മററു​ള​ള​വർക്കു നിർല്ലോ​ഭ​മാ​യി കൊടു​ക്കു​ന്നത്‌ ദൈവ​വ​ച​ന​ത്തി​ലെ നല്ല കാര്യ​ങ്ങ​ളു​ടെ പരസ്യ പ്രഖ്യാ​പനം ആവശ്യ​പ്പെ​ടു​ന്നു. ഇതു സന്തോഷം കൈവ​രു​ത്തു​ന്നു, കാരണം മററു​ള​ള​വർക്കു നല്ല വസ്‌തു​ക്കൾ കൊടു​ക്കു​ന്ന​തിൽ സന്തുഷ്ടി​യുണ്ട്‌. ക്രിസ്‌തീയ ശുശ്രൂ​ഷ​യെ​ക്കു​റി​ച്ചു സംസാ​രി​ക്കവേ അപ്പോ​സ്‌ത​ല​നായ പൗലോസ്‌ ചൂണ്ടി​ക്കാ​ട്ടിയ തത്ത്വമാണ്‌ ഇത്‌. “ഇങ്ങനെ പ്രയത്‌നം ചെയ്‌തു പ്രാപ്‌തി​യി​ല്ലാ​ത്ത​വരെ സഹായി​ക്ക​യും, വാങ്ങു​ന്ന​തി​നെ​ക്കാൾ കൊടു​ക്കു​ന്നതു ഭാഗ്യം എന്നു കർത്താ​വായ യേശു​താൻ പറഞ്ഞ വാക്കു ഓർത്തു​കൊൾക​യും വേണ്ടതു എന്നു ഞാൻ എല്ലാം​കൊ​ണ്ടും നിങ്ങൾക്കു ദൃഷ്ടാന്തം കാണി​ച്ചി​രി​ക്കു​ന്നു.” (പ്രവൃ. 20:35) തങ്ങൾ പഠിച്ച നല്ല കാര്യങ്ങൾ മററു​ള​ള​വർക്കു കൊടു​ക്കു​ന്ന​തിൽ പൗലോ​സും അദ്ദേഹ​ത്തി​ന്റെ സഹകാ​രി​ക​ളും സന്തോഷം കണ്ടെത്തി​യ​തു​പോ​ലെ, കെട്ടു​പണി ചെയ്യുന്ന അതേ വേലയിൽ അതേ നല്ല മാനസി​ക​ഭാ​വം നിലനിർത്തു​ന്നെ​ങ്കിൽ യഹോ​വ​യാം ദൈവത്തെ സേവി​ക്കു​ന്ന​വർക്ക്‌ ഇന്നു സന്തോഷം കണ്ടെത്താൻ കഴിയും.

⁷ ഏപ്രിൽ മാസത്തിൽ വർധിച്ച വയൽപ്ര​വർത്ത​ന​ത്താൽ നിങ്ങളു​ടെ സന്തോഷം വർധി​പ്പി​ക്കു​ന്ന​തി​നു നിങ്ങൾക്ക്‌ ആസൂ​ത്രണം ചെയ്യാൻ കഴിയു​മോ? ഞങ്ങളുടെ പ്രദേശം ഇപ്പോൾത്തന്നെ നന്നായി പ്രവർത്തി​ച്ചു​തീർന്ന​താണ്‌, പ്രതി​ക​രണം അത്ര പ്രോ​ത്സാ​ഹ​ജ​ന​കമല്ല; ഞാൻ എന്റെ ഒഴിവു​സ​മ​യ​വും ഒരുപക്ഷേ വിശ്ര​മ​വും പരിത്യ​ജി​ക്കേ​ണ്ട​താ​യി വന്നേക്കാം; ഞാൻ എന്റെ പട്ടിക​യിൽ ആത്മത്യാ​ഗ​പ​ര​മായ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തു​ണ്ടാ​യി​രി​ക്കാം തുടങ്ങിയ നിഷേ​ധാ​ത്മ​ക​ങ്ങ​ളായ കാര്യ​ങ്ങ​ളിൽ നിങ്ങളു​ടെ മനസ്സു വ്യാപ​രി​ക്കാൻ അനുവ​ദി​ക്ക​രുത്‌. അതേ, നിങ്ങളു​ടെ ആത്മീയ ക്ഷേമത്തിന്‌ അത്യാ​വ​ശ്യ​മ​ല്ലാത്ത ചില കാര്യങ്ങൾ നിങ്ങൾ വെട്ടി​ച്ചു​രു​ക്കേ​ണ്ട​തു​ണ്ടാ​യി​രി​ക്കാം. നിഷേ​ധാ​ത്മ​ക​മായ കാര്യ​ങ്ങ​ളിൽ വ്യാപ​രി​ക്കു​ന്ന​തി​നു പകരം വർധിച്ച വയൽപ്ര​വർത്ത​ന​ത്താൽ ലഭിക്കുന്ന സന്തോ​ഷ​ത്തെ​ക്കു​റി​ച്ചു ചിന്തി​ക്കുക. “ഹൃദയ​ത്തി​ന്റെ നല്ല അവസ്ഥ നിമിത്ത”മാണ്‌ സന്തോ​ഷ​മു​ണ്ടാ​കു​ന്ന​തെന്ന്‌ ഓർക്കുക. (യശയ്യാ 65:14, NW) യഹോ​വയെ പ്രസാ​ദി​പ്പി​ക്കു​ന്ന​തി​നു വേണ്ടി​യും മററു​ള​ള​വർക്കു വേണ്ടി​യും നിങ്ങൾ കഠിന​ശ്രമം നടത്തു​ന്നു​വെ​ന്ന​റി​യു​ന്നത്‌ നിങ്ങളു​ടെ ആലങ്കാ​രിക ഹൃദയ​ത്തി​ലേക്ക്‌ ആഴമായ സംതൃ​പ്‌തി​യു​ടെ ഒരു വികാരം കൈവ​രു​ത്തും, അതു നിങ്ങളു​ടെ ജീവി​ത​ത്തിൽ സന്തോ​ഷത്തെ പ്രകാ​ശി​പ്പി​ക്കു​ക​യും ചെയ്യും.

⁸ ദൈവ​വ​ച​ന​ത്തിൽനി​ന്നു നിങ്ങൾ പഠിച്ചി​രി​ക്കുന്ന കാര്യ​ങ്ങ​ളെ​ക്കു​റി​ച്ചു മററു​ള​ള​വ​രോ​ടു സംസാ​രി​ക്കു​ന്ന​തിൽ പ്രാപ്‌തി​ക്കു​റ​വു​ണ്ടെന്ന ഏതൊരു തോന്ന​ലും ഏപ്രിൽ മാസത്തിൽ സഹായ പയനി​യ​റിങ്‌ നടത്തു​ന്ന​തിൽനിന്ന്‌ നിങ്ങളെ തടസ്സ​പ്പെ​ടു​ത്താൻ അനുവ​ദി​ക്ക​രുത്‌. അങ്ങനെ ചെയ്‌താൽ ദൈവ​സേ​വ​ന​ത്തി​ന്റെ സന്തോ​ഷത്തെ നിങ്ങളിൽനി​ന്നു കവർന്നു​ക​ള​യാൻ ഇടയാ​ക്കുന്ന ഒരു മാനസി​ക​ഭാ​വം വളർന്നു​വ​രാൻ നിങ്ങൾ അനുവ​ദി​ക്കു​ക​യാ​യി​രി​ക്കും. സംസാ​ര​ത്തിൽ നിപു​ണ​നായ ഒരു ക്രിസ്‌തീയ സഹോ​ദ​രന്റെ പ്രാപ്‌തി​യു​മാ​യി നിങ്ങളു​ടെ പ്രാപ്‌തി​യെ താരത​മ്യം ചെയ്യരുത്‌. മറിച്ച്‌, ശുശ്രൂ​ഷ​യിൽ നിങ്ങൾ കണ്ടുമു​ട്ടുന്ന ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടു​ന്ന​വ​രും എന്നാൽ മററു​ള​ള​വ​രോട്‌ ദൈവ​ത്തി​ന്റെ സത്യം സംസാ​രി​ക്കാ​ത്ത​വ​രും സംസാ​രി​ക്കാൻ കഴിയാ​ത്ത​വ​രു​മായ ആളുക​ളു​മാ​യി അതിനെ താരത​മ്യ​പ്പെ​ടു​ത്തുക. നിങ്ങൾക്കു​ളള പ്രാപ്‌തി ഉപയോ​ഗി​ക്കു​ക​യും അതു മെച്ച​പ്പെ​ടു​ത്താൻ ശ്രമി​ക്കു​ക​യും ചെയ്യുക. തന്റെ ഉദ്ദേശ്യ​ങ്ങൾ പ്രഖ്യാ​പി​ക്കാൻ ദൈവം തിര​ഞ്ഞെ​ടു​ത്തി​രി​ക്കു​ന്നത്‌, ഈ ലോക​ത്തി​ലെ ജ്ഞാനി​ക​ളെ​യോ വലിയ മതപ്ര​സം​ഗ​ക​രെ​യോ അല്ല, മറിച്ച്‌ സവി​ശേ​ഷ​മായ സംസാ​ര​പ്രാ​പ്‌തി​ക​ളി​ല്ലാത്ത എളിയ മനുഷ്യ​രെ​യാണ്‌ എന്ന്‌ ഓർക്കുക. (1 കൊരി. 1:26-29) യേശു​വി​ന്റെ നാളിൽ ശുശ്രൂ​ഷ​യിൽനി​ന്നു വളരെ​യ​ധി​കം സന്തോഷം ലഭിച്ച അവിടു​ത്തെ ശിഷ്യൻമാർ മീൻ പിടി​ക്കു​ന്ന​വർപോ​ലു​ളള സാധാ​ര​ണ​ക്കാ​രായ മനുഷ്യ​രാ​യി​രു​ന്നു. ശരിയായ മാനസി​ക​ഭാ​വ​മു​ണ്ടെ​ങ്കിൽ യഹോ​വയെ സേവി​ക്കു​ന്ന​തി​ന്റെ സന്തോഷം നിങ്ങളു​ടേ​താ​യി​രി​ക്കാൻ കഴിയും.

⁹ നിങ്ങൾക്ക്‌ ഇപ്പോൾ ഏതു പടികൾ സ്വീക​രി​ക്കാൻ കഴിയും? ഒന്നാമത്‌, സത്യസ​ന്ധ​മാ​യി പ്രാർഥ​നാ​പൂർവം നിങ്ങളു​ടെ സാഹച​ര്യ​ങ്ങൾ വിലയി​രു​ത്തുക. നിങ്ങൾ ഒരു ക്രിസ്‌തീയ കുടും​ബ​ത്തി​ന്റെ ഭാഗമാ​ണെ​ങ്കിൽ, ഭർത്താവ്‌ അല്ലെങ്കിൽ പിതാവ്‌ നേതൃ​ത്വ​മെ​ടു​ക്കവേ ഇത്‌ ഒത്തൊ​രു​മി​ച്ചു ചെയ്യാൻ നിങ്ങൾ ആഗ്രഹി​ച്ചേ​ക്കാം. ഏററവും ദുഷ്‌ക​ര​മായ പടി ഇതാ​ണെന്നു നിങ്ങൾ കണ്ടെത്തി​യേ​ക്കാം. രാജ്യ​താ​ത്‌പ​ര്യ​ങ്ങളെ ഒന്നാമതു വയ്‌ക്കു​ക​യെന്ന കാഴ്‌ച​പ്പാ​ടോ​ടെ നിങ്ങളു​ടെ ജീവി​ത​രീ​തി​യെ അവലോ​കനം ചെയ്യു​ന്ന​തി​നു ധൈര്യ​മാ​വ​ശ്യ​മാണ്‌. ദൈവ​ത്തി​നു​ളള നിങ്ങളു​ടെ സേവനത്തെ വർധി​പ്പി​ക്കു​ന്ന​തി​നു വേണ്ടി അനാവ​ശ്യ​വും എന്നാൽ ആസ്വാ​ദ്യ​വു​മായ പ്രവർത്ത​ന​ങ്ങളെ ഒഴിവാ​ക്കു​ന്ന​തിന്‌ ആത്മീയ മനക്കരുത്ത്‌ ആവശ്യ​മാണ്‌. ദൈവത്തെ സേവി​ക്കു​ന്ന​തി​നു പൊരു​ത്ത​പ്പെ​ടു​ത്ത​ലു​കൾ വരുത്താ​നു​ളള മനസ്സൊ​രു​ക്ക​മു​ണ്ടെ​ങ്കിൽ അതിനു പ്രതി​ഫ​ല​മുണ്ട്‌—സന്തോഷം. സജീവ​മായ ഒരു വിധത്തിൽ യഹോ​വയെ സേവി​ക്കാ​നു​ളള ഒരവസ​രത്തെ പ്രയോ​ജ​ന​പ്പെ​ടു​ത്തി​യ​തി​ന്റെ ഫലം 1 ദിനവൃ​ത്താ​ന്തം 29:9-ൽ രേഖ​പ്പെ​ടു​ത്തി​യി​രി​ക്കു​ന്നു. “അങ്ങനെ ജനം മനഃപൂർവ്വ​മാ​യി കൊടു​ത്ത​തു​കൊ​ണ്ടു അവർ സന്തോ​ഷി​ച്ചു; ഏകാ​ഗ്ര​ഹൃ​ദ​യ​ത്തോ​ടെ മനഃപൂർവ്വ​മാ​യി​ട്ടാ​യി​രു​ന്നു അവർ യഹോ​വെക്കു കൊടു​ത്തതു. ദാവീ​ദ്‌രാ​ജാ​വും അത്യന്തം സന്തോ​ഷി​ച്ചു.” ഏപ്രിൽ മാസക്കാ​ലത്തു യഹോ​വ​യിൽനി​ന്നു​ളള സന്തോഷം അനുഭ​വി​ക്കാൻ ആസൂ​ത്രണം ചെയ്യുക.

¹⁰ ഏപ്രിൽ മാസം സഭ, സായാഹ്ന സാക്ഷീ​ക​ര​ണ​വും മധ്യവാര സാക്ഷീ​ക​ര​ണ​വും ഉൾപ്പെടെ, വയൽസേ​വ​ന​ത്തി​നു​ളള പ്രത്യേക ക്രമീ​ക​ര​ണങ്ങൾ നടത്തണം. വയൽസേ​വ​ന​ത്തി​നു വേണ്ടി​യു​ളള ഈ യോഗ​ങ്ങൾക്കു നിങ്ങൾ ഹാജരാ​കു​ന്നത്‌ മററു​ള​ള​വർക്ക്‌ ഒരു പ്രോ​ത്സാ​ഹ​ന​മാ​യി​രി​ക്കും. വയൽസേ​വ​ന​ക്ര​മീ​ക​ര​ണ​ങ്ങൾക്കു വേണ്ടി​യു​ളള സമയങ്ങൾ നിങ്ങളു​ടെ പട്ടിക​യു​മാ​യി യോജി​ക്കു​ന്നി​ല്ലെ​ങ്കിൽ മൂപ്പൻമാ​രോട്‌ അതേക്കു​റി​ച്ചു സംസാ​രി​ക്കുക. വയൽസേ​വ​ന​ത്തി​നു നിങ്ങൾക്കു പോകാൻ സാധി​ക്കുന്ന സമയത്തു മററു​ള​ള​വ​രാ​രെ​ങ്കി​ലും നിങ്ങളു​ടെ കൂടെ പോരാൻ ക്രമീ​ക​രണം നടത്തു​ന്നതു സാധ്യ​മാ​യി​രി​ക്കാം.

¹¹ നിങ്ങളു​ടെ സാഹച​ര്യ​ങ്ങൾ സത്യസ​ന്ധ​മാ​യും പ്രാർഥ​നാ​പൂർവ​വും വിലയി​രു​ത്തി​യ​ശേഷം ഒരു സഹായ പയനി​യ​റെന്ന നിലയിൽ 60 മണിക്കൂ​റിൽ എത്തി​ച്ചേ​രാൻ നിങ്ങൾക്കു കഴിയി​ല്ലെന്നു കണ്ടെത്തു​ന്നെ​ങ്കിൽ നിരു​ത്സാ​ഹ​പ്പെ​ട​രുത്‌. പയനി​യ​റിങ്‌ നടത്താൻ മററു​ള​ള​വരെ പ്രോ​ത്സാ​ഹി​പ്പി​ച്ചു​കൊ​ണ്ടും പ്രാ​യോ​ഗിക വിധങ്ങ​ളിൽ അവരെ പിന്താ​ങ്ങി​ക്കൊ​ണ്ടും ഈ മാസത്തി​ലെ ആത്മാവിൽ ഒരു പങ്കുണ്ടാ​യി​രി​ക്കുക. ഒരുപക്ഷേ നിങ്ങൾക്ക്‌ ഒരു നല്ല മാതൃക വെച്ചു​കൊണ്ട്‌ നിങ്ങളു​ടെ പ്രവർത്തനം അൽപ്പം വർധി​പ്പി​ക്കാൻ കഴിയും. ഏകാ​ഗ്ര​ഹൃ​ദ​യ​ത്താൽ പ്രേരി​ത​മായ സേവനം യഹോ​വയെ സന്തോ​ഷി​പ്പി​ക്കു​ന്നു. പലർക്കും തങ്ങൾ ആഗ്രഹി​ക്കുന്ന അളവോ​ളം പ്രവർത്തി​ക്കാൻ അനുവ​ദി​ക്കാത്ത ശാരീ​രി​ക​വും മററു തരത്തി​ലു​ള​ള​തു​മായ പരിമി​തി​ക​ളുണ്ട്‌. മനസ്സാ​ക്ഷി​പൂർവം യഹോ​വയെ പൂർണ​ദേ​ഹി​യോ​ടെ സേവി​ക്കു​ന്നതു നിമിത്തം തങ്ങൾ യഹോ​വക്കു സന്തോഷം കൈവ​രു​ത്തി​യി​രി​ക്കു​ന്നു എന്നറി​യു​ന്ന​തി​ന്റെ സംതൃ​പ്‌തി അപ്പോ​ഴും ഇവർക്ക്‌ അനുഭ​വി​ക്കാ​നാ​കും.

¹² ഒരു ബൈബി​ള​ധ്യ​യനം തുടങ്ങു​ന്നതു കൂടു​ത​ലായ സന്തോഷം കൈവ​രു​ത്തു​ന്നു. രാജ്യ​ത്തെ​ക്കു​റി​ച്ചു​ളള സുവാർത്ത പ്രസം​ഗി​ക്കാ​നു​ളള നിയോ​ഗം അനുസ​രി​ക്കു​ന്നതു സന്തോ​ഷ​മാ​യി​രി​ക്കെ, ശിഷ്യ​രാ​ക്കു​ന്നവർ ആയിത്തീ​രു​ന്ന​വർക്കു കൂടു​ത​ലായ സന്തോഷം ലഭിക്കു​ന്നു. (മത്താ. 24:14; 28:19, 20) ശിഷ്യ​രാ​യി​ത്തീ​രാൻ മററു​ള​ള​വരെ പഠിപ്പി​ക്കാ​നു​ളള ഇപ്പോൾ പ്രസി​ദ്ധ​മായ കൽപ്പന യേശു നൽകി​യ​പ്പോൾ അവിടുന്ന്‌ പുരു​ഷൻമാ​രും സ്‌ത്രീ​ക​ളും കുട്ടി​ക​ളും വരുന്ന അഞ്ഞൂറ്‌ പേരോ​ടു സംസാ​രി​ക്കു​ക​യാ​യി​രു​ന്നു. അതേ ഉത്തരവാ​ദി​ത്വം ഇന്ന്‌ അവിടു​ത്തെ ക്രിസ്‌തീയ ശിഷ്യൻമാ​രു​ടെ മഹാപു​രു​ഷാ​ര​ത്തി​നുണ്ട്‌.

¹³ ഇതു നമ്മുടെ പ്രസം​ഗത്തെ എങ്ങനെ ബാധി​ക്കണം? വീടു​തോ​റും പരസ്യ​മാ​യും പ്രസം​ഗി​ക്കാ​നു​ളള പ്രമു​ഖ​മായ കാരണ​ങ്ങ​ളിൽ ഒന്നിനെ വിലമ​തി​ക്കാൻ ഇതു നമ്മെ സഹായി​ക്കു​ന്നു. അടുത്തു​കൊ​ണ്ടി​രി​ക്കുന്ന ലോകാ​വ​സാ​ന​ത്തെ​ക്കു​റി​ച്ചു​ളള മുന്നറി​യി​പ്പു മുഴക്കു​ന്നതു കൂടാതെ ചെമ്മരി​യാ​ടു തുല്യ​രായ ആളുകളെ കണ്ടെത്തി, ക്രിസ്‌തു​വി​ന്റെ അനുസ​ര​ണ​മു​ളള ശിഷ്യൻമാ​രാ​യി​ത്തീ​രു​ന്ന​വർക്ക്‌ ക്രിയാ​ത്മ​ക​മായ ഒരു പ്രത്യാ​ശ​യു​ണ്ടെന്നു പഠിപ്പി​ക്കു​ന്നത്‌ നമ്മുടെ ലക്ഷ്യമാണ്‌. ദൈവ​ത്തോ​ടൊത്ത്‌ ഒരു കൂട്ടു​വേ​ല​ക്കാ​ര​നാ​യി​രി​ക്കു​ന്ന​തും ഒരു വ്യക്തി യഹോ​വ​യു​ടെ ഒരു സജീവ ദാസനാ​യി​ത്തീ​രു​ന്ന​തു​വരെ ആത്മീയ​മാ​യി പുരോ​ഗ​മി​ക്കു​ന്നതു കാണു​ന്ന​തും എന്തൊരു സന്തോ​ഷ​മാണ്‌.—1 കൊരി. 3:6-9.

¹⁴ നാമമാ​ത്ര​മായ സേവനം​കൊ​ണ്ടു തൃപ്‌ത​രാ​യി​രു​ന്നാൽ നാം അത്തരം സന്തോഷം ഒരിക്ക​ലും അനുഭ​വി​ക്കാൻ പോകു​ന്നില്ല. നാമമാ​ത്ര​മായ സേവനത്തെ യഹോവ അംഗീ​ക​രി​ക്കു​ന്നില്ല. അവിടു​ത്തേക്കു സ്‌നേ​ഹ​പൂർവം അർപ്പി​ക്ക​പ്പെട്ട ഒരു ഹൃദയ​ത്തിൽനി​ന്നു വരുന്നതല്ല അത്‌, മാത്രമല്ല അത്‌ ഒരുവന്റെ അയൽക്കാ​ര​നോ​ടു​ളള സ്‌നേ​ഹ​പു​ര​സ്സ​ര​മായ താത്‌പ​ര്യ​ത്തെ പ്രകട​മാ​ക്കു​ന്നു​മില്ല. നാമമാ​ത്ര​മായ സേവനം രണ്ടുവി​ധ​ത്തി​ലാ​ണു പ്രകട​മാ​കു​ന്നത്‌. ഒരുവൻ ശുശ്രൂ​ഷ​യിൽ സന്തോഷം കണ്ടെത്തു​ന്നില്ല, അതു​കൊണ്ട്‌ അൽപ്പമാ​ത്ര​മായ സേവന​ത്താൽ തൃപ്‌ത​നാ​കു​ന്നു, അയാൾ താത്‌പ​ര്യം നട്ടുവ​ളർത്താ​നു​ളള ആഗ്രഹം പ്രകടി​പ്പി​ക്കു​ന്നില്ല. അത്തരം മനോ​ഭാ​വം പൗലോസ്‌ 1 തിമൊ​ഥെ​യൊസ്‌ 2:3, 4-ൽ രേഖ​പ്പെ​ടു​ത്തിയ വാക്കു​കൾക്കു നേരെ വിരു​ദ്ധ​മാണ്‌: “അതു നമ്മുടെ രക്ഷിതാ​വായ ദൈവ​ത്തി​ന്റെ സന്നിധി​യിൽ നല്ലതും പ്രസാ​ദ​ക​ര​വും ആകുന്നു. അവൻ സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും ഇച്ഛിക്കു​ന്നു.”

¹⁵ രക്ഷ നേടു​ന്ന​തി​നു സത്യത്തി​ന്റെ പരിജ്ഞാ​ന​ത്തിൽ എത്താൻ മററു​ള​ള​വരെ സഹായി​ച്ചു​കൊണ്ട്‌ യഹോ​വ​യു​ടെ ഇഷ്ടത്തിനു ചേർച്ച​യിൽ പ്രവർത്തി​ക്കാൻ നാം താത്‌പ​ര്യ​മു​ള​ള​വ​രാണ്‌ എന്നു പ്രകട​മാ​ക്കു​ന്ന​തിന്‌ ഏപ്രിൽ മാസം നമുക്ക്‌ എന്തു ചെയ്യാൻ കഴിയും? ഒരു ബൈബി​ള​ധ്യ​യനം തുടങ്ങുക എന്നത്‌ ഒരു ലാക്കാ​ക്കുക! നിങ്ങൾ നേരത്തെ സത്യം പങ്കുവ​ച്ചി​ട്ടു​ളള ജോലി​സ്ഥ​ല​ത്തു​ള​ളവർ, സ്‌കൂ​ളി​ലു​ള​ളവർ, അയൽക്കാർ, ബന്ധുക്കൾ എന്നിവ​രെ​യോ അല്ലെങ്കിൽ മററു​ള​ള​വ​രെ​യോ കുറിച്ചു ചിന്തി​ക്കുക. അവരോ​ടൊത്ത്‌ ഒരു ബൈബി​ള​ധ്യ​യനം തുടങ്ങു​ക​യെന്ന ലക്ഷ്യത്തിൽ നിങ്ങൾ വാസ്‌ത​വ​ത്തിൽ പ്രവർത്തി​ച്ചി​ട്ടു​ണ്ടോ? അതോ അവരോ​ടൊ​ത്തു കേവലം രസകര​മായ സംഭാ​ഷ​ണ​ത്തിൽ ഏർപ്പെ​ടു​ന്ന​തിൽ നിങ്ങൾ തൃപ്‌ത​നാ​യി​രി​ക്കു​ന്നു​വോ? ഒരു ശിഷ്യനെ ഉളവാ​ക്കുക എന്ന കാഴ്‌ച​പ്പാ​ടോ​ടെ സത്യം പഠിപ്പി​ക്കാ​നു​ളള ഏററവും ഫലപ്ര​ദ​മായ വിധം ഒരു ബൈബി​ള​ധ്യ​യനം നടത്തു​ന്ന​താണ്‌.

¹⁶ വീടു​തോ​റു​മു​ളള ശുശ്രൂ​ഷ​യിൽ ഏർപ്പെ​ടു​മ്പോൾ ഈ ലക്ഷ്യം നമുക്ക്‌ എങ്ങനെ മനസ്സിൽ പിടി​ക്കാൻ കഴിയും? നിങ്ങൾക്കു ചെമ്മരി​യാ​ടു തുല്യ​രായ വ്യക്തി​കളെ കണ്ടെത്താൻ ആത്മാർഥ​മായ ആഗ്രഹ​മു​ണ്ടെ​ന്നും ഒരു ബൈബി​ള​ധ്യ​യനം നടത്തി​ക്കൊണ്ട്‌ ഇത്തരക്കാ​രെ സത്യത്തി​ന്റെ സൂക്ഷ്‌മ പരിജ്ഞാ​ന​ത്തി​ലേക്കു വരാൻ സഹായി​ക്കു​ന്ന​തി​നു മനസ്സൊ​രു​ക്ക​മു​ണ്ടെ​ന്നും പ്രാർഥ​ന​ക​ളിൽ യഹോ​വയെ അറിയി​ക്കുക. സാഹി​ത്യം സമർപ്പി​ച്ചാ​ലും ഇല്ലെങ്കി​ലും നിങ്ങൾ കണ്ടെത്തുന്ന എല്ലാ താത്‌പ​ര്യ​ത്തെ​യും പിന്തു​ട​രുക. നിങ്ങളു​ടെ മടക്കസ​ന്ദർശ​ന​ത്തി​നു​വേണ്ടി ഉത്തരം നൽകാത്ത ഒരു ചോദ്യം ഉന്നയി​ച്ചി​ട്ടു പോരു​ന്ന​തു​പോ​ലെ പ്രഥമ സന്ദർശ​ന​ത്തിൽ തീർച്ച​യാ​യും ഉറപ്പുളള ഒരു അടിസ്ഥാ​ന​മി​ടുക. സാധ്യ​മെ​ങ്കിൽ ദിവസ​ങ്ങൾക്കു​ള​ളിൽത്തന്നെ മടക്കസ​ന്ദർശനം നടത്തുക. മടക്കസ​ന്ദർശ​നങ്ങൾ നടത്തു​ന്ന​തി​ലും ബൈബി​ള​ധ്യ​യ​നങ്ങൾ നടത്തു​ന്ന​തി​ലും വിജയം വരിച്ചി​ട്ടു​ള​ള​വ​രിൽനിന്ന്‌ സഹായം തേടുക. യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ച്ചു​കൊ​ണ്ടേ​യി​രി​ക്കുക.—മത്താ. 7:7-11.

¹⁷ പ്രത്യേക മാസി​കാ​ദി​വ​സ​ത്തി​ന്റെ സന്തോഷം. 1994 ഏപ്രിൽ 16 ശനിയാഴ്‌ച ഇൻഡ്യ​യി​ലു​ട​നീ​ളം തെരു​വു​വേ​ല​യ്‌ക്കു പ്രത്യേക ഊന്നൽ നൽകുന്ന ഒരു പ്രത്യേക മാസി​കാ​ദി​വ​സ​മാ​യി​രി​ക്കും. നിങ്ങളു​ടെ സഭയ്‌ക്കു വേണ്ടി​യു​ളള ക്രമീ​ക​ര​ണങ്ങൾ നിങ്ങളു​ടെ മൂപ്പൻമാർ അറിയി​ക്കു​ന്ന​താ​യി​രി​ക്കും. രാവി​ലെ​യും ഉച്ചതി​രി​ഞ്ഞും വൈകു​ന്നേ​ര​വും വയൽസേ​വ​ന​ത്തി​നു വേണ്ടി​യു​ളള യോഗങ്ങൾ പട്ടിക​പ്പെ​ടു​ത്തി​യി​ട്ടു​ളള ആ ദിവസം മുഴു​വ​നും പ്രവർത്ത​ന​മു​ണ്ടാ​യി​രി​ക്കും. പ്രാ​യോ​ഗി​ക​മാ​ണെ​ങ്കിൽ ഇവയി​ലൊന്ന്‌, ഒരുപക്ഷേ രാവി​ലത്തെ കൂട്ടം, സഭയി​ലു​ളള എല്ലാവ​രും ഒരു സ്ഥലത്തു കൂടാൻ ക്ഷണിക്ക​പ്പെ​ട്ടി​ട്ടു​ളള ഒരു സംയുക്ത ശ്രമമാ​യി​രി​ക്കാൻ കഴിയും. ഈ പ്രത്യേക ദിവസം വയലിൽ കുറെ സമയം ചെലവ​ഴി​ക്കാൻ സഭയി​ലു​ളള ഓരോ​രു​ത്തർക്കും കഴിഞ്ഞാൽ എന്തൊരു സന്തോ​ഷ​മാ​യി​രി​ക്കും തത്‌ഫ​ല​മാ​യി ഉണ്ടാകുക.

¹⁸ ഈ പ്രത്യേക ദിവസം തെരു​വു​വേ​ല​യ്‌ക്കു വേണ്ടി മൂപ്പൻമാർ പ്രത്യേ​ക​മായ ക്രമീ​ക​ര​ണങ്ങൾ നടത്തും. തെരു​വു​വേ​ല​യ്‌ക്കു വേണ്ടി പരിമി​ത​മായ സ്ഥലമുളള സഭകൾക്ക്‌ പാർക്കു​കൾ, കടലോ​രങ്ങൾ എന്നിവ​പോ​ലെ ആളുകൾ കൂടി​വ​രുന്ന സ്ഥലങ്ങളി​ലോ നിങ്ങളു​ടെ പ്രദേ​ശത്ത്‌ അപൂർവ​മാ​യി മാത്രം സാക്ഷ്യം ലഭിക്കുന്ന ഭാഗങ്ങ​ളി​ലോ സാക്ഷീ​ക​രണം നടത്താൻ ആസൂ​ത്രണം ചെയ്യാ​വു​ന്ന​താണ്‌. ആളുകളെ സമീപി​ക്കു​ന്ന​തിൽ നയമു​ള​ള​വ​രാ​യി​രി​ക്കു​ക​യും ചൂടു​പി​ടിച്ച ചർച്ചക​ളിൽനിന്ന്‌ അകന്നു​നിൽക്കു​ക​യും ചെയ്യുക. റോമർ 12:18-ൽ നമ്മോട്‌ ഇങ്ങനെ പറയ​പ്പെ​ട്ടി​രി​ക്കു​ന്നു: “കഴിയു​മെ​ങ്കിൽ നിങ്ങളാൽ ആവോളം സകലമ​നു​ഷ്യ​രോ​ടും സമാധാ​ന​മാ​യി​രി​പ്പിൻ.”

¹⁹ തെരു​വു​വേ​ല​യിൽ ഏർപ്പെ​ടു​മ്പോൾ സന്തോഷം നിലനിർത്താൻ കഴിയു​മോ? ശുശ്രൂ​ഷ​യു​ടെ ഈ വശത്തോ​ടു നിങ്ങൾക്കു വിമു​ഖ​ത​യോ “ഭയ”മോ തോന്നു​ന്നു​ണ്ടെ​ങ്കിൽ നിങ്ങൾ ഒററയ്‌ക്കല്ല. പൊതു​സ്ഥ​ല​ങ്ങ​ളിൽവെച്ച്‌ ആളുകളെ സമീപിച്ച്‌ അവരോ​ടു പ്രസം​ഗി​ക്കാൻ വിശ്വാ​സ​വും യഹോ​വ​യി​ലു​ളള ആശ്രയ​വും ആവശ്യ​മാണ്‌. ഈ പടി സ്വീക​രി​ക്കു​ന്നതു സംബന്ധി​ച്ചു നിങ്ങൾക്കു മടി തോന്നി​യേ​ക്കാം, എന്നാൽ ഒരിക്കൽ നിങ്ങൾ ശ്രമം നടത്തി​ക്ക​ഴി​യു​മ്പോൾ യഹോവ തന്റെ ഇഷ്ടം നിവർത്തി​ക്കാൻ നിങ്ങൾക്കു ശക്തിയും ധൈര്യ​വും തന്നിരി​ക്കു​ന്നു എന്ന്‌ അറിയു​ന്ന​തിൽനി​ന്നും സന്തോഷം ഉത്ഭൂത​മാ​കു​ന്നു. ഫിലി​പ്പി​യർ 4:13-ൽ രേഖ​പ്പെ​ടു​ത്തി​യി​രി​ക്കുന്ന വാക്കു​ക​ളിൽനി​ന്നു നമുക്ക്‌ ആശ്വാസം നേടാൻ കഴിയും. അത്‌ ഇപ്രകാ​രം പ്രസ്‌താ​വി​ക്കു​ന്നു: “എന്നെ ശക്തനാ​ക്കു​ന്നവൻ മുഖാ​ന്തരം ഞാൻ സകലത്തി​ന്നും മതിയാ​കു​ന്നു.”

²⁰ ഏപ്രിൽ മാസത്തിൽ നിങ്ങളു​ടെ സന്തോഷം വർധി​പ്പി​ക്കുക: “എന്റെ സ്വന്തം ദാസൻമാർ ഹൃദയ​ത്തി​ന്റെ നല്ല അവസ്ഥ നിമിത്തം സന്തോ​ഷി​ച്ചു​ല്ല​സി​ക്കും” [NW] എന്ന യശയ്യാ 65:14-ലെ വാക്കു​ക​ളു​ടെ വലിയ നിവൃത്തി നിങ്ങൾ നിങ്ങളു​ടെ ജീവി​ത​ത്തിൽ കാണുന്ന ഒരു മാസമാ​ണെന്നു തെളി​യട്ടെ ഏപ്രിൽ. സ്രഷ്ടാ​വി​നെ ഇന്നു സേവി​ക്കാൻ, അവിടു​ത്തേക്ക്‌ അനന്യ​മായ ഭക്തി കൊടു​ക്കാൻ, അവിടു​ത്തെ ദൃഷ്ടി​യിൽ പ്രസാ​ദ​ക​ര​മാ​യതു പ്രവർത്തി​ക്കാൻ, അവിടു​ത്തെ അംഗീ​കാ​ര​വും ജീവന്റെ ദാനവും ലഭിക്കാൻ, ഇതൊ​ക്കെ​യും ആഗ്രഹി​ക്കുന്ന ഒരുവ​നാണ്‌ നിങ്ങ​ളെ​ങ്കിൽ ആ സന്തോഷം നിങ്ങൾക്ക്‌ അനുഭ​വി​ക്കാൻ കഴിയും. യഹോ​വ​യു​ടെ ജനത്തിന്റെ ഒരു അടയാ​ള​മാ​യി​രി​ക്കുന്ന ഹൃദയ​ത്തി​ന്റെ നല്ല അവസ്ഥ അവിടുന്ന്‌ തന്റെ ആത്മാവു മുഖാ​ന്തരം നിങ്ങളിൽ നട്ടുവ​ളർത്തട്ടെ. നിങ്ങളു​ടെ ഹൃദയം അവിടു​ത്തെ പ്രബോ​ധ​ന​ങ്ങൾക്കാ​യി തുറക്കുക. അവിടു​ത്തെ സേവന​ത്തോ​ടു​ളള ശരിയായ മാനസി​ക​ഭാ​വം അവ നിങ്ങളിൽ വികസി​പ്പി​ച്ചെ​ടു​ക്കട്ടെ. പ്രപഞ്ച​ത്തി​ന്റെ മഹാ ദൈവത്തെ സേവി​ക്കു​ന്ന​തിൽ മാത്രം കണ്ടെത്താൻ കഴിയുന്ന വ്യതി​രി​ക്ത​മായ സന്തോഷം നട്ടുവ​ളർത്താൻ അവിടു​ത്തെ വചനത്തി​ലെ സുവാർത്ത​യും ജീവി​ത​ത്തി​നു പരിവർത്തനം വരുത്തുന്ന അതിലെ സത്യങ്ങ​ളും നിങ്ങളെ ഉത്തേജി​പ്പി​ക്കട്ടെ.