യഥാർഥ സന്തുഷ്ടി​യു​ടെ ഒരു താക്കോൽ

¹ ലൂക്കൊസ്‌ 11:28-ൽ രേഖ​പ്പെ​ടു​ത്തി​യി​രി​ക്കുന്ന യേശു​ക്രി​സ്‌തു​വി​ന്റെ വാക്കുകൾ നമുക്കു സുവാർത്ത​യാണ്‌, കാരണം എങ്ങനെ സന്തുഷ്ടി കണ്ടെത്താ​മെന്ന്‌ അവൻ നമ്മോടു പറയുന്നു. അവൻ പറഞ്ഞു: “ദൈവ​ത്തി​ന്റെ വചനം കേട്ടു പ്രമാ​ണി​ക്കു​ന്നവർ അത്രേ ഭാഗ്യ​വാൻമാർ [“സന്തുഷ്ടർ,” NW].” നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും, നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ എന്നീ പുസ്‌ത​കങ്ങൾ സന്തുഷ്ടി കണ്ടെത്താൻ അനേകരെ സഹായി​ച്ചി​ട്ടുണ്ട്‌. മറ്റുള്ള​വർക്ക്‌ അവ സമർപ്പി​ക്കാൻ നമുക്കു നല്ല കാരണങ്ങൾ ഉണ്ട്‌.

² വർധിച്ചു വരുന്ന കുറ്റകൃ​ത്യ​വും അക്രമ​വും സംബന്ധിച്ച്‌ അനേക​രും ഉത്‌ക​ണ്‌ഠാ​കു​ല​രാ​യി​രി​ക്കു​ന്നതി​നാൽ ഇതു കുറച്ചു താത്‌പ​ര്യം ഉളവാ​ക്കി​യേ​ക്കാം:

◼“നമ്മുടെ ഏറ്റവും വലിയ ആവശ്യം എന്താ​ണെ​ന്നാ​ണു താങ്കൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] തികച്ചും സമാധാ​ന​ത്തോ​ടെ ജീവി​ക്കു​ന്ന​തി​നു സുരക്ഷി​ത​ത്വ​മാണ്‌ നമുക്കാ​വ​ശ്യ​മാ​യി​രി​ക്കു​ന്ന​തെന്ന്‌ അനേകർക്കും ബോധ്യം വന്നിട്ടുണ്ട്‌.” എന്നേക്കും ജീവി​ക്കാൻ പുസ്‌ത​ക​ത്തി​ന്റെ 14-ാം പേജി​ലുള്ള 16-ാം ഖണ്ഡിക​യി​ലെ ആദ്യ വാചകം വായി​ക്കുക. തുടർന്ന്‌ ഇപ്രകാ​രം പറയുക: “എന്നിരു​ന്നാ​ലും, ദുഷ്ടതയെ നശിപ്പി​ക്കു​മെ​ന്നും ഭൂമി​യു​ടെ അധികാ​രം ഏറ്റെടു​ക്കു​മെ​ന്നും ലോക​വ്യാ​പ​ക​മാ​യി സമാധാ​നം സ്ഥാപി​ക്കു​മെ​ന്നും ദൈവം വാഗ്‌ദാ​നം ചെയ്‌തി​ട്ടുണ്ട്‌. ഈ വിപത്‌ക​ര​മായ മാറ്റത്തെ അതിജീ​വി​ക്കു​ന്ന​തിന്‌ യഥാർഥ പരിജ്ഞാ​ന​മാ​ണു നമുക്കു വാസ്‌ത​വ​ത്തിൽ ആവശ്യ​മാ​യി​രി​ക്കു​ന്നത്‌. എന്നാൽ എന്തി​നെ​ക്കു​റി​ച്ചുള്ള പരിജ്ഞാ​നം?” ബൈബി​ളിൽനി​ന്നോ അല്ലെങ്കിൽ പുസ്‌ത​ക​ത്തി​ന്റെ അടുത്ത പേജി​ലുള്ള 19-ാം ഖണ്ഡിക​യിൽനി​ന്നോ യോഹ​ന്നാൻ 17:3 വായി​ക്കുക. എന്നിട്ട്‌, ദൈവ​ത്തെ​ക്കു​റി​ച്ചുള്ള പരിജ്ഞാ​നം നിത്യ​ജീ​വ​നി​ലേക്കു നയിക്കു​ന്ന​തെ​ങ്ങ​നെ​യെന്നു വിശദ​മാ​ക്കുക. പുസ്‌തകം സമർപ്പി​ക്കുക. മനുഷ്യ​വർഗ​ത്തി​ന്റെ എല്ലാ ആവശ്യ​ങ്ങ​ളും തൃപ്‌തി​പ്പെ​ടു​ത്തു​ന്ന​തി​നുള്ള ദൈ​വോ​ദ്ദേ​ശ്യ​ത്തെ സംബന്ധിച്ച മഹത്തായ വിവരങ്ങൾ ഇതു വെളി​പ്പെ​ടു​ത്തു​ന്നത്‌ എങ്ങനെ​യെന്നു കാണി​ക്കാൻ മടങ്ങി​വ​രാ​മെന്നു പറയുക.

³ ലോക​ത്തി​ലെ അരിഷ്ടത സംബന്ധിച്ച്‌ അനേകർ ഉത്‌ക​ണ്‌ഠാ​കു​ല​രാ​യ​തി​നാൽ നിങ്ങൾക്ക്‌ ഇതു പരീക്ഷി​ക്കാ​വു​ന്ന​താണ്‌:

◼“ഞാൻ ആരോ​ടൊ​ക്കെ സംസാ​രി​ക്കു​ന്നു​വോ അവരെ​ല്ലാം ഭാവിയെ സംബന്ധിച്ച്‌ ഉത്‌ക​ണ്‌ഠാ​കു​ല​രാണ്‌. ഒരു പുതിയ സമാധാ​ന​യു​ഗ​ത്തി​ന്റെ കവാട​ത്തി​ലാ​ണു നാം എന്നു ചില ലോക​നേ​താ​ക്കൾ വിചാ​രി​ക്കു​ന്നു. ഇതു സംബന്ധി​ച്ചു നിങ്ങൾ എന്തു വിചാ​രി​ക്കു​ന്നു? [പ്രതി​ക​രി​ക്കാൻ അനുവ​ദി​ക്കുക.] മനുഷ്യ​ശ്ര​മ​ങ്ങ​ളെ​ല്ലാം ഉണ്ടായി​രു​ന്നി​ട്ടും ലോക​വ്യാ​പ​ക​മാ​യി അരിഷ്ടത വർധി​ക്കു​ന്ന​തിൽ തുടരു​ന്നു. ഈ പ്രശ്‌ന​ങ്ങൾക്കുള്ള നിലനിൽക്കുന്ന ഏക പരിഹാ​രം ബൈബിൾ വെളി​പ്പെ​ടു​ത്തു​ന്നു. [2 പത്രൊസ്‌ 3:13 വായി​ക്കുക. 156 മുതൽ 162 വരെയുള്ള പേജു​ക​ളി​ലെ ചിത്ര​ങ്ങ​ളി​ലേക്കു തിരി​യുക. എന്നിട്ട്‌, ദൈവ​ത്തി​ന്റെ സ്വർഗീയ രാജ്യം ഭൂമി​യിൽ നിലനിൽക്കുന്ന സമാധാ​ന​വും സുരക്ഷി​ത​ത്വ​വും കൊണ്ടു​വ​രു​ന്ന​തെ​ങ്ങ​നെ​യെന്നു വിശദീ​ക​രി​ക്കുക.] ദൈവ​രാ​ജ്യ ഭരണത്തിൻ കീഴിൽ നിത്യ​ജീ​വൻ ആസ്വദി​ക്കാൻപോ​കുന്ന ആളുക​ളു​ടെ പുതിയ സമുദാ​യ​ത്തി​ന്റെ ഭാഗമാ​യി​രി​ക്കാൻ നിങ്ങൾക്കു കഴിയുന്ന വിധം മനസ്സി​ലാ​ക്കു​ന്ന​തിന്‌ ഈ പ്രസി​ദ്ധീ​ക​രണം നിങ്ങളെ സഹായി​ക്കും.”

⁴ തിരക്കുള്ള ആരെ​യെ​ങ്കി​ലും കണ്ടെത്തു​ക​യും ഹ്രസ്വ​മാ​യി സംസാ​രി​ക്കു​ക​യും ചെയ്യേ​ണ്ട​തു​ണ്ടെ​ങ്കിൽ നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

◼“നിങ്ങൾക്ക്‌ ഒറ്റ നിമി​ഷമേ ഉള്ളൂ​വെ​ങ്കിൽ ഈ ലഘുലേഖ [അല്ലെങ്കിൽ മാസികാ ലേഖനം, ഉചിത​മായ ലഘു​ലേ​ഖ​യോ ലേഖന​മോ തിര​ഞ്ഞെ​ടു​ക്കുക] തന്നിട്ടു​പോ​കാൻ ഞാൻ ആഗ്രഹി​ക്കു​ന്നു. [6-ാം പേജിൽനി​ന്നു വെളി​പ്പാ​ടു 21:3, 4 വായി​ക്കുക.] ഇതു വായി​ക്കാൻ ഞാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു. ഞാൻ അടുത്ത തവണ വരു​മ്പോൾ ഇതു സംബന്ധിച്ച്‌ നിങ്ങൾ എന്തു വിചാ​രി​ക്കു​ന്നു എന്നറി​യാൻ ആഗ്രഹി​ക്കു​ന്നു.”

⁵ “നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ” എന്ന പുസ്‌തകം ഉപയോ​ഗി​ക്കു​മ്പോൾ നിങ്ങൾക്ക്‌ ഇപ്രകാ​രം എന്തെങ്കി​ലും പറയാ​വു​ന്ന​താണ്‌:

◼“മുൻത​ല​മു​റക്ക്‌ അജ്ഞാത​മാ​യി​രുന്ന വെല്ലു​വി​ളി​കൾ ആധുനിക കുടും​ബങ്ങൾ അഭിമു​ഖീ​ക​രി​ക്കു​ന്നു എന്നതി​നോ​ടു നിങ്ങൾ യോജി​ക്കു​ന്നു​വോ? [പ്രതി​ക​രി​ക്കാൻ അനുവ​ദി​ക്കുക.] നിങ്ങളു​ടെ അഭി​പ്രാ​യ​ത്തിൽ, എന്തു​കൊ​ണ്ടാണ്‌ ഇങ്ങനെ സംഭവി​ക്കു​ന്നത്‌? [പ്രതി​ക​രണം അംഗീ​ക​രി​ക്കുക. 2 തിമൊ​ഥെ​യൊസ്‌ 3:1-3-ലേക്കു തിരിഞ്ഞ്‌ അതു വായി​ക്കുക.] ‘അമ്മയപ്പൻമാ​രെ അനുസ​രി​ക്കാ​ത്തവർ’ എന്നും ‘വാത്സല്യ​മി​ല്ലാ​ത്തവർ’ എന്നുമുള്ള പദപ്ര​യോ​ഗങ്ങൾ നമ്മുടെ നാളിലെ പലരെ​യും കൃത്യ​മാ​യി വർണി​ക്കു​ന്നു. എന്നാൽ ഈ പ്രശ്‌ന​ങ്ങ​ളെ​ക്കു​റി​ച്ചു മുൻകൂ​ട്ടി​പ്പറഞ്ഞ അതേ ദൈവം​തന്നെ ഒരു കുടും​ബത്തെ എങ്ങനെ യോജി​പ്പിൽ കൊണ്ടു​വ​രാ​മെ​ന്നതു സംബന്ധിച്ച്‌ ഈടുറ്റ മാർഗ​നിർദേ​ശ​ങ്ങ​ളും തന്നിട്ടുണ്ട്‌.” 2-ാം പേജിലെ ‘പ്രസാ​ധ​കരി’ൽ നിന്നുള്ള ഖണ്ഡിക വായി​ക്കുക. 15 രൂപ സംഭാ​വ​നക്കു പുസ്‌തകം സമർപ്പി​ക്കുക. (തെലുങ്ക്‌ പതിപ്പ്‌ പ്രത്യേക നിരക്കിൽ സമർപ്പി​ക്കാ​വു​ന്ന​താണ്‌.)

⁶ ഫെബ്രു​വ​രി​യിൽ ഈ പ്രസി​ദ്ധീ​ക​ര​ണ​ങ്ങ​ളിൽ ഏതെങ്കി​ലു​മൊ​ന്നോ അല്ലെങ്കിൽ രണ്ടും​കൂ​ടെ​യോ സമർപ്പി​ക്കു​ന്ന​തി​നാൽ നമുക്ക്‌, ബൈബി​ളിൽ കാണുന്ന ശരിയായ മാർഗ​നിർദേ​ശങ്ങൾ പിൻപ​റ്റു​ന്നതു യഥാർഥ സന്തുഷ്ടി​യു​ടെ ഒരു താക്കോ​ലാ​ണെന്നു മനസ്സി​ലാ​ക്കാ​നുള്ള അവസരം ആളുകൾക്കു കൊടു​ക്കാം.—സങ്കീ. 119:105.