നിങ്ങൾക്കു സഹായ​ഹ​സ്‌തം നീട്ടാ​നാ​കു​മോ?

¹ തന്റെ വിശ്വസ്‌ത ദാസർക്കു സഹായ​ഹ​സ്‌തം നീട്ടി​ക്കൊ​ടു​ക്കാ​നുള്ള മാർഗങ്ങൾ യഹോവ സദാ തേടി​ക്കൊ​ണ്ടി​രി​ക്കു​ക​യാണ്‌. (2 ദിന. 16:9; യെശ. 41:10, 13) നന്നായി പരിപാ​ലി​ക്കുന്ന ഒരു ഇടയ​നോട്‌ ഉപമി​ച്ചു​കൊണ്ട്‌ യഹോ​വ​യെ​ക്കു​റിച്ച്‌ യെശയ്യാവ്‌ ഇപ്രകാ​രം എഴുതി: “അവൻ . . . കുഞ്ഞാ​ടു​കളെ ഭുജത്തിൽ എടുത്തു മാർവ്വി​ട​ത്തിൽ ചേർത്തു വഹിക്ക​യും തള്ളകളെ പതുക്കെ നടത്തു​ക​യും ചെയ്യും.” (യെശ. 40:11) യഹോ​വ​യു​ടെ സ്‌നേ​ഹ​നിർഭ​ര​മായ താത്‌പ​ര്യ​ത്തെ നമുക്ക്‌ അനുക​രി​ക്കാൻ കഴിയുന്ന ഏതാനും ചില മാർഗങ്ങൾ നോക്കുക.

² പുതിയവരെ സഹായി​ക്കുക: നമ്മോ​ടൊ​പ്പം കെട്ടു​പണി ചെയ്യുന്ന സഹവാസം ആസ്വദി​ക്കാ​നാ​യി പുതി​യ​വരെ ക്ഷണിച്ചു​കൊണ്ട്‌ അവർക്കു സഹായ​ഹ​സ്‌തം നീട്ടി​ക്കൊ​ടു​ക്കാൻ നമുക്കു കഴിയും. (സദൃ. 13:20) സഭയു​മാ​യി സഹവസി​ക്കാൻ തുടങ്ങി​യ​പ്പോൾ മറ്റുള്ളവർ തന്നെ സഹായിച്ച വിധ​ത്തെ​ക്കു​റിച്ച്‌ ഒരു സഹോ​ദരൻ ഇപ്രകാ​രം പറഞ്ഞു: “ഒരു കുടും​ബം അവരുടെ കുടും​ബാ​ധ്യ​യ​ന​ത്തിൽ എന്നെ പലപ്പോ​ഴും ഉൾപ്പെ​ടു​ത്തു​മാ​യി​രു​ന്നു. ഞാൻ പുരോ​ഗതി പ്രാപി​ച്ച​പ്പോൾ, ഒരു യുവ പയനിയർ ദമ്പതികൾ മുഴു​ദി​ന​വും അവരോ​ടൊ​പ്പം ശുശ്രൂ​ഷ​യിൽ ഏർപ്പെ​ടാൻ എന്നെ ക്രമമാ​യി ക്ഷണിച്ചി​രു​ന്നു. ഞങ്ങൾ എല്ലായ്‌പോ​ഴും വളരെ നല്ല ആത്മീയ സംഭാ​ഷ​ണങ്ങൾ ആസ്വദി​ക്കു​മാ​യി​രു​ന്നു.” അദ്ദേഹം ഇങ്ങനെ കൂട്ടി​ച്ചേർത്തു: “ഒരു ക്രിസ്‌ത്യാ​നി ആയിത്തീ​രു​ന്ന​തി​നു​മുമ്പ്‌ ഞാൻ വെള്ളി​യാ​ഴ്‌ച​യും ശനിയാ​ഴ്‌ച​യും രാത്രി​യിൽ സഹവാ​സ​ത്തി​നാ​യി പുറത്തു​പോ​കു​മാ​യി​രു​ന്നു. എന്നാൽ സഹോ​ദ​ര​ങ്ങ​ളു​മാ​യി ഞാൻ ചെലവ​ഴിച്ച സമയം സഹവാ​സ​ത്തി​നാ​യുള്ള എന്റെ ആവശ്യം നിറ​വേ​റ്റി​യി​രി​ക്കു​ന്നു.” വിശ്വാ​സ​ത്തിൽ വേരു​റച്ച്‌ സ്ഥിരത കൈവ​രി​ക്കാൻ ഈ സഹോ​ദ​രനെ സഹായി​ച്ചത്‌ സഭയിലെ സഹോ​ദ​ര​ങ്ങ​ളു​ടെ സ്‌നേ​ഹ​നിർഭ​ര​മായ താത്‌പ​ര്യ​മാണ്‌. അദ്ദേഹം ഇപ്പോൾ ബെഥേ​ലിൽ സേവി​ക്കു​ന്നു.—കൊലൊ. 2:6, 7.

³ അന്യോന്യം കെട്ടു​പണി ചെയ്യുക: നമ്മുടെ സഹോ​ദ​രങ്ങൾ പ്രയാ​സങ്ങൾ അനുഭ​വി​ക്കുന്ന സന്ദർഭ​ങ്ങ​ളിൽ സഹായ​ഹ​സ്‌തം നീട്ടി​ക്കൊ​ടു​ക്കാ​നുള്ള അവസരം നമുക്കു ലഭി​ച്ചേ​ക്കാം. സുഖമി​ല്ലാത്ത ഒരു പ്രസാ​ധ​കനെ ടെലി​ഫോൺ സാക്ഷീ​ക​രണം നടത്തു​ന്ന​തിൽ സഹായി​ക്കാ​നുള്ള ക്രമീ​ക​രണം ചെയ്യാ​നോ അദ്ദേഹത്തെ നിങ്ങളു​ടെ ഒരു ബൈബി​ള​ധ്യ​യ​ന​ത്തി​നു കൂട്ടി​ക്കൊ​ണ്ടു​പോ​കാ​നോ ഒരുപക്ഷേ വിദ്യാർഥി​യെ ആ പ്രസാ​ധ​കന്റെ വീട്ടി​ലേക്കു കൊണ്ടു​ചെ​ല്ലാൻപോ​ലു​മോ നിങ്ങൾക്കു കഴിയു​മോ? കൊച്ചു​കു​ട്ടി​ക​ളുള്ള ഒരു മാതാ​വോ പിതാ​വോ ശുശ്രൂ​ഷ​യി​ലാ​യി​രി​ക്കെ ഒരു സഹായ​ഹ​സ്‌തം വിലമ​തി​ച്ചേ​ക്കു​മോ? മടക്കസ​ന്ദർശ​നങ്ങൾ നടത്താ​നും ശുശ്രൂ​ഷ​യു​ടെ മറ്റു രൂപങ്ങ​ളിൽ ഏർപ്പെ​ടാ​നും ഭയമുള്ള, ഇക്കാര്യ​ങ്ങ​ളിൽ നിങ്ങളു​ടെ സഹായം സ്വാഗതം ചെയ്യുന്ന, വ്യക്തി​ക​ളു​ണ്ടോ? സഹോ​ദ​ര​ങ്ങ​ളി​ലുള്ള നമ്മുടെ സ്‌നേ​ഹ​നിർഭ​ര​മായ താത്‌പ​ര്യം, കെട്ടു​പണി ചെയ്യാ​നുള്ള വഴികൾ തേടാൻ നമ്മെ പ്രേരി​പ്പി​ക്കും.—റോമ. 14:19.

⁴ തന്റെ ദാസ​രോ​ടുള്ള യഹോ​വ​യു​ടെ ആർദ്ര​മായ പരിഗ​ണ​നയെ അനുക​രി​ക്കുന്ന നാം, അന്യോ​ന്യം ശക്തി​പ്പെ​ടു​ത്തു​ക​യും സ്‌നേ​ഹ​ത്തിൽ ഏകീകൃ​ത​രാ​കാൻ സഭയെ സഹായി​ക്കു​ക​യും സർവോ​പരി നമ്മുടെ സ്വർഗീയ പിതാ​വി​നെ മഹത്ത്വീ​ക​രി​ക്കു​ക​യും ചെയ്യുന്നു.—എഫെ. 4:16.