ശുശ്രൂ​ഷ​യി​ലെ നമ്മുടെ വൈദ​ഗ്‌ധ്യം വർധി​പ്പി​ക്കുക—സാധ്യ​ത​യുള്ള സംഭാ​ഷണം മുടക്കി​ക​ളോ​ടു പ്രതി​ക​രി​ക്കാ​വുന്ന വിധം

എന്തു​കൊ​ണ്ടു പ്രധാനം: ഒരു പ്രകൃ​തി​വി​പത്ത്‌ ആസന്നമാ​യി​രി​ക്കു​ന്ന​താ​യി നിങ്ങൾ അറിഞ്ഞു​വെന്ന്‌ സങ്കൽപ്പി​ക്കുക. സുരക്ഷിത സ്ഥാനത്ത്‌ അഭയം പ്രാപി​ച്ചി​ല്ലെ​ങ്കിൽ ആളുക​ളു​ടെ മരണം ഉറപ്പാണ്‌. നിങ്ങൾ അയൽക്കാ​രന്റെ വീട്ടി​ലേക്ക്‌ മുന്നറി​യി​പ്പു​മാ​യി പോകു​ന്നു, എന്നാൽ താൻ തിരക്കി​ലാണ്‌ എന്നു പറഞ്ഞു​കൊണ്ട്‌ അദ്ദേഹം തടസ്സം ഉന്നയി​ക്കു​ന്നു. അതോടെ അദ്ദേഹത്തെ സഹായി​ക്കാ​നുള്ള ശ്രമം നിങ്ങൾ ഉടനെ ഉപേക്ഷി​ക്കു​മോ? തീർച്ച​യാ​യും ഇല്ല! ജീവര​ക്ഷാ​ക​ര​മായ സന്ദേശ​മാണ്‌ നമ്മു​ടേ​തെന്ന്‌ തിരി​ച്ച​റി​യാ​തെ നിരസി​ക്കു​ന്ന​വ​രാണ്‌ നമ്മുടെ പ്രദേ​ശ​ത്തുള്ള അനേക​രും. നമ്മൾ സന്ദർശി​ക്കുന്ന സമയത്ത്‌ ഒരുപക്ഷേ അവർ പല കാര്യ​ങ്ങ​ളിൽ വ്യാപൃ​ത​രാ​യി​രു​ന്നേ​ക്കാം, (മത്താ. 24:37-39) അല്ലെങ്കിൽ അസത്യ​പ്ര​ചാ​രണം നിമി​ത്ത​മുള്ള മുൻവി​ധി​യാ​യി​രി​ക്കാം അവർക്ക്‌. (മത്താ. 11:18, 19) മോശ​മായ ഫലം പുറ​പ്പെ​ടു​വി​ക്കുന്ന മതങ്ങളിൽനി​ന്നു വ്യത്യ​സ്‌തരല്ല നാമും എന്ന്‌ അവർ ചിന്തി​ച്ചേ​ക്കാം. (2 പത്രോ. 2:1, 2) അതു​കൊണ്ട്‌, വീട്ടു​കാ​രൻ താത്‌പ​ര്യം കാണി​ച്ചി​ല്ലെ​ങ്കി​ലും എതിർപ്പി​ല്ലെ​ങ്കിൽ ഉടനെ ശ്രമം ഉപേക്ഷി​ക്ക​രുത്‌.

ഇത്‌ എങ്ങനെ ചെയ്യാം:

• വീടു​തോ​റു​മുള്ള ശുശ്രൂ​ഷ​യ്‌ക്കു​മുമ്പ്‌, സാധ്യ​ത​യുള്ള സംഭാ​ഷണം മുടക്കി​ക​ളോ​ടു നയത്തോ​ടെ എങ്ങനെ പ്രതി​ക​രി​ക്കാം എന്നതി​നെ​ക്കു​റി​ച്ചു ചിന്തി​ക്കാൻ അൽപ്പം സമയ​മെ​ടു​ക്കുക.

• അക്ഷരീയ ഉറക്കത്തിൽനിന്ന്‌ ഉണർത്തു​ന്ന​തു​പോ​ലെ മൃദു​സ​മീ​പ​ന​മാണ്‌ ആത്മീയ ഉറക്കത്തി​ലാ​യ​വരെ ഉണർത്താൻ ഏറെ നല്ലത്‌. ഉദാഹ​ര​ണ​ത്തിന്‌, വീട്ടു​കാ​രൻ ദേഷ്യ​ത്തോ​ടെ നിങ്ങ​ളോ​ടു പ്രതി​ക​രി​ക്കു​ന്നെ​ങ്കിൽ അദ്ദേഹ​ത്തി​ന്റെ വികാ​ര​ങ്ങളെ മാനി​ച്ചു​കൊണ്ട്‌ തുറന്ന്‌ ഇടപെ​ട്ട​തിൽ നന്ദി പറഞ്ഞു ശാന്തത​യോ​ടെ തിരിച്ചു പോരുക. (സദൃ. 15:1; 17:14; 2 തിമൊ. 2:24) മറ്റ്‌ അവസര​ങ്ങ​ളിൽ വീട്ടു​കാ​രു​ടെ സാഹച​ര്യ​ങ്ങ​ളും വികാ​ര​ങ്ങ​ളും മനസ്സി​ലാ​ക്കു​ന്നത്‌ സംഭാ​ഷണം തുടരാൻ നമ്മെ സഹായി​ച്ചേ​ക്കാം. ഉദാഹ​ര​ണ​ത്തിന്‌, താൻ തിരക്കി​ലാ​ണെന്ന്‌ അദ്ദേഹം പറയു​ന്നെ​ങ്കിൽ, നിങ്ങൾക്കി​ങ്ങനെ പറയാം: “എനിക്കു മനസ്സി​ലാ​യി. ഞാൻ പോകു​ന്ന​തി​നു​മുമ്പ്‌ ഇതു താങ്കൾക്കു നൽകാൻ ആഗ്രഹി​ക്കു​ന്നു.” തനിക്കു താത്‌പ​ര്യ​മി​ല്ലെന്ന്‌ പറയുന്ന വീട്ടു​കാ​ര​നോട്‌ ഒരു ചോദ്യം ചോദി​ക്കു​ന്ന​താണ്‌ മറ്റൊരു സമീപനം. നിങ്ങൾക്ക്‌ ഇപ്രകാ​രം പറയാം, “ബൈബി​ളിൽ താത്‌പ​ര്യ​മില്ല എന്നാണോ അതോ പൊതു​വേ മതത്തി​ലാ​ണോ നിങ്ങൾക്കു താത്‌പ​ര്യ​മി​ല്ലാ​ത്തത്‌?” വൈദ​ഗ്‌ധ്യ​ത്തോ​ടെ​യും തുടർച്ച​യാ​യുള്ള ദയാപൂർവ​മായ ശ്രമത്തി​ലൂ​ടെ​യും ആത്മീയ​കാ​ര്യ​ങ്ങ​ളി​ലുള്ള വീട്ടു​കാ​രന്റെ താത്‌പ​ര്യം ഉണർത്താ​നാ​കുന്ന ചിന്തി​പ്പി​ക്കുന്ന ഒരു ചോദ്യം ചോദി​ക്കാൻ കഴി​ഞ്ഞേ​ക്കും.—കൊലോ. 4:6.

• ന്യായ​ബോ​ധ​മു​ള്ള​വ​രാ​യി​രി​ക്കുക. കേൾക്കാൻ ആളുകളെ യഹോവ നിർബ​ന്ധി​ക്കു​ന്നി​ല്ലെന്ന്‌ ഓർക്കുക. (ആവ. 30:19) ഓരോ​രു​ത്ത​നും താന്താന്റെ ആത്മീയ ഉത്തരവാ​ദി​ത്വ​മാ​കുന്ന ചുമടു ചുമ​ക്കേ​ണ്ട​താണ്‌. (ഗലാ. 6:5) വീട്ടു​കാ​രന്റെ നിലപാ​ടി​നു യാതൊ​രു അയവു​മി​ല്ലെ​ങ്കിൽ അഥവാ ബൈബി​ളിൽനി​ന്നുള്ള ഏതു സന്ദേശ​ത്തോ​ടും അസഹി​ഷ്‌ണുത കാണി​ക്കു​ന്നെ​ങ്കിൽ അവി​ടെ​നി​ന്നു പോരു​ന്ന​താണ്‌ ഉചിതം. അദ്ദേഹ​ത്തി​ന്റെ വികാ​ര​ങ്ങ​ളോട്‌ ആദരവു കാണി​ക്കു​ന്നെ​ങ്കിൽ ഭാവി​യിൽ മറ്റൊരു പ്രസാ​ധ​കന്‌ സാക്ഷ്യം നൽകു​ന്ന​തി​നുള്ള വാതിൽ തുറ​ന്നേ​ക്കാം.—1 പത്രോ. 3:15.

മാസത്തി​ലു​ട​നീ​ളം ഇതു പരീക്ഷി​ക്കുക:

• ഒരു സംഭാ​ഷണം മുടക്കി​യെ അഭിമു​ഖീ​ക​രി​ച്ച​തി​നു​ശേഷം ആ വീട്ടിൽനി​ന്നും മടങ്ങു​മ്പോൾ മെച്ചമാ​യി എങ്ങനെ പ്രതി​ക​രി​ക്കാ​മാ​യി​രു​ന്നു​വെന്ന്‌ പങ്കാളി​യു​മാ​യി ചർച്ച ചെയ്യുക.