ကင်းမျှော်စင် အွန်လိုင်း စာကြည့်တိုက်
ကင်းမျှော်စင်
အွန်လိုင်း စာကြည့်တိုက်
မြန်မာ
  • သမ္မာကျမ်းစာ
  • စာအုပ်စာစောင်များ
  • အစည်းအဝေးများ
မြန်မာ စာစောင်များ (၁၉၈၄-၂၀၂၅)
ထွက်ပါ
ဝင်ပါ
ကင်းမျှော်စင် အွန်လိုင်း စာကြည့်တိုက်
ကင်းမျှော်စင်
အွန်လိုင်း စာကြည့်တိုက်
ကြိုဆိုပါတယ်။
ဒီစာကြည့်တိုက်မှာ ယေဟောဝါသက်သေများရဲ့ စာပေတွေကို ဘာသာစကားမျိုးစုံနဲ့ ရှာဖွေလေ့လာနိုင်ပါတယ်။
စာပေတွေကို ကူးယူဖို့ jw.org ကို ဝင်ကြည့်ပါ။
ကြေညာချက်
အသစ်တင်ထားတဲ့ ဘာသာစကား–Mbum
  • ဒီနေ့

အင်္ဂါနေ့၊ ဇူလိုင် ၂၉

မင်းဟာ ငါ မြတ်နိုးတဲ့ ငါ့ရဲ့ ချစ်သားပဲ။ —လု. ၃:၂၂။

“ယေဟောဝါက မိမိရဲ့ လူတွေကို နှစ်သက်တယ်” လို့ ကျမ်းစာမှာ ဆိုတယ်။ (ဆာ. ၁၄၉:၄) မိမိရဲ့ လူတွေကို အုပ်စုလိုက်အနေနဲ့ ယေဟောဝါ နှစ်သက်မြတ်နိုးကြောင်း သိရတာ စိတ်ချမ်းသာစရာပါပဲ။ ဒါပေမဲ့ ‘တစ်ယောက်ချင်းစီအနေနဲ့ဆိုရင်ကော ငါ့ကို နှစ်သက်မြတ်နိုးရဲ့လား’ လို့ တွေးပြီး တချို့ စိတ်ဓာတ်ကျမိနိုင်တယ်။ ကျမ်းစာမှာ ပါတဲ့ သစ္စာရှိ ဘုရားကျေးကျွန်များစွာ အဲဒီလို တွေးပြီး စိတ်ဓာတ်ကျတဲ့အချိန်တွေ ရှိတယ်။ (၁ ရှ. ၁:၆-၁၀။ ယောဘ ၂၉:၂၊ ၄။ ဆာ. ၅၁:၁၁) မစုံလင်သူတွေ ယေဟောဝါရဲ့ နှစ်သက်မှု ရနိုင်တယ်လို့ ကျမ်းစာမှာ ရှင်းရှင်းလင်းလင်း ဖော်ပြတယ်။ နှစ်သက်မှု ရဖို့ ဘာလုပ်ရမလဲ။ ယေရှုခရစ်ကို ယုံကြည်သက်ဝင်ပြီး နှစ်ခြင်းခံရမယ်။ (ယော. ၃:၁၆) ဒါက အပြစ်တွေအတွက် နောင်တယူပြီးကြောင်း၊ အလိုတော် ဆောင်ဖို့ ဘုရားကို ကတိပေးပြီးကြောင်း လူအများရှေ့ ဖော်ပြတာပဲ။ (တ. ၂:၃၈။ ၃:၁၉) မိမိနဲ့ ခင်မင်ရင်းနှီးချင်ကြောင်း ဒီနည်းတွေနဲ့ ပြတဲ့အခါ ယေဟောဝါ ဝမ်းသာတယ်။ ဆက်ကပ်အပ်နှံခြင်းကတိ တည်ဖို့ အတတ်နိုင်ဆုံး ကြိုးစားနေသရွေ့ နှစ်သက်မြတ်နိုးတယ်။ မိတ်ဆွေလို့ သတ်မှတ်တယ်။—ဆာ. ၂၅:၁၄။ w24.03 ၂၆ ¶၁-၂

ကျမ်းစာကို နေ့စဉ် ဆန်းစစ်ပါ—၂၀၂၅

ဗုဒ္ဓဟူးနေ့၊ ဇူလိုင် ၃၀

ကျွန်တော်တို့ကတော့ ကြားခဲ့မြင်ခဲ့တာတွေကို မဟောဘဲ မနေနိုင်ပါဘူး။—တ. ၄:၂၀။

မဟောပြောဖို့ အာဏာပိုင်တွေ ပြောလာရင်တောင် ဆက်ဟောပြောခြင်းအားဖြင့် ပထမရာစု တပည့်တွေကို ကျွန်တော်တို့ အတုယူနိုင်တယ်။ ကျွန်တော်တို့ကို အမှုဆောင်မှာ အောင်မြင်ဖို့ ယေဟောဝါ ကူညီပေးမယ်ဆိုတာ စိတ်ချနိုင်တယ်။ ဘုရားဆီ ရဲစွမ်းသတ္တိနဲ့ ဉာဏ်ပညာ တောင်းပါ။ အခက်အခဲတွေကို ခံရပ်နိုင်ဖို့လည်း အကူအညီ တောင်းပါ။ ကျွန်တော်တို့ အများစုဟာ စိတ်ပန်း၊ လူပန်း ဖြစ်နေကြတယ်။ ချစ်ရသူ သေဆုံးသွားတာ၊ မိသားစုမှာ အခက်အခဲ ကြုံရတာ၊ နှိပ်စက်ညှဉ်းပန်းခံရတာ ဖြစ်နိုင်တယ်။ ဒီကြားထဲ ကပ်ရောဂါတွေ၊ စစ်ပွဲတွေကြောင့် တစ်ပူပေါ် နှစ်ပူဆင့်ရတယ်။ သိပ်ခင်တဲ့ မိတ်ဆွေတစ်ယောက်ကို ပြောပြသလိုမျိုး ကိုယ့်အခြေအနေ၊ ခံစားချက်ကို ယေဟောဝါဆီ ရင်ဖွင့်ပြောပြပါ။ သင့်အကျိုးအတွက် ယေဟောဝါ လုပ်ဆောင်ပေးမယ်ဆိုတာ စိတ်ချပါ။ (ဆာ. ၃၇:၃၊ ၅) ဇွဲမလျှော့တမ်း ဆုတောင်းတာက “ဒုက္ခရောက်တဲ့အခါ ခံနိုင်ရည် ရှိ” စေတယ်။ (ရော. ၁၂:၁၂) ဝတ်ပြုသူတွေ ဘာကြုံနေရတယ်ဆိုတာ ယေဟောဝါ သိတယ်။ “သူတို့ အော်ဟစ် အကူအညီ တောင်း” တာ ကြားတယ်။—ဆာ. ၁၄၅:၁၈၊ ၁၉။ w23.05 ၅-၆ ¶၁၂-၁၅

ကျမ်းစာကို နေ့စဉ် ဆန်းစစ်ပါ—၂၀၂၅

ကြာသပတေးနေ့၊ ဇူလိုင် ၃၁

ဘုရားသခင် လက်ခံတဲ့အရာကို သိနိုင်ဖို့ အမြဲ ဆန်းစစ်ကြပါ။—ဧ. ၅:၁၀။

အရေးကြီးတဲ့ ဆုံးဖြတ်ချက် ချဖို့ လိုတဲ့အခါ “ယေဟောဝါရဲ့ အလိုတော်ကို သိနားလည်အောင်” ကြိုးစားရမယ်။ အလိုတော်နဲ့အညီ ကျင့်ကြံပြုမူရမယ်။ (ဧ. ၅:၁၇) ကိုယ့်အခြေအနေနဲ့ သက်ဆိုင်တဲ့ ကျမ်းစာမူတွေ ရှာတာဟာ ဘုရားအတွေးအခေါ်ကို သိနားလည်ဖို့ ကြိုးစားတာပဲ။ ဘုရားအတွေးအခေါ်ကို အခြေခံရင် ဆုံးဖြတ်ချက်ကောင်း ချနိုင်မယ်။ “ဆိုးညစ်သူ” ရန်သူ စာတန်က ကျွန်တော်တို့ ဘုရားအမှုဆောင်ဖို့ အချိန်မရှိတော့တဲ့အထိ လောကမှာ အလုပ်များနေစေချင်တယ်။ (၁ ယော. ၅:၁၉) အမှုဆောင် အခွင့်အရေးတွေနောက် မဟုတ်ဘဲ ငွေ၊ ပညာရေး၊ အလုပ်အကိုင်နောက် လိုက်မိဖို့ သိပ်လွယ်တယ်။ လိုက်နေပြီဆိုရင် လောကအတွေးအခေါ် ဝင်နေပြီဆိုတဲ့ အဓိပ္ပာယ်ပဲ။ အဲဒီအရာတွေဟာ မမှားပေမဲ့ ဘဝမှာ နံပါတ်တစ် ဖြစ်မနေသင့်ဘူး။ w24.03 ၂၄ ¶၁၆-၁၇

ကျမ်းစာကို နေ့စဉ် ဆန်းစစ်ပါ—၂၀၂၅
ကြိုဆိုပါတယ်။
ဒီစာကြည့်တိုက်မှာ ယေဟောဝါသက်သေများရဲ့ စာပေတွေကို ဘာသာစကားမျိုးစုံနဲ့ ရှာဖွေလေ့လာနိုင်ပါတယ်။
စာပေတွေကို ကူးယူဖို့ jw.org ကို ဝင်ကြည့်ပါ။
  • မြန်မာ
  • ဝေမျှပါ
  • နှစ်သက်ရာ ရွေးချယ်ပါ
  • Copyright © 2025 Watch Tower Bible and Tract Society of Pennsylvania
  • လိုက်နာရန် စည်းကမ်းများ
  • ကိုယ်ရေးလုံခြုံမှု မူဝါဒ
  • ကိုယ်ရေးလုံခြုံမှု ဆက်တင်မျာ
  • JW.ORG
  • ဝင်ပါ
ဝေမျှပါ