Vuno mu Vuluka Evi Vilongesa Ni?

Mu na hasa ku tanda maVutala ose a muaka uno ni? Nga mukemuo, talenu nga mu hasa ku kumbulula vihula vi na hatako:

Vika ca lomboloka ‘ku lialuluisa’? (Loma 12:2)

Ka ca lombokele lika ku kala na vilinga via cili. Vunoni ca tondeka na ku lihilula etu vavene na civando, linga tu mone haka tua pande ku pangela mu ku tombuesa muono uetu ku vitume via Njambi.—w23.01, mafo 8-9.

Vati tu hasa ku muesa liano ku tuala ha viuma vi li na ku soloka hano ha mavu?

Tua lema mua kama ku tantekeya vati viuma vili na ku soloka ha mavu vie ku puisamo vupolofeto. Vutuhu ngoco, ka tua pande ku tombuesa viuma viaco kuliya na ku ivuisisa cetu muomu ku lingamo ci hasa ku koka matepeso. Tua pande ku vi tombuesa kuliya na vulumbunuiso vua lukungulukilo lua Yehova. (1 Kol. 1:10)—w23.02, lifo 16.

Haka mbatizimu ya Yesu ya lisezela na ya vakua ku mu kava?

Mu ku linga Yesu ua semukilile mu cifuti ca Isaleli cize ca kundamene laza kuli Njambi, ka tondekele naua ikeye a lihane kuli Njambi ngue mu tue ku linga yetu. Cikuavo naua, ka ca tondekele a aluluke ku vipi vieni, muomu ua puile ua ku tantuluka.—w23.03, lifo 5.

Vati tu hasa ku kuasa vakuetu ku kumbulula ku viuano?

Mu ku kumbulula mu vuihi, linga na vakuetu va hase ku kumbulula. Kaha naua ka tua pandele ku kumbulula vintsina via vingi cikuma, linga tu sezeleko vakuetu vintsina via ku kumbulula.—w23.04, lifo 23.

Vika yemanena “Njila ya ku Lela” i va tumbula ku Isaya 35:8?

Eyi tapalo ya cimueso, ha katete yemanene njila i ve ku hitile vaYundeya mu ku tunda ku Mbambilone na ku hiluka kuimbo liavo. Amba lelo lino co? Tunde ku miaka ya ku nima ku heta na mu 1919, kua kele cipanga ca ku langulula na ku tuhula viMbimbiliya na mikanda ikuavo. Eci ca puile cipanga ca ku viukisa “Njila ya ku Lela” yaya ku citungu ca mu lutsilielo, cize ci tue ku tambuilamo vivezikiso via Njambi.—w23.05, mafo 15-19.

Visimo kapitulu 9 ya hana vimamuna mu ku pangesa cimueso ca vampuevo vaka vavali?

Visimi ya handeka via “mpuevo ua ku heva” kaha cilanio ceni ce ku tuala ku “vukalo vua vatsi.” Kaha ya setekesa naua “mangana,” ku pua mpuevo. Cilanio caco ce ku tuala ku “njila ya mana” na muono. (Visi. 9:1, 6, 13, 18)—w23.06, mafo 22-24.

Vati ku likehesa na ku votsika ca Njambi via lisoluele kuli Lote?

Vutuhu Yehova ua tumine Lote a tunde mu Sondoma na ku tinina ku mincinda. Vunoni omo Lote ua mu lambelele ku tinina ku Zoale, Yehova ua tavele.—w23.07, lifo 21.

Vika mpuevo a hasa ku linga nga yalieni a tala via vuntselentsele?

Mpuevo na pande ku vuluka ngecize mulonga kati ueni. Kaha na pande ku tuala mana ku vusamba vueni na Yehova na ku hilula malungano a vampuevo va kele mu visoti kaha Yehova ua va kuasele. A hasa naua ku kuasa yalieni ku liniunga ku vusonde vuze vu hasa ku mu uisila lueka naua mu citanga ceni.—w23.08, mafo 14-17.

Nga vantu va tu pindisa ku tuala ha viuma vi tua tsiliela, vati liano li hasa ku tu kuasa ku konkama?

Tu hasa ku pangesa vihula viavo ku pua vukovelelo vua ku tantekeya vika ve ku singanieka ni ku haka seho. Ku lingamo ci ka tu kuasa ku kumbulula na liano.—w23.09, lifo 17.

Vika tu lilongesa kuli Maliya ku tuala ha ku tonda ngolo?

Mua tantekeyele ngecize a ka pua naye ya Mesiya, Maliya ua tondele ku kaniamesa ca vakuavo. Ngambiele na Elizambeta va kaniamesele Maliya na mezi a mu visoneka. Netu tue ku tambula ku kaniamesa ku vamuanetu.—w23.10, mafo 15.

Vati Yehova a hasa ku kumbulula vivundilo vietu?

Ua kulahesa ku ivua vivundilo vietu na ku tala vati via likuata na vutumbe vueni. (Yel. 29:12) Vutuhu, a hasa kumbulula vivundilo via ku lifua mu vinjila via ku liseza, vunoni a ka tu kuasa ntsimbu yose.—w23.11, mafo 21-22.

Nga Loma 5:2 ya tumbula laza “ku lavelela,” vika naua va ci tumbuila ha cinimbu 4?

Mu nima ya ku halakana muzimbu ua cili, muntu hasa ku kala na lulavelelo lua ku tambula muono ua ya-ye mu citungu a mavu. Vunoni mu ku hita mu visoti, ku kolesa na ku mona ngecize ali na kuya Njambi ku mutima, Lulavelelo lueni lue ku kaniama mua kama na ku kola.—w23.12, mafo 12-13