१५ त्यसैले उनी गइन्‌ र एलियाले भनेझैँ गरिन्‌। एलिया, ती विधवा र उनको परिवारको निम्ति धेरै दिनसम्म खानेकुरा पुग्यो।+ १६ यहोवा परमेश्‍वरले एलियामार्फत भन्‍नुभएझैँ घ्याम्पोको पीठो सिद्धिएन र भाँडोको तेल पनि रित्तिएन।

२२ यहोवा परमेश्‍वरले एलियाको बिन्ती सुन्‍नुभयो+ र त्यो बालक जिउँदो भयो।+

२४ तब ती स्त्रीले एलियालाई भनिन्‌: “अब मलाई पक्का भयो, तपाईँ साँच्चै यहोवा परमेश्‍वरका सेवक हुनुहुँदो रहेछ+ र तपाईँको मुखबाट निस्केको उहाँको वचन सत्य रहेछ।”

३६ त्यतिबेला साँझको अन्‍नभेटी चढाउने समय भएको थियो।+ भविष्यवक्‍ता एलिया वेदीनजिकै गए र यसो भने: “हे यहोवा! अब्राहाम,+ इसहाक+ र याकुबका* परमेश्‍वर! इस्राएलमा तपाईँ मात्र परमेश्‍वर हुनुहुन्छ अनि म तपाईँको सेवक हुँ र तपाईँकै आज्ञाअनुसार मैले यी सब गरेको हुँ भनी आज साबित गरिदिनुहोस्‌।+

३८ तब यहोवा परमेश्‍वरले आगो पठाउनुभयो र त्यसले अग्निभेटी, दाउरा, ढुङ्‌गा र धुलो सबै भस्म पारिदियो+ अनि खाल्टोको पानी पनि सुकाइदियो।+

४६ तर यहोवा परमेश्‍वरले आफ्नो हात एलियामाथि राख्नुभयो। तिनले आफ्नो लुगा माथि सारेर कम्मरमा कसे अनि आहाबको अघिअघि दौडेर यिज्रेलसम्मै पुगे।

८ त्यसपछि एलियाले आफ्नो लुगा* लिए+ र त्यसलाई बटारेर पानीमा हिर्काए। तब नदीको पानी दायाँ र बायाँ अलग भयो। त्यसपछि तिनीहरूले सुक्खा जमिनमा हिँडेर नदी पार गरे।+

११ तिनीहरू आपसमा कुरा गर्दै हिँडिरहेको बेला अचानक त्यहाँ अग्निमय रथ र अग्निमय घोडाहरू देखा परे+ अनि तिनीहरू दुई जनालाई अलग पारे। त्यसपछि आँधीले एलियालाई आकाशतिर उठाएर लग्यो।+

१७ साथै बुबाहरूको हृदय छोराछोरीतर्फ फर्काउन+ र अनाज्ञाकारीहरूलाई धर्मी मानिसहरूको बुद्धि दिन ऊ एलियाको जोस* र शक्‍तिका साथ+ उहाँको अघिअघि जानेछ। यसरी उसले यहोवा* परमेश्‍वरको निम्ति योग्य मानिसहरू तयार पार्नेछ।”+

१९ तब यहुदीहरूले यरुसलेमबाट पुजारी अनि लेवीहरू पठाए र युहन्‍नालाई “तिमी को हौ?” भनी सोध्न लगाए।+

२१ अनि उनीहरूले तिनलाई सोधे: “त्यसोभए तिमी को हौ त? के तिमी एलिया हौ?”+ तिनले जवाफ दिए: “होइनँ।” “के तिमी भविष्यवक्‍ता हौ त?”+ तिनले जवाफ दिए: “होइनँ!”