अग्रगामीकाम—एउटा सेवा जसले धनिक इनामहरु ल्याउँछ
१ यहोवाले हामीलाई रमाएको र हाम्रा कडा परिश्रमबापत भलो देखेको इच्छा गर्नुहुन्छ। (उप० ५:१८) हामी संलग्न हुनसक्ने सबैभन्दा महत्त्वपूर्ण कार्य हो राज्य-प्रचार अनि चेला-बनाउने प्रक्रिया। पावलले तिमोथीलाई मन्त्रणा दिए: “प्रचारकको काम गर, तिम्रो सेवकाइ पूर्णतया संम्पन्न गर।” (२ तिमो० ४:५ न्यु वर्ल्ड.) तिनले तिमोथीलाई प्रोत्साहन दिए, र पावलका शब्दहरुले आज हामी सबैलाई सेवकाइमा पूरो-प्राणका हुन भनि प्रोत्साहन दिन्छन्। कसै-कसैका लागि, पूरो-प्राणको सेवा भनेको नियमित अग्रगामी भएर सेवा गर्ने कुरो समावेश हुनसक्छ। तपाईंको परिस्थितिले तपाईंलाई पूरो-समयको सेवकाइ लिन दिन्छ कि दिंदैन भनेर प्रार्थनापूर्वक विचार गरे कसो होला?
२ सकारात्मक कार्य गर्नु आवश्यक: अग्रगामी काममा पस्नको लागि हाम्रा प्रार्थना अनुरुप निर्णायक पाइलाहरु चाल्न जरूरी छन्। मानिसहरु प्रति प्रेमलगायत, यहोवाका सेवाको निमित्त हार्दिक अभिलाषाको खेती गर्नुहोस्। पूनःभेट अनि बाइबल अध्ययनको निर्माण गर्दै, क्षेत्रमा तपाईंको गतिविधि बढाउनुहोस्। व्यवहारिक तालिका बनाउन तिर लाग्नुहोस्; यथार्थवादी हुनुहोस्। प्राचीनहरु र अग्रगामीहरुबाट सुझावहरु खोज्नुहोस्। प्रचारको काममा सहभागी हुन राम्ररी-विचार-गरिएको नित्यक्रमको पालना गर्नुहोस्। आत्म-अनुसाशन, उद्दयोग, र सङ्कल्प आवश्यक छन्। (१ कोरि० ९:२३, २५, २७) यिनीहरु नै हालसालैका महिनाहरुमा नामदर्ता गर्नेहरुले लिएका केही सकारात्मक कदमहरु मध्यका केही हुन्।
३ हामीले आफ्ना योग्यतालाई विशुद्ध गर्दै जाँदा निश्चित लक्ष्यहरु राखेर त्यो पूरोगर्न लगनशीलतापूर्वक काम गर्दा हामीलाई आफ्नो प्रचारमा उन्नतिशील हुने सामर्थ्य दिनेछ। के हामीले ढोकाहरुमा परिचयहरु दिन वा आपत्तिहरुको सामनागर्ने कायदाहरुमा उन्नति ल्याउन सक्छौं होला? के हामीले सबै उपलब्ध साहित्यको पूर्णरुपले प्रयोग गर्दैछौं? के हामीले प्रगतिशील बाइबल अध्ययनको सञ्चालन गरिरहेका छौं? पछि गएर नियमित अग्रगामी हुने विचार राखेर के अहिले देखिनै हामीले सहायक अग्रगामीकाम गर्न थाल्न सक्छौं होला? लक्ष्यहरु व्यवहारिक हुनुपर्छ र हामीले संपन्न गर्न सक्ने विधिनुसार नै बनिएको हुनुपर्छ। यस्ता लक्ष्यहरु प्राप्त गर्नाले हाम्रा असरत्वमा प्रगति हुनेछ र हामीलाई धेरै सन्तुष्टि दिनेछ।—१ तिमो० ४:१५, १६.
४ एउटा इनामदायक जीवन पद्धति: ठीक उद्देश्य र अध्यात्मिक उन्नति गर्ने अभिलाषा लिएर अग्रगामीकाम गर्नाले धेरै लाभहरु ल्याउनेछन्। हामीले यहोवामाथि बलियो भरोसा विकास गर्नेछौं। नियमित रुपमा परमेश्वरको वचनलाई सेवकाइमा प्रयोग गर्दा यसलाई चलाउनमा अझ सिपालु हुँदै जानेछौं। हाम्रा जोशिला उदाहरणले मण्डलीमाथि एउटा स्वास्थ्यकर प्रभाव हुन जान्छ, र अरु धेरैले पनि सेवकाइमा अझ बढता भाग लिने प्रोत्साहन पाउन सक्नेछन्। अग्रगामीकामले हामीलाई जीवनबारे अझ बढता अध्यात्मिक दृष्टिकोण अपनाउन मदत दिनेछ र सांसारिक महत्त्वाकाङ्क्षाहरु, अभिलाषाहरु, अनि साथीसँगीहरुबाट हामीलाई सुरक्षादिने काम गर्नेछ।
५ येशूले आफ्नो चेलाहरुलाई भन्नुभयो: “फसल ता प्रशस्त छ, तर खेतालाहरु भने थोरै छन्। यसकारण तिमीहरुले फसलका प्रभुलाई उहाँको आफ्नो फसलमा खेतालाहरु पठाइदिऊन् भनी बिन्ती गर।” (मत्ती ९:३७, ३८) येशूको दिनमा भएको भन्दा पनि आज खेतालाहरुको धेरै खाँचो छ। अग्रगामीकामले हामीलाई यो अपरिहार्य, जीवनबचाउने काममा पूर्णतया सहभागी हुन अवसर प्रदान गर्छ। हामीले आफ्नो जीवनलाई हाम्रो रवाफीलो सृष्टिकर्ताको सेवामा पूर्ण-समय चलाएबापत प्राप्तभएको सन्तोक र सन्तुष्टिको तुलना अरु कुनै पनि कुरोसँग गर्न सकिन्दैन।—हितो० १०:२२.