अरूको हृदयमा अनन्त जीवनको आशा जगाउनुहोस्
१ मानिसले बूढाबूढी हुनु नपर्ने र लामो जीवन बिताउने तरिकाहरू खोजे तापनि बुढेसकाल र मृत्यु अझै हटाउन सकेको छैन। बाइबलले मानिसहरू किन बूढो हुन्छन् र मर्छन् भनी बताउनुका साथै बूढाबूढी बनाउने प्रभावहरू कसरी निराकरण गरिनेछ अनि कसरी मृत्यु हटाइनेछ भनेर बताएकोमा हामी कति कृतज्ञ छौं। यी सच्चाइहरू पत्यारिलो ढंगमा ज्ञान जसले अनन्त जीवनतर्फ डोऱ्याउँछ पुस्तकमा प्रस्तुत गरिएका छन्। यस पुस्तकले प्रमोदवन पुनःस्थापित हुने समयबारे औंल्याउँदै जीवन र मरणको विषयमा अलमल्याउने प्रश्नहरूको सुस्पष्ट जवाफ दिन्छ।
२ गृह बाइबल अध्ययन सुरु गर्ने लक्ष्य राखेर हामी मार्च महिनामा ज्ञान पुस्तक प्रस्तुत गर्नेछौं। (मत्ती २८:१९, २०) त्यसपछि, राज्य समाचारप्रति चासो देखाउनेहरू सबैकहाँ पुनःभेट गर्न जानेछौं। यसो गरेर अरूको हृदयमा अनन्त जीवनको आशा जगाउनसक्ने छौं। (ती. १:२) यसो गर्न तपाईंलाई निम्न सुझाउहरू मदतकारी हुनसक्छन्।
३ प्रथम भेटमा यस्तो प्रश्न सोध्न सक्नुहुन्छ:
▪ “मानिसहरू किन लामो जीवन बिताउन चाहन्छन् भनेर के तपाईंले कहिल्यै विचार गर्नुभएको छ? [जवाफ दिने मौका दिनुहोस्।] बौद्ध धर्मावलम्बी, इसाई, हिन्दू, मुसलमान अनि अरू सबैले मृत्युपछि अर्को जुनीको आशा गर्छन्।” ज्ञान पुस्तकको “हामी किन बूढो हुन्छौं र मर्छौं?” भन्ने अध्याय ६ पल्टाउनुहोस् र अनुच्छेद ३ पढ्नुहोस्। उद्धरित शास्त्रपदबारे तर्क गर्नुहोस्। उक्त अनुच्छेदको पुछारका दुई प्रश्नहरू उल्लेख गर्दै ती प्रश्नहरूको जवाफ चाहनुहुन्छ कि भनी घरधनीलाई सोध्नुहोस्। तिनी जवाफ चाहन्छन् भने त्यसपछिका केही अनुच्छेदहरू छलफल गर्नुहोस्। एउटा अध्ययन त सुरु भई हाल्यो नि! नभए उसलाई पुस्तक प्रस्तुत गर्नुहोस् र ती प्रश्नहरू छलफल गर्न भोलि या पर्सिपल्ट नै पुनःभेट गर्ने योजना मिलाउनुहोस्।
४ “ज्ञान” पुस्तक प्रस्तुत गर्नुभएको व्यक्तिकहाँ पुनःभेटमा जानुहुँदा यसो भन्न सक्नुहुन्छ:
▪ “अस्ति हामीले मृत्युबारे उत्तर पाउन बाँकी रहेका दुइटा प्रश्नहरू छलफल गर्न म फेरि आएको हुँ।” घरधनीलाई ती प्रश्नहरू फेरि सम्झाउनुहोस्। तत्पश्चात्, अध्याय ६ को “एउटा दुष्ट षड्यन्त्र” उपशीर्षकअन्तर्गतको कुरा छलफल गर्नुहोस्। परिस्थिति विचार गरेर कि त अध्ययन अघि बढाउनुहोस् या अर्को चोटि कुरा गर्ने आधार बसाल्न अनुच्छेद ७ को पुछारमा भएको अन्तिम प्रश्न चलाउनुहोस्। पुनःभेट गर्ने निश्चित योजना बनाउनुहोस्। घरधनीलाई हातेपर्चा दिनुहोस् र कसरी सभाहरू सञ्चालन हुन्छ, छोटकरीमा बताउनुहोस्। तिनलाई सभाहरूमा उपस्थित हुन न्यानो निमन्त्रणा दिनुहोस्।
५ घर-घरको सेवकाईमा होस् या अनौपचारिक साक्षी दिंदा यसो भनेर कुरा थाल्न सक्नुहुन्छ:
▪ “हाम्रो र पृथ्वीको भविष्य कस्तो होला भनेर के तपाईंले कहिल्यै विचार गर्नुभएको छ? [जवाफ दिने मौका दिनुहोस्।] बाइबलले भविष्यको सार एउटै शब्दमा बताउँछ। त्यो हो—प्रमोदवन! परमेश्वरले सृष्टिको सुरुमा पृथ्वीको एक भागलाई सुन्दर प्रमोदवन बनाउनुभयो र त्यहाँ उहाँले सृष्टि गर्नुभएको मानव दम्पतीलाई राख्नुभयो भनेर बाइबलले बताउँछ। तिनीहरूले पृथ्वीभरि वृद्धि हुँदै त्यसलाई प्रमोदवन बनाउनुपर्ने थियो। त्यो प्रमोदवन कस्तो थियो होला भनेर यो वर्णनलाई ध्यान दिनुहोस् त।” ज्ञान पुस्तकको पृष्ठ ८ पल्टाउनुहोस् र “प्रमोदवनमा जीवन” उपशीर्षकअन्तर्गत अनुच्छेद ९ पढ्नुहोस्। त्यसपछि, अनुच्छेद १० का बुँदाहरू छलफल गर्नुहोस् र त्यहाँ उल्लिखित शास्त्रपद यशैया ५५:१०, ११ पढ्नुहोस्। पुनःस्थापित प्रमोदवनमा जीवन कस्तो हुनेछ भन्ने विषयमा अनुच्छेद ११-१६ छलफल गर्ने प्रस्ताव राख्नुहोस्। नभए घरधनीलाई ती अनुच्छेदहरू आफै पढ्ने प्रोत्साहन दिनुहोस् र फेरि भेटेर छलफल गर्ने प्रबन्ध मिलाउनुहोस्।
६ पहिलो भेटमा अध्ययन स्थापित भएन भने पुनःभेटमा यसो भनेर कोसिस गर्न सक्नुहुन्छ:
▪ “सारा संसार प्रमोदवनमा परिवर्तन गर्नु परमेश्वरको उद्देश्य हो भनेर हामीले अस्ति छलफल गरेका थियौं। अब प्रश्न उठ्छ, प्रमोदवन कस्तो हुन्छ होला त?” ज्ञान पुस्तक अध्याय १ पल्टाउनुहोस् र “पुनःस्थापित प्रमोदवनमा जीवन” उपशीर्षकअन्तर्गत अनुच्छेद ११-१६ अध्ययन गर्नुहोस्। तत्पश्चात्, पृष्ठ ४-५ को चित्र देखाउनुहोस् र यस्तो सुन्दर ठाउँमा तपाईं पनि बस्न चाहनुहुन्छ कि भनेर उक्त व्यक्तिलाई सोध्नुहोस्। त्यसपछि, पृष्ठ १० अनुच्छेद १७ को पहिलो वाक्य पढ्नुहोस्। परिस्थिति विचार गरेर कि त अध्ययन अघि बढाउनुहोस् या पुनःस्थापित प्रमोदवनमा बस्न के गर्नुपर्छ, त्यो बताउन फेरि अर्को चोटि आउनेछु भन्नुहोस्। उक्त व्यक्तिलाई एउटा हातेपर्चा दिनुहोस्, सभाहरूको तालिका बताउनुहोस् र राज्यभवनमा उपस्थित हुन हार्दिक अनुरोध गर्नुहोस्।
७ परमेश्वरले प्रतिज्ञा गर्नुभएको “अनन्त जीवन” अरूलाई बताउने सर्वोत्तम औजार ज्ञान पुस्तक हो। तपाईंले मानिसहरूसँग गृह बाइबल अध्ययन सञ्चालन गर्नुहुँदा तिनीहरूको हृदयमा “कहिल्यै झूट नबोल्नुहुने परमेश्वरले” प्रेरित गर्नुभएको महान् आशा जगाउन सक्नुहुनेछ।