भेडाखालका मानिसहरूलाई बलियो जग बसाल्ने मदन दिनु होस्
१ घर बनाउदा होसियारीसाथ योजना बनाउने र कडा मेहनत गर्ने आवश्यकता हुन्छ। घरको डिजाइन तय भइ सकेपछि, घर बनाउने ठाउँ तयार पारेर त्यहाँ एउटा बलियो जग हाल्नु पर्छ। योजना प्रगतिशील ढङ्गमा अघि बढदै जान्छ र अन्तमा घर सम्पूर्णतया तयार हुन्छ। यस्तैप्रकार भेडाखालका मानिसहरूलाई प्रगतिशील ढङ्गमा हामीले पनि सच्चाइ सिक्ने मदत दिनु पर्छ। प्रथम भेटमै चासो जगाउने कोशिश हामी गर्छौं। त्यसपछि, हामी पुनः भेट गर्न जान्छौं। अनि परमेश्वर र मानवजातिका लागि उहाँका उद्देश्यहरूसित सम्बन्धित मौलिक सच्चाइहरू सिकाउँदै एउटा जग बसाल्छौं।—लूका ६:४८.
२ तर जग बसाल्नअघि हामीले घर बनाउने ठाउँ तयार पार्नु पर्छ अर्थात् घरधनीका परिस्थितिहरूलाई ध्यान दिनु आवश्यक हुन्छ। अघिल्लो भेटमा कुन विषयबारे छलफल गरिएको थियो? कुन कुन शास्त्र पदहरूको प्रयोग भएको थियो? उनले के कस्तो प्रतिक्रिया देखाएका थिए? उनीसित कुन प्रकाशन छाडेर आएका थियौं? फर्केर जाँदा, खास-खास बुँदाहरू मनमा राख्नु होस् र प्रगतिशील ढङ्गमा जग बसाल्नु होस्। प्रत्येक भेटपछि घरधनीको ज्ञान र परमेश्वरमाथि उनको विश्वास बढ्दछ।
३ “सधैंभरि बच्न” पुस्तक घरधनीलाई दिइएको थियो भने तपाईं यसो भन्न सक्नुहुन्छ:
◼ “तपाईंलाई घरैमा फेला पार्न सकेकोमा म साह्रै खुशी छु। अस्तिको पटक भेट्दा, हामीले परमेश्वरमाथि हाम्रा क्षेत्रका मानिसहरूको घट्दो चासोबारे केही कुरा गेरका थियौं। तर परमेश्वरले चाहिं मानिसजातिमा चासो लिनु हुन्छ र उहाँको राज्यद्वारा धर्मी जनहरूले आशिष पाउने छन् भनेर बाइबलमा स्पष्टसित बताइएको छ। [मत्ती ६:९, १० पढ्नुहोस्] यही राज्य मार्फत, धार्मिकता र न्याय कायम हुनेछ।” यशैया ११:३-५ पढ्नु होस् र सधैंभरि बाँच्न पुस्तकको प्रथम अध्यायको प्रथम दुइटा अनुच्छेदतिर घरधनीको ध्यान आकर्षित गर्नुहोस्। यो कसरी अध्ययन गर्न सकिन्छ, सो देखाउनु होस्।
४ प्रथम भेटमा शान्तिमय नयाँ संसार पर्चा छाडनु भएको थियो भने त्यतिखेर छलफल गरिएका मुख्य मुख्य बुँदाहरू अर्थात् अझ राम्रो अवस्थाको खाँचो र बाइबलका प्रतिज्ञाहरूलाई फेरि दोहोऱ्याउन सक्नु हुन्छ। नयाँ संसारमा बाँच्नका लागि अहिले सही ज्ञान लिन आत्यावश्यक छ भन्ने कुरालाई जोर दिनुहोस्। यूहन्ना १७:३ पढ्नु होस्। हामीले यसप्रकारको ज्ञान लिएपछि परमेश्वरको इच्छा गर्नुपर्छ भनेर पनि बताइ दिनुहोस्। प्रथम यूहन्नाको २:१७ पढ्नु होस्। पर्चाको पाना ५-का विशेष बुँदाहरूमाथि घरधनीको ध्यान आकर्षित गराउनु होस्।
५ “सधैंभरि बाँच्न” पुस्तक प्रथम भेटमा छाडनु हुँदा, पारिवारिक जीवनमाथि जोर दिनु भएको थियो भने चाहिं अब यसो भन्न सक्नु हुन्छ:
◼ “म अस्तिको पटक आउँदा, हामीले पारिवारिक जीवनको विषयमा छलफल गरेका थियौं। र एउटा सुखी पारिवारिक जीवन बिताउनका लागि बाइबलमा दिएका निर्देशनहरू पालन गर्नु आवश्यक छ भन्ने निष्कर्षमा हामी पुगेका थियौं। तर तपाईंको विचारमा वैवाहिक जीवनलाई सफल पार्न के आवश्यक छ?” प्रत्युत्तरका लागि पर्खनु होस्। सधैंभरि बाँच्न पुस्तकको पाना २४३-६-मा पाइने विशेष बुँदाहरूमाथि जोर दिनुहोस्। नक्साहरूबारे घरधनीलाई टिप्पणी गर्न लाउनु होस् र तपाईंले रोज्नु भएका उचित बुँदाहरूमाथि विशेष ध्यान आकर्षित गर्नुहोस्। बाइबलका सिद्धान्तहरूको व्यावहारिकतामाथि जोर दिनुहोस्।
६ सुखी पारिवारिक जीवन पर्चा छाडनु भएको थियो भने चाहिं, पाना ४ र ५-मा उल्लिखित बाइबलका मुख्य सिद्धान्तहरू फेरि दोहोऱ्याउनु होस्। चासो जगाउन सक्नु भयो भने सधैंभरि बाँच्न पुस्तक प्रस्तुत गर्नुहोस्। “पारिवारिक जीवनलाई सफल पारौं” भन्ने अध्याय २९ देखाउनु होस् र यस विषयको छलफल घरधनी र उनको परिवारसित कसरी गर्न सकिन्छ, सो प्रदर्शित गर्नुहोस्।
७ हामी सबैले नियमित तवरमा पुनः भेट गर्नै पर्छ। चासो देखाउने सबै मानिसहरूकहाँ फर्केर जाँदै यो सेप्टेम्बर महिनामा प्रभावशाली पुनःभेटहरू गर्नुहोस्।