परिवारका सम्पूर्ण सदस्यले कसरी पूरापूर सहयोग गर्छन्—मण्डलीका सभाहरूमा
१ मसीही परिवारहरूले मण्डलीका सभाहरूमा एकसाथ भेला हुनु भन्ने आज्ञालाई पालन गर्नैपर्छ। (हिब्रू १०:२४, २५) सबैले सहयोग गरेमा, सबै जनाले सभाको लागि तयारी गर्न, त्यसमा भेला हुन र भाग लिन सक्नेछन्। पारिवारिक संरचना बेग्लाबेग्लै हुन्छ। तैपनि बच्चाहरूको उमेर र संख्याको बावजूद एक जना मसीही पति, विश्वासमा भएकी पत्नी अथवा एक्लो मुमा वा बुबाले परिवारमा आध्यात्मिक एकता ल्याउन गर्न सक्ने तरिकाहरू पनि छन्।—हितो. १:८.
२ तयारी गर्न समय निकाल्नुहोस्: परिवारमा सबै जनाले मण्डलीका सभाहरूको लागि राम्ररी तयारी गरून् भनेर परिवारका सम्पूर्ण सदस्यहरूले सहयोग गर्छन्। धेरैले साप्ताहिक प्रहरीधरहरा अध्ययनको लेख सँगै पढ्छन्। कुनै परिवारहरू सँगै बसेर मण्डली पुस्तक अध्ययनको तयारी गर्छन् वा साप्ताहिक बाइबल पढाइ पढ्छन्। यी सबै गर्नुको उद्देश्य सभामा भेला हुनुअघि नै मुख्य बुँदाहरू थाह पाउनु हो। यसरी सबैले सभामा सुनिएका कुराहरूबाट अझ धेरै फाइदा उठाउनसक्नेछन् र मौका पाउँदा भाग लिन पनि सक्नेछन्।—१ तिमो. ४:१५.
३ भाग लिने अठोट गर्नुहोस्: सभाहरूमा टिप्पणी दिएर आफ्नो आशा व्यक्त गर्ने लक्ष्य परिवारका सबै सदस्यको हुनुपर्छ। (हिब्रू १०:२३) के यसो गर्न परिवारको कुनै सदस्यलाई सहायता वा प्रोत्साहन चाहिन्छ? ईश्वरतान्त्रिक सेवकाई स्कूलमा पाएको असाइनमेन्ट तयार गर्न परिवारको हरेक सदस्यलाई कस्तो सहयोग चाहिन्छ? असाइनमेन्ट तयार गर्न सुहाउँदो उदाहरण वा उपयुक्त प्रदर्शन बनाउन आ-आफ्ना पतिहरूले मदत दिंदा पत्नीहरू त्यसको मूल्यांकन गर्छन्। आफ्ना बच्चाहरूले असाइनमेन्ट पाउने बित्तिकै आमाबाबु आफैले सबै तयारी गरिदिनुपर्छ भन्ने महसुस गर्नुहुँदैन। यसो गर्दा बच्चाहरू आफैले केही पनि गर्न अग्रसर हुनसक्दैन। तर आमाबाबुले तिनीहरूलाई तयारी गर्न मदत गर्नसक्छन् र तिनीहरूले ठूलो स्वरले अभ्यास गर्दा सुनिदिन सक्छन्।—एफि. ६:४.
४ भेला हुन प्रबन्ध मिलाउनुहोस्: बच्चाहरूलाई लुगा लगाउन र ठीक समयमा सभामा पुग्न सानै उमेरदेखि सिकाउन सकिन्छ। सभामा पुग्न ढिला नहोस् भनेर परिवारका सबै सदस्यहरूले घरको कामकुरामा सहयोग गर्नुपर्छ।—पारिवारिक आनन्द पृष्ठ ११२ र युवा जनहरूका प्रश्न पृष्ठ ३१६-१७ मा दिइएका सुझाउहरू हेर्नुहोस्।
५ आमाबाबु र बच्चाहरूले पुरातन समयका यहोशूले भनेका शब्दहरूलाई विचार गर्नसक्छन्: “म र मेरो घरानाले परमप्रभुकै सेवा गर्नेछौं।” त्यसपछि, मण्डलीका सभाहरूमा भाग लिन पूरापूर सहयोग गर्ने संकल्प गर्नुहोस्।—यहो. २४:१५.