द बाइबल —म्यानकाइन्ड्स ओल्डेस्ट मोडर्न बूक-प्रति मूल्यांकन बढाउने
माथि उल्लिखित भिडियो हेर्नुहुँदा तपाईंले सायद गौर गर्नुभएका मुख्य बुँदाहरू निम्नलिखित प्रश्नहरूले प्रस्ट पार्नेछन्: (१) बाइबल अतुलनीय छ भनेर कुन तथ्यहरूले देखाउँछ? (२) बाइबल पुरानै भए तापनि आधुनिक विज्ञानसित कसरी मेल खान्छ, उदाहरण दिनुहोस्। (३) आजको बाइबल प्राचीन लेखोटभन्दा फरक भएको छैन भनेर हामी कसरी निश्चित हुनसक्छौं? (४) प्राचीन बाइबलको हस्तलिपिको उल्लेखनीय मौलिक पक्ष के हो र यसले तपाईंलाई कुन कुरामा निश्चित गराउँछ? (५) जोन विक्लिफ, योहानस गुटेनबर्ग, विलियम टिन्डेल, मेरी जोन्स तथा चार्ल्स टेज रसलले संसारभरि परमेश्वरको वचन फैलाउन के-कस्ता योगदान पुऱ्याए? (६) चर्चले बाइबल विरुद्ध कस्तो भयंकर विरोध गऱ्यो, तैपनि हाम्रो समयसम्म बाइबललाई जोगाइराख्न कुन कुराले मदत गऱ्यो? (७) यहोवाको संगठनले कुन हदसम्म बाइबलको अनुवाद गरेर छापेको छ? (८) बाइबलको व्यावहारिक सल्लाहले जुवातास (१ तिमो. ६:९, १०), टुक्रिएको वैवाहिक जीवन र परपुरुष वा परस्त्रीगमन (१ कोरि. १३:४, ५; एफि. ५:२८-३३) तथा भौतिक धनसम्पत्तिको लोभ (मत्ती १६:२६) जस्ता समस्याहरूको सामना गर्न कसरी मदत गरेको छ? (९) शास्त्रीय सिद्धान्तहरू पालन गर्दा राष्ट्रिय, वर्गीय तथा जातीय घृणासँग सामना गर्न सकिन्छ भन्ने के प्रमाण छ? (१०) बाइबलमा भएका कुराहरू सिक्दा कुन कुन तरिकामा तपाईंले असीम आनन्द अनुभव गर्नुभएको छ? (११) तपाईंको विचारमा यो भिडियो हेरेर क-कसले लाभ उठाउन सक्नेछन् र तिनीहरूलाई तपाईंले कसरी प्रस्तुत गर्नुहुनेछ?