पत्रिकाहरूबारे के भन्ने
ब्यूँझनुहोस्! मार्च ८
“बाइबलले असल शिक्षाको महत्त्वबारे जोड दिन्छ। [हितोपदेश २:१०, ११ पढ्नुहोस्।] बच्चाहरूको लागि योग्य शिक्षक हुनु कत्तिको महत्त्वपूर्ण छ भन्ने कुरा हामीमध्ये प्रायजसोले अनुभव गरेका छौं। शिक्षकहरूको महत्त्वपूर्ण भूमिका, तिनीहरूले गरेका त्यागहरूलाई हामीले कसरी मूल्यांकन गर्नुपर्छ र तिनीहरूले सामना गर्ने अप्ठ्यारा चुनौतीहरूमा आमाबाबुले कसरी मदत गर्न सक्छन् भनी ब्यूँझनुहोस्!-ले प्रकाश पार्छ।”
प्रहरीधरहरा मार्च १५
“धार्मिक शासन भयो भने यो पृथ्वी अहिलेको भन्दा कता हो कता राम्रो हुनेछ भन्ने कुरामा के तपाईं सहमत हुनुहुन्छ? [जवाफ दिने मौका दिनुहोस्।] बाइबलले कस्तो प्रतिज्ञा गर्छ, कृपया ध्यान दिनुहोस् त। [भजन ३७:११ पढ्नुहोस्।] एक जना सिद्ध नेताको नेतृत्वमा हामी यस्तो शान्तिको आनन्द उठाउन सक्छौं र ती नेता को हुन् भन्नेबारे यी लेखहरूमा बताइएको छ।”
ब्यूँझनुहोस्! मार्च ८
“अचेल धेरैभन्दा धेरै मानिसहरूलाई आफ्नो रिस नियन्त्रणमा राख्न गाह्रो भइरहेको कुरा के तपाईंले याद गर्नुभएको छ? [जवाफ दिने मौका दिनुहोस्।] ब्यूँझनुहोस्!-को यस अंकले ‘क्रोधको जमानालाई कुन कुराले बढावा दिइरहेको छ?’ भन्ने चाखलाग्दो विषयमा छलफल गरेको छ। यसले रिसलाई कसरी वशमा राख्ने भनेर पनि बताउँछ। [हितोपदेश १५:१ पढ्नुहोस्।]”
प्रहरीधरहरा अप्रि. १
“म तपाईंलाई बाइबलबाट हृदयस्पर्शी विचार देखाउन चाहन्छु। [मत्ती २२:३७ पढ्नुहोस्।] तपाईंलाई यसको अर्थ के हो जस्तो लाग्छ? [जवाफ दिने मौका दिनुहोस्।] ‘आफ्नो मन अनि हृदयले परमेश्वरको खोजी गर्नुहोस्’ भन्ने यस लेखलाई ध्यान दिनुहोस्। साँचो विश्वास हृदयसँग मात्र सम्बन्धित छ वा यसमा मन पनि समावेश छ? यसको जवाफ एकदमै ज्ञानवर्धक छ।”