तिनीहरूलाई मदत दिने साधन
साँचो मसीहीहरू सुसमाचार फैलाउने जन सेवकाईमा भाग लिन्छन्। (फिलि. २:१७) यो उद्देश्य हासिल गर्नको लागि २० भाषामा केही आधारभूत पुस्तिका, पर्चा तथा लेखहरू इन्टरनेट वेब साइट www.watchtower.org मा राखिएका छन्। यो वेब साइट यहोवाका साक्षीहरूको नवीनतम प्रकाशनहरू वितरण गर्नको लागि तयार पारिएको होइन। यसको उद्देश्य यहोवाका साक्षीहरूले बाइबलबाट के सिकाउँछन् भनी जनसाधारणलाई सही जानकारी उपलब्ध गराउनु हो।
हालसालै हाम्रो आधिकारिक वेब साइटमा एउटा महत्त्वपूर्ण कुरा थपिएको छ। त्यो हो, २२० भन्दा बढी भाषामा परमेश्वर हामीबाट के चाहनुहुन्छ? पुस्तिका। साथै, जनवरी १ र जनवरी ८, २००४ देखि सबै भाषाका प्रहरीधरहरा तथा ब्यूँझनुहोस्!-को अन्तिम पृष्ठमा हाम्रो वेब साइटको ठेगाना छापिन थालेको छ।
तपाईं यो औजार कसरी चलाउन सक्नुहुन्छ? तपाईंले चासो देखाउने तर अर्कै भाषा मात्र बुझ्ने मानिस भेट्नुहोला। तिनीसित इन्टरनेटको सुविधा उपलब्ध छ भने तपाईंले प्रहरीधरहरा वा ब्यूँझनुहोस्!-को अन्तिम पृष्ठमा भएको वेब साइटको ठेगाना देखाउन सक्नुहुन्छ। यसरी तिनको आफ्नै भाषामा साहित्यहरू लिएर तपाईं तिनलाई फेरि भेट्न जानुअघि नै तिनले आफ्नो मातृभाषामा चाहनुहुन्छ पुस्तिका पढ्न सक्नेछन्। वा तपाईंले तिनको भाषा बोल्ने मण्डली वा समूहलाई खबर गर्न सक्नुहुन्छ।