पत्रिकाहरूबारे के भन्ने
ब्यूँझनुहोस्! जुलाई ८
“धेरै मानिसहरू एक्लो महसुस गर्छन्। यसमा अरू मानिसहरूबाट अलग्गिएको महसुस हुनु समावेश छ। यो निकै पीडादायी हुन सक्छ भन्ने कुरामा के तपाईं सहमत हुनुहुन्न र? [जवाफ दिने मौका दिनुहोस्। त्यसपछि भजन २५:१६ पढ्नुहोस्।] ब्यूँझनुहोस्!-को यस अंकले एकाकीपनसित सङ्घर्ष गर्ने व्यावहारिक सुझावहरू बताउँछ।”
प्रहरीधरहरा जुला. १५
“यो जस्तो घटना [आवरण पृष्ठमा चित्रण गरिएको जस्तो] हिजोआज समाचारमा दिइएको भए, सम्भवतः अधिकांश मानिसहरूले शङ्का गर्ने थिए। तपाईंलाई कस्तो लाग्छ? [जवाफ दिने मौका दिनुहोस्। त्यसपछि मर्कूस ४:३९ पढ्नुहोस्।] येशूले गर्नुभएका चमत्कारहरू सत्य थिए भन्ने कुराको के प्रमाण छ? प्रहरीधरहरा-को यस अंकले यही प्रश्नबारे छलफल गर्छ।”
ब्यूँझनुहोस्! जुलाई ८
वर्तमान समाजमा एकाकीपनले जुनसुकै उमेरका मानिसहरूलाई असर गर्छ। तपाईंलाई मानिसहरूले त्यसरी एक्लो महसुस गर्नुका कारणहरू के होला जस्तो लाग्छ? [जवाफ दिने मौका दिनुहोस्।] यस उग्र भावनामाथि विजयी हुन कसै-कसैले के गरेका छन्, याद गर्नुहोस्। [२ कोरिन्थी १:३, ४ पढ्नुहोस्।] यस पत्रिकामा मानिसहरूले फेरि कहिल्यै एक्लो महसुस नगर्ने समय आउनेछ भनी बताइएको छ।”
प्रहरीधरहरा अग. १
“मानिसजाति यतिबिघ्न विभाजित भएको कारण कसै-कसैलाई विश्वशान्ति प्राप्त गर्न सकिने एउटै मात्र माध्यम विश्वसरकार हो जस्तो लाग्छ। के तपाईंलाई यस्तो कुरा सम्भव छ जस्तो लाग्छ? [जवाफ दिने मौका दिनुहोस्। त्यसपछि दानियल २:४४ पढ्नुहोस्।] परमेश्वरको राज्यले अहिले के काम पूरा गरिरहेको छ र यसले कसरी चाँडै विश्वशान्ति ल्याउनेछ भन्ने कुरा यस पत्रिकाले बताउँछ।”