पत्रिकाहरूबारे के भन्ने
प्रहरीधरहरा मे १५
“के तपाईंलाई हामी गरिबीमुक्त संसार कहिल्यै हेर्न पाउँनेछौं जस्तो लाग्छ? [जवाफ दिने मौका दिनुहोस्।] परमेश्वरले प्रतिज्ञा गर्नुभएको कुरा हेर्नुहोस् त। [यशैया ६५:२१ पढ्नुहोस्।] प्रहरीधरहरा-को यस अंकमा यो प्रतिज्ञा कसरी वास्तविकतामा परिणत हुनेछ भन्ने कुरा छलफल गरिएको छ।” प्रतिज्ञा गरिएको यो परिवर्तन कहिले पूरा हुनेछ? भन्ने प्रश्न छलफल गर्नको लागि पुनःभेट गर्नुहोस्।
ब्यूँझनुहोस्! मे ८
“सामाजिक संरचनामा आएको परिवर्तनसँगै बच्चाहरूले बढ्दो दबाब महसुस गरिरहेका छन्। यस्तो दबाबको सामना गर्न आमाबाबुले छोराछोरीलाई कसरी मदत गर्न सक्छन्? [जवाफ दिने मौका दिनुहोस्, त्यसपछि व्यवस्था ६:६, ७ पढ्नुहोस्।] यी लेखहरूमा यस्ता केही सिद्धान्तहरूबारे छलफल गरिएको छ जसले आफ्ना छोराछोरीलाई आवश्यक डोऱ्याइ प्रदान गर्न आमाबाबुलाई मदत गर्न सक्छ।”
प्रहरीधरहरा जून १
“प्रायजसो सबै मानिसहरू शान्तिबारे कुरा त गर्छन् तरैपनि मानिसजातिका लागि भने विश्व-एकता प्राप्त गर्न असम्भव जत्तिकै भएको छ। के तपाईंलाई विश्व-एकता प्राप्त गर्नु सपना मात्र हो जस्तो लाग्छ? [जवाफ दिने मौका दिनुहोस्।] यस पत्रिकाले विश्वलाई एकताबद्ध बनाउन सक्षम सरकारतर्फ ध्यानाकर्षित गर्छ।” भजन ७२:७, ८ पढ्नुहोस् र यो कसरी पूरा हुनेछ छलफलको लागि पुनःभेट गर्ने प्रबन्ध मिलाउनुहोस्।
ब्यूँझनुहोस्! जून ८
“आफ्ना छोराछोरीलाई के हेर्न दिने भन्ने सन्दर्भमा अधिकांश आमाबाबुहरूले निकै राम्ररी छनौट गर्छन्। आफ्नो परिवारको लागि उपयुक्त चलचित्र भेट्टाउन कतै तपाईंलाई गाह्रो भएको छ कि? [जवाफ दिने मौका दिनुहोस्। त्यसपछि एफिसी ४:१७ पढ्नुहोस्।] आमाबाबुले आफ्ना छोराछोरीलाई स्वास्थ्यकर मनोरञ्जन छान्न कसरी मदत गर्न सक्छन् भन्ने विषय यस पत्रिकामा छलफल गरिएको छ।”